«Йöлöга»
«Йöлöга» — Коми Республикаса том войтырлы коми кывъя дзик öти журнал.
Медшӧр юӧр
«Йöлöга» — коми том войтырлöн журнал. Уна рöма, дас квайт лист бока газет петö вежоннас öтчыд, пекничаö.
Медшöр могыс сылöн – кыпöдны том йöз пöвстын коми кыв, коми йöзлöн традиция да культура дорö пыдди пуктöмсö, отсавны том гижысьяслы сöвмöдны енбиалуннысö.
История
«Йöлöга» журнал заводитіс петны 2020 вося урасьӧм тӧлысьсянь[1]. Сэтчӧдз вӧлі «Йöлöга» газет. Сылӧн медводдза номерыс петіс 1991 вося йирым тӧлысь 15-öд лунö. А сыöдз «Югыд туй» газетын йöзöдлісны коми томуловлы «Йöлöга» лист бок[2].
«Йöлöга» газет дасьтöмын медводдза воськовъяссö вöчис Валентина Васильевна Иванова – медводдза редактор, öнi челядьлы гижысь. Ыджыд пай газет сöвмöдöмö пуктіс Александр Павлович Юдин. Сы бöрын редакторавны босьтчис Виктория Вячеславовна Пименова. Сы дырйи «Йöлöга» газетлӧн чужöмбаныс вежсис: кутіс петны уна рöмаöн, чужисны выль рубрикаяс. Öні «Йöлöга» журналӧн веськöдлö Ирина Андреевна Терентьева.
Öні журналын зільöны-водзмöстчöны том нывъяс — Виктория Королева, Элина Шлопова, Надежда Пунегова да Ирина Терентьева.
Журнал нималö оз сöмын Коми муын, сійö топыда ёртасьö тшöтш и финн-йöгра войтырлöн газет-журналкöд. Торйöн татшöм ёртасьöмыс артмö мариечьяскöд, удмуртъяскöд да перым-коми газет-журналын зільысьяскöд.
Ӧтуввез
Коми йӧзӧдчан керка холдинглӧн эм асшӧр ӧтуввез сайт:http://komikerka.ru/[3] , а "Коми му" газетлӧн торъя лист бок: http://komikerka.ru/smi/yologa[4].
"Йӧлӧга" журналлӧн Контактын эм торъя группа: https://vk.com/komimy[5].