Челядьлы небӧг карта
| Челядьлы небӧг карта | |
|---|---|
 | |
| Заводитчан кад | 2026 во |
| Ин |
 Россия |
| Помка | школаӧдзса челядьӧс велӧдан канму уджтас |
| Участвуйтысьяс | 3-6 арӧса челядь |
Челядьлы небӧг карта (рочӧн Детская книжная карта) — школаӧдзса челядьӧс велӧдан канму уджтас, мый вӧзйис Россияса президент Владимир Путин роч кыв да Россияса войтыръяслӧн кывъяслы отсӧг сетӧмын канму политика збыльмӧдан сӧветлӧн заседание дырйи 2025 вося лӧддза-номъя тӧлысь 5-ӧд лунӧ[1]. Заводитчӧ 2026 восянь[2]. 3 сюрс шайта картаыс лоас 3-6 арӧса челядьлы[3]. Арталӧма ньӧбны эксперт котырӧн ошкӧм 10-ысь абу этшаджык небӧг[4].
История
2025 вося лӧддза-номъя тӧлысь 5-ӧд лунӧ роч кывлы отсӧг сетӧмын канму политика збыльмӧдан сӧветлӧн заседание вылын Россияса президент Владимир Путин вӧзйис «Пушкинскӧй карта» моз лӧсьӧдны «Челядьлы небӧг карта»[1]. Канмуӧн веськӧдлысьлӧн видзӧдлас серти, сылӧн номиналыслы колӧ лоны куим сюрс шайт, сійӧс вӧзйӧма куимсянь квайт арӧсӧдз челядьлы — гижысьясӧн, психологъясӧн да школаӧдз велӧдан специалистъясӧн ошкӧм небӧгъяс ньӧбӧм вылӧ[3]. Та дырйи Владимир Путин пасйис, мый небӧгъяс вылӧ донъяссӧ колӧ урчитны сідз, медым ӧти карта кутысь вермис ньӧбны дасысь абу этшаджык небӧг[1]:
Небӧг — велӧдӧмысь да семейнӧй традицияясысь торйӧдны позьтӧм юкӧн. И ыджыд, классическӧй литературалӧн ыджыд нравственнӧй донъясӧн мирӧ челядьлы туй восьтысь небӧгъяссӧ колӧ сетны быдӧнлы.
Уджтас заводитӧм
«Челядь небӧг карта» планируйтӧма лэдзны 2026 восянь[2]. Кыдз висьталіс президентлы отсасьысь Елена Ямпольская, уджтасыс лоас ыджыд стимулӧн региональнӧй издательствояс сӧвмӧдӧмлы[1]. Сійӧ вӧзйис и карта нимлысь ӧтик вариант — «Золотой ключик»[1]:
Сёрнитны кӧ ним йылысь, лысьта вӧзйыны: гашкӧ, «Золотой ключик»? Зарни восьтан, мыйӧн воссьӧ кагаыслы ыджыд литература мирӧ ӧдзӧс.
Шымыртӧм
Виччысьӧны, мый уджтасыс шымыртас 3-6 арӧса 7-8 миллион гӧгӧр челядьӧс[5].
Пасйӧдъяс
- ↑ 1 2 3 4 5 Заседание Совета по реализации госполитики в сфере поддержки русского языка и языков народов России, Президент России (05.06.2025). Шыӧдчан кадпас: 25 сора тӧлысь 2025.
- ↑ 1 2 Три тысячи на книжки. Путин предложил с 2026 года выдавать дошкольникам детскую книжную карту, Фонтанка.ру (05.06.2025). Шыӧдчан кадпас: 25 сора тӧлысь 2025.
- ↑ 1 2 Путин предложил запустить программу "Детская книжная карта" - Российская газета, Российская газета (5 лӧддза-номъя тӧлысь 2025). Шыӧдчан кадпас: 25 сора тӧлысь 2025.
- ↑ Путин предложил выпустить «детскую карту» на ₽3 тыс. для покупки книг, РБК (05.06.2025). Шыӧдчан кадпас: 6 лӧддза-номъя тӧлысь 2025.
- ↑ Дети в России. Федеральная служба государственной статистики (1 лӧддза-номъя тӧлысь 2024). Шыӧдчан кадпас: 25 сора тӧлысь 2025.