Max (приложение)

Босьтӧма Рувикиысь
Max
Скриншот программы Max
Сикас компьютер программа[d]
Разработчик «Коммуникационная платформа» ООО
Операционнӧй системаяс iOS, Android, macOS, Windows
Интерфейс кывъяс английскӧй, роч да мукӧд
Медводдза йӧзӧдӧм 2025-ӧд вося рака тӧлысь 27-ӧд лун
Состояние уджалӧ
Сайт max.ru

Max (стилизуйтӧм MAX) — «Контактын»  (рус.) (коми компаниялӧн цифра платформа, ӧтувтӧ мессенджер, мини-приложенияяс, мынтысян система да канму сервисъяс[1]. Мессенджерлысь бета-версиясӧ петкӧдлісны 2025 вося рака тӧлысь 27-ӧд лунӧ кыдзи вебсайт да iOS  (рус.) (коми, Android  (рус.) (коми, macOS  (рус.) (коми да Windows  (рус.) (коми подув вылын устройствоясӧ пуктӧм могысь приложение[2]. 2025 вося сора тӧлысьын VK корпорация юӧртіс, мый дась мынтыны Max-ын аддзӧм лёкторъясысь 5 миллион шайтӧдз[3].

2025 вося кӧч тӧлысь 1 лунсянь Max лоӧ водзвыв пуктӧма Россияын став выль устройство вылӧ оланпастэчас серти. Водзӧ вылӧ кӧсйӧны йитны «Госуслуги»  (рус.) (коми дорӧ штрапъяс мынтӧм, документъяс да мукӧд канму могмӧс босьтӧм могысь[4].

История

Мессенджер Max лэдзны дасьтысьӧм йылысь лои тӧдса 2025 вося рака тӧлысь 25-ӧд лунӧ. Сэки СМИ тӧдысь йӧз вылӧ ыстысьӧмӧн юӧртӧмаӧсь, мый «матысса кадӧ» приложениеясӧн вузасянінъясын (App Store, Google Play) лоӧ мессенджерлӧн бета-версия, мый сетас позянлун вежласьны юӧръясӧн, звӧнитны да ыстыны 4 Гб-ӧдз ыдждаа файлъяс. Казьтыштісны, мый странаын меститӧма ӧтуввезйын звӧнитчӧмъяслысь уджсӧ могмӧдысь медиасерверъяс, а вуджӧдӧм сёрнилысь качествосӧ бурмӧдӧм могысь пыртӧма машинаӧн велӧдан технологияяс. Пасйисны, мый медводдза версияас пырасны корпоративнӧй чат-ботъяс котыртӧм вылӧ инструментъяс, мый сетӧны позянлун лӧсьӧдны сьӧм могмӧсъяс, отсӧг сетан службаяс да мукӧд прӧдукт. Сідзжӧ юӧртісны, мый цифра платформаӧ кӧсйӧны пыртны мини-приложениеяс, мынтысян система да канму услугаяс, а приложениеыс вермас лоны китайса WeChat-лӧн аналогӧн[5].

Финансӧвӧй экспертъяслӧн чайтӧм серти, проектӧ медводдза тшупӧдын инвестицияыс вермис воны 1 млрд шайтӧдз[5].

Рака тӧлысь 27-ӧд лунӧ платформасӧ позис пуктыны iOS, Android, macOS, Windows подув вылын устройствояс вылӧ приложениеӧн, а сідзжӧ сайтӧн. Бета-версияӧ веськалісны личнӧй да группаа сёрнияс, позянлун ыстыны гӧлӧсӧн юӧртӧмъяс, медиафайлъяс, 4 Гб-ӧдз документъяс, стикеръяс да юӧръяс вылӧ вочакывъяс, вӧчны аудио- да видеозвӧнокъяс, лӧсьӧдны чат-ботъяс да мини-приложениеяс[2].

