Battlefield 6

Босьтӧма Рувикиысь
Battlefield 6
Battlefield 6.png
Разработчик Battlefield Studios
Йӧзӧдысь Electronic Arts
Серия юкӧн Battlefield
Анонс кадпас 24.07.2025
Йӧзӧдан кадпас 10.20.2025
Жанр медводдза мортсянь шутер
Техническӧй мыччӧдъяс
Платформа Windows, PlayStation 5, Xbox Series X/S
Движок Frostbite
Ворсан режим унаӧн ворсысьлы, ӧткӧн ворсыссьлы, кооперативнӧй
Веськӧдлӧм шыпаспӧв, компьютер шыр и геймпад[d]
Официальнӧй сайт
Логотип РУВИКИ.Медиа Медиафайлы на РУВИКИ.Медиа

Battlefield 6 — Battlefield Studios разработчик консцорциумлӧн медводдза мортсянь шутер жанрын компьютернӧй ворсӧм, адаптируйтӧма PlayStation 5, Xbox Series X/S улӧ да Windows веськӧдлӧм улын персональнӧй компьютеръяслы[1]. Йӧзӧдан кадпас — 2025 вося йирым тӧлысь 10-ӧд лун[2].

Ворсӧмыс мунӧ 2027-2028 воясӧ, кор пансьӧ глобальнӧй конфликт НАТО-лӧн киссьӧм альянс да Pax Armata частнӧй военнӧй корпорация костын, кодӧс финансируйтӧны альянсӧ пырлӧм канмуяс[3]. Серияса воддза юкӧн Battlefield 2042 серти BF6-ын бӧр позьӧ ӧткӧн ворсны. Ворсӧмлӧн медводдза сезон петӧмкӧд ӧттшӧтш лоис позяна ворсны Battlefield Redsec - «королевскӧй тыш» дон босьттӧм режимын[4].

Сюжет

Ворсӧмын лоӧмторъясыс мунӧны ӧнія кадӧ (сеттингын  (рус.) (коми), кӧні шӧр места босьтӧ НАТО да Pax Armata частнӧй военнӧй корпорация  (рус.) (коми костын паныд сувтӧм. Тайӧ вӧвлӧм НАТО-са канмуясӧн сьӧмӧн могмӧдӧм компанияысвермас торкны став мирлысь аскиалунсӧ да ладсӧ[1][5].

Ворсӧмыс мунӧ ыджыд тшупӧда военнӧй конфликтъяс моз, кӧні зэв тӧдчана роль ворсӧ танкъяс, истребительяс да мукӧд сикас боевӧй техника костын йитчӧм. Ворсӧмлӧн медшӧр мӧвпыс: тотальнӧй война дырйи ворсысьлӧн отрядыс — медся вына ӧружье[1][5].

Ворсӧм

Battlefield 6 — ыджыд тшупӧда косьяс вылӧ да ворсысьяс костын тактическӧй ӧтувъя удж вылӧ веськӧдӧм мультиплеернӧй медводдза мортсянь шутер  (рус.) (коми. Разработчикъяс бӧр бергӧдчисны традиционнӧй класса система дінӧ, специалистъяслӧн концепцияысь ӧтдортчӧмӧн, — ворсысьяс вермӧны бӧрйыны некымын рольысь ӧтиӧс, на пиысь быдӧнлӧн эм торъя кужанлунъяс, снаряжение да ӧружье. Татшӧм системаыс отсалӧ пыдісяньджык тактическӧя уджавны ӧтув да специализируйтчыны отряд пытшкын, мыйӧн торъялӧ Battlefield 2042  (рус.) (коми ворсӧмын специалистъяс системаысь. Классъясӧ бӧр бергӧдчӧмлӧн могыс — ёнмӧдны командаӧн ворсӧмсӧ да вӧчны быд рольсӧ тыш мунан поле вылын тӧдчанаджыкӧн[1][6]. Эм 4 класс[7]:

