Хуснуллин Марат Шакирзянович

Босьтӧма Рувикиысь
Рувикиын эмӧсь мукӧд йӧз йылысь статьяяс, кодъяслӧн овыс Хуснуллин.
Марат Шакирзянович Хуснуллин
Марат Хуснуллин правительство.JPG
Флаг
Россия Федерацияса Веськӧдлан котырлӧн председательӧс вежысь
Флаг
2020.01.21
(у. в. 2024.05.7-13)
Правительствоӧн веськӧдлысь Михаил Мишустин
Андрей Белоусов (у. в.)
Михаил Мишустин
Президент Владимир Путин
Флаг
Кар стрӧитан политика да стрӧитчӧм юалӧмъяс серти Москваса мэрӧс вежысь
Флаг
2010.12.02 — 2020.01.21
Губернатор Сергей Собянин
Водзвывса уджалысь Владимир Ресин
Удж водзӧ нуӧдысь Андрей Бочкарёв
Чужис 1966.08.09
Казань, Татарскӧй АССР, РСФСР, СССР
Ютыр
Велӧдчӧм

Казаньса канму финансово-экономическӧй институт

Восьса университет (Великобритания)
Учёнӧй степень Экономика наукаяс кандидат
Уджсикас экономист
Наградаяс
Логотип РУВИКИ.Медиа Медиафайлы на РУВИКИ.Медиа

Хуснуллин Марат Шакирзянович (тотара Марат Шакирҗан улы Хөснуллин; 1966 вося моз тӧлысь 9-ӧд лун, Казань, Татарскӧй АССР, РСФСР, СССР) — россияса канморт. 2020 вося тӧвшӧр тӧлысь 21-ӧд лунсянь Россия Федерацияса Веськӧдлан котырлӧн председательӧс вежысь (у. в. 7—13 мая 2024.05.7-13[1]). Лунвыв федеральнӧй кытшын куратор[2]. Экономика наукаяс кандидат.

Велӧдчӧм

[вежны | Вежны кодировкаын]

1983 воын пырӧма велӧдчыны Казаньса канму финансово-экономическӧй институтӧ, но во мысти босьтӧмаӧсь армияӧ. 1990 воын помалӧма институтсӧ «экономика» специальносьт серти[3]. 2000 воын велӧдчис Ыджыд Британияса восьса университетын «профессиональнӧй менеджмент» специальносьт кузя[4]. 2006 восянь — экономика наукаяс кандидат. Сёрнитӧ татар да англичан кывъясӧн[5][6].

Удж

[вежны | Вежны кодировкаын]

Татарстанын[вежны | Вежны кодировкаын]

Марат Хуснуллин Владимир Путинкӧд да Минтимер Шаймиевкӧд Казаньын, 2007.01.20

1983—1984 вояс — КГФЭИ-ын опытнӧй установкаяс могмӧдан лаборант (велӧдчӧмкӧд ӧттшӧтш).

1984—1986 вояс — Сӧветскӧй Армияын служитӧм[7].

1986—1987 вояс — КГФЭИ-ын лаборант.

1987—1995 вояс — медшӧр бухгалтер, Казань карын «Темп» стрӧитчан кооперативса председатель[7].

1995—1997 вояс — «Интерпластсервис» ИКК-са генеральнӧй директор[7].

1997—2000 вояс — Казань карын «Ак Барс» стрӧитчан, вузасян да промышленнӧй фирма ООО-са генеральнӧй директор[7].

1999—2001 вояс — Татарстан Республикалӧн Канму Сӧветса депутат Прикамьеса мутас кытшысь. Татарстан Республикаса стрӧитчан, архитектура да жилищно-коммунальнӧй овмӧс министерствоӧ служба вылӧ вуджӧм бӧрын ӧткажитчис депутат чинысь.

2000—2001 вояс — «Татэнерго» ПЭО ГУП-са генеральнӧй директорӧс вежысь — материально-техническӧй ресурсъяс, инвестицияяс да стрӧитчӧм серти директор[7].