2025 вося косму тӧлысь 14-ӧд лунӧ вӧлі юӧртӧма Max сервисӧ искусственнӧй интеллектлысь GigaChat 2.0 пыртӧм йылысь. ИИ-кӧд йитӧдсӧ вӧчӧны личнӧй чатӧн, кытчӧ вӧдитчысь вермӧ ыстыны вомгора да гижӧда юӧръяс, аудиофайлъяс, серпасъяс да документъяс, а вочакыв пыдди дон босьттӧг босьтны колана юӧр (сы лыдын ӧтуввезйысь кыв модельӧн аддзӧм). Бизнес-клиентъяслы Max вылӧ позьӧ бӧрйыны ИИ-лысь версия — GigaChat 2 Pro либӧ GigaChat 2 MAX[6].

2025 вося лӧддза-номъя тӧлысь кежлӧ россияса мессенджер Max-ын учётнӧй гижӧд лыдыс воӧдчис 1 миллионӧдз мобильнӧй устройствоясын да компьютеръясын[7]. 2025 вося сора тӧлысь заводитчигӧн регистрируйтӧм MAX-ӧн вӧдитчысьяслӧн лыдыс лоис 2 миллион мортысь унджык[8].

2025 вося кӧч тӧлысь 1 лунӧ Max мессенджерсӧ кӧсйӧны сувтӧдны Россияын вӧчӧм став мобильнӧй устройство вылӧ[9].

2025 вося сора тӧлысьын T2 лэдзис лимиттӧм интернет-трафик мессенджер Max вылӧ[10].

2025 вося сора тӧлысь 19-ӧд лунӧ Max лоис россияса Google Play сегментын популярнӧй приложениеяслӧн лыддьӧгын 10 строкаын[11].

2025 вося сора тӧлысь 23-ӧд лунӧ Петыркарса губернатор Александр Беглов юӧртіс, мый кар лоӧ Россияса медводдза регионӧн, кӧні кутасны вӧдитчыны карса службаяс Max национальнӧй мессенджерӧн:

Пилот проектсӧ заводитӧма нин: Max приложениеын вӧчисны «Служба 112 Санкт-Петербурга» да «Информационно-справочная служба Санкт-Петербурга 122» аккаунтъяс, кытчӧ позьӧ шыӧдчыны гижӧмӧн либӧ звӧнитны веськыда мессенджерын[12].

2025/2026 велӧдчан во кежлӧ «Сферум» платформасӧ ӧтувтасны россияса Max мессенджеркӧд. Интеграциясӧ нуӧдӧны VK компаниякӧд ӧтув. «Сферумӧн» водзӧ кутасны вӧдитчыны велӧдысьяс, бать-мам да велӧдчысьяс костын сёрнитӧм вылӧ[13].

2025 вося сора тӧлысь 30-ӧд лунӧ Max мессенджер лоис быть коланаӧн электроннӧй кырымпас вылӧ документъяс босьтӧм могысь сійӧс национальнӧй мессенджерӧн вынсьӧдӧм бӧрын. Ӧні документъяссӧ мӧдӧдӧны Max пыр, а сэсся кырымалӧны «Госключ» приложениеын, мый кокньӧдӧ уджсӧ, но ковмас выль ног лӧсьӧдны бизнеслы API-интеграцияяс. 2025 вося сора тӧлысь шӧр кежлӧ Max-ын вӧлі пасйӧма 2 миллион сайӧ вӧдитчысьӧс, а мессенджеркӧд госуслугаяслысь став интеграциясӧ урчитӧма нуӧдны 2025 вося арын[14].

2025 вося моз тӧлысь 21-ӧд лунсянь Max мессенджер отсӧгӧн позяс босьтны «Госуслуги» портал вылӧ пыран код[15].

Функционал

Max позьӧ пуктыны мобильнӧй устройствояс вылӧ (iOS, Android), персональнӧй компьютеръяс вылӧ (Windows, macOS), а сідзжӧ веб-интерфейс пыр. Приложениесӧ позьӧ босьтны App Store, Google Play, RuStore да AppGallery цифра вузасянінъясысь. Вӧдитчысьӧс пасйӧны телефон номер серти — роч либӧ беларус. Медводзсӧ заводитігӧн колӧ гижны ним да пыртны профильӧ фото[2][16].

