Айму вӧсна Ыджыд тышын Вермӧмлы 80 во тырӧм пасйӧм
| Айму вӧсна Ыджыд тышын Вермӧмлы 80 во тырӧм пасйӧм | |
|---|---|
 | |
| Лун | 2024 - 2025 вояс |
| Ин |
 Россия |
| Сайт | may9.ru |
Айму вӧсна Ыджыд тышын Вермӧмлы 80 во тырӧм пасйӧм (рочӧн Празднование 80-летия Победы в Великой Отечественной войне) — Айму вӧсна Ыджыд тышын Вермӧмлы 80 во тырӧмлы сиӧм ыджыд уджтас Россияын и суйӧр сайын. 2024—2025 воясӧ лоас нуӧдӧма 170-ысь унджык мероприятие [1].
Удж котыртӧм
2023 вося сора тӧлысь 31-ӧд лунӧ Россияса президент Владимир Путин кырымаліс Айму вӧсна Ыджыд тышын Вермӧмлы 80 во тырӧм пасйӧм кежлӧ дасьтысьӧм да нуӧдӧм йылысь индӧд. Веськӧдлан котырлы «Победа» оргкомитеткӧд тшӧктӧма дасьтыны да вынсьӧдны тӧдчана тышъяс кежлӧ дасьтысян да нуӧдан мероприятиеяслысь, а сідзжӧ суйӧрсайса канмуясӧн веськӧдлысьяслӧн мероприятиеяслысь план. Россия Федерацияса МИД-лы тшӧктӧма отсавны гаж нуӧдӧмын политика да дипломатия боксянь, а федеральнӧй да регионса органъяслы — пырӧдчыны дасьтысьӧмӧ, отсавны ветеранъяслы да отсавны меставывса власьтъяслы бурмӧдны салдатъяслысь гуяссӧ[2].
2023 вося моз тӧлысьын президент кырымаліс Вермӧмлӧн 80 вося юбилей пасйӧм дасьтӧм да нуӧдӧм кузя оргкомитет котыртӧм йылысь индӧд[3].
2024 вося ода-кора тӧлысь 18-ӧд лунӧ Россия Федерацияса Веськӧдлан котыр вынсьӧдіс Вермӧмлӧн 80 вося юбилей пасйӧм кежлӧ дасьтысьӧм да сійӧс нуӧдӧм кузя мероприятиеяслысь план[4].
2024 вося вӧльгым тӧлысь 19-ӧд лунӧ Москваын Вермӧмлӧн музейын актёр да общественнӧй удж вӧчысь Владимир Машков петкӧдліс Вермӧмлӧн 80 во тырӧмлы сиӧм официальнӧй логотип. «1942 вося вӧльгым тӧлысь 19-ӧд лун, 82 во сайын, сизим час асылын артиллерия биӧн да "Катюша" залпъясӧн Гӧрд Армия заводитіс "Уран" операция. Операцияыс заводитіс жугӧдны немечьясӧс Сталинград дорын, тайӧ вӧлі Айму вӧсна Ыджыд тышын торъя тшупӧдӧн», - казьтыштіс Машков презентация дырйи[5]. Логотип вылын серпасалӧма Евгений Вучетичлӧн «Родина-мать зовёт!» скульптура Волгоградын[6].
2025 вося тӧвшӧр тӧлысь 8-ӧд лунӧ Якутскын вӧчисны Айму вӧсна Ыджыд тышын Вермӧмлы 80 во тырӧмлы сиӧм йиысь скульптураяс[7].
- Айму вӧсна Ыджыд тышын Вермӧмлы 80 во тырӧмлы сиӧм йиысь скульптураяс Якутскын(2025)
Уджтас
Уджтасын пасйӧма 171 медшӧр мероприятие. На лыдын традиционнӧй ставроссияса акцияяс:
- «Свеча памяти»,
- «Георгиевская ленточка»,
- «Чтения Победы»,
- «Победа одна на всех»,
- «Медицинский полк»,
- «Поезд Памяти».
Акцияяссӧ нуӧдӧны Россия пасьтала[8]. Мероприятиеяссӧ отсалӧны дасьтыны и нуӧдны волонтёръяслӧн да ветеранъяслон котыръяс: «Волонтеры Победы», Росмолодежь, «Движение Первых», «Знание» да мукӧдъяс[9].
Суйӧрсайса гӧсьтъяс
Словакия — премьер-министр Роберт Фицо[10].
