Братыненко Дмитрий Фёдорович
| Дмитрий Фёдорович Братыненко | |
|---|---|
 | |
|
| |
| 2025 вося йирым тӧлысь 22-ӧд лун | |
| Президент | Владимир Путин |
| Губернатор | Ростислав Гольдштейн |
| 2025.02.20 (и. о. 2025.01.09) | |
| Водзвывса уджалысь | Эльмира Ахмеева |
|
|
|
| Чужис |
1971-ӧд вося йирым тӧлысь 6-ӧд лун (54 арӧс) |
| Ютыр | Единая Россия |
| Велӧдчӧм | |
| Наградаяс |
  |
Братыненко Дмитрий Фёдорович (1971-ӧд вося йирым тӧлысь 6-ӧд лун, Самара) — россияса канморт, Коми Республикаса Веськӧдлан котырӧн веськӧдлысь (2025).
Олантуй
Дмитрий Братыненко чужӧма 1971 вося йирым тӧлысь 6-ӧд лунӧ Самара карын. 1989 восянь 1992 воӧдз служитӧма Военно-морскӧй флотын.
2003 воын помаліс Самараса канму техническӧй университет «Органическӧй веществояслӧн химическӧй технология» специальносьт серти «инженер» квалификация босьтӧмӧн. 2005 воын помалӧма Россияса Президент бердын канму службалысь Россияса академия. А во мысти прӧйдитіс квалификация кыпӧдан курсъяс Рытыв-Войвыв управление институтын, Россия Федерацияса президент бердын йӧзкост овмӧс да канму служба кузя Россияса академия филиалын[1].
2021 воын помаліс Самараса канму экономическӧй университетын «Экономика» нырвизь серти бакалавриат[2].
Удж
Уджавны заводитіс 2001 воын «Концепт» ИКК-лӧн переработайтан юкӧнса начальникӧн.
2001 вося моз тӧлыссянь 2002 вося сора тӧлысьӧдз уджаліс «Агропрогресс» ВАК-ын переработайтан юкӧнса начальникӧн.
2002 вося сора тӧлыссянь 2002 вося йирым тӧлысьӧдз вӧлі «Новокуйбышевскхлеб» производственно-коммерческӧй фирмалӧн производство сӧвмӧдӧм кузя менеджерӧн.
2002 вося йирым тӧлыссянь 2003 вося тӧвшӧр тӧлысьӧдз вӧлі «Мельинвест» ИКК-са генеральнӧй директорӧн.
2003 вося тӧвшӧр тӧлыссянь 2005 вося сора тӧлысьӧдз вӧлі «ФОМ» ИКК-ӧн веськӧдлысьӧн.
2005 вося сора тӧлыссянь 2007 вося кӧч тӧлысьӧдз — Самара обласьтса веськӧдлан котырлӧн аппаратӧн юрнуӧдысьӧс вежысь — веськӧдлан удж котыртӧм да административнӧй реформа кузя департаментӧн юрнуӧдысь.
2007 вося йирым тӧлыссянь 2008 вося йирым тӧлысьӧдз — «ФОМ» да «Мельинвест» ичӧт кывкутана котыръясӧн веськӧдлысь.
2008 вося вӧльгым тӧлыссянь 2009 вося косму тӧлысьӧдз — Воронеж обласьтса губернаторлӧн да веськӧдлан котырлӧн аппаратӧн веськӧдлысьӧс медводдза вежысь.
2009 вося лӧддза-номъя тӧлыссянь 2009 вося сора тӧлысьӧдз — «Строймонтажтехнологии» ИКК-са финансӧвӧй директор.
2009 вося моз тӧлыссянь 2011 вося ӧшым тӧлысьӧдз — Сахалин обласьтса губернаторлӧн сӧветник, Сахалин обласьтса губернаторлӧн да веськӧдлан котырлӧн аппаратӧн юрнуӧдысьӧс медводдза вежысь.