Интерфейсыс артмӧма нёль медшӧр вкладкаысь: «Контактъяс», «Чатъяс», «Звӧнокъяс», «Ладмӧдӧмъяс». Пытшкас позьӧ лӧсьӧдны сёрнияслысь ортсыса видсӧ, торйӧдны папкаяс серти, лӧсьӧдны уведомлениеяс да веськӧдлыны йӧзӧдтӧмлунӧн[16].

  • Max мобильнӧй приложениелӧн интерфейс
  • Медводдза пасйӧдчан воськов

    Медводдза пасйӧдчан воськов

  • Аватар борйӧм

    Аватар борйӧм

  • Медводдза тӧдмасьӧм

    Медводдза тӧдмасьӧм

  • Чатъяс

    Чатъяс

  • Чат-бот

    Чат-бот

  • Мини-приложение

    Мини-приложение

2025 вося сора тӧлысь 9-ӧд лунӧ 12:46 часын MAX платформа вылын лоис позянлун вӧчны кадӧн да йӧз лыдӧн дзескӧдтӧг группаа видеозвӧнокъяс. Медым заводитны звӧнитны, вӧдитчысьяслы колӧ личкыштны «Звӧнокъяс» кнопка вылӧ да корны ыстӧг. Видеоконференция дырйи позьӧ петкӧдлыны экран да петкӧдлыны пырӧдчысьясӧс сеткаӧн. Матысса кадӧ кӧсйӧны содтыны чат, администраторлысь инӧдъяс вуджӧдӧм, нейроаватаръяс, маскаяс да виртуальнӧй фонъяс[17].

Коммуникация

Платформаын позьӧ сёрнитны да гижасьны уна ногӧн[2][18]:

  • личнӧй да группаа сёрнияс;
  • ыстыны гижӧда юӧръяс, снимокъяс, видеояс да документъяс 4 Гб-ӧдз;
  • ыстыны вомгора юӧръяс;
  • стикеръясӧн да эмодзи сяма реакцияясӧн вӧдитчӧм[2][18].

Водзвыв пуктӧм аудио- да видеозвӧнокъяс уджалӧны вылын либӧ ичӧт сигнал сетан везъясын. СМИ юӧртӧм серти, тані зумыд йитӧд да сёрнитан и серпас вуджӧдан бур качество[2][18].

Личнӧй гижасьӧмын позьӧ юксьыны йитӧдъясӧн, геолокацияӧн, а сідзжӧ мӧдӧдны СБП пыр сьӧм. Приложениелӧн медводдза версияын позьӧ мӧдӧдны сьӧм Альфа-банкысь да ВТБ-ысь: Max приложение кыдз медся лӧсяланаӧн бӧрйӧм бӧрын вуджӧдчӧ финансӧвӧй организациялӧн мобильнӧй приложениеӧ, кӧні колӧ помавны вуджӧдӧмсӧ[19].

Чат-ботъяс да мини-приложениеяс

Max сетӧ позянлун йитны чат-ботъяс да мини-приложениеяс. Тайӧс позьӧ вӧчны Max Bot API-ӧн (ботъяс лӧсьӧдӧм да найӧс веськӧдлӧм могысь), Max Bridge-ӧн (клиентскӧй мини-приложениеяс ӧтувтӧм вылӧ библиотекаяс) да MasterBot-ӧн — служебнӧй ботӧн API-ключъяс ӧдйӧ йӧзӧдӧм да босьтӧм вылӧ. Позьӧ вӧчны кыдзи программнӧя, сідзи и визуальнӧй конструкторъяс пыр, кытчӧ пырӧны BotMother, JetBot, ChatForma, SaleBot да мукӧд. Ботъяслӧн нимъясыс, Telegram моз жӧ, долженӧсь помасьны bot-ӧн (шуам, @examplebot)[20].

Мини-приложениеясыс уджалӧны мессенджерпытшса интерфейсын, налӧн вермас лоны асланыс графика да бизнес-логика да заводитӧны уджавны чат-ботъяс пыр[18][20].

