Анкалаев Магомед Алибулатович

Босьтӧма Рувикиысь
Боец смешанного стиля
Магомед Анкалаев
Магомед Анкалаев 2024.jpg
Ӧтув юӧр
Тырвыйӧ ним Магомед Алибулатович Анкалаев
Гражданство
Чужан лун 1992-ӧд вося лӧддза-номъя тӧлысь 2-ӧд лун(1992-06-02) (34 арӧс)
Чужанін
Рост 190 см
Сьӧкта категория Джынвыйӧ ыджыд сьӧкта
Ки шенас 190 см
Карьера 2014 восянь ӧнія кадӧдз
Команда «Горец» клуб
Тренер Сухраб Магомедов
Стиль Боевӧй самбо, сораса боевӧй искусство (ММА)
Мастерство тшупӧд Боевӧй самбо кузя Россияса спорт мастер
ММА кузя Россияса войтыркостса тшупӧда спорт мастер
Сораса единоборствояс
Тышъяс 24
Вермӧмъяс 21
 • нокаутӧн 11
 • шуӧмӧн 10
Ворссьӧм 1
 • сетчӧмӧн 1
Ничья 1
Эз вӧв 1
Статистика боёв на сайте Sherdog
Логотип РУВИКИ.Медиа Медиафайлы на РУВИКИ.Медиа

Анкалаев Магомед Алибулатович (1992-ӧд вося лӧддза-номъя тӧлысь 2-ӧд лун, Махачкала, Дагестан) — россияса сораса стильын боец, джынвыйӧ ыджыд сьӧкта категория. Джынвыйӧ ыджыд сьӧктаын UFC  (рус.) (коми ӧнія чемпион.

Выступайтӧ профессиональнӧй тшупӧдын 2014 восянь. Тӧдса, мый петкӧдчӧма UFC, WFCA, Oplot Challenge  (рус.) (коми да мукӧд боевӧй организацияяслӧн турниръясын. Вӧлі джынвыйӧ ыджыд сьӧктаын WFCA-са чемпионӧн. Сідзжӧ сылӧн эмӧсь вермӧмъяс боевӧй самбоын да любительскӧй ММА-ын, мирса чемпион, Россияса войтыркостса тшупӧда спорт мастер.

Олантуй

Магомед Анкалаев чужис 1992 вося лӧддза-номъя тӧлысь 2-ӧд лунӧ Шамильскӧй районса Телетль сиктын. Сійӧ авар  (рус.) (коми.

Анкалаев заводитіс занимайтчыны спортӧн ичӧтсяньыс на, сылы кажитчис вӧльнӧй вермасьӧм[1].

Любительскӧй карьера

Дагестанса канму университетлӧн физическӧй культура да спорт факультетын велӧдчигӧн во чӧж занимайтчис греко-римскӧй вермасьӧмӧн, сэсся вуджис боевӧй самбоӧ, кӧні босьтіс спортса мастерлысь ним[2].

Бӧрынджык заводитіс ворсны ММА-ын любительскӧй тшупӧдын — шуис видлыны асьсӧ тайӧ спорт сикасас, сы вӧсна мый сійӧ унаторйӧн матын боевӧй самбокӧд. Лоис любительяс пӧвстын ММА кузя Россияса да мирса чемпионӧн, Россияса ММА Союз шуис сійӧс 2015 вося медбур боецӧн. Ыджыд вермӧмъясысь сетӧма «Россияса войтыркостса тшупӧда спортса мастер» почёт ним сораса боевӧй единоборствояс кузя[3][4][5].

Дасьтысис махачкаласа «Горец» клубын Шамиль Алибатыров да Сухраб Магомедов тренеръяс веськӧдлӧм улын.

