Финансистлӧн лун

Файл:Henri Gerbault - Les financiers exprimant leur joie.jpg

Банкиръяс радлӧны — Генри Гербо (француз Gerbault, Henry).

Финансистлӧн лун — Россияын официальнӧй уджсикас гаж, пасйӧны 2011 восянь быд во кӧч тӧлысь 8-ӧд лунӧ ^[1]^[2].

Гаждырся мероприятиеяссӧ пыр котыртысьясӧн лоӧны «САПФИР» финансӧвӧй рынокса профессионалъяслӧн котыр» ассоциация да «Финансистъяслӧн гильдия» ӧтйӧза организацияяс, кодъяс уджалӧны Россияса сьӧм овмӧс министерство да Россияса банк отсӧгӧн. 2012-ӧд восянь гажлӧн оргкомитетӧн веськӧдлӧ Россия Федерацияса сьӧм овмӧсса министр Антон Силуанов^[3].

Водзджык тайӧ гажсӧ пасйисны абу официальнӧя, пасйисны, мый 1802-ӧд вося кӧч тӧлысь 8-ӧд лунӧ Александр I императорлӧн манифест серти вӧлі лӧсьӧдӧма Россия империяын сьӧм министерство^[2].

Пасйӧм

Гажлӧн официал уджтасӧ пырӧны делӧвӧй да культурнӧй мероприятиеяс, на пӧвстын позьӧ тӧдчӧдны:
• «Репутация» ставрочмувывса финансистъяслӧн премия - кредит сетан, сьӧмӧн могмӧдан да страхуйтан юкӧнын медся тӧдчана наградаяс пиысь ӧти, мый сетӧны финансистъяслы Россияса сьӧм система сӧвмӧдӧмӧ пай пуктӧмысь 2010-ӧд восянь. Колян воясӧ премияа лауреатъясӧн лоисны Россияса сьӧм системаын уна дас тӧдчана морт, на лыдын: Сергей Юрьевич Глазьев, Герман Оскарович Греф, Алла Георгиевна Грязнова, Евгений Григорьевич Ясин да унаӧн мукӧд.
• «Велӧдчанінъясын финансӧвӧй тӧдӧмлунъяслӧн лунъяс» ставрочмувывса уджтас ^[4] — 2011-ӧд восянь нуӧдӧны. Уджтас серти финансӧвӧй системаса профессиональнӧй уджалысьяс нуӧдӧны финансӧвӧй тӧдӧмлун йылысь восьса урокъяс Россия пасьтала школаясын велӧдчысьяслы да вузъясын велӧдчысьяслы. Уджтас котыртысьяслӧн юӧр серти, 2015-ӧд вося сора тӧлысь кежлӧ уджтасыс шымыртӧма Россия Федерацияса 83 регионын миллион джын сайӧ велӧдчысьӧс^[5]
• «Финансистка года» интеллектуальнӧй культурно-делӧвӧй конкурс - быдвося конкурс, мый нуӧдӧны 2011-ӧд восянь Россияса сьӧм системаын уджалысь мича нывбабаяслы. 2015-ӧд восянь конкурслысь бӧръян тшупӧдъяссӧ нуӧдӧны Россияса федеральнӧй кытшъясын.

Торъя власьт органъяслӧн финансово-экономическӧй юкӧнъясын уджалысьяслӧн лунъяс

Эмӧсь и торъя власьт органъяслӧн финансово-экономическӧй юкӧнъясын уджалысьяслӧн лунъяс.
Сідз, Россияса МВД-лӧн 2000 во косму тӧлысь 22-ӧд лунся приказӧн вӧлі урчитӧма «Россияса МВД-лӧн пытшкӧсса делӧяс органъясса да пытшкӧсса войскаса финансӧвӧй да контрольно-ревизионнӧй службаяслысь лун», мый пасйӧны сора тӧлысь 6-ӧд лунӧ. Гажлысь кадпассӧ индӧма тайӧ лунӧ сы вӧсна, мый 1918-ӧд вося сора тӧлысь 6-ӧд лунӧ пытшкӧсса делӧяс кузя нарком Петровскийлӧн Сӧветъяслӧн V съезд вылын докладын медводдзаысь вӧлі индӧма СССР-са НКВД-лӧн финансӧвӧй юкӧнлӧн тэчас да функцияяс йылысь^[6]. МВД-лӧн 2008 во сора тӧлысь 1 лунся 565 №-а тшӧктӧдӧн гажлысь нимсӧ вежӧма «Россияса МВД-лӧн финансӧвӧй служба лун» вылӧ^[7].