2001.05.11-2010.11.18 — Татарстан Республикаса стрӧитчан, архитектура да оланін да коммунальнӧй овмӧс министр[7]. Сылӧн веськӧдлігӧн министерствоӧн республикаӧ вӧлі кыскӧма федеральнӧй инвестицияяс, медводз Татарстанын оланін стрӧитӧм сӧвмӧдан комплекснӧй уджтас серти. Уджтассӧ вӧлі веськӧдӧма республикаса гырысь каръясын — Казаньын, Набережнӧй Челныын, Нижнекамскын, Елабугаын, Альметьевскын — ӧтнога стрӧитанног пыртӧм вылӧ, мый сетіс позянлун ичӧт рӧскодӧн могмӧдны найӧс коммунальнӧй, туй да транспорт да социальнӧй инфраструктураӧн[8].

Хуснуллинлӧн водзмӧстчӧм серти вӧлі урчитӧма оланін, туйяс, социальнӧй юкӧнса объектъяс стрӧитан типӧвӧй проектъяс. Таысь кындзи, «Электроннӧй Россия» уджтас серти Татарстанын вӧлі лӧсьӧдӧма электроннӧй закупкаяс, стрӧитчӧм вылӧ разрешениеяс сетан да канму вневедомственнӧй экспертизалысь кывкӧртӧдъяс босьтан система, мый тӧдчымӧн чинтіс стрӧитчӧм вылӧ рӧскодсӧ[8].

Хуснуллин дырйи Казаньын заводитісны кыпӧдны спорт объектъяс Универсиада-2013 кежлӧ. 2010 вося ода-кора тӧлысь кежлӧ Татарстанса юркарын вӧлі пыртӧма уджӧ 26 спорт стрӧйба[9].

Та дырйи Хуснуллин тшӧтш уджаліс «Стрӧитчӧмын экономика да предпринимательство» кафедраса доцентӧн Казаньса канму архитектурно-строительнӧй университетын[10].

Москваын[вежны | Вежны кодировкаын]

Михаил Мень, Сергей Собянин и Марат Хуснуллин кар стрӧитан политика да стрӧитчӧм кузя коллегия вылын. 2014.08.08
Марат Хуснуллин нуӧдӧ медводдза совешание Минстроыйн. 2020.01.22
Марат Хуснуллин и Владимир Путин, 2020.03.03

2010 вося вӧльгым тӧлысь 18-ӧд лунӧ Хуснуллинӧс индісны Москваын кар стрӧитан департаментӧн веськӧдлысьӧн[7].

2010 вося ӧшым тӧлысь 2-ӧд лунӧ сійӧ лои кар стрӧитан политика да стрӧитчӧм кузя мэрӧс вежысьӧн[7].

2011 вося рака тӧлысьын сійӧс индісны Москва кар стрӧитан политика да стрӧитчӧм кузя коллегияӧн веськӧдлысьӧн[11]. Сійӧ жӧ воас веськӧдліс ас вӧляӧн стрӧитчӧм дугӧдӧм кузя карса комиссияӧн[12].

РФ-са Веськӧдлан котырын вице-премьер[вежны | Вежны кодировкаын]

2020 вося тӧвшӧр тӧлысь 21-ӧд лунӧ индісны Россия Федерацияса Веськӧдлан котырӧ вице-премьерӧн[13].

2020 вося тӧвшӧр тӧлысь 29-ӧд лунсянь Хуснуллин лоис Крым Республикаын да Севастопольын кураторӧн. 2022 вося косму тӧлыссянь сійӧ сідзжӧ бӧр дзоньталӧ Херсон обласьт, Запорожье да Донбасс[14].

2024 вося ода-кора тӧлысь 11-ӧд лунӧ Михаил Мишустин пыртӧма Госдумаӧ видлалӧм вылӧ выль Веськӧдлан котыр, вӧзйӧма Хуснуллинӧс вице-премьерӧн[15]. Ода-кора тӧлысь 13-ӧд лунӧ Госдума вынсьӧдіс сійӧс тайӧ чинын[16]. Ода-кора тӧлысь 14-ӧд лунӧ Россия Федерацияса президент кырымаліс индӧм йылысь индӧд[17].