Профессиональнӧй карьера заводитчӧм

Профессиональнӧй тшупӧдын сораса единоборствоын сійӧ дебютируйтіс 2014 вося тӧвшӧр тӧлысьын харьковса промоушенлӧн Oplot Challenge турнирын, вермис ассьыс соперниксӧ Василий Бабичӧс судьяяслӧн унджык шуӧмӧн[6].

2016—2017 воясӧ выступайтіс World Fighting Championship Akhmat Чечняса ыджыд организацияын, кӧні ставнас вермис витысь, сы лыдын босьтіс джынвыйӧ ыджыд сьӧкта категорияын чемпионлысь прӧстмӧм титул, техническӧй нокаутӧн вермис Максим Гришинӧс, да дорйис босьтӧм чемпион титулсӧ, бразилеч Вагнер Прадуӧс нокаутируйтӧмӧн[7].

Ultimate Fighting Championship

Кор сылӧн послужнӧй лыддьӧгас вӧлі дас вермӧм и ни ӧти ворссьӧм, Анкалаев дорӧ шыӧдчис мирса медыджыд боевӧй организация Ultimate Fighting Championship  (рус.) (коми да 2017 вося йирым тӧлысьын кырымаліс сыкӧд дыр кадся контракт. Дебютируйтіс UFC-лӧн октагонын 2018 вося рака тӧлысьын Лондонын турнир дырйи шотландеч Пол Крэгкӧд вермасигӧн — веніс ассьыс соперниксӧ бой чӧжыс, вӧлі бурджык стойкаын да партерас, но коймӧд раунд помын веськаліс «треугольникӧ» да матч помасьтӧдзыс секундаӧн водзджык сетчис, та вӧсна медводдзаысь профессиональнӧй карьераын ворссис[8].

2018 вося кӧч тӧлысьын Москваса турнирын сійӧ нокаутируйтіс поляк Марцин Прахнёӧс, та дырйи босьтіс рытъя медбур петкӧдчӧмысь бонус[9].

2019 вося урасьӧм тӧлысьӧ вӧлі шуӧма тышкасьны Сербияысь Дарко Стошичлы паныд Чехияын турнирын, но соперникыс эновтчис доймӧм вӧснаыс да медбӧрын сійӧс вежис организацияӧ выльӧн пырӧм Бразилияысь Клидсон Абреу. На костын тышыс кыссис куимнан сетӧм раунд чӧж, но куимнан судьяыс сетісны вермӧмсӧ Анкалаевлы[10].

UFC Fight Night: Хант vs. Олейник турнир вылын, 2018 во

2020 вося урасьӧм тӧлысь 29-ӧд лунӧ UFC Fight Night 169 шоу дырйи Анкалаев паныдасис октагонын Иона Куцелабакӧд. Магомед увереннӧя заводитіс тышсӧ, и 38-ӧд секундаын нин судьяяслы ковмис сувтӧдны сійӧс, медым пасйыны Анкалаевлысь вермӧмсӧ техническӧй нокаутӧн[11]. Тайӧ вермӧмыс лои Анкалаевлӧн карьераын медся скандальнӧйӧн, сы вӧсна мый рефери шуис дугӧдны тышсӧ тыдалана помкатӧг, мыйысь ёна скӧрмис Куцелаба, коді дась вӧлі водзӧ нуӧдны тышсӧ[12].

2020 вося йирым тӧлысь 24-ӧд лунӧ вӧлі Джон Куцелабакӧд реванш UFC 254-ын. Анкалаев выльысь кадысь водз веніс соперниксӧ медводдза раунд помын да вермис витӧдысь дорвыв[13].

2021 вося урасьӧм тӧлысь 27-ӧд лунӧ UFC Fight Night 186-ын судьяяслӧн шуӧмӧн вермис Никита Крыловӧс[14]. Йирым тӧлысь 30-ӧд лунӧ UFC 267 вылын вермис Волкан Оздемирӧс.

2022 вося рака тӧлысь 12-ӧд лунӧ UFC Fight Night 203 вылын вермис Тиагу Сантусӧс. Сора тӧлысь 30-ӧд лунӧ UFC 277 вылын нокаутируйтіс Энтони Смитӧс.

