Basshunter

Босьтӧма Рувикиысь
Basshunter
швед Jonas Erik Altberg
Basshunter, 20 april 2008 in Halmstad.jpg
Чужигӧн сетӧм нимыс швед Jonas Erik Altberg
Чужан лун 1984-ӧд вося ӧшым тӧлысь 22-ӧд лун(1984-12-22)[1] (41 ар)
Чужанін
Страна
Мыйся уджыс сьылысь, музыкальный продюсер, диджей, автор песен
Гӧтыр Tina Makhia Khayatsadeh[d][2][3]
Ошканпасъяс да премияяс
Автограф Изображение автографа
Сайт basshunter.se (англ.)
Логотип РУВИКИ.Медиа Медиафайлы на РУВИКИ.Медиа

Ю́нас Э́рик О́лтберг (тӧдса кыдз Basshunter, 1984-ӧд вося ӧшым тӧлысь 22-ӧд лун[1], Хальмстад[d][1]) — швед сьылысь, продюсер да диджей.

Олантуй

Юнас Олтбрег чужис Швецияса Халмстадын Карл Йоран Олтбрег да Гунхильда Элизабет Олтбрег семьяын[4]. Сылӧн эм ичӧтджык вок, Иоаким. Сылӧн мамыс вӧлӧма велӧдысьӧн да шӧр школаса директорӧн, а сідзжӧ Швецияса велӧдысьяс профсоюзса петкодлысьӧн. Сылӧн батьыс уджаліс стрӧитчан компанияын. Олтбрег медводз велӧдчис Kattegattgymnasiet шӧр школаын. Но сэсся сійӧ вуджис Халмстадса Sturegymnasiet шӧр школаӧ да кутіс велӧдны шылад. Сійӧ сідзжӧ велӧдчис колледжын, но эз помав сійӧс. 1998 воын сійӧ заводитіс сьывны хорын, мыйӧн веськӧдліс сылӧн мамыс. Сійӧ сідзжӧ сьыліс рок-группаын, кӧні тӧдмасис экспериментальнӧй музыкаӧн[5].

Карьера

Заводитіс петкӧдчыны Basshunter сайним улын 2001 воын, аслас медводдза сьыланкывъяс лӧсьӧдігӧн вӧдитчис «Fruity Loops»  (рус.) (коми программаӧн. Кор сыкӧд кырымаліс контракт Warner Music компания, сійӧ лӧсьӧдіс уна демояс да разӧдісны ӧтуввезйын[5].

Сылӧн медводдза студияса альбом, The Bassmachine, петіс 2004 вося моз тӧлысь 25-ӧд лунӧ[6].

Basshunter уджалӧ денскор жанрын да мукӧд электроннӧй нырвизьын. Тшӧкыда сылысь шыладсӧ сорлалӧны евроданскӧд  (рус.) (коми. Паськыда нималісны сылӧн «Boten Anna»[7] да «Vi sitter i Ventrilo och spelar DotA» клипъяс.

«Boten Anna» вӧлі медводдза композиция швед кыв вылын, мый босьтіс медводдза строкаяс Европаса уна странаяслӧн чартъясын. Бӧрынджык вӧлі лэдзӧма сьыланкывйыслысь англичан кыв вылын версия — «Now You’re Gone». Сійӧ уна вежон чӧж лоис Великобританияса да Америкаса хит-парадъясын медводдзаӧн, а ӧти нима клипыс лоис медся видзӧданаӧн. Сьылысьлӧн эм нёль студияса альбом, на лыдын «Saturday», «Boten Anna», «All I Ever Wanted», «Every Morning» да уна мукӧд хит.

«Saturday» синглсӧ вӧлі лэдзӧма 2010 вося сора тӧлысь 5-ӧд лунӧ[8], сійӧ воис выль Зеландияса чартын 14-ӧд местаӧдз[9] да вӧлі сертифицируйтӧма зарниӧн.

2013 вося лӧддза-номъя тӧлысьын Basshunter петкӧдліс ассьыс выль синглсӧ «Crash & Burn» выль Calling Time альбомысь, мый петіс 2013 вося ода-кора тӧлысь 13-ӧд лунӧ Gallo Record Company лейбл вылын. Дискӧ пыртӧма 18 композиция.

