Ян Пётр Евгеньевич

Босьтӧма Рувикиысь
Боец смешанного стиля
Пётр Ян
Пётр Ян 2024.jpg
Ӧтув юӧр
Тырвыйӧ ним Пётр Евгеньевич Ян
Прозвище No mercy (рочӧн Беспощадный)
Гражданство  Россия
Чужан лун 1993-ӧд вося урасьӧм тӧлысь 11-ӧд лун(1993-02-11) (33 арӧс)
Чужанін
Олӧ Екатеринбург[1], Россия
Рост 170 см[2]
Сьӧкта категория Медся кокни сьӧкта
Ки шенас 170 см
Карьера 2014 — ӧніӧдз
Команда Архангел Михаил
Стиль бокс, самбо, тхэквондо
Мастерство тшупӧд боксысь спортса мастер
сораса боевӧй искусствоясысь спортса мастер
     бразилияса джиу-джитсуысь лӧз вӧнь
Сораса единоборствояс
Тышъяс 24
Вермӧмъяс 19
 • нокаутӧн 7
 • сетчӧмӧн 1
 • шуӧмӧн 11
Ворссьӧм 5
 • нокаутӧн 0
 • сетчӧмӧн 0
 • шуӧмӧн 4
 • мӧдтор 1
Ничья 0
Содтӧд юӧр
Гӧтыр Юлия Ян
Челядь Даниил, Константин
Статистика боёв на сайте Sherdog
Логотип РУВИКИ.Медиа Медиафайлы на РУВИКИ.Медиа

Ян Пётр Евгеньевич (1993-ӧд вося урасьӧм тӧлысь 11-ӧд лун, Назаровский район[d], Красноярск край) — сораса боевӧй искусствоясын россияса боец. Вӧлі Absolute Championship Berkut  (рус.) (коми медся кокни сьӧктаын чемпионӧн. Вӧвлӧм UFC чемпион да UFC медся кокни сьӧктаын недыр кадся чемпион.

2025 вося сора тӧлысь кежлӧ сулалӧ медся кокни сьӧктаын UFC-лӧн  (рус.) (коми официальнӧй рейтингын 3 строкаын[3].

Олантуй

Пётр Ян чужис 1993 вося урасьӧм тӧлысь 11-ӧд лунӧ Красноярск крайса Назаровскӧй районын. Ян овсӧ сійӧ босьтіс пӧльсяньыс, национальность сертиыс сійӧ вӧлі китаеч[4]. 2000-ӧд вояс заводитчигӧн семьяыс вуджис овны Дудинка карӧ[5].

Квайтӧд классын заводитіс занимайтчыны тхэквондоӧн да мини-футболӧн да весиг гимнастикаӧн[6]. 12 арӧсӧн заводитіс занимайтчыны боксӧн Николай Николаевич Суржиковлӧн веськӧдлӧм улын[7].

14 арӧсӧн нажӧвитчис Енисей вылын баржаяс ректӧмӧн[8]. Уджалігӧн тӧдмасис Константин Маньковкӧд, коді вӧзйӧма сійӧс Юрий Владимирович Демченко тренерлы.

15 арӧсӧн школаса 9 класс бӧрын Пётр вуджис Красноярск крайысь Омскӧ, кӧні водзӧ тренируйтчис бокс кузя СССР-са спортса мастер Юрий Владимирович Демченколӧн веськӧдлӧм улын.

ММА кутіс интересуйтчыны «Александр Невский» клубӧн, кор видзӧдіс, кыдзи тренируйтчӧны профессиональнӧй боецъяс.

Помаліс Омскын физкультура да спорт кузя Сибырса канму университет  (рус.) (коми.

2010-ӧд вояс заводитчигӧн уджалӧма Омск посёлокса войся клубын охранникӧн[5].

2018 вося кӧч тӧлысьын семьяыскӧд вуджис Екатеринбургӧ[9][10], медым петкӧдчыны «Архангел Михаил» клубын.

