Беженечьяслӧн ставмирса лун

Беженечьяслӧн ставмирса лун ( ООН-лӧн официал кывъяс вылын: англичан World Refugee Day, араб اليوم العالمي للاجئين, испан Día Mundial de los Refugiados, китай 世界难民日, француз la Journée mondiale des réfugiés ) — объявитӧма ООН-лӧн Генеральнӧй Ассамблеяӧн 2000 вося ӧшым тӧлысь 4-ӧд лунӧ (55/76 №-а Резолюция). Пасйӧны лӧддза-номъя тӧлысь 20-ӧд лунӧ.

Кыдзи висьтавсьӧ резолюцияын, тайӧ шуӧмсӧ примитӧма Африкаса ӧтувъялун организациякӧд (ОАЕ) сӧгласуйтӧмӧн, сы вӧсна мый водзтіджык тайӧ лунӧ, 1969 восянь пасйылісны Африкаса беженечьяслысь войтыркостса лун (2002 воын ОАЭ-сӧ вежис Африкаса союз).

Беженечьяслысь инӧдъяссӧ урчитӧма 1951 воын беженечьяслӧн статус йылысь конвенцияын.

2006 воын беженечьяслӧн лунлы сиӧм посланиеын ООН-са Генеральнӧй секретар пасйӧ, мый мир пасьталаын беженечьяслӧн лыдыс 1980 восянь медся ичӧт тшупӧдын. ООН отсаліс уна сё сюрс мортлы ас вӧляысь бӧр воны ас чужанінӧ. Но джынсьыс унджыкыс на вит воысь дырджык олӧны мӧдлаын.

Быд во ООН-са Верховнӧй комиссарлӧн беженечьяслӧн делӧяс кузя веськӧдланін индӧ Нансен премияа лауреатӧс, сійӧс сетӧны беженечьяслӧн ставмирса лунӧ.

Темаяс

2021 во - «Ӧтув ми тӧждысям ӧта-мӧд вӧсна, велӧдчам да югъялам».
2020 во - «Быд вӧчӧмтор тӧдчана»
2019 во - «Вӧч беженечьяскӧд воськов»^[1]
2018 во - «Ӧні миянлы ёнджыка колӧ сувтны беженечьяс дор»
2017 во - «Беженечьяс дорӧ шыӧдчӧм, медым нимӧдны миянлысь ӧтувъя мортлуннымӧс»
2016 во - «Ми беженечьяскӧд ӧтлаын»
2015 во - «Ӧтувтчам повтӧмлунӧн»
2014 во - «Войнаӧн торйӧдӧм семья - сійӧ вывті»
2013 во - «Аддзӧй 1 минут, медым отсавны пышйыны ковмысь семьялы»
2012 во - «Беженечьяслӧн абу мӧд туй. Тэ вӧчан»
2011 во - «Пуктӧй асьныдтӧ беженеч туйӧ да вӧчӧй медводдза воськов, медым гӧгӧрвоны налысь олӧмсӧ»
2010 во - «Ас оланін»
2009 во - «Реальнӧй йӧз - реальнӧй коланторъяс»
2008 во - «Быд мортлӧн эм инӧд корсьны сы бӧрся вӧтлысьӧмысь дорйӧг мӧд странаын да пӧльзуйтчыны сыӧн»
2007 во - «Выль керка, выль олӧм»
2006 во - «Водзӧ эскӧмӧн»
2005 во - «Повтӧмлун»
2004 во - «Ин, мый позьӧ шуны гортӧн»
2003 во - «Том беженечьяс: аскиалунсӧ зумыдмӧдӧм»
2002 во - «Нывбаба-беженечьяс»
2001 во - «Пыдди пуктӧм»

Пасйӧдъяс

↑ Всемирный день беженцев, 20 июня (рус.). un.org. Шыӧдчан кадпас: 13 тӧвшӧр тӧлысь 2020. Архивируйтӧма 13 тӧвшӧр тӧлысь 2020.

Ыстӧгъяс

[1] Всемирный день беженцев, 20 июня (рус.). un.org. Шыӧдчан кадпас: 13 тӧвшӧр тӧлысь 2020. Архивируйтӧма 13 тӧвшӧр тӧлысь 2020.

[1]