Урбанизм ставмирса лун
| Урбанизм ставмирса лун | |
|---|---|
 | |
| Вежӧртас | войтыркостса лун, кутшӧмӧс сиӧма каръяс планируйтан да зумыда сӧвмӧдан юалӧмъяслы |
| Вынсьӧдӧма | 1949 воын |
| Лӧсьӧдысь | Буэнос-Айресса университетысь профессор Карлос Мария |
| Пасйӧны | войтыркостса гаж |
| Йитчӧма | каръяс планируйтан уджсӧ йӧз пӧвстын паськӧдӧмкӧд сы могысь , медым лӧсьӧдны карын олысьяслы олӧм вылӧ бур условиеяс |
Урбанизм ставмирса лун, сідзжӧ тӧдса кыдзи Кар стрӧитӧмлы сиӧм ставирса лун (рочӧн Всемирный день урбанизма , англичан World Urbanism Day) — войтыркостса лун, кутшӧмӧс сиӧма каръяс планируйтан да зумыда сӧвмӧдан юалӧмъяслы. Пасйӧны быд во вӧльгым тӧлысь 8-ӧд лунӧ нёль континентвывса 30-ысь унджык странаын.
История
Гажсӧ панӧма Аргентинаысь архитектор да урбанист Карлос Мария делла Паолера — Буэнос-Айресса университетысь профессор да Парижса урбанистика институт помалысь. 1949 воын сійӧ вӧзйис лӧсьӧдны войтыркостса лун, коді эськӧ отсаліс сӧвмӧдны каръяс планируйтӧм дорӧ йӧзкотырын да уджсикас боксянь интерес.
Тайӧ мӧвпсӧ ошкисны кар стрӧитӧм серти специалистъяс да вочасӧн сійӧ паськаліс мир пасьтала. Кад кольӧм бӧрын «Урбанизм ставмирса лун» лоис площадкаӧн, кӧні сёрнитӧны каръяс сӧвмӧдӧмкӧд, зумыд карса гӧгӧртас лӧсьӧдӧмкӧд да мутасъясӧн колана ногӧн вӧдитчӧмкӧд йитчӧм мытшӧдъяс йылысь[1].
Могъяс да тӧдчанлун
Урбанизм ставмирса лунлӧн медшӧр мог — паськыда тӧдмӧдны карын олысьяслы бур олан гӧгӧртас лӧсьӧдӧмын каръяс планируйтан уджлысь тӧдчанлунсӧ. Тайӧ лунӧ нуӧдӧны урбанистика юалӧмъяслы сиӧм конференцияяс, лекцияяс, выставкаяс, йӧзкостса дискуссияяс да велӧдан мероприятиеяс.
Гажлӧн медшӧр могъяс лыдын:
- каръяс сӧвмӧдан мытшӧдъяс дорӧ йӧзкотырлысь интерессӧ кыпӧдӧм;
- кар стрӧитӧмсӧ планируйтан зумыд модельяс видлалӧм;
- политикъяслысь да гражданалысь вниманиесӧ кыскӧм сы вылӧ, кыдзи тӧдчӧ урбанизация экология боксянь гӧгӧртас вылӧ;
- кар стрӧитан юкӧнын войтыркостса ёртасьӧмсӧ сӧвмӧдӧм[2].
- Ӧнія кадӧ гажсӧ нуӧдӧм
Урбанизм ставмирса лунлы сиӧм мероприятиеяссӧ мукӧд странаын нуӧдӧны университетъяс, уджсикас котыръяс да муниципальнӧй органъяс. Торйӧн кӧ, АӦш-ын тематическӧй мероприятиеяссӧ котыртӧ American Institute of Certified Planners (AICP) — кар планируйтан специалистъяслӧн уджикас организация.
Тайӧ луныс — кыдзи позянлун видлавны каръяслысь сӧвмӧмсӧ глобальнӧя да кыскыны йӧзлысь да власьт органъяслысь вниманиесӧ урбанизациялӧн гӧгӧртас вылӧ тӧдчӧмкӧд йитчӧм юалӧмъяс вылӧ[1].
Пасйӧдъяс
- ↑ 1 2 Какие праздники отмечают 8 ноября 2025: что можно и нельзя делать (рус.). Ura.ru. Шыӧдчан кадпас: 23 рака тӧлысь 2026.
- ↑ Всемирный день урбанизма: как Академия растит городских управленцев. ski.ranepa.ru. Шыӧдчан кадпас: 23 рака тӧлысь 2026.