Сербия — президент Александр Вучич[11].
Индонезия — президент Прабово Субианто[12].
Суйӧр сайын пасйӧм
Айму вӧсна Ыджыд тышын Вермӧмлы 80 во тырӧм кӧсйӧны паськыда пасйыны СНГ-ын[13].
Кыдзи пасйис Россия Федерацияса правительствоӧн веськӧдлысь Михаил Мишустин, торъя тӧдчанлуныс «Бессмертнӧй полк» войтыркостса ӧтмунӧмлӧн эгида улын акцияяслӧн да шествиеяслӧн[14].
Юбилейнӧй воӧ урчитӧма бурмӧдны воинскӧй гуяс, тшӧтш и суйӧр сайын[15].
Коми Республикаын пасйӧм
Коми Республикаын вынсьӧдӧма Айму вӧсна Ыджыд тышын Вермӧмлы 80 во тырӧм пасйӧм серти торъя уджтас[16].
Торъя мероприятиеяс лоасны сиӧмаӧсь Вӧркутаса из шом перъян историялы, кӧр видзан да транспорт батальонъяслы, Нювчимса чугуннӧй полевӧй кухняяслы да уна мукӧдторлы.
2025 вося арнас мунас VІ Войвыв театр фестиваль, кӧні республикаса да странаса мукӧд регионысь театр котыръяс петкӧдласны тематическӧй спектакльяс.
Медся гырысь лоӧмторъяс лыдын — ветеранъяслӧн «Катюша» художествоа творчестволӧн республикаса фестиваль, а сідзжӧ Комиын олысьяслӧн да чужлӧм йӧзлӧн тылын да фронт вылын подвигъяслы сиӧм сьыланкывъяс лӧсьӧдӧм вылӧ конкурс. Сідзжӧ тӧдчана мероприятиеӧн лоӧ «Вермӧмлы салют» йӧзкостса творчестволӧн ставроссияса фестивальлӧн регионса этаплӧн[17] кывкӧртӧдъяс серти ыджыд концерт[18].
Быд карын и районын примитісны ассьыныс некымын вося уджтасъяс тайӧ кадпассӧ пасйӧм могысь[19][20][21].
Коми Республикаса том йӧзлы небӧгаинлӧн эм Комиысь Сӧветскӧй Союзса Геройяслы сиӧм торъя сайт, кӧні юӧрыс пыр содӧ да выльмӧдчӧ[22][23].
Айму вӧсна Ыджыд тышын Вермӧмлы 80 во тырӧм кежлӧ торъя пасъяс
Россияса президентлӧн Индӧдӧн вӧлі лӧсьӧдӧма «1941-1945 воясся Айму вӧсна Ыджыд тышын Вермӧмсянь 80 во» юбилейнӧй медаль.
Айму вӧсна Ыджыд тышын участвуйтысьяслы мынтысьӧмъяс
2025 вося тӧвшӧр тӧлысь 15-ӧд лунӧ «Победа» оргкомитет дырйи Россияса президент Владимир Путин юӧртіс 80 сюрс шайт ӧтчыдысь мынтӧм йылысь индӧд кырымалӧм йылысь Айму вӧсна Ыджыд тышса став ветеранъяслы, налӧн дӧваяслы да концлагеръясын ичӧт арлыда пукалысьяслы. Тылын уджалысьяслы, блокаднӧй Ленинградын олысьяслы, концлагерын пукалысьяслы, оборона стрӧйбаяс стрӧитысьяслы да налы, кодъяс уджалісны ПВО, морскӧй да авиабазаяс объектъясын, вичмас 55 сюрс шайтӧн[24].
Пасйӧдъяс
- ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов. government.ru (18 ода-кора тӧлысь 2024). Шыӧдчан кадпас: 19 вӧльгым тӧлысь 2024.
- ↑ Путин подписал указ о создании оргкомитета по подготовке празднования 80-летия Победы, Ведомости (9 моз тӧлысь 2023). Шыӧдчан кадпас: 19 вӧльгым тӧлысь 2024.
- ↑ Указ Президента Российской Федерации от 09.08.2023 № 602 ∙ Официальное опубликование правовых актов. publication.pravo.gov.ru (9 моз тӧлысь 2023). Шыӧдчан кадпас: 19 вӧльгым тӧлысь 2024.
- ↑ Распоряжение от 17 мая 2024 г. № 1174-р. Правительство России (17 ода-кора тӧлысь 2024).
