Аньяслы лёк вӧчӧм бырӧдӧм вӧсна тыш нуӧдан войтыркостса лун
Аньяслы лёк вӧчӧм бырӧдӧм вӧсна тыш нуӧдан войтыркостса лун ( ООН-лӧн официал кывъяс вылын: англичан International Day for the Elimination of Violence against Women, араб اليوم الدولي للقضاء على العنف ضد المرأة, испан Dia Internacional de la Eliminacion de la Violencia contra la Mujer, китай 消除对妇女的暴力行为国际日, рочӧн Международный день борьбы за ликвидацию насилия в отношении женщин, француз la Journée internationale pour l'élimination de la violence à l'égard des femmes ) — ООН-лӧн войтыркостса лун, кыскӧ йӧзлысь вниманиесӧ став мирын аньяслы лёк вӧчӧм мытшӧд вылӧ. Пасйӧны быд во вӧльгым тӧлысь 25-ӧд лунӧ.
История
Аньяслы лёк вӧчӧм бырӧдӧм вӧсна тыш нуӧдан войтыркостса лун вӧлі лӧсьӧдӧма ООН-лӧн Генеральнӧй Ассамблеяӧн 2000 воын (А/РЕС/54/134 №-а резолюция). Кадпассӧ бӧрйӧма Мирабаль чойясӧс казьтылан лун серти, кодъясӧс виисны Доминикан Республикаын 1960 вося вӧльгым тӧлысь 25-ӧд лунӧ.
Генеральнӧй Ассамблея аслас резолюцияын вӧзйис правительствояслы, ООН системаса учреждениеяслы, войтыркостса да неправительственнӧй организацияяслы нуӧдны тайӧ лунӧ мероприятиеяс, медым кыскыны йӧзлысь вниманиесӧ нывбабаяслы лёктор вӧчӧм мытшӧд вылӧ.
ООН-са Генеральнӧй секретар аслас 2004-2005 воясся посланиеясын висьталіс, мый нывбабаяслы вӧчӧм лёкторйыс зэв ёна паськалӧма, сійӧ овлӧ быд культураын налӧн рӧд вылӧ, озырлун вылӧ, чужанін вылӧ видзӧдтӧг. Нывбабаяс паныдасьлӧны правовӧй юкӧнын да быдлунъя олӧмын вӧчӧмторъяскӧд. ООН-са Генеральнӧй секретар пасйис, мый 2005 воын мирӧвӧй саммит дырйи «странаяслӧн лидеръяс кӧсйысисны кык пӧв содтыны вынъяссӧ нывбабаяслы да нывкаяслы став сикас лёк вӧчӧм бырӧдӧм могысь».
Ӧткымын войтыркостса документ, мый вылӧ ыстысьӧ A/RES/54/134 №-а Резолюция
• Декларация об искоренении насилия в отношении женщин, 1993 год
Ыстӧгъяс
• Резолюция Генеральной Ассамблеи ООН № A/RES/54/134
• «Directory of UN Resources on Gender and Women’s Issues» (Каталог материалов по проблемам женщин и взаимоотношений полов на сайте ООН «Международный день борьбы за ликвидацию насилия в отношении женщин» (англ.)
• Послание Генерального секретаря ООН в 2004-м году
• Послание Генерального секретаря ООН в 2005-м году