  1. Штурмовик: вӧдитчӧ штурм винтовкаясӧн; ӧдйӧ вуджӧ котӧртомсянь лыйсьӧмӧ да вежлалӧ ӧружье.
  2. Инженер: вӧдитчӧ пистолетъясӧн-пулемётъясӧн; стӧча лыйсьӧ пистолетъясысь-пулемётъясысь;
  3. Поддержка: вӧдитчӧ кивывса пулемётъясӧн; котӧртӧ стандартӧй ӧдӧн пулемётӧн;
  4. Разведчик: вӧдитчӧ снайпер винтовкаясӧн; эм прицеллӧн ичӧтджык качайтчӧм, прицелын сынӧд кутӧмлӧн ыджыдджык кадколаст да «снайперкаясӧн» вӧдитчигӧн ыджыдджык ӧдӧн лыйсьӧм[7].
  • Официальнӧй скриншотъяс Battlefield 6-ысь
  • 1-Официальный скриншот из Battlefield 6.jpg
  • 2-Официальный скриншот из Battlefield 6.jpg
  • 3-Официальный скриншот из Battlefield 6.jpg
  • 4-Официальный скриншот из Battlefield 6.jpg
  • 5-Официальный скриншот из Battlefield 6.jpg
  • 6-Официальный скриншот из Battlefield 6.jpg
  • 7-Официальный скриншот из Battlefield 6.jpg

Ворсӧмлӧн медшӧр режимъясӧ пырӧны паськыд картаяс вылын тышъяс, кӧні участвуйтӧ 64 мортӧдз[8]. Таысь кындзи, Battlefield 6 ворсӧмыс пыртӧ ас пытшкас[1]:

  • пехота тышъяс: му вылын тышъяс, кӧні вӧдитчӧны уна сикас лыйсян ӧружьеӧн да гаджетъясӧн;
  • сынӧдын тышъяс: истребительяс костын дуэльяс;
  • гӧгӧртас жугӧдӧм: гӧгӧртас элементъяс жугӧдӧм вермас сетны тактическӧй преимущество;
  • паськыд арсенал: некымын дас разнӧй боевӧй техника, тшӧтш и танкъяс, бронетранспортёръяс да мукӧд машинаяс;
  • выль механикаяс: позянлун кыскыны доймӧм ёртъясӧс безопаснӧй местаӧ да уськӧдны врагъяс вылӧ дзонь стрӧйбаяс; казялан система бурмӧдӧм (англичан Spotting Mechanic)[1][9].

Вӧдитчана ӧружье

Инсайдеръяслӧн юӧр серти, ворсӧмлӧн тыр версияын кутасны вӧдитчыны татшӧм ӧружьеӧн[10][11]:

Класс Модель
Штурмовӧй винтовкаяс
  • SCAR-L
  • QBZ-192
  • MSBS GROT
  • SCAR-SC
  • SIG 553
  • Tavor 7
  • ACE32
  • AK-205
  • HK G36
  • HK417
  • HK433
  • L85A3
  • M4A1
  • M27 IAR
Пистолетъяс-пулемётъяс
  • MP5 MLI
  • MP7A2
  • MPX
  • P90
  • Vector
  • UMP 40
  • APDW
  • APC10
Кивывса пулемётъяс
  • MG4K
  • Minimi
  • РПК
  • M60E6
  • Ultimax
  • M240
  • M250
Снайпер винтовкаяс
  • MRAD
  • СВ-98
  • Mini Fix
  • M2010 ESR
Марксманскӧй винтовкаяс
  • СВЧ
  • СВД
  • XM7
  • ARA DMR
  • G3A4
  • M39 EMR
  • M14 EBR
  • Kel-Tec RFB
Дробовикъяс
  • DP-12
  • 5KSK
  • 590A1
  • M1014
Пистолетъяс
  • Raging Hunter
  • TRR8
  • Five-seveN
  • Glock 22
  • M18
  • M45A1
Гранатомётъяс
  • AT4
Матысса тыш дырйи
  • Кувалда

История да паськӧдӧм

Медводдза юӧръясыс Battlefield серияын выль ворсӧм йылысь петісны 2024 вося кӧч тӧлысь 16 лунӧ: сэки EA Studios группаса генеральнӧй менеджер Винс Зампелла юӧртіс, мый выль ворсӧмын лоӧмторъясыс кутасны мунны ӧнія кадӧ. Сійӧ сідзжӧ шуис ворсӧмсӧ EA-лӧн историяын медся ыджыд кӧсйӧмъяса проектӧн да висьталіс, мый сы вылын уджалӧны 4 ворсан студия: DICE, Motive, Ripple Effect да Criterion (ӧтка режим лӧсьӧдӧмын участвуйтліс сідзжӧ Ridgeline Games, но 2024 во заводитчигӧн сійӧс тупкисны)[12].