2023 вося вӧльгым тӧлысьын америкаса актёр Жан-Клод Ван Дамм шыӧдчис Ян дорӧ «Архангел Михаил» клублӧн роликын. «Тэ чемпион: тэнад бур техника, зэв бур ӧд да зэв бур кардио!», — шуис Ван Дамм[11].

Карьера сораса единоборствоясын

Absolute Championship Berkut

2015 вося йирым тӧлысь 24-ӧд лунӧ ACB 24 вылын Ян паныдасис Мурад Каламовкӧд да вермис судьяяслӧн ӧтувъя шуӧмӧн. Вермӧмыс сетіс Янлы позянлун вермасьны Магомед Магомедовкӧд медся кокни сьӧктаын чемпионлӧн титул вӧсна.

Ян аддзысьліс Магомед Магомедовкӧд 2016 вося рака тӧлысь 26-ӧд лунӧ ACB 32 вылын. Тышыс кыссис став 5 раундсӧ. Ворссис судьяяслӧн торъя шуӧмӧн.

Карьераын медводдза ворссьӧм бӧрын Ян аддзысьліс Англияысь боец Эд Артуркӧд ACB 41 вылын 2016 вося сора тӧлысь 15-ӧд лунӧ. Вермис судьяяслӧн ӧтсӧглас шуӧмӧн.

2017 вося косму тӧлысь 15-ӧд лунӧ ACB 57 вылын нуӧдіс Магомед Магомедовлы паныд тыш-реванш. Тышыс кыссис 5 раунд. Вермис судьяяслӧн ӧтсӧглас шуӧмӧн да лоис ACB-са  (рус.) (коми ACB-са чемпионӧн медся кокни сьӧктаын.

2017 вося кӧч тӧлысь 30-ӧд лунӧ ACB 71 вылын бура дорйис чемпионлысь нимсӧ бразилеч Матеус Маттоскӧд тышын. Вермис коймӧд раундын нокаутӧн.

Ultimate Fighting Championship

Чемпионлысь нимсӧ медводдзаысь дорйӧм бӧрын ACB кырымаліс UFC-кӧд контракт 2018 вося тӧвшӧр тӧлысьын.

Ассьыс медводдза вермасьӧмсӧ Ян нуӧдіс японеч Тэруто Исихаракӧд 2018 вося лӧддза-номъя тӧлысь 23-ӧд лунӧ UFC Fight Night 132 вылын. Вермис медводдза раундын техническӧй нокаутӧн.

2018 вося кӧч тӧлысь 15-ӧд лунӧ UFC Fight Night 136 вылын Пётрлӧн соперникнас должен вӧлі лоны медся кокни сьӧкта рейтингын 14-ӧд номера Дуглас Силва ди Андради, но кок доймӧм вӧсна Андради эз вермы участвуйтны тышын, и бразилеч пыдди петіс Кореяысь боец Джин Су Сон. Весидчигӧн Сон эз вермы петкӧдлыны колана сьӧктасӧ, и сійӧс штрапуйтісны 20 % вылӧ аслас гонорарсьыс Янлы пӧльза вылӧ. Вермис судьяяслӧн ӧтсӧглас шуӧмӧн. Лоис «Рытъя тыш» премияа лауреатӧн.

2018 вося ӧшым тӧлысь 29-од лунӧ UFC 232 вылын Янӧс виччысис бразилеч Дуглас Силва ди Андради, кодкӧд водзджыксӧ тышыс эз артмы. Вермис техническӧй нокаутӧн мӧд раундын. Андрадилӧн пельӧсыс сувтӧдіс тышсӧ бразилечлӧн восьса джуджыд вундӧм вӧсна.

2019 вося урасьӧм тӧлысь 23-ӧд лунӧ нуӧдіс UFC Fight Night 145 вылын американеч Джон Додсонкӧд тыш. Вермис судьяяслӧн ӧтсӧглас шуӧмӧн.

2019 вося лӧддза-номъя тӧлысь 8-ӧд лунӧ UFC 238 вылын вермис американеч Джимми Ривераӧс судьяяслӧн ӧтсӧглас шуӧмӧн[12].