Марат Хуснуллинлы кывкутӧ татшӧм нырвизьясысь: оланін кузя канму политика да гражданалӧн вӧрзьӧдны позьтӧм эмбурӧн вӧдитчӧм, а сідзжӧ автомашина туйяс стрӧитӧм, видзӧм, выльмӧдӧм да дзоньталӧм, туй вылын безопасносьт, общественнӧй транспорт сӧвмӧдӧм. Вице-премьер координируйтӧ «Сӧстӧм ва» да «Волга бурмӧдӧм» федеральнӧй проектъяс юкӧнын «Оланін да карса гӧгӧртас», «Лёк суӧмысь видзчысьӧм да бур туйяс», «Экология» национальнӧй проектъяс лӧсьӧдӧм да збыльмӧдӧм.

Хуснуллин видзӧдӧ татшӧм мутасъяс социально-экономическӧя сӧвмӧдӧм бӧрся: Крым Республика, Севастополь, Донецк да Луганск народнӧй республикаяс, Запорожье да Херсон обласьтъяс.

Кыдзи куратор Хуснуллин кывкутӧ Лунвыв федеральнӧй кытш социально-экономическӧя сӧвмӧдӧм вӧсна да координируйтӧ ведомствояс:

  • Стрӧитчан министерство; Канмусянь пасъян, кадастр да картография федеральнӧй служба;
  • Экология, технология да атом дӧзьӧр серти федеральнӧй служба;
  • Канму эмбурӧн веськӧдлан федеральнӧй агентство;
  • Федеральнӧй туй агентство[18].

Медся тӧдчана стрӧитан объектъяс

[вежны | Вежны кодировкаын]

Метрополитен сӧвмӧдӧм[вежны | Вежны кодировкаын]

Хуснуллин «Рязанская» ТПУ стройплощадка вылын, 2017.12.16

2011 восянь Хуснуллин отсӧгӧн вӧлі стрӧитӧма 101 км метро линия, тшӧтш и Москваса шӧр кытшлысь 54 км пассажиръясӧс новлӧдлӧм могысь капитальнӧя выльмӧдӧм, кӧні водзті новлӧдлісны сӧмын грузъяс. Сэк жӧ метрополитен стрӧитӧмлӧн доныс чиніс этша вылӧ 25 %, тшӧтш и европаса проектируйтан стандартъяс вылӧ вуджӧм да мукӧд выльторъяс пыртӧм вӧсна[19]. Метро стрӧитан кад чиніс шӧркодя 30 % вылӧ.

Кар стрӧитан политика[вежны | Вежны кодировкаын]

2011 восянь Хуснуллин юрнуӧдіс ас вӧляысь стрӧитчӧм дугӧдӧм кузя карса комиссияӧн. Москваса стройкомплексӧн веськӧдлігӧн Хуснуллинлӧн 9 во уджалігӧн юркарын заводитісны збыльмӧдны реновация проект — кисьтны уна патераа важ керкаяс да овмӧдны сэні олысьясӧс выль керкаясӧ[6].

2013 восянь Хуснуллинлӧн веськӧдлӧм улын дасьтісны 2035 воӧдз Москва сӧвмӧдан генеральнӧй план, кытчӧ пырисны содтӧд мутасъяс[20].

2017 вося лӧддза-номъя тӧлысьын «Лужники» арена выльмӧдісны индӧм кадысь воӧн водзджык. 2018 воын тані муніс футбол кузя мирса чемпионат[21].

2018 воын Хуснуллинлӧн юрнуӧдӧм улын пӧртӧма олӧмӧ Москва шӧрын Зарядье парклысь проект, кӧні водзті вӧлі «Россия» туй морт керка[22].

