Уджвывса герой

Босьтӧма Рувикиысь

Уджвывса герой (рочӧн Герой труда) — почёт ним, вӧлі вынсьӧдӧма СССР ЦИК-лӧн 1927 во сора тӧлысь 27-ӧд лунся Шуӧмӧн. Сійӧс сетлісны СССР-ын 1928-1938 воясӧ йӧзлы, кодъяслӧн вӧліны производствоын, наука уджын, канму службаын либӧ общественнӧй юкӧнын торъя заслугаяс. 1938 вося ӧшым тӧлысь 27-ӧд лунӧ Социалистическӧй Уджвывса Герой ним лӧсьӧдӧм бӧрын «Уджвывса Герой» ним сэсся эз сетлыны.

Ним лӧсьӧдтӧдз Уджвывса геройяс

[вежны | Вежны кодировкаын]
«РСФСР-са уджвывса герой» удж армиялӧн отличие пас Гӧрд звезда, гӧр, мӧлӧт да накӧвальня серпасӧн и «1922» кадпасӧн

«Уджвывса герой» терминӧн кутісны ёна вӧдитчыны 1921 восянь — сэки тайӧ кывтэчаса грамотаяссӧ кутісны сетавны ыджыд уджалан стажа водзмӧстчысь уджалысьяслы. Грамотаяссӧ сетлісны профсоюзъяслӧн губернскӧй Сӧветъяс уджалысьяслӧн собраниеяс корӧм серти. Медводдзаясӧн татшӧм грамотаяссӧ сетісны Москваса да Петроградса некымын сё уджалысьлы.

Грамотакӧд ӧттшӧтш сетлісны дона козинъяс (найӧ вермисны лоны сійӧ кадӧ дефицитнӧй тӧваръясӧн, шуам, сапӧг гоз либӧ костюм вылӧ ной). Сідз, 1922 вося мартын Уфа карса электростанция кадысь водз уджӧ пыртӧмысь 8 уджалысьлы вӧлі сетӧма Уджвывса Геройлысь ним. Профсоюзъяслӧн Уфаса губернскӧй сӧветлӧн постановление серти быд почёт ним босьтысьлы вӧлі сетӧма пудӧн-джынйӧн пызь, новлан бельё комплект да ӧти гоз ботинки[1].

Кӧть морӧсвывса пасъяс официальнӧя эз вӧвны, ӧткымын наркоматын и предприятие вылын найӧс вӧчисны.

Профессиональнӧй союзъяслӧн Ярославльса губернскӧй сӧветӧн сетӧм ошкана грамоталӧн текст (1921 во):

Россияса Социалистическӧй Федеративнӧй Сӧветскӧй Республика нимсянь Профессиональнӧй Союзъяслӧн Ярославльса Губернскӧй Сӧвет награждайтӧ тайӧ Уджвывса Гӧрд Герой грамотаӧн
_______________ ёртӧс
_______________Профессиональнӧй Союзӧ пырысьӧс
Став Мирса уджалысьяслы бур вылӧ бура уджалӧмысь.

Пасйӧ удж фронт вылын скромнӧй героизм, ӧнія кадӧ - кыдзи уджалысьяслы пример рабоче-крестьянскӧй Краснӧй Республикалысь экономическӧй вын содтӧмын.

Уджвывса Гӧрд Геройлы ошкана грамота, Ярославль

«Уджвывса герой» ним

[вежны | Вежны кодировкаын]

«Уджвывса герой» почёт ним вӧлі вынсьӧдӧма СССР-са ЦИК-лӧн да СССР-са СНК-лӧн 1927 во сора тӧлысь 27-ӧд лунся шуӧмӧн[2]. Нимсӧ сетлісны СССР-ын «производствоын, наука уджын, канму службаын либӧ общественнӧй юкӧнын торъя заслугаяса йӧзлы, кодъяс уджалісны рабочӧйясӧн либӧ служащӧйясӧн 35 воысь эз этшаджык» (мукӧддырйи - и ичӧтджык уджалан стажӧн), шуӧмыс паськавліс и РККА-са военнослужащӧйяс вылӧ[3].

«Уджвывса герой» ним сетлісны СССР-са ЦИК Президиумъяслӧн либӧ союзнӧй республикаясса ЦИК-яслӧн Шуӧм серти ВЦСПС-лӧмн да союзнӧй республикаясса профсоюзъяслӧн сӧветъяслӧн корӧм серти (а РККА-са военнослужащӧйяс серти - Наркомвоенмор корӧ серти). «Уджвывса герой» ним босьтысьяслы социальнӧя страхуйтан органъяс сетісны торъя пенсияяс, налӧн кувсьӧм дырйи пенсияяс сетсіны налӧн семьялы; таысь кындзи Уджвывса геройяслы сетӧны чӧжӧсысь да ӧтувъя видз-му овмӧс вот кузя торъя кокньӧдъяс, оланін да мукӧд кокньӧд[4]. Уджвывса геройяслы сетісны ЦИК-лысь грамота [3].