2019 вося ӧшым тӧлысь 14-ӧд лунӧ UFC 245 вылын паныдасис Юрай Фейберкӧд. Вермис коймӧд раундын нокаутӧн, юрас кокнас кучкӧмӧн. Лоис «Рытъя петкӧдчӧм» премияа лауреатӧн[13].

2020 вося сора тӧлысь 12-ӧд лунӧ UFC 251 вылын техническӧй нокаутӧн витӧд раундын вермис бразилеч Жозе Алдуӧс да шедӧдіс UFC-ын медся кокни сьӧктаын чемпионлысь ним[14]. Жозе Алду вылын вермӧм да чемпионскӧй титул шедӧдӧм бӧрын UFC пыртӧма Пётр Янӧс сьӧкта категорияяс вылӧ видзӧдтӧг медбур боецъяслӧн рейтингӧ (P4P). Ян Пётр лоис выльмӧдӧм рейтинглӧн 13-ӧд строкаын[15].

2020 вося сора тӧлысь 14-ӧд лунӧ пырис Fightmatrix сайтлӧн версия серти сьӧкта категория вылӧ видзӧдтӧг медся ён дас боец лыдӧ[16].

UFC-ын медся кокни сьӧктаын чемпион ним вӧсна тыш

Тышыс вӧлі 2020 вося сора тӧлысь 12-ӧд лунӧ[17].

Иныс — Бойцовскӧй ді, Абу-Даби.

Секундантъяс — Денис Лаврентьев, Илля Хамзин, Алексей Сорокин, Саят Абрахманов.

Сьӧкта — Пётр Ян 61,2 кг, Жозе Алду 61,2 кг[18].

Лоӧмторъяслӧн хронология:

2020 вося ода-кора тӧлысь 11-ӧд лунӧ Генри Сехудолӧн UFC-ын карьера помасьӧм йылысь юӧртӧм бӧрын организацияса президент Дэйна Уайт юӧртіс, мый медся кокни сьӧктаын чемпионлӧн титулыс лоӧ прӧст, а Ян лоӧ тайӧ титул вылас медводдза претендентӧн[19].

2020 вося ода-кора тӧлысь 28-ӧд лунӧ организацияса президент Дэйна Уайт юӧртіс, мый дасьтысьӧ титул вӧсна тыш Пётр Ян да Жозе Алду костын[20].

2020 вося лӧддза-номъя тӧлысь 10-ӧд лунӧ Пётр Ян кырымаліс тыш вылӧ контракт[21].

2020 вося сора тӧлысь 11-ӧд лунӧ Ӧтувтчӧм Араб Эмиратъясын «Бойцовскӧй ді» вылын UFC 251 турнирын Ян бӧръя витӧд раундын вермис Жозе Алдуӧс. Ян ыджыдаліс тышлӧн кызвын юкӧн чӧжыс да увереннӧя нуӧдіс тышлысь помсӧ — витӧд раунд заводитчигӧн прӧстӧй комбинация бӧрын сійӧ методичнӧя суӧдіс оппонентсӧ нин канвасын. Пётр Ян лоис UFC-ын медкокньыд сьӧктаын выль чемпионӧн[22]. Тайӧ вермасьӧмас Ян сувтӧдіс медся кокни сьӧкта категориялы тӧдчана кучкӧмъяс лыд серти рекорд — абу тыр 5 раундын россиянин вӧчис 194 кучкӧм[23].

UFC медся кокни сьӧктаын чемпион

2021 вося рака тӧлысь 6-ӧд лунӧ Ян воштіс титулсӧ UFC 259 вылын Алджамейн Стерлингкӧд тышын, сійӧс дисквалифицируйтісны (пидзӧснас прӧтивниклы юрас кучкӧм, кодлӧн пидзӧсыс инмӧ джоджӧ)[24].

UFC медся кокни сьӧктаын недыр кадся чемпион

2021 вося йирым тӧлысь 30-ӧд лунӧ, UFC 267 вылын, Ян тышкасис Кори Сэндхагенкӧд UFC-ын медся кокни сьӧктаын недыр кадся чемпион ним вӧсна, кӧні вермис судьяяслӧн ӧтсӧглас шуӧмӧн.