- ↑ В Музее Победы представили логотип 80-летия Победы | Победа РФ | Новость от 19.11.2024, Победа РФ | Новости, история, патриотизм (19 вӧльгым тӧлысь 2024). Шыӧдчан кадпас: 19 вӧльгым тӧлысь 2024.
- ↑ Богдан Герцен. В "Музее Победы" представили логотип празднования 80-летия победы в Великой Отечественной войне, Профиль (19 вӧльгым тӧлысь 2024). Шыӧдчан кадпас: 20 вӧльгым тӧлысь 2024.
- ↑ Ледовые скульптуры, посвященные 80-летию Победы. AiF (17 тӧвшӧр тӧлысь 2025). Шыӧдчан кадпас: 17 тӧвшӧр тӧлысь 2025.
- ↑ 80-летие Победы отметят масштабно | Победа РФ | Новость от 19.11.2024, Победа РФ | Новости, история, патриотизм (19 вӧльгым тӧлысь 2024). Шыӧдчан кадпас: 19 вӧльгым тӧлысь 2024.
- ↑ Мероприятия к 80-летию Победы стартуют уже с января | Победа РФ | Новость от 19.11.2024, Победа РФ | Новости, история, патриотизм (19 вӧльгым тӧлысь 2024). Шыӧдчан кадпас: 19 вӧльгым тӧлысь 2024.
- ↑ Фицо принял приглашение Путина посетить празднование 9 Мая, РИА Новости (27.11.2024). Шыӧдчан кадпас: 27 вӧльгым тӧлысь 2024.
- ↑ Фицо считает личным долгом посетить Москву в День Победы, TACC (12.12.2024). Шыӧдчан кадпас: 12 ӧшым тӧлысь 2024.
- ↑ При полном параде: президента Индонезии пригласили на 80-летие Победы 9 мая, Известия (28 ӧшым тӧлысь 2024). Шыӧдчан кадпас: 13 тӧвшӧр тӧлысь 2025.
- ↑ Россия продолжит борьбу с фальсификацией истории | Победа РФ | Новость от 18.12.2023, Победа РФ | Новости, история, патриотизм (18 ӧшым тӧлысь 2023). Шыӧдчан кадпас: 19 вӧльгым тӧлысь 2024.
- ↑ Победу над нацизмом отметят с размахом | Победа РФ | Новость от 19.12.2023, Победа РФ | Новости, история, патриотизм (19 ӧшым тӧлысь 2023). Шыӧдчан кадпас: 19 вӧльгым тӧлысь 2024.
- ↑ Правительство утвердило план мероприятий по подготовке и проведению празднования 80-й годовщины Победы в Великой Отечественной войне 1941–1945 годов. government.ru (8 ода-кора тӧлысь 2024). Шыӧдчан кадпас: 19 вӧльгым тӧлысь 2024.
- ↑ Коми готовится к 80-летию Победы в Великой Отечественной войне
- ↑ Положение о проведении регионального этапа всероссийского конкурса "Салют Победы"
- ↑ «Пофестивалим!»: как Коми готовится к празднованию 80-летия Победы в Великой Отечественной войне В Минкультуры Коми представили масштабный план празднования 80-летия Победы
- ↑ В Ижемском районе начали подготовку к празднованию 80-летия Великой Победы
- ↑ МЕРОПРИЯТИЯ городского Совета ветеранов в комплексный план по подготовке и проведению 80-летия Победы в Великой Отечественной войне 1941-1945 г.г.
- ↑ ПЛАН основных мероприятий по подготовке и проведению в Управлении образования администрации муниципального района «Троицко-Печорский», образовательных организациях празднования 80-й годовщины Победы в Великой Отечественной войне 1941 – 1945 годов
- ↑ Наш Герой
- ↑ В серии репортажей «Наш Герой» от Молодежки появились новые имена Героев Советского Союза
- ↑ Ветераны Великой Отечественной войны получат по 80 тыс. рублей | Эксперт. Эксперт. Шыӧдчан кадпас: 15 тӧвшӧр тӧлысь 2025.
Ыстӧгъяс
|
Тайӧ материал вылӧ право кутысьнас лоӧ «РУВИКИ» ӧтуввез-энциклопедия» асшӧрлуна абу коммерческӧй организация. Мукӧд сайтъяс вылын тайӧ материалнас позьӧ вӧдитчыны сӧмын сэк, кор «РУВИКИ» ӧтуввез-энциклопедия» ААКО сетас позянлунсӧ. |