Тайӧ жӧ лунсӧ (сора тӧлысь 6-ӧд лун) 2017-ӧд вося вӧльгым тӧлысь 8-ӧд лунся РФ-са национальнӧй гвардия войскалӧн федеральнӧй службаса директорлӧн тшӧктӧдӧн урчитӧма кыдзи «Финансово-экономическӧй службаса юкӧдувъяс котыртан лун»^[8].

2015-ӧд вося моз тӧлысь 24-ӧд лунӧ РФ-са Президентлӧн индӧдӧн вӧлі урчитӧма РФ-са Вооружённӧй Вынъясын «Финансово-экономическӧй служба лун», мый пасйӧны йирым тӧлысь 22-ӧд лунӧ. Гаж лунсӧ индӧма тайӧ лунӧ сы вӧсна, мый 1918-ӧд вося йирым тӧлысь 22-ӧд лунся Реввоенсӧветлӧн приказӧн вӧлі йӧзӧдӧма Реввоенсӧвет бердын финансӧвӧй юкӧн йылысь положение^[9].

Пасйӧдъяс

↑ Дмитрий Медведев. Указом №1101 Президента России установлен День финансиста (рус.) (19 моз тӧлысь 2011). Шыӧдчан кадпас: 8 кӧч тӧлысь 2012. Архивируйтӧма 30 йирым тӧлысь 2012.
↑ ¹ ² Медведев подарил финансистам праздник (неопр.). Lenta.ruang=ru (9 моз тӧлысь 2011). Шыӧдчан кадпас: 8 кӧч тӧлысь 2012.
↑ День финансиста в России будут отмечать несколько дней (рус.). Lenta.ru (6 кӧч тӧлысь 2012). Шыӧдчан кадпас: 8 кӧч тӧлысь 2012.
↑ Финансистлысь лунсӧ ӧти лунӧ ЮНЕСКО-ӧн вынсьӧдӧм Грамоталы сиӧм войтыркостса лункӧд‎‎.
↑ Каждый финансист обязан, каждое учебное заведение может! (неопр.) finday.ru. Шыӧдчан кадпас: 31 рака тӧлысь 2016.
↑ Приказ МВД России от 22 апреля 2000 года № 421
↑ Об объявлении Дня финансовой службы МВД России от 01 июля 2008 - docs.cntd.ru (неопр.). docs.cntd.ru.
↑ Loading... (неопр.) documentbase.net.
↑ Указ Президента РФ от 24 августа 2015 № 437

[kremlin.ru.12361-1] Дмитрий Медведев. Указом №1101 Президента России установлен День финансиста (рус.) (19 моз тӧлысь 2011). Шыӧдчан кадпас: 8 кӧч тӧлысь 2012. Архивируйтӧма 30 йирым тӧлысь 2012.

[lenta.ru.20110819.finansist-2] ¹ ² Медведев подарил финансистам праздник (неопр.). Lenta.ruang=ru (9 моз тӧлысь 2011). Шыӧдчан кадпас: 8 кӧч тӧлысь 2012.

[lenta.ru.20120906.finday-3] День финансиста в России будут отмечать несколько дней (рус.). Lenta.ru (6 кӧч тӧлысь 2012). Шыӧдчан кадпас: 8 кӧч тӧлысь 2012.

[InternationalLiteracyDay-4] Финансистлысь лунсӧ ӧти лунӧ ЮНЕСКО-ӧн вынсьӧдӧм Грамоталы сиӧм войтыркостса лункӧд‎‎.

[5] Каждый финансист обязан, каждое учебное заведение может! (неопр.) finday.ru. Шыӧдчан кадпас: 31 рака тӧлысь 2016.

[6] Приказ МВД России от 22 апреля 2000 года № 421

[7] Об объявлении Дня финансовой службы МВД России от 01 июля 2008 - docs.cntd.ru (неопр.). docs.cntd.ru.

[8] Loading... (неопр.) documentbase.net.

[9] Указ Президента РФ от 24 августа 2015 № 437

[1]

[2]

[3]

[4]

[5]

[6]

[7]

[8]

[9]