2022 вося косму тӧлысь 9-ӧд лунӧ UFC 273 вылын ворссис Алджамейн Стерлинглы да воштіс титулсӧ. Сэсся нӧшта кыкысь ворссис — Шон О’Мэлликӧд UFC 280 вылын да Мераб Двалишвиликӧд UFC Fight Night: Ян vs. Двалишвили вылын.

2024 вося рака тӧлысь 9-ӧд лунӧ UFC 299 вылын вермис Сун Ядунаӧс[25]. Бӧрынджык тыдовтчис, мый Ян тышкасьӧма доймӧм кокӧн. А рака тӧлысь 18-ӧд лунӧ сійӧ юӧртіс, мый сылы вӧчасны операция[26].

2024 вося вӧльгым тӧлысь 23-ӧд лунӧ UFC Fight Night: Ян vs. Фигейреду турнирлӧн медшӧр мероприятиеын судьяяслӧн ӧтсӧглас шуӧмӧн вермис бразилеч Дэвисон Фигейредуӧс[27].

2025 вося сора тӧлысь 26-ӧд лунӧ Абу-Дабиын UFC on ABC 9 турнирын рытъя тышын паныдасис Маркус Макгикӧд[28] да вермис сійӧс судьяяслӧн шуӧмӧн[29].

Титулъяс да вермӧмъяс

Сораса единоборствояс

Ultimate Fighting Championship

  • UFC-ын медся кокни сьӧктаын чемпион (ӧтчыдысь) (вермис UFC 251-ын 5 раундын техническӧй нокаутӧн Жозе Алдоӧс);
  • Медся кокни сьӧктаын недыр кадся UFC чемпион (ӧтчыд) (веромис UFC 267 вылын Кори Сэндхагенӧс судьяяслӧн ӧтсӧглас шуӧмӧн);
  • «Рытъя тыш» премия босьтысь (куимысь — Джин Су Сонкӧд[30], Кори Сэндхагенкӧд[31] да Шон О’Мэлликӧд);
  • «Рытъя выступление» премия босьтысь (ӧтчыд — Юрай Фейберлы паныд).

Absolute Championship Berkut

  • Медся кокни сьӧктаын ACB чемпион (ӧтчыд);
  • Ӧти успешнӧй титул дорйӧм;
  • Медся кокни сьӧктаын гран-приын вермысь;
  • «Рытъя тыш» премия босьтысь (куимысь — Мурад Каламовлы, Магомед Магомедовлы, Эда Артурлы паныд).

MMADNA.nl

2018 «Европейский новичок года» ним[32].

World MMA Awards

  • 2020, номинируйтӧма «Прорыв года» ним вылӧ[33].