Мирса йӧктан сцена вылын медся колана артистъясысь ӧти, Basshunter некор оз дугдыв ассьыс гастрольяссӧ. 2013 воын сійӧ петкӧдчис нин Ирландияын, Англияын, АӦШ-ын, Австралияын да Европаын, а сора тӧлысь 13-ӧд лунӧ воліс Москваӧ, участвуйтіс ыджыд open-air Europa Plus Live-ын.

2013 вося вӧльгым тӧлысь 20-ӧд лунӧ вӧлі лэдзӧма «Elinor» сингл. 2014 вося вӧльгым тӧлысь 25-ӧд лунӧ Basshunter юӧртіс выль альбом гижӧм йылысь. 2015 воын сійӧ гижис Mange Makers группалы «Mange kommer hem till dig» сьыланкыв. 2018 вося йирым тӧлысь 19-ӧд лунӧ вӧлі лэдзӧма «Masterpiece» сингл[10]. «Home» синглсӧ вӧлі лэдзӧма 2019 вося кӧч тӧлысь 27-ӧд лунӧ[11]. «Angels Ain’t Listening» синглсӧ вӧлі лэдзӧма 2020 вося ода-кора тӧлысь 29-ӧд лунӧ[12].

Ас олӧм

Радейтӧ видеоворсӧмъяс да гитара. Сійӧ висьӧ Туретта синдромӧн  (рус.) (коми[13].

Celebrity Big Brother реалити-шоуын петкӧдчигӧн сійӧ волысис Екатерина Ивановакӧд[14].

2017 вося тӧвшӧр тӧлысь 19-ӧд лунӧ гӧтрасис Тина Махия Хаяцаде вылӧ. Кӧлысьыс вӧлі Дубайын[15].

2010 вося ӧшым тӧлысь 10-ӧд лунӧ Файфса полиция мыждіс сійӧс сексуальнӧй мыж вӧчӧмысь Шотландияса Кирколдиын войся клубын гаж дырйи. Сійӧс лэдзисны залог вылӧ. Диджейлӧн менеджерыс шуис, мый мыжалӧмъясыс абу збыльӧсь[16]. Basshunter эз признайт асьсӧ мыжаӧн кык нывбабаӧс мырдӧналӧмысь 2011 вося тӧвшӧр тӧлысь 12-ӧд лунӧ карса шерифлӧн ёрдын[17]. 2011 вося лӧддза-номъя тӧлысь 14-ӧд лунӧ сійӧс шуисны мыжтӧмӧн, а шериф шуис, мый кык мыжалысьлы эскыны оз позь[18], а налӧн висьталӧмъясыс абу эсканаӧсь[19].

Дискография

Студияса альбомъяс

• The Bassmachine (2004)
• LOL (^^,) (2006)
• Now You’re Gone — The Album (2008)
• Bass Generation (2009)
• Calling Time (2013)

Сьыланкывъяс

• «The Big Show» (2004)
• «Welcome to Rainbow» (2006)
• «Boten Anna» (2006)
• «Vi sitter i Ventrilo och spelar DotA» (2006)
• «Jingle Bells» (2006)
• «Vifta med händerna» (2006)
• «Now You’re Gone» (2007)
• «Please Don’t Go» (2008)
• «All I Ever Wanted» (2008)
• «Angel in the Night» (2008)
• «Russia Privjet (Hardlanger Remix)» (2008)
• «I Miss You» (2008)
• «Walk on Water» (2009)
• «Al final» (2009)
• «Every Morning» (2009)
• «I Promised Myself» (2009)
• «Saturday» (2010)
• «Fest i hela huset» (2011)
• «Northern Light» (2012)
• «Dream on the Dancefloor» (2012)
• «Crash & Burn» (2013)
• «Calling Time» (2013)
• «Elinor» (2013)
• «Masterpiece» (2018)
• «Home» (2019)
• «Angels Ain’t Listening» (2020)
• «Life Speaks to Me» (2021)
• «End the Lies» (& Alien Cut) (2022)
• «Boten Anna» (2023)