Россияса веськӧдлан котырын

[вежны | Вежны кодировкаын]

2020 вося тӧвшӧр тӧлысь 21-ӧд лунсянь Хуснуллинӧс индісны Россия Федерацияса Веськӧдлан котырса председатель Михаил Мишустинӧс вежысьӧн. Сылӧн веськӧдлӧм улын лоисны оланін политика, ипотека кредит сетӧм, стрӧитчан да архитектура юкӧнын канму политика, жилищно-коммунальнӧй овмӧс, автомашина туйяс выльмӧдӧм да уджӧдӧм, туй вывті ветлӧмын видзчысянлун, канму эмбурӧн веськӧдлӧм.

Сійӧ координируйтӧ Веськӧдлан котырлысь регионъяс сӧвмӧдан уджсӧ (Ылі Асыввыв федеральнӧй кытш кындзи), Крым Республика, Севастополь, Калининград обласьт социально-экономическӧя сӧвмӧдӧм, кывкутӧ Абхазия да Лунвыв Осетия Республикаяскӧд ёртасьӧм вӧсна. 2021 вося сора тӧлыссянь Хуснуллин курируйтӧ Лунвыв федеральнӧй кытш.

Хуснуллин юрнуӧдіс 2022—2023 воясся Украинаса кык террористическӧй акт бӧрын Крым пос дзоньталӧмӧн[6].

Наградаяс

[вежны | Вежны кодировкаын]
Марат Хуснуллин 8-ӧд Москваса урбанистика форум вылын. 2018.07.18
  • «Ставроссияса олысьясӧс гижалӧм нуӧдӧмын заслугаясысь» медаль (2002);
  • «Казаньлы 1000 во» медаль (2005);
  • «Россияса профсоюзъяслы 100 во» медаль (2005);
  • Татарстан Республикаса Министръяс Кабинетлӧн Аттьӧалана гижӧд (2007);
  • Татарстан Республикаса Президентлӧн Аттьӧалана гижӧд (2008, 2010);
  • «Айму водзын заслугаясысь» II степеня орденлӧн медаль (2008)[23];
  • «Татарстан Республикалы бур вӧчӧмысь» орден (2010);
  • «Россияса оланін да коммунальнӧй овмӧсын почёта уджалысь» почёт ним (2010);
  • «Россия Федерацияса нимӧдана стрӧитчысь» почёт ним (2013.12.21) — стрӧитчан юкӧнын заслугаясысь да уна вося бур уджысь[24];
  • Россия Федерацияса стрӧитчан, оланін да коммунальнӧй овмӧс министерстволӧн почёт пас (2016);
  • «„Россияса кӧрт туйяс“ восьса акционер котыр сӧвмӧдӧмын заслугаясысь» 2 степеня пас (2016)[25];
  • «Вӧр-ва видзӧмын почёта уджалысь» пас (2016);
  • Почёт орден (2018)[26].

Эмбур

[вежны | Вежны кодировкаын]

2011 воын Хуснуллин ньӧбис Кремльсянь неылын 186,7 м² ыдждаа патера. 2016 воын сійӧс козьналӧма Малика нылыслы.

2020 воын лои тӧдса, мый Хуснуллин олӧ Москваса Серебряный Бор посёлокын аслас дворечын, сылӧн рыночнӧй доныс 1 млрд гӧгӧр шайт.