2025 вося урасьӧм тӧлысь 3-ӧд лунӧ EA эскӧдіс, мый выль ворсӧмсӧ лӧсьӧдӧ Battlefield Studios нима котыр. Ворсан проектсӧ кодӧн нимтісны Battlefield Labs; вӧлі петкӧдлӧма медводдза трейлер, кӧні петкӧдлӧма ворсан процесссӧ[13]. Тайӧ жӧ кадколастӧ заводитчис пӧдса тестируйтӧм, сылысь кадръяссӧ вӧлі йӧзӧдӧма ӧтуввезйын 2025 вося рака тӧлысьын[14].

Официальнӧй нимыс лои тӧдса сора тӧлысь 19-ӧд лунӧ[15]; сора тӧлысь 21-ӧд лунӧ лои тӧдса, мый медводз ворсӧмыс лоӧ восьса бета-тестирование пыр[16]. Мӧд луннас ЕА студия юӧртіс, мый ворсӧмсӧ официальнӧя юӧртасны сора тӧлысь 24-ӧд лунӧ[17], а «ревил» водзвылын разработчикъяс юксисны, мый медшӧр прӧтивникъясӧн ворсӧмас лоӧны Pax Armata да НАТО организацияяс[18]. Индӧм лунӧ вӧлі йӧзӧдӧма трейлер, сыкӧд тшӧтш вӧлі казьтыштӧма, мый сора тӧлысь 31-ӧд лунӧ мунас унаӧн ворсана режимлӧн презентация[19].

Battlefield 6 анонс трейлер

Сора тӧлысь 30-ӧд лунсянь 31-ӧд лунӧдз войӧ ворсан серияса представительяс йӧзӧдӧмаӧсь «мультиплеерлысь» 15 секундся тизер, но регыд мысти сійӧс чышкӧмаӧсь. Видеоын вӧліны геймплейлӧн кадръяс да ворсӧмлӧн петан кадпас — 2025 вося йирым тӧлысь 10-ӧд лун[2]. Сыысь кындзи, сора тӧлысь 31-ӧд лунӧ инсайдеръяс юӧртісны, мый моз тӧлысьын лоасны публичнӧй бета-тестированиеяслӧн куим гы: медводзыс заводитчас моз тӧлысь 7-ӧд лунӧ, позяс пырӧдчыны ключьяс пыр (кодъясӧс босьтӧны предзаказ серти либӧ видзӧдӧны стримъяс Twitch вылын) 48 час чӧж; мӧдыс лоӧ восьса быд окотитысьлы моз тӧлысь 9-11 лунъясӧ; коймӧдыс — моз тӧлысь 14-17 лунъясӧ[20].

2025 вося моз тӧлысь 28-ӧд лунӧ Electronic Arts да Battlefield Studios котырысь разработчикъяс петкӧдлісны[21] ворсӧмлӧн ПК-версиялысь трейлер. Сідзжӧ лоины тӧдсаӧсь ворсӧм дорӧ техническӧй корӧмъяс. Кӧсйысьӧны сетны 4K разрешение, урчиттӧм кадр частота, ультрапаськыд мониторъяс (21:9, 32:9) да 600 сайӧ разнӧй настройка[22].

2025 вося кӧч тӧлысь заводитчигӧн ӧтуввезйын мыйкӧ мында петкӧдчис Battlefield 6 геймплей, коді петкӧдліс оружие вылӧ няйт да бус чукӧртан механика, коді эз вӧв Battlefield 2042 воын. Неыджыд юкӧнын петкӧдлӧма, кыдзи оружие тыш дырйи вевттьысьӧ няйтӧн[23].

Ворсӧмыс петіс 2025 вося йирым тӧлысь 10-ӧд лунӧ ӧттшӧтш став платформа вылас. Battlefield генеральнӧй менеджер Байрон Бидлӧн висьталӧм серти, релизыс муніс бура: медводдза кык вежоннас ворсӧмыс вевтыртіс франшизалысь став рекордъяссӧ да лои 2025 вося медся ыджыд запускъясысь ӧтиӧн[4].