Пасйӧдъяс

  1. ↑ 1 2 3 4 Bio (англ.)
  2. ↑ Basshunter har gift sig (швед.)
  3. ↑ Svenska stjärnan har skilt sig – efter bara ett år (швед.) — 2020.
  4. ↑ Gunhild Elisabet Altberg (швед.). Proff. Шыӧдчан кадпас: 6 йирым тӧлысь 2025. Архивируйтӧма оригинала 16 йирым тӧлысь 2014 года.
  5. ↑ 1 2 Факты – Basshunter - Вики: Биография (неопр.). Кинориум. Шыӧдчан кадпас: 6 йирым тӧлысь 2025.
  6. ↑ Releases. Alex Music. Шыӧдчан кадпас: 6 йирым тӧлысь 2025. Архивируйтӧма 20 ӧшым тӧлысь 2013.
  7. ↑ Antti Niemelä. Basshunter (фин.). Findance.com (14 кӧч тӧлысь 2006). Шыӧдчан кадпас: 6 йирым тӧлысь 2025. Архивируйтӧма 25 урасьӧм тӧлысь 2007.
  8. ↑ Basshunter – Saturday. Discogs. Шыӧдчан кадпас: 6 йирым тӧлысь 2025. Архивируйтӧма 30 йирым тӧлысь 2014.
  9. ↑ Basshunter – Saturday (song). charts.nz. Шыӧдчан кадпас: 6 йирым тӧлысь 2025. Архивируйтӧма 4 урасьӧм тӧлысь 2018.
  10. ↑ Masterpiece - Single (швед.). Apple Music. Шыӧдчан кадпас: 6 йирым тӧлысь 2025. Архивируйтӧма 19 йирым тӧлысь 2018.
  11. ↑ Home- Single (швед.). Apple Music. Шыӧдчан кадпас: 6 йирым тӧлысь 2025. Архивируйтӧма 27 кӧч тӧлысь 2019.
  12. ↑ Angles Ain't Listening – Single. Apple Music. Шыӧдчан кадпас: 6 йирым тӧлысь 2025. Архивируйтӧма 14 лӧддза-номъя тӧлысь 2020.
  13. ↑ BBC - Chart Blog: A Serious Interview With Basshunter About Tourette's Syndrome (англ.). www.bbc.co.uk. Шыӧдчан кадпас: 6 йирым тӧлысь 2025. Архивируйтӧма 18 ӧшым тӧлысь 2020.
  14. ↑ Harry Amster. Basshunters gyllene miss (швед.). Svenska Dagbladet (10 рака тӧлысь 2010). Шыӧдчан кадпас: 6 йирым тӧлысь 2025. Архивируйтӧма 11 йирым тӧлысь 2014.
  15. ↑ Torbjörn Ek. Basshunter har gift sig (швед.). Aftonbladet (20 тӧвшӧр тӧлысь 2017). Шыӧдчан кадпас: 6 йирым тӧлысь 2025. Архивируйтӧма 21 тӧвшӧр тӧлысь 2017.
  16. ↑ BBC News: Basshunter music star on sex attack charges. BBC (14 ӧшым тӧлысь 2010). Шыӧдчан кадпас: 6 йирым тӧлысь 2025. Архивируйтӧма 30 ӧшым тӧлысь 2010.
  17. ↑ BBC News: Basshunter music star denies sex attack charges. BBC (12 тӧвшӧр тӧлысь 2011). Шыӧдчан кадпас: 6 йирым тӧлысь 2025. Архивируйтӧма 15 тӧвшӧр тӧлысь 2011.
  18. ↑ DJ Basshunter cleared of Kirkcaldy club sex charges. BBC (14 лӧддза-номъя тӧлысь 2011). Шыӧдчан кадпас: 6 йирым тӧлысь 2025. Архивируйтӧма 17 лӧддза-номъя тӧлысь 2011.
  19. ↑ DJ cleared of nightclub sexual assault charges, The Daily Telegraph (15 лӧддза-номъя тӧлысь 2011), С. 2. Шыӧдчан кадпас: 6 йирым тӧлысь 2025.

Ыстӧгъяс

Босьтӧма "https://kv.ruwiki.ru/w/index.php?title=Basshunter&oldid=482146"-ысь