Искусственнӧй интеллект

2025 вося косму тӧлысь 14-ӧд лунсянь Max-ын лӧсьӧдӧма GigaChat 2.0 ИИ-платформакӧд интеграция. Платформаӧ пыртӧм нейросеть сетӧ позянлун генерируйтны текст, лӧсьӧдны серпасъяс, расшифруйтны вомгора юӧръяс, дженьыдика висьтавны видеояс, статьяяс да мукӧд сикас контент йылысь, анализируйтны да гӧгӧрвоӧдны серпасъяс, уджавны 200 лист бокӧдз А4 формата документъясӧн[6].

ИИ вермӧ нуӧдны сёрни ӧтпырйӧ некымын файл мӧдӧдігӧн, вермӧ лӧсьӧдны пыртӧм юӧръяс серти аналитика вочакывъяс да сетӧ вӧдитчан ӧшмӧсъяс вылӧ ыстӧгъяс[6].

Сӧвмӧдӧм

«Компания ВК» ИКК-ӧн котыртӧм «Коммуникационнӧй платформа» ИКК-ӧн дасьтӧм Max платформасӧ видлалӧны «суперприложение» («супераппа») артмӧдӧм вылӧ позянлун пыдди, ӧти интерфейсӧ быдлунъя уна сикас цифраа могъяс ӧтувтӧмӧн. 2025 вося косму тӧлысь шӧр кежлӧ шӧр кадколастӧ кӧсйӧны збыльмӧдны татшӧм уджъяс[6][5]:

  • паськыдджыка отсавны брендъяслы да разработчикъяслы мини-приложениеяс экосистема пыр;
  • заводитны ас мынтысян система;
  • йитчыны канму сервисъяскӧд («Госуслуги» пыртӧмӧн)[6][5].

Критика

Вӧдитчысьяс пасйӧны, мый Max абу веськыда ӧтувтчӧма «ВК» холдинглӧн мукӧд сервискӧд, шуам, «ВКонтакте» либӧ «ВК Музыка». Найӧс сідзжӧ майшӧдлӧ, мый абу кык фактора аутентификация да мыччӧдъяс шифруйтӧм. Тайӧ кыпӧдӧ юӧръяслӧн безопасносьт да йӧзӧдтӧмлун кузя тӧждлун[21][22].

Платформасӧ критикуйтісны Telegram мессенджеркӧд ӧткодьлун вӧсна — вӧдитчысьяс индӧны ботъясӧн да мини-приложениеясӧн ӧткодя вӧдитчӧм вылӧ. Такӧд тшӧтш вӧдитчысьяс оз эскыны выль мессенджер лӧсьӧдӧмлы, индӧны, мый эмӧсь нин популярнӧй платформаяс. Ӧткымынъяс чайтӧны, мый отечественнӧй платформаӧн шуӧма вежны суйӧрсайса аналогъяс[18][23].

2025 вося сора тӧлысь 7-ӧд лунӧ VK заводитіс MAX мессенджерлысь агрессивнӧй реклама кампания, тшӧтш и Петыркарын VK Fest вылын нуӧдісны торъя мероприятиеяс. Блогеръяс, тшӧтш и Инстасамка  (рус.) (коми, зіля паськӧдӧны сервиссӧ. Мессенджерлӧн рейтингъясыс ёна торъялӧны: App Store-ын — 4,1, а Google Play-ын — 1,1, мый вермас лоны йитчӧма Telegram мессенджерӧн вӧдитчысьяслӧн конкурентлысь вермана дзескӧдӧмъяс вылӧ лёк реакциякӧд. MAX мыджсьӧ камусянь отсӧг вылӧ да официальнӧй сервисъяскӧд интеграция вылӧ, а Telegram кажитчӧ аудиториялы удобнӧй функционал вӧснаыс. Платформаяс костын ордйысьӧмыс водзӧ содӧ[24].