СССР-са ЦИК-лӧн 1928 во тӧвшӧр тӧлысь 2-ӧд лунся медводдза шуӧм серти тайӧ нимсӧ сетісны:[5]
  • Н. А. Бушуевлы — «Парижская коммуна» владимирса текстиль фабрика вылын уджалысьлы — котельнӧйын взрывысь видзчысьӧмысь и 50 вося уджысь;
  • В. М. Фёдоровлы — Борисоглебса вагоноремонтнӧй заводса модельщиклы — уна рационализаторскӧй вӧзйӧмысь и 40 вося уджысь;
  • П. X. Староватовлы (1873—1957) — Вилюйскса велӧдысьлы — педагогика уджын заслугаясысь;
  • М. Х. Курбангалеевлы (1873—1941) — Татарскӧй АССР-са велӧдысьлы — тотара кыв вылын 50 учебник дасьтӧмысь.

СССР-са Верховнӧй Сӧвет Президиумлӧн 1938 во ӧшым тӧлысь 27-ӧд лунся «Медвылыс тшупӧда отличие - «Социалистическӧй Уджвывса Герой» ним лӧсьӧдӧм йылысь» Индӧдкӧд йитӧдын «Уджвывса герой» ним сетӧмсӧ вӧлі дугӧдӧма[6][7], кӧть официальнӧя вӧлі бырӧдӧма сӧмын СССР-са Верховнӧй Сӧвет Президиумлӧн 1988 во сора тӧлысь 21-ӧд лунся Индӧд подув вылын, мыйӧн «Уджвывса Геройяс йылысь» СССР-са ЦИК-лӧн да СНК-лӧн 1927 вося Шуӧм вӧлі шуӧма вынтӧмӧн[8].

Ставнас 1928—1938 воясӧ РСФСР-ын вӧлі сетӧма 1014 мортлы тайӧ нимсӧ[5].

  • инженер-изобретатель Шухов Владимир Григорьевичлы 1932 воын сетӧм Уджвывса геройлӧн грамота

    инженер-изобретатель Шухов Владимир Григорьевичлы 1932 воын сетӧм Уджвывса геройлӧн грамота

  • чугун кисьтан цехса мастер Гаев Еремей Ивановичлы 1933 воын сетӧм Уджвывса геройлӧн грамота

    чугун кисьтан цехса мастер Гаев Еремей Ивановичлы 1933 воын сетӧм Уджвывса геройлӧн грамота

  • ЦАГИ-са слесар Борисевич Алексей Ивановичлы 1934 воын сетӧм Уджвывса геройлӧн грамота

    ЦАГИ-са слесар Борисевич Алексей Ивановичлы 1934 воын сетӧм Уджвывса геройлӧн грамота

Пасйӧдъяс

[вежны | Вежны кодировкаын]
  1. ↑ Основные этапы развития Башкирской энергетики. 1917—1945 гг. // Башкирэнерго
  2. ↑ Постановление ЦИК СССР и СНК СССР от 27 июля 1927 года «О героях труда» Архивса копия 12 ода-кора тӧлысь 2014 Wayback Machine ресурсын
  3. ↑ 1 2 Большая советская энциклопедия / гл. ред. О. Ю. Шмидт. — Москва : Советская энциклопедия, Т. 16: Германия — Гимн. — 1929. — С.451-452 — 432 с
  4. ↑ Постановление ЦИК СССР и СНК СССР от 27 декабря 1927 года «О Героях Труда» в «Собрании законов СССР» и изданные в развитие его постановления ЦИК и СНК Союзных республик, а также инструкцию ВЦСПС «О порядке возбуждения просьб о присвоении звания героя труда» в газете «Труд», 1927 № 224 и 1928 № 135
  5. ↑ 1 2 В. Н. Балязин, А. Н. Казакевич, А. А. Кузнецов, Н. А. Соболева. Символы, святыни и награды Российской державы. Глава XII. Наградная система СССР. — М.: «Олма-Пресс», 2004. — ISBN 5-224-04223-2
  6. ↑ Большая Советская Энциклопедия / гл. ред. С. И. Вавилов. — 2-е изд. - Москва : Большая Советская энциклопедия, Т. 11: Германик — Голубь. — 1952. — С.143 — 642 с
  7. ↑ Большая советская энциклопедия: в 30 т. / Глав. ред. А. М. Прохоров. — 3-е изд. — Москва : Сов. энциклопедия, Т. 6: Газлифт-Гоголево. — 1971. — С.423 — 624 с
  8. ↑ Указ Президиума ВС СССР от 21.07.1988 № 9273-XI «О признании утратившими силу некоторых законодательных актов СССР». Технорма.RU. Шыӧдчан кадпас: 9 ода-кора тӧлысь 2014. Архивируйтӧма 4 кӧч тӧлысь 2018.

Литература

[вежны | Вежны кодировкаын]
  • Герои труда // Большая советская энциклопедия : [в 66 т.] / гл. ред. О. Ю. Шмидт. — 1-е изд. — М. : Советская энциклопедия, 1926—1947.
  • Герои труда // Большая советская энциклопедия : [в 51 т.] / гл. ред. С. И. Вавилов. — 2-е изд. — М. : Советская энциклопедия, 1949—1958.
  • Герой Труда // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
  • Герои труда Татарии (1920—1938 гг.): Документальные очерки / Под ред. У. Б. Белялова, А. М. Залялова. Сост. У. Б. Белялов, Л. В. Горохова, А. М. Залялов. — Казань: «Таткнигоиздат», 1974.
  • Постановление ЦИК и СНК СССР от 27 июля 1927 года «О героях труда»

Ыстӧгъяс

[вежны | Вежны кодировкаын]
Босьтӧма "https://kv.ruwiki.ru/w/index.php?title=Уджвывса_герой&oldid=232812"-ысь