UFC 277 турнир вылын, 2022 во

2022 вося ӧшым тӧлысь 10-ӧд лунӧ Лас-Вегасын UFC 282 вылын тышкасис Ян Блаховичкӧд, тышыс помасис ничьяӧн[15].

2023 вося йирым тӧлысьын UFC 294 вылын вӧлі Магомед Анкалаев да Джонни Уокер костын медводдза тышыс. Вермасьӧмлӧн 4-ӧд минутын Анкалаев, коді вӧлі доминирующӧй положениеын, кучкис Уокерлы юрас пидзӧснас, мый вӧсна тышсӧ вӧлі дугӧдӧма[16].

2024 вося тӧвшӧр тӧлысь 13-ӧд лунӧ АӦШ-ын UFC Fight Night 234 вылын мӧдысь тышкасигӧн Анкалаев вермис Джонни Уокерӧс 2-ӧд раундын нокаутӧн[17].

Моз тӧлысь 21-ӧд лунӧ пресс-конференция дырйи UFC-са юралысь Дэйна Уайт кӧсйысис Анкалаевлы сетны чемпион титул вӧсна тыш, вермас кӧ сійӧ австриеч Александр Ракичӧс. Тышыс муніс 2024 вося йирым тӧлысь 26-ӧд лунӧ UFC 308 турнирын, Анкалаев вермис судьяяслӧн ӧтсӧглас шуӧмӧн[18].

UFC 313. Титул вӧсна Алекс Перейракӧд тыш

2025 вося рака тӧлысь 9-ӧд лунӧ UFC 313 турнирын вӧліс Анкалаевлӧн Алекс Перейракӧд тыш. Тышкасисны став витнан раунд чӧжыс. Судьяяслӧн шуӧм серти россиянин вермис да лоис джынвыйӧ ыджыд сьӧктаын UFC-ын выль (20-ӧд) чемпионӧн[19]. Та бӧрын Магомед босьтіс UFC рейтингын сьӧкта категорияяс вылӧ видзӧдтӧг квайтӧд места[20].

Марк Годдард юӧртӧ Магомед Анкалаевлӧн вермӧм йылысь

Ас олӧм

Магомед Анкалаев оз кӧсйы висьтавны аслас олӧм йылысь. Социальнӧй везъясын йӧзӧдӧ ёнджыкасӧ тренируйтчӧмъясысь да ордйысьӧмъясысь фотояс.

Спортсмен уна кад коллялӧ Лас-Вегасын тренировкаяс вӧсна. Но ас гортӧн сійӧ лыддьӧ Дагестан, кӧні пыр олӧ.

Титулъяс да вермӧмъяс

Сораса единоборствояс

  • Ultimate Fighting Championship
    • Джынвыйӧ ыджыд сьӧктаын чемпион (2025);
    • «Рытъя петкӧдчӧм» премия босьтысь (куимысь) Марчин Прахниокӧд, Далча Лунгиамбулкӧд и Ион Куцелабакӧд тыш[21][22][23];
    • UFC-лӧн историяын джынвыйӧ ыджыд сьӧктаын кузьта серти медся кузь вермӧмъяслӧн 2-ӧд серия (9)[24].
  • World Fighting Championship Akhmat
    • Джынвыйӧ ыджыд сьӧктаын WFCA чемпион (ӧтчыдысь);
      • Ӧтчыдысь титул бура дорйӧм.
  • Мирса любительскӧй ММА союз
    • Любительяс пӧвстын ММА-ын мирса чемпион.