Пасйӧдъяс

[вежны | Вежны кодировкаын]
  1. ↑ Правительство России переходит в статус и.о. до назначения нового состава. TACC. Шыӧдчан кадпас: 7 ода-кора тӧлысь 2024.
  2. ↑ Михаил Мишустин назначил вице-премьеров кураторами федеральных округов. Шыӧдчан кадпас: 19 сора тӧлысь 2021. Архивируйтӧма 19 сора тӧлысь 2021.
  3. ↑ Хуснуллин Марат Шакирзянович. Шыӧдчан кадпас: 4 кӧч тӧлысь 2013. Архивируйтӧма оригинала 30 тӧвшӧр тӧлысь 2013 года.
  4. ↑ Marat Khusnullin // Коммерсантъ.
  5. ↑ Поймали за язык
  6. ↑ 1 2 3 Энциклопедия ТАСС. Хуснуллин Марат Шакирзянович
  7. ↑ 1 2 3 4 5 6 7 8 Хуснуллин Марат Шакирзянович — Биография. Шыӧдчан кадпас: 4 кӧч тӧлысь 2013. Архивируйтӧма оригинала 7 моз тӧлысь 2013 года.
  8. ↑ 1 2 Портал строителей города — про жильё
  9. ↑ Спортивные объекты Универсиады в Казани
  10. ↑ Казанский государственный архитектурно-строительный университет
  11. ↑ Ъ-Справочник. Шыӧдчан кадпас: 4 кӧч тӧлысь 2013. Архивируйтӧма оригинала 6 кӧч тӧлысь 2013 года.
  12. ↑ Хуснуллин возглавил комиссию по пресечению незаконного строительства вместо Ресина
  13. ↑ Новый состав правительства. Полный список. РБК. Шыӧдчан кадпас: 21 тӧвшӧр тӧлысь 2020.
  14. ↑ Как Марат Хуснуллин будет восстанавливать Херсон, Запорожье и Донбасс | Республика Крым (неопр.). ФедералПресс. Шыӧдчан кадпас: 23 ода-кора тӧлысь 2022.
  15. ↑ О чем говорит новая конфигурация российского правительства. РБК (11 ода-кора тӧлысь 2024). Шыӧдчан кадпас: 13 ода-кора тӧлысь 2024.
  16. ↑ Госдума утвердила Хуснуллина вице-премьером. РИА Новости (13 ода-кора тӧлысь 2024). Шыӧдчан кадпас: 13 ода-кора тӧлысь 2024.
  17. ↑ Президент подписал указы о назначении членов Правительства Российской Федерации и директоров служб. kremlin.ru (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
  18. ↑ Михаил Мишустин утвердил распределение обязанностей между вице-премьерами. government.ru (17 ода-кора тӧлысь 2024). Шыӧдчан кадпас: 17 ода-кора тӧлысь 2024.
  19. ↑ Стоимость строительства метро в Москве снизили на 25 %. Шыӧдчан кадпас: 4 кӧч тӧлысь 2013. Архивируйтӧма оригинала 18 лӧддза-номъя тӧлысь 2013 года.
  20. ↑ Марат Хуснуллин: «В Москве будет построено 300 гостиниц». Шыӧдчан кадпас: 4 кӧч тӧлысь 2013. Архивируйтӧма оригинала 18 сора тӧлысь 2013 года.
  21. ↑ Марат Хуснуллин: Реконструкцию «Лужников» можно начать лишь в мае 2014 года
  22. ↑ Первая очередь парка «Зарядье» была завершена в 2017 году, торжественное открытие парка состоялось 9 сентября 2017 года, в день празднования 870-летия Москвы. 4 ландшафтные зоны, павильоны, парковка, музеи, выставочные залы, парящий мост через Москву-реку — все это открыто для посетителей. Уникальный концертный зал — филармонию — планируют завершить и открыть в 2018 году.
  23. ↑ Deputy Mayor for Urban Development and Construction / Marat Khusnullin / The official website of the Mayor and the Government of Moscow. web.archive.org (9 моз тӧлысь 2016). Шыӧдчан кадпас: 1 рака тӧлысь 2022.
  24. ↑ Указ Президента Российской Федерации от 21 декабря 2013 г. № 929 «О награждении государственными наградами Российской Федерации»
  25. ↑ Фотофакт. www.gudok.ru. Шыӧдчан кадпас: 20 ӧшым тӧлысь 2016.
  26. ↑ Указ Президента Российской Федерации от 27 декабря 2018 года № 756 «О награждении государственными наградами Российской Федерации»

Ыстӧгъяс

[вежны | Вежны кодировкаын]
Босьтӧма "https://kv.ruwiki.ru/w/index.php?title=Хуснуллин_Марат_Шакирзянович&oldid=311085"-ысь