Пасйӧдъяс

  1. ↑ VK создает аналог китайского мессенджера с госуслугами и платежами WeChat. Ведомости. Шыӧдчан кадпас: 15 косму тӧлысь 2025.
  2. ↑ 1 2 3 4 5 6 В России представили MAX — отечественный мессенджер и аналог WeChat. Hi-Tech. Шыӧдчан кадпас: 15 косму тӧлысь 2025.
  3. ↑ За найденные уязвимости в мессенджере Max заплатят до пяти миллионов рублей, РИА Новости (20250701T1442). Шыӧдчан кадпас: 9 сора тӧлысь 2025.
  4. ↑ Всё о Max: российский национальный мессенджер запустят в 2025 году. Шыӧдчан кадпас: 9 сора тӧлысь 2025.
  5. ↑ 1 2 3 4 VK запустит бета-версию аналогичного китайскому WeChat мессенджера Max. Forbes. Шыӧдчан кадпас: 15 косму тӧлысь 2025.
  6. ↑ 1 2 3 4 5 Чатная инициатива: нацмессенджер MAX объединился с крупнейшим в РФ ИИ-ботом. Известия. Шыӧдчан кадпас: 15 косму тӧлысь 2025.
  7. ↑ В российском мессенджере MAX зарегистрировались больше 1 млн пользователей, Hi-Tech Mail (30 лӧддза-номъя тӧлысь 2025). Шыӧдчан кадпас: 9 сора тӧлысь 2025.
  8. ↑ Пользователям МАХ стали доступны групповые видеозвонки, Известия (9 сора тӧлысь 2025). Шыӧдчан кадпас: 9 сора тӧлысь 2025.
  9. ↑ Новый мессенджер Max: что это такое, зачем нужен и где скачать, РБК Life. Шыӧдчан кадпас: 9 сора тӧлысь 2025.
  10. ↑ Т2 запускает безлимитный интернет-трафик на мессенджер Max, TACC. Шыӧдчан кадпас: 16 сора тӧлысь 2025.
  11. ↑ Max вошел в топ-10 самых популярных приложений в Google Play в России, TACC (19 сора тӧлысь 2025). Шыӧдчан кадпас: 21 сора тӧлысь 2025.
  12. ↑ Петербург начал перевод городских служб в национальный мессенджер Max, РБК. Шыӧдчан кадпас: 23 сора тӧлысь 2025.
  13. ↑ Платформу «Сферум» интегрируют в мессенджер Max в 2025/2026 учебному году, Хабр (26 сора тӧлысь 2025). Шыӧдчан кадпас: 26 сора тӧлысь 2025.
  14. ↑ Max стал обязательным для получения документов на электронную подпись, РБК. Шыӧдчан кадпас: 30 сора тӧлысь 2025.
  15. ↑ Код для входа на "Госуслуги" можно будет получить в мессенджер Max, Interfax.ru (20 моз тӧлысь 2025). Шыӧдчан кадпас: 21 моз тӧлысь 2025.
  16. ↑ 1 2 Max: что известно о новом приложении ВК и аналоге WeChat. РБК. Шыӧдчан кадпас: 15 косму тӧлысь 2025.
  17. ↑ Платформа MAX запустила неограниченные групповые видеозвонки, Взгляд.ру. Шыӧдчан кадпас: 9 сора тӧлысь 2025.
  18. ↑ 1 2 3 4 5 VK выпустила Max — бета-версию мессенджера с мини-приложениями, ботами, звонками и API для разработчиков. Habr. Шыӧдчан кадпас: 15 косму тӧлысь 2025.
  19. ↑ Протестировал MAX от VK, iPhones.ru. Шыӧдчан кадпас: 16 косму тӧлысь 2025.
  20. ↑ 1 2 MAX для разработчиков. Max Docs. Шыӧдчан кадпас: 15 косму тӧлысь 2025.
  21. ↑ MAX: общение, полезные сервисы. RuStore. Шыӧдчан кадпас: 16 косму тӧлысь 2025.
  22. ↑ VK по-китайски. Что за платформа MAX от ВКонтакте с «невидимкой» и передачей огромных файлов. Trashbox. Шыӧдчан кадпас: 14 косму тӧлысь 2025.
  23. ↑ Компания VK выпустила приложение MAX — обещают сделать аналог китайского WeChat. Клуб DNS. Шыӧдчан кадпас: 16 косму тӧлысь 2025.
  24. ↑ Мессенджер МАХ - борьба за пользователя — Малкин про MAX на vc.ru, vc.ru. Шыӧдчан кадпас: 9 сора тӧлысь 2025.
Босьтӧма "https://kv.ruwiki.ru/w/index.php?title=Max_(приложение)&oldid=482086"-ысь