Шудлун войтыркостса лун

Шудлун войтыркостса лун — ООН-лӧн войтыркостса лун. Пасйӧны став мирын рака тӧлысь 20-ӧд лунӧ. Торъя лунсӧ вӧлі лӧсьӧдӧма ООН-лӧн Генеральнӧй Ассамблеяӧн 2012 вося лӧддза-номъя тӧлысь 28-ӧд лунӧ сы могысь, медым нӧшта ӧтчыд пасйыны, мый шудаӧн лоны кӧсйӧм - планета вылын быд мортлӧн торйӧдны позьтӧм кӧсйӧм, да уськӧдны тӧд вылӧ правительствояслы, мый нациялысь озырлунсӧ арталігӧн быть колӧ босьтны тӧд вылӧ сідзжӧ сэтшӧм факторъяс, кыдзи шуд тшупӧд, сы вӧсна мый сӧмын сӧмын экономическӧй показательяс оз сетны объективнӧй серпас. Резолюциясӧ ошкисны ООН-ӧ пырысь став 193 канму петкӧдлысьыс .

Вӧзйӧмсӧ пыртӧма видлалӧм вылӧ ООН-лӧн Генеральнӧй Ассамблеяӧ 2011 воын индо-американеч Джейм Илайен, коді таӧдз нуӧдіс сійӧс примитӧм кузя уна вося кампания. Сійӧ бӧрйис тувсов ӧткузя луна-воя, кыдзи став мирын олысьяслы инмана лун, да лоӧ Войвыв мусярджынйын медводдза тувсовъя лунӧн, выльмӧдан да выль олӧм заводитчан кадколастӧн .

Шудлун войтыркостса лун пасйӧм йылысь решение вӧлі примитӧма A/RES/66/281 резолюцияӧн. Сэні вӧлі шуӧма:

… тӧд вылӧ босьтӧмӧн, мый шуд да тыр-бур олӧм ӧнія кадӧ лоӧ став йӧзлӧн олӧмын ӧтувъя могӧн да кӧсйӧмӧн, да мый найӧс колӧ пыртны канму политика могъясӧ, сідзжӧ тӧд вылӧ босьтӧмӧн, мый экономика боксянь сӧвмӧмсӧ колӧ гӧгӧрвоны комплекснӧйджыка, справедливӧйджыка да сбалансируйтӧмджыка, мый отсалас зумыда сӧвмыны, бырӧдны гӧльлун да могмӧдны став йӧзлысь шуд да тыр-бур олӧм,

1. шуӧ вынсьӧдны рака тӧлысь 20-ӧд лун Шудлун войтыркостса лунӧн; 2. вӧзйӧ став канму-ООН-о пырысьяслы, ООН системаса организацияяслы да мукӧд войтыркостса да регионса организацияяслы, а сідзжӧ йӧзкотырлы, тшӧтш и абу правительственнӧй организацияяслы да торъя йӧзлы, пасйыны Шудлунлысь войтыркостса лунсӧ колана ногӧн, сы лыдын просветительскӧй да общественно-разъяснительнӧй мероприятиеяс нуӧдӧмӧн; ...

Шудлун войтыркостса лунлӧн темаяс (девизъяс)

• 2016 во — «Климат вежсьӧмкӧд тыш нуӧдӧм Му вылын шуд шедӧдӧм могысь»

Ыстӧгъяс