Профессиональнӧй ММА-ын статистика

Результат Рекорд Соперник Ног Турнир Лун Раунд Кад Ин Пасйӧд
Вермӧм 21-1-1 (1) Алекс Перейра Шуӧм UFC 313 2025.03.08 5 5:00 Лас-Вегас, АӦШ Босьтіс джынвыйӧ ыджыд сьӧктаын чемпион титул.
Вермӧм 20-1-1 (1) Александр Ракич Шуӧм UFC 308 2024.10.26 3 5:00 Абу-Даби, ӦАЭ
Вермӧм 19-1-1 (1) Джонни Уокер Нокаут UFC Fight Night 234 2024.01.14 2 2:17 Лас-Вегас, АӦШ Рытъя петкӧдчӧм.
Эз вӧв 18-1-1 (1) Джонни Уокер Эз вӧв UFC 294 2023.10.21 1 3:13 Абу-Даби, ӦАЭ Сы бӧрын, кор Магомед позьтӧм ногӧн кучкис пидзӧсӧн, врачыс сувтӧдіс тышсӧ
Ничья 18-1-1 Ян Блахович Ничья UFC 282 2022.12.10 5 5:00 Лас-Вегас, Невада, АӦШ UFC чемпион титул вӧсна тыш.
Вермӧм 18-1 Энтони Смит Нокаут UFC 277 2022.07.30 2 3:09 Даллас, Техас, АӦШ
Вермӧм 17-1 Тиагу Сантус Шуӧм UFC Fight Night 203 2022.03.12 5 5:00 Лас-Вегас, АӦШ
Вермӧм 16-1 Волкан Оздемир Шуӧм UFC 267 2021.10.30. 3 5:00 Абу-Даби, ӦАЭ
Вермӧм 15-1 Никита Крылов Шуӧм UFC Fight Night 186 2021.02.27 3 5:00 Лас-Вегас, АӦШ
Вермӧм 14-1 Ион Куцелаба Нокаут UFC 254 2020.10.24 1 4:19 Абу-Даби, ӦАЭ Рытъя петкӧдчӧм
Вермӧм 13-1 Ион Куцелаба Нокаут UFC Fight Night 169 2020.02.29 1 0:38 Норфолк, АӦШ
Вермӧм 12-1 Далча Лунгиамбула Нокаут UFC Fight Night 163 2019.11.09 3 0:29 Москва, Россия Рытъя петкӧдчӧм
Вермӧм 11-1 Клидсон Абреу Шуӧм UFC Fight Night 145 2019.02.23 3 5:00 Прага, Чехия 94,8 кг коласта сьӧктаын тыш; Абреулы эз тырмы сьӧктаыс.
Вермӧм 10-1 Марцин Прахнё Нокаут UFC Fight Night 136 2018.09.15 1 3:09 Москва, Россия Рытъя петкӧдчӧм.
Ворссьӧм 9-1 Пол Крейг Сетчӧм UFC Fight Night 127 2018.03.17 3 4:59 Лондон, Англия UFC-ын дебют
Вермӧм 9-0 Селсу Рикарду да Силва Нокаут WFCA 43 2017.10.04 1 1:11 Грозный, Россия
Вермӧм 8-0 Вагнер Праду Нокаут WFCA 38 2017.06.21 1 3:33 Грозный, Россия Дорйис WFCA джынвыйӧ ыджыд сьӧктаын чемпион титул
Вермӧм 7-0 Максим Гришин Нокаут WFCA 30 2016.10.04 4 1:13 Грозный, Россия Босьтіс WFCA джынвыйӧ ыджыд сьӧктаын чемпион титул
Вермӧм 6-0 Артур Астахов Шуӧм WFCA 23 2016.06.11 3 5:00 Грозный, Россия
Вермӧм 5-0 Ллойд Маршбэнкс Нокаут WFCA 18 2016.04.09 1 0:15 Грозный, Россия
Вермӧм 4-0 Надир Булхадаров Нокаут Суперкубок России 2015 2015.12.05 1 4:45 Челябинск, Россия
Вермӧм 3-0 Довлетджан Ягшимурадов Шуӧм Oplot Challenge 103 2014.10.18 3 5:00 Москва, Россия
Вермӧм 2-0 Страхиня Денич Шуӧм Tesla Fighting Championship 4 2014.06.14 3 5:00 Панчево, Сербия
Вермӧм 1-0 Василий Бабич Шуӧм Oplot Challenge 96 2014.01.18 3 5:00 Харьков, Украина Джынвыйӧ ыджыд сьӧктаын дебют[25]