2025 вося йирым тӧлысь 21-22 лунъясӧ Steam-ын ворсан официальнӧй котырӧ воисны СНГ-са ворсысьяссянь уна норасьӧм. Найӧ дыр эз вермыны йитчыны Battlefield 6 серверъяс дінӧ, мый йылысь сідзжӧ висьтавлісны мукӧд техническӧй форумъясын[24].

2025 вося йирым тӧлысь 28-ӧд лунӧ петіс 1.1.1.0 выльмӧдӧм, коді бурмӧдіс ворсанногсӧ, тшӧтш переработайтіс движениеа анимацияяс, оружие баланс, би да шы. Сійӧ жӧ лунӧ заводитчис «Rogue Operations» нима медводдза сезон, кодӧс вӧлі юкӧма куим тшупӧд вылӧ[25]:

  • 1 тшупӧд (йирым тӧлысь 28-ӧд лун): содтӧма Blackwell Fields карта, Strikepoint режим, куим выль сикас ӧружие; заводитӧма Battlefield Redsec.
  • 2-ӧд тшупӧд «California Resistance» (вӧльгым тӧлысь 18-ӧд лун): содтӧма Eastwood карта, Sabotage режим да бӧр бергӧдӧма Battle Pickups механика.
  • 3-ӧд тшупӧд «Winter Offensive» (ӧшым тӧлысь 9-ӧд лун): содтӧма торъя сезоннӧй событие[25].

Техника боксянь корӧмъяс

Минимальнӧй (1080p, 30 кадр/с, графикалӧн ичӧт настройкаяс)

  • ОС: Windows 10 (64 бит);
  • процессор: Intel Core i5-8400 или AMD Ryzen 5 2600;
  • видеокарта: Nvidia GeForce RTX 2060, AMD Radeon RX 5600 XT или Intel Arc A380;
  • видеопамять: 6 Гбайт;
  • оперативнӧй память: 16 Гбайт;
  • DirectX: 12;
  • накопительын ин: 55 Гбайт HDD вылын.

Вӧзъяна (1440p, 60 кадр/с, вылыс настройкаяс / 1080p, 80+ кадр/с, ичӧт настройкаяс)

  • ОС: Windows 11 (64 бит);
  • процессор: Intel Core i7-10700 или AMD Ryzen 7 3700X;
  • видеокарта: Nvidia GeForce RTX 3060 Ti, AMD Radeon RX 6700 XT или Intel Arc B580;
  • видеопамять: 8 Гбайт;
  • оперативнӧй память: 16 Гбайт;
  • DirectX: 12;
  • накопительын ин: 90 Гбайт SSD вылын.

«Ультра» корӧмъяс (4K, 60 кадр/с, «Ультра» настройкаяс/ 1440p, 144 кадр/с, вылыс настройкаяс)

  • ОС: Windows 11 (64 бит);
  • процессор: Intel Core i9-12900K или AMD Ryzen 7 7800X3D;
  • видеокарта: Nvidia GeForce RTX 4080 или AMD Radeon RX 7900 XTX;
  • видеопамять: 16 Гбайт;
  • оперативнӧй память: 32 Гбайт;
  • DirectX: 12;
  • накопительын ин: 90 Гбайт SSD вылын[22].

Бета-тестируйтӧм

2025 вося моз тӧлысь 4-ӧд лунӧ лои позяна водзвыв пуктыны ворсӧмсӧ. Регыд мысти ворсысьяс казялісны, мый Windows вылын ворсӧмсӧ заводитӧм вылӧ колӧ включитӧм Secure Boot  (рус.) (коми функция, мый унджык вӧдитчысьыслӧн вӧлі выключитӧма[26]. EA водзвыв йӧзӧдіс функция активируйтӧм кузя инструкция[27]:

  1. Личкӧй Win + R, гижӧй msinfo32 да эскӧдӧй.
  2. «Система йылысь юӧръяс» ӧшиньын видзӧдлыны, мый BIOS Mode — UEFI, а Secure Boot State — Off (On нин кӧ, немтор вӧчны оз ков).
  3. Видзӧдлӧй, медым TPM 2.0 модульыс вӧлі активнӧй: Win + R → tpm.msc → «Готов к использованию» статус.
  4. Система дисквывса юкӧдлысь типсӧ прӧверитӧй:
    1. Win + X → «Управление дисками» → OSDisk (C:) дискын веськыд клик → «Свойства» → «Тома» вкладка.
    2. Partition style полеын должен лоны GUID Partition Table (GPT).
    3. Индӧма кӧ MBR, конвертируйтӧй дисксӧ mbr2gpt /convert /disk:0 /allowFullOS командаӧн администраторлӧн команднӧй стрӧкаысь.
  5. Восьтӧй «Параметры Windows» → «Система» → «Восстановление» → «Особые варианты загрузки» → «Перезагрузить сейчас», сэсся бӧрйӧй «UEFI Firmware Settings».
  6. Перезагрузка борын пырӧй BIOS/UEFI-ӧ и вуджӧй Boot либӧ Security вкладкаӧ.
  7. Аддзӧй Secure Boot параметр и пуктӧй Enabled. Параметрыс кӧ абу активнӧй, медводз вӧчӧй Reset Secure Boot Keys либӧ сетӧй BIOS администраторлысь гусякывсӧ.
  8. Стӧчмӧдӧй, мый OS Type пуктӧма Windows UEFI Mode-ӧ.
  9. Вуджӧй Exit вкладка вылӧ и бӧрйӧй «Save Changes & Reset». ПК перезагрузитчас включитӧм Secure Boot-ӧн.
  10. Выльысь лэдзӧй msinfo32; Secure Boot State полеыс должен петкӧдлыны On.
  11. Заводитӧй EA-лысь ворсӧмсӧ — Secure Boot коланлун йылысь юӧрыс вошӧ.

BIOS/UEFI интерфейс торъялӧ разнӧй производительяслӧн. Индӧдъясыс кӧ оз лӧсявны, шыӧдчӧй материнскӧй плата либӧ ПК документацияӧ. Став официальнӧй инструкциясӧ позьӧ аддзыны тайӧ ыстӧгысь[28]. Battlefield 6 восьса бета-тест лои медся ыджыдӧн серияын. Моз тӧлысь 9-ӧд лунӧ «бетаын» вӧлі 521 079 морт. Тайӧ петкодлас сертиыс предварительнӧй версияыс пырис став кадӧн кызь медся популярнӧй Steam-са ворсӧмъяс лыдӧ[29].

