Шӧрсикт

Шӧрсикт - тайӧ сикт овмӧдчӧминлӧн веськӧдлан, административнӧй шӧрин.

Быд сикт овмӧдчӧминлӧн эм веськӧдлан шӧрин — шӧрсикт, кӧні сулалӧны асвеськӧдлан органъяс. Сикт овмӧдчӧминлысь мутассӧ артыштӧны сэтшӧм ногӧн, медым медся ылысса грездсяньыс позис ӧти лунӧн ветлыны шӧрсиктӧдз да бӧр воны гортас подӧн. Сикт овмӧдчӧминын олысь лыдыс вермас лоны некымын дас мортсянь 15-20 сюрӧдз.

История

Сикт овмӧдчӧминъяс лӧсьӧдӧм йылысь «Рочму Федерацияын меставывса асвеськӧдлӧм котыртан ӧтувъя принципъяс йылысь» оланпас вӧлі вынсьӧдӧма 2003 воын да пыртӧма олӧмӧ муниципальнӧй реформа дырйи. Сикт овмӧдчӧмин лӧсялӧ СССР кадся сикт сӧветлы да Россия империяса вӧлӧсьтъяслы.

«Рочму Федерацияын меставывса асвеськӧдлӧм котыртан ӧтувъя принципъяс йылысь» Федеральнӧй оланпаслӧн «Подув терминъяс да понятиеяс» 2 статьяын сетӧма татшӧм определение:

«сикт овмӧдчӧминлӧн, муниципальнӧй районлӧн, кар кытшлӧн административнӧй шӧрин - оланін, кутшӧмӧс урчитӧма меставывса традицияяс да артмӧм социальнӧй инфраструктура тӧд вылын кутӧмӧн да кӧні Рочму Федерацияса субъектлӧн оланпас серти меститчӧма лӧсялана муниципальнӧй юкӧнлӧн бӧрйӧм орган»^[1].

Статус

Шӧрсиктлӧн статусыс ичӧтджык юрсиктысь, сійӧ пырӧ юрсикт улӧ.

Ыстӧгъяс

↑ Федеральный Закон «Об общих принципах организации местного самоуправления в Российской Федерации» (неопр.). Дата обращения: 9 ода-кора тӧлысь 2007. Архивировано 25 косму тӧлысь 2017 года.

[1] Федеральный Закон «Об общих принципах организации местного самоуправления в Российской Федерации» (неопр.). Дата обращения: 9 ода-кора тӧлысь 2007. Архивировано 25 косму тӧлысь 2017 года.

[1]