Сораса единоборствоясын статистика

Результат Рекорд Соперник Ног Турнир Лун Раунд Кад Ин Пасйӧд
Вермӧм 19-5 АӦШ Маркус Макги Шуӧм UFC on ABC 9 2025.07.26 3 5:00  ОАЭ Абу-Даби
Вермӧм 18-5  Бразилия Дейвисон Фигейреду Шуӧм UFC Fight Night: Ян vs. Фигейреду 2024.11.23 5 5:00 Китай Макао, Китай
Вермӧм 17-5  Китай Сун Ядун Шуӧм UFC 299 2024.03.09 3 5:00  США Майами, Флорида
Ворссьӧм 16-5  Грузия Мераб Двалишвили Шуӧм UFC Fight Night: Ян vs. Двалишвили 2023.03.12 5 5:00  США Лас-Вегас
Ворссьӧм 16-4  США Шон О’Мэлли Шуӧм UFC 280 2022.10.22. 3 5:00  ОАЭ Абу-Даби, ОАЭ медбур рытъя тыш
Ворссьӧм 16-3  США Алджамейн Стерлинг Шуӧм UFC 273 2022.04.09 5 5:00  США Джексонвилл UFC медся кокни сьӧктаын чемпион титул вӧсна тыш
Вермӧм 16-2  США Кори Сэндхэген Шуӧм UFC 267 2021.10.30 5 5:00  ОАЭ Абу-Даби Босьтіс недыр кадся чемпионлысь титул UFC-ын медся кокни сьӧктаын. Рытъя тыш [34]
Ворссьӧм 15-2  США Алджамейн Стерлинг Дисквалификация UFC 259 2021.03.07 4 4:29  США Лас-Вегас Воштіс UFC медся кокни сьӧктаын чемпионлысь титул
Вермӧм 15-1  Бразилия Жозе Алду Нокаут UFC 251 2020.07.12 5 3:24  ОАЭ Абу-Даби Босьтіс UFC-ын чемпионлысь титул медся кокни сьӧктаын
Вермӧм 14-1  США Юрайя Фейбер Нокаут UFC 245 2019.12.14 3 0:43  США Лас-Вегас Рытъя выступление
Вермӧм 13-1  США Джимми Ривера Шуӧм UFC 238 2019.06.08 3 5:00  США Чикаго
Вермӧм 12-1  США Джон Додсон Шуӧм UFC Fight Night: Блахович vs. Сантус 2019.02.23 3 5:00  Чехия Прага
Вермӧм 11-1  Бразилия Дуглас Силва ди Андради Нокаут UFC 232 2018.12.29 2 5:00  США Инглвуд
Вермӧм 10-1  Республика Корея Джин Су Сон Шуӧм UFC Fight Night 136 2018.09.15 3 5:00  Россия Москва тышыс 62,1 кг сьӧктаын; Медбур рытъя тыш
Вермӧм 9-1  Япония Тэруто Исихара Нокаут UFC Fight Night 132 2018.06.23 1 3:28 Сингапур Сингапур UFC-ын дебют
Вермӧм 8-1  Бразилия Матеус Маттос Нокаут ACB 71 2017.09.30 3 2:27 Россия Москва Дорйис Absolute Championship Berkut чемпионлысь титул медся кокни сьӧктаын
Вермӧм 7-1 Флаг России Магомед Магомедов Шуӧм ACB 57 2017.04.15 5 5:00 Россия Москва Босьтіс Absolute Championship Berkut чемпионлысь титул медся кокни сьӧктаын
Вермӧм 6-1  Англия Эд Артур Шуӧм ACB 41 2016.07.15 3 5:00 Россия Сочи Медбур рытъя тыш
Ворссьӧм 5-1 Флаг России Магомед Магомедов Шуӧм ACB 32 2016.03.26 5 5:00 Россия Москва Медся кокни сьӧктаын Absolute Championship Berkut чемпион титул вӧсна тыш. Медбур рытъя тыш.
Вермӧм 5-0 Флаг России Мурад Каламов Шуӧм ACB 24 2015.10.24 3 5:00 Россия Москва Медся кокни сьӧктаын Absolute Championship Berkut гран-при финал. Босьтіс гран-при. Рытъя тыш.
Вермӧм 4-0 Флаг России Артур Мирзаханян Нокаут Professional Combat Sambo — Russia Cup 2015.07.05 1 2:40 Россия Омск
Вермӧм 3-0 Флаг России Харон Орзумиев Сетчӧм ACB 19 2015.05.30 1 0:47 Россия Калининград Медся кокни сьӧктаын Absolute Championship Berkut гран-при полуфинал
Вермӧм 2-0  Бразилия Ренато Веламе Шуӧм ACB 14 2015.02.28 3 5:00 Россия Грозный Absolute Championship Berkut-ын дебют. Медся кокни сьӧктаын гран-при четвертьфинал
Вермӧм 1-0 Флаг России Мурад Бакиев Нокаут Eurasian Fighting Championship — Baikal Fight 2014.12.20 3 0:45 Россия Иркутск

Ас олӧм

Пётр Ян гӧтыра, гӧтырыс — Юлия Ян, эм кык пи — Даниил и Константин[35]. Константин чужис 2020.06.22 Таиландын, кӧні Юлия вӧліс Пётрлӧн сборъяс вылын[36].

Прӧст кадӧ радейтӧ лыйсьыны автоматическӧй оружиеысь[37].