Пасйӧдъяс

  1. ↑ Максим Сидоров. Магомед Анкалаев – биография бойца UFC из России. Sports.ru (1 июля). Шыӧдчан кадпас: 4 моз тӧлысь 2025.
  2. ↑ Интервью: Магомед Анкалаев - первый номер сборной России по ММА. Весовая категория до 93 кг, МСМК по ММА — БоксингТВ. www.xn--90acxpqg.xn--p1ai. Шыӧдчан кадпас: 4 моз тӧлысь 2025. Архивируйтӧма оригинала 18 кӧч тӧлысь 2018 года.
  3. ↑ Магомед Анкалаев - чемпион России по ММА | Информационное агентство "Грозный-Информ". grozny-inform.ru. Шыӧдчан кадпас: 4 моз тӧлысь 2025. Архивируйтӧма 18 кӧч тӧлысь 2018.
  4. ↑ Боец Магомед Анкалаев признан "Спортсменом года" в ММА, ТАСС. Архивируйтӧма 18 кӧч тӧлысь 2018 вося. Шыӧдчан кадпас: 4 моз тӧлысь 2025.
  5. ↑ Магомед Анкалаев: Не ищу легких путей, примером в ММА мне служит путь Федора Емельяненко. www.sovsport.ru. Шыӧдчан кадпас: 4 моз тӧлысь 2025. Архивируйтӧма 18 кӧч тӧлысь 2018.
  6. ↑ Магомед Анкалаев и Фабрицио Вердум в Лондоне готовятся к турниру. grozniy.bezformata.ru. Шыӧдчан кадпас: 4 моз тӧлысь 2025. Архивируйтӧма 18 кӧч тӧлысь 2018.
  7. ↑ РИА «Дагестан» Боец Магомед Анкалаев стал обладателем автомобиля на турнире памяти Адильгерея Магомедтагирова. www.riadagestan.ru. Шыӧдчан кадпас: 4 моз тӧлысь 2025. Архивируйтӧма 18 кӧч тӧлысь 2018.
  8. ↑ UFC Fight Night 127 results: Paul Craig scores miracle submission of Magomed Ankalaev with one tick left (англ.), MMAjunkie (17 March 2018). Архивируйтӧма 13 моз тӧлысь 2018 вося. Шыӧдчан кадпас: 4 моз тӧлысь 2025.
  9. ↑ UFC Fight Night 136 bonuses: Oleinik, Blachowicz among $50,000 winners (англ.), MMAjunkie (15 September 2018). Архивируйтӧма 15 кӧч тӧлысь 2018 вося. Шыӧдчан кадпас: 4 моз тӧлысь 2025.
  10. ↑ UFC Prague results: Magomed Ankalaev tops gritty newcomer Klidson Farias (англ.). MMAjunkie (23 урасьӧм тӧлысь 2019). Шыӧдчан кадпас: 4 моз тӧлысь 2025. Архивируйтӧма 24 урасьӧм тӧлысь 2019.
  11. ↑ Микаил Гусейнов. Анкалаев одержал четвёртую победу подряд в UFC, нокаутировав Куцелабу, Наурдиев проиграл (рус.). www.championat.com. Шыӧдчан кадпас: 4 моз тӧлысь 2025. Архивируйтӧма 1 рака тӧлысь 2020.
  12. ↑ Иван Ковалёв. Россиянин Анкалаев победил в США из-за судейского скандала. Рефери очень помог Магомеду (рус.). www.championat.com. Шыӧдчан кадпас: 4 моз тӧлысь 2025. Архивируйтӧма 1 рака тӧлысь 2020.
