Бандура Светлана Владимировна

Бандура Светлана Владимировна
Чужан лун	1973 вося рака тӧлысь 23-ӧд лун
Чужанін	Коми Республика, Сыктывкар
Мыйся уджыс	Коми Республикаса национальнӧй музейлӧн директор

Бандура Светлана Владимировна(1973 вося рака тӧлысь 23-ӧд лун, Сыктывкар) — Коми Республикаса национальнӧй музейлӧн директор, история наукаяс кандидат.

Олантуй

Чужис 1973 вося рака тӧлысь 23-ӧд лунӧ Сыктывкарын.
1996 воын помаліс Санкт-Петербургса культура да искусствояс канму университет «Музейнӧй делӧ да история да культура паметникъяс видзӧм» специальносьт серти да пырис уджавны Коми Республикаса национальнӧй музейӧ.
2007-ӧд воӧ дорйис история наукаяс кандидат ним вылӧ «Интеллигенция в Коми крае в XIX - начале XX века» диссертация.
2007-ӧд восянь — Коми Республикаса национальнӧй музейӧн веськӧдлысьӧс вежысь.
2021-ӧд восянь — Коми Республикаса национальнӧй музейӧн веськӧдлысь.

Туялан удж

Наукаын туялан нырвизьяс - XIX-XX нэмъясса Россия Войвывлӧн культура, быдлунъя олӧмлӧн история, визуальнӧй антропология.

Туялан, выставка да велӧдан проектъяслӧн куратор:
• «Вӧрса мойдъяс. Музейса анимация» (Эстонияса рӧдвуж войтырлӧн уджтас, 2012 во)
• «Медводдза мирӧвӧй: вӧйна да миф» (В. Потанинлӧн Благотворительнӧй фондлӧн «Медводдза йӧзӧдӧм» издательскӧй уджтас, 2014 во).
• «ХІХ нэм помын-ХХ нэм заводитчигӧн Россия империяса войвыв провинцияын интеллигенциялӧн быдлунъя олӧм» (Россияса гуманитарнӧй научнӧй фонд, 2013-2014 вояс)
• «Гӧсьтъяслы музей» (Коми Республикаса Юралысьлӧн грант, 2014 во)
• «Йӧз. Пемӧсъяс. Енъяс. Войвыв Приуральеса первобытнӧй искусстволӧн предметъяс» (Государственнӧй Эрмитажкӧд ӧтувъя выставка проект, 2016-2017 вояс)
• «Вӧралан ордымъяс. Промыслӧвӧй кыйсьӧм коми-зыраналӧн быдлунъя олӧмын да мӧвпсямын» (Эстонияса рӧдвуж войтырлӧн уджтас, Эстонияса национальнӧй музейкӧд ӧтувъя выставка проект, Тарту, 2019-2020 вояс).
• «Гижӧй письмӧяс. Сергей Довлатов» (Владимир Потанинлӧн Благотворительнӧй фондса «Креативнӧй музей» конкурсын вермысь, 2022 во).

Йӧзӧдӧм небӧгъяс

• «Национальный музей Республики Коми. Экспозиции и коллекции» (2011 во);
• «История России в памятных медалях из собрания Национального музея Республики Коми» (2018 во, А.С.Мельниковакӧд);
• «Охотничьи тропы. Традиционный промысел в повседневной жизни и мировоззрении коми-зырян» (2020 во)

Наградаяс

• Культура юкӧнын Коми Республикаса Правительстволӧн премия (2009).
• "90 лет Республике Коми" пас (2011)