Пасйӧдъяс

  1. ↑ «Теперь мне будет проще прогрессировать»: чемпион Сибири по ММА объявил о переезде в Екатеринбург (рус.). www.e1.ru (16 кӧч тӧлысь 2018). Шыӧдчан кадпас: 2 моз тӧлысь 2025.
  2. ↑ Пётр Ян (рус.). UFC. Шыӧдчан кадпас: 12 моз тӧлысь 2025.
  3. ↑ Рейтинг бойцов. UFC Russia. Шыӧдчан кадпас: 27 сора тӧлысь 2025.
  4. ↑ «Моя фамилия пишется китайскими иероглифами». Пётр Ян о своих корнях. karate.ru.
  5. ↑ 1 2 Наталия Калинина. «Он как Хабиб, но для другой аудитории»: как парень из сибирской деревни стал чемпионом UFC и заработал $1 млн (рус.). Forbes (3 моз тӧлысь 2020). Шыӧдчан кадпас: 2 моз тӧлысь 2025.
  6. ↑ Биография Петра Яна (рус.). Fight.ru (22 йирым тӧлысь 2022). Шыӧдчан кадпас: 2 моз тӧлысь 2025.
  7. ↑ Жизнь за Полярным кругом, семь братьев и сестер, самый дерзкий русский в UFC. История Петра Яна (рус.). sport-express.ru (8 сора тӧлысь 2020). Шыӧдчан кадпас: 2 моз тӧлысь 2025.
  8. ↑ Разгружал баржи на Енисее, а теперь зарабатывает больше 10 млн за бой. Тренер и менеджер рассказали, как Петр Ян стал лучшим в UFC (рус.). matchtv.ru (13 сора тӧлысь 2020). Шыӧдчан кадпас: 2 моз тӧлысь 2025.
  9. ↑ Известный боец ММА объявил о переезде в Екатеринбург. ura.news. Шыӧдчан кадпас: 2 моз тӧлысь 2025.
  10. ↑ «Теперь мне будет проще прогрессировать»: чемпион Сибири по ММА объявил о переезде в Екатеринбург (рус.). www.e1.ru (16 кӧч тӧлысь 2018). Шыӧдчан кадпас: 2 моз тӧлысь 2025.
  11. ↑ «Ты чемпион!»: Жан-Клод ван Дамм обратился к уральскому бойцу ММА Петру Яну. TagilCity (8 вӧльгым тӧлысь 2023). Шыӧдчан кадпас: 2 моз тӧлысь 2025.
  12. ↑ Второй после Хабиба: россиянин Пётр Ян выиграл пятый бой в UFC (рус.). RT на русском. Шыӧдчан кадпас: 2 моз тӧлысь 2025.
  13. ↑ Русский боец Петр Ян вырубил легенду ММА и бросил вызов чемпиону UFC. Он завоевывает фанатов в США (рус.). sport24.ru. Шыӧдчан кадпас: 2 моз тӧлысь 2025.
  14. ↑ Пётр Ян нокаутировал Жозе Альдо и стал чемпионом UFC. Sports.ru. Шыӧдчан кадпас: 2 моз тӧлысь 2025.
  15. ↑ Петр Ян вошел в число 15 лучших бойцов UFC. РИА Новости (14 сора тӧлысь 2020). Шыӧдчан кадпас: 12 моз тӧлысь 2025.
  16. ↑ Пётр Ян вошел в топ-10 рейтинга Pound-For-Pound по версии сайта Fightmatrix. Sports.ru. Шыӧдчан кадпас: 2 моз тӧлысь 2025.
  17. ↑ Микаил Гусейнов. Пётр Ян проведёт титульный бой с Алду 11 июля (рус.). www.championat.com. Шыӧдчан кадпас: 2 моз тӧлысь 2025.
  18. ↑ UFC 251 weigh-in results and live video stream (англ.). MMA Junkie (10 сора тӧлысь 2020). Шыӧдчан кадпас: 2 моз тӧлысь 2025.
  19. ↑ Не Хабибом единым: Россия ждет еще одного чемпиона в UFC (рус.). Газета.Ru. Шыӧдчан кадпас: 2 моз тӧлысь 2025.