Пасйӧдъяс

  1. ↑ 1 2 3 4 5 6 Battlefield™ 6. Steam. Шыӧдчан кадпас: 1 кӧч тӧлысь 2025.
  2. ↑ 1 2 Утечка подтвердила дату выхода Battlefield 6 — Electronic Arts раньше времени показала тизер нового трейлера. 3DNews.ru. Шыӧдчан кадпас: 1 кӧч тӧлысь 2025.
  3. ↑ Дебютный видеоролик Battlefield 6 раскрывает захватывающее будущее культовой серии. Electronic Arts. Шыӧдчан кадпас: 7 вӧльгым тӧлысь 2025.
  4. ↑ 1 2 Battlefield REDSEC стартует одновременно с первым сезоном Battlefield 6. Electronic Arts. Шыӧдчан кадпас: 7 вӧльгым тӧлысь 2025.
  5. ↑ 1 2 Battlefield 6 first trailer reveals the thrilling future of the iconic series. Electronic Arts. Шыӧдчан кадпас: 1 кӧч тӧлысь 2025.
  6. ↑ Prepare for Battlefield 6 - Coming Soon! Electronic Arts. Шыӧдчан кадпас: 1 кӧч тӧлысь 2025.
  7. ↑ 1 2 Battlefield 6: All the info on the new shooter, Red Bull. Шыӧдчан кадпас: 1 кӧч тӧлысь 2025.
  8. ↑ Electronic Arts анонсирует Battlefield 6 уже на этой неделе — запущен обратный отсчёт до выхода первого трейлера. 3Dnews.ru. Шыӧдчан кадпас: 1 кӧч тӧлысь 2025.
  9. ↑ How Battlefield 6 Can Improve the Series' Spotting Mechanic. Game Rant. Шыӧдчан кадпас: 1 кӧч тӧлысь 2025.
  10. ↑ Battlefield 6 Leak Reveals Every Gun in the Game. Comicbook.com. Шыӧдчан кадпас: 1 кӧч тӧлысь 2025.
  11. ↑ Every Weapon Spotted in the Battlefield 6 Reveal Trailer. Fandomwire.com. Шыӧдчан кадпас: 1 кӧч тӧлысь 2025.
  12. ↑ Exclusive: Vince Zampella Confirms Next Battlefield Will Use Modern Setting, First Concept Art Revealed. IGN. Шыӧдчан кадпас: 1 кӧч тӧлысь 2025.
  13. ↑ First Official Look at New Battlefield Gameplay as EA Reveals Battlefield Labs. IGN. Шыӧдчан кадпас: 1 кӧч тӧлысь 2025.
  14. ↑ PSA: Early Battlefield 6 Footage Seems to Have Leaked Online. IGN. Шыӧдчан кадпас: 1 кӧч тӧлысь 2025.
  15. ↑ Battlefield 6 is seemingly just called Battlefield 6, according to leaked packages sent to content creators that might signal a reveal from EA soon. Games Radar. Шыӧдчан кадпас: 1 кӧч тӧлысь 2025.
  16. ↑ Battlefield 6 Open Beta Confirmed, Will Include This Key Change. GameSpot. Шыӧдчан кадпас: 1 кӧч тӧлысь 2025.
  17. ↑ Battlefield 6 to Be Officially Revealed This Week. IGN. Шыӧдчан кадпас: 1 кӧч тӧлысь 2025.
  18. ↑ Battlefield 6 Campaign Teaser Shows NATO Under Attack, and Includes the Return of the Series' Classic Theme. IGN. Шыӧдчан кадпас: 1 кӧч тӧлысь 2025.
  19. ↑ Battlefield 6 - Official Reveal Trailer. IGN. Шыӧдчан кадпас: 1 кӧч тӧлысь 2025.
  20. ↑ Battlefield 6 Suffers Significant Leaks Ahead of Official Multiplayer Reveal. IGN. Шыӧдчан кадпас: 1 кӧч тӧлысь 2025.
  21. ↑ Battlefield™ 6 PC Trailer (рус.). Steam. Шыӧдчан кадпас: 1 кӧч тӧлысь 2025.
  22. ↑ 1 2 «Самая совершенная в истории серии»: Electronic Arts раскрыла окончательные системные требования Battlefield 6 и показала трейлер ПК-версии, 3DNews - Daily Digital Digest (28 моз тӧлысь 2025). Шыӧдчан кадпас: 1 кӧч тӧлысь 2025.
  23. ↑ Утечка геймплея Battlefield 6 показала возвращение реалистичного загрязнения оружия (9 кӧч тӧлысь 2025). Шыӧдчан кадпас: 10 кӧч тӧлысь 2025.
  24. ↑ Российские игроки в Battlefield 6 пожаловались на проблемы с доступом к игре, Cybersport.ru (22 йирым тӧлысь 2025). Шыӧдчан кадпас: 7 вӧльгым тӧлысь 2025.
  25. ↑ 1 2 EA поделилась подробностями крупного обновления 1.1.1.0 для Battlefield 6 - патч выйдет 28 октября. Playground.ru. Шыӧдчан кадпас: 7 вӧльгым тӧлысь 2025.
  26. ↑ Любавин, Игорь. Для Battlefield 6 на ПК необходима функция Secure Boot — в EA рассказали, как её включить. Шыӧдчан кадпас: 2025.09.01.
  27. ↑ Как работает безопасная загрузка на ПК. EA. Шыӧдчан кадпас: 1 кӧч тӧлысь 2025.
  28. ↑ Как использовать безопасную загрузку на ПК (рус.). help.ea.com. Шыӧдчан кадпас: 1 кӧч тӧлысь 2025.
  29. ↑ Открытый бета-тест Battlefield 6 стал крупнейшим в серии — шутер вошёл в топ-20 самых популярных игр Steam, 3DNews - Daily Digital Digest (2025.09.01). Шыӧдчан кадпас: 26 моз тӧлысь 2025.
Босьтӧма "https://kv.ruwiki.ru/w/index.php?title=Battlefield_6&oldid=482437"-ысь