  13. ↑ Брагин, Игорь. В бою-реванше Халк кривляться не рискнул. Но Анкалаев отправил его в тяжёлый нокаут, championat.com (24 йирым тӧлысь 2020). Шыӧдчан кадпас: 3 рака тӧлысь 2025.
  14. ↑ Моренко, Вячеслав. Анкалаев одержал победу над украинцем Крыловым в соглавном поединке UFC Fight Night 186, championat.com (28 урасьӧм тӧлысь 2021). Шыӧдчан кадпас: 3 рака тӧлысь 2025.
  15. ↑ Анастасия Рацкевич. Биография Магомеда Анкалаева: жизнь и карьера россиянина в UFC. Спорт-Экспресс (21 йирым тӧлысь 2023). Шыӧдчан кадпас: 4 моз тӧлысь 2025.
  16. ↑ Simon Samano, Mike Bohn. UFC books Magomed Ankalaev vs. Johnny Walker rematch to headline first event of 2024 (англ.). MMA Junkie (13 вӧльгым тӧлысь 2023). Шыӧдчан кадпас: 4 моз тӧлысь 2025.
  17. ↑ Алексей Доспехов. Магомед Анкалаев повторил по правилам. Коммерсантъ (14 тӧвшӧр тӧлысь 2024). Шыӧдчан кадпас: 4 моз тӧлысь 2025.
  18. ↑ В UFC пообещали россиянину титульный бой, РБК (21 моз тӧлысь 2024). Шыӧдчан кадпас: 4 моз тӧлысь 2025.
  19. ↑ Гасанов, Яхья. Игра в догонялки закончена. Анкалаев наконец-то получил титульник, championat.com (19 тӧвшӧр тӧлысь 2025). Шыӧдчан кадпас: 21 тӧвшӧр тӧлысь 2025.
  20. ↑ Анкалаев стал шестым в рейтинге UFC вне зависимости от весовых категорий, РИА Новости Спорт (11 рака тӧлысь 2025). Шыӧдчан кадпас: 11 рака тӧлысь 2025.
  21. ↑ UFC Fight Night 136 bonuses: Oleinik, Blachowicz among $50,000 winners (амер. англ.). MMA Junkie (15 кӧч тӧлысь 2018). Шыӧдчан кадпас: 4 моз тӧлысь 2025. Архивируйтӧма 3 вӧльгым тӧлысь 2021.
  22. ↑ Jon Fuentes. UFC Moscow Bonuses, Attendance & Gate - LowKickMMA.com (амер. англ.) (9 вӧльгым тӧлысь 2019). Шыӧдчан кадпас: 4 моз тӧлысь 2025. Архивируйтӧма 10 вӧльгым тӧлысь 2019.
  23. ↑ Jay Anderson, Jay Anderson. UFC 254 Bonuses: Khabib Earns Performance Award in Final Fight (амер. англ.). Cageside Press (24 йирым тӧлысь 2020). Шыӧдчан кадпас: 4 моз тӧлысь 2025. Архивируйтӧма 16 ода-кора тӧлысь 2022.
  24. ↑ Record Book | UFC. statleaders.ufc.com. Шыӧдчан кадпас: 4 моз тӧлысь 2025. Архивируйтӧма 19 йирым тӧлысь 2022.
  25. ↑ Sherdog.com Magomed Ankalaev MMA Stats, Pictures, News, Videos, Biography - Sherdog.com. Sherdog. Шыӧдчан кадпас: 19 кӧч тӧлысь 2018. Архивируйтӧма 19 кӧч тӧлысь 2018.

Ыстӧгъяс

Босьтӧма "https://kv.ruwiki.ru/w/index.php?title=Анкалаев_Магомед_Алибулатович&oldid=482305"-ысь