  20. ↑ «Мои люди, вероятно, убьют меня за это». Уайт хочет организовать титульный бой между Яном и Альдо (рус.). sport-express.ru (28 ода-кора тӧлысь 2020). Шыӧдчан кадпас: 2 моз тӧлысь 2025.
  21. ↑ Петр Ян подписал контракт на титульный бой с Алдо (рус.). AllBoxing.ru - Все новости бокса, MMA, бои на видео (10 лӧддза-номъя тӧлысь 2020). Шыӧдчан кадпас: 2 моз тӧлысь 2025.
  22. ↑ Вячеслав Моренко. Пётр Ян стал чемпионом UFC, победив Альдо на турнире UFC 251 (рус.). www.championat.com. Шыӧдчан кадпас: 2 моз тӧлысь 2025.
  23. ↑ Вячеслав Моренко. Пётр Ян установил рекорд по значимым ударам в бою для легчайшей весовой категории в UFC (рус.). www.championat.com. Шыӧдчан кадпас: 2 моз тӧлысь 2025.
  24. ↑ Mike Bohn. Petr Yan vs. Aljamain Sterling bantamweight title fight set for UFC 256 (рус.). mmajunkie.com. Шыӧдчан кадпас: 2 моз тӧлысь 2025.
  25. ↑ Петр Ян прервал серию поражений в UFC, РБК Спорт. Шыӧдчан кадпас: 2025.08.02.
  26. ↑ Боец UFC Петр Ян перенесет операцию после победы над Сун Ядуном. sportrbc.ru (18 рака тӧлысь 2024). Шыӧдчан кадпас: 2 моз тӧлысь 2025.
  27. ↑ Петр Ян победил экс-чемпиона UFC в главном поединке турнира в Макао, РБК Спорт (23 вӧльгым тӧлысь 2024). Шыӧдчан кадпас: 2025.08.02.
  28. ↑ Кирилл Иванов. Пётр Ян и Маркус Макги проведут бой 26 июля в Абу-Даби. championat.com. Чемпионат (18 лӧддза-номъя тӧлысь 2025). Шыӧдчан кадпас: 18 лӧддза-номъя тӧлысь 2025.
  29. ↑ Пётр Ян победил Маркуса Макги на турнире UFC в Абу-Даби, TACC (26 сора тӧлысь 2025). Шыӧдчан кадпас: 26 сора тӧлысь 2025.
  30. ↑ UFC Fight Night 136 bonuses: Oleinik, Blachowicz among $50,000 winners (англ.). MMA Junkie (15 кӧч тӧлысь 2018). Шыӧдчан кадпас: 2 моз тӧлысь 2025.
  31. ↑ Результаты и бонусы UFC 267 (рус.). UFC. Шыӧдчан кадпас: 12 моз тӧлысь 2025.
  32. ↑ MMA DNA. MMA DNA UFC Awards 2018 : De Uitslagen!!! (англ.). Шыӧдчан кадпас: 2 моз тӧлысь 2025.
  33. ↑ Российский боец Петр Ян стал номинантом World MMA Awards. ТАСС. Шыӧдчан кадпас: 2 моз тӧлысь 2025.
  34. ↑ Денис Чередник. Бонусы турнира UFC 267 (рус.) (31 йирым тӧлысь 2021). Шыӧдчан кадпас: 8 моз тӧлысь 2025.
  35. ↑ Александр Кожевников. Пётр Ян забрал жену и новорождённого сына из роддома в Таиланде (рус.). www.championat.com. Шыӧдчан кадпас: 2 моз тӧлысь 2025.
  36. ↑ У Петра Яна родился сын (рус.). sport-express.ru (22 лӧддза-номъя тӧлысь 2020). Шыӧдчан кадпас: 2 моз тӧлысь 2025.
  37. ↑ Петр Ян "No Mercy". Absolute Championship Akhmat. Шыӧдчан кадпас: 2 моз тӧлысь 2025.

Ыстӧгъяс

Босьтӧма "https://kv.ruwiki.ru/w/index.php?title=Ян_Пётр_Евгеньевич&oldid=482140"-ысь