2011 вося ӧшым тӧлыссянь 2014 вося косму тӧлысьӧдз — Сахалин обласьтса губернаторӧс вежысь — Сахалин обласьтса губернаторлӧн да веськӧдлан котырлӧн аппаратӧн юрнуӧдысь.
2015 вося йирым тӧлыссянь 2017 вося йирым тӧлысьӧдз — «Сахалинскӧй морскӧй пароходство» ИКК-лӧн Ылі Асыввывса проектъяс серти генеральнӧй директорлӧн сӧветник.
2017 вося вӧльгым тӧлыссянь 2018 вося йирым тӧлысьӧдз — Саридздор крайса вице-губернаторлысь могъяс недыр олӧмӧ пӧртысь, Саридздор крайса вице-губернатор. Сійӧ кывкутіс регионын бӧрйысьӧмъяс котыртӧмысь да нуӧдӧмысь. Но мӧд турса скандал бӧрын 2018 вося йирым тӧлысь 2-ӧд лунӧ эновтчис аслас уджысь[1].
2019 вося ӧшым тӧлысь 16-ӧд лунсянь 2020 вося йирым тӧлысь 29-ӧд лунӧдз — Еврей асвеськӧдлан обласьтса правительствоӧн веськӧдлысьӧс медводдза вежысьлысь могъяс олӧмӧ пӧртысь.
2020 вося йирым тӧлысь 30 лунсянь 2020 вося вӧльгым тӧлысь 4 лунӧдз — Еврей асвеськӧдлан обласьтса вице-губернаторлысь могъяс олӧмӧ пӧртысь.
2020 вося вӧльгым тӧлысь 5 лунсянь 2024 вося вӧльгым тӧлысь 5-ӧд лунӧдз — Еврей асвеськӧдлан обласьтса вице-губернатор, Еврей асвеськӧдлан обласьтса вице-губернатор — Еврей асвеськӧдлан обласьтса веськӧдлан котырӧн веськӧдлысьӧс медводдза вежысь[3].
2024 вося вӧльгым тӧлысь 6-ӧд лунсянь ӧшым тӧлысь 26-ӧд лунӧдз уджаліс Еврей асвеськӧдлан обласьтса вице-губернаторлысь могъяс олӧмӧ пӧртысьӧн — Еврей асвеськӧдлан обласьтса веськӧдлан котырӧн веськӧдлысьӧс медводдза вежысьӧн.
2025 вося тӧвшӧр тӧлысь 9-ӧд лунӧ индӧма Коми Республикаса Веськӧдлан котырӧн веськӧдлысьлысь могъяс олӧмӧ пӧртысьӧн[4].
2025 вося урасьӧм тӧлысь 20-ӧд лунӧ индӧма Коми Республикаса Веськӧдлан котырӧн веськӧдлысь чинӧ[5].
2025 вося йирым тӧлысь 21-ӧд лунӧ выльысь индӧма Коми Республикаса Веськӧдлан котырӧн веськӧдлысь чинӧ[6].
Наградаяс
- Россия Федерацияса президентлӧн Почёт грамота (2013)[7];
- «Айму водзын бур уджысь» II тшупӧда орденлӧн медаль (2023)[8].
Ас олӧм
Гӧтыра. Быдтӧ нёль кагаӧс.
Прӧст кадӧ радейтӧ лыддьысьны да кино видзӧдны, ворсӧ хоккейӧн.
Пасйӧдъяс
- ↑ 1 2 Братыненко Дмитрий Федорович (рус.). RusTeamMedia (5 йирым тӧлысь 2019). Шыӧдчан кадпас: 28 йирым тӧлысь 2025.
- ↑ Дмитрий Братыненко остался председателем правительства Республики Коми (рус.). Комиинформ (21 урасьӧм тӧлысь 2025). Шыӧдчан кадпас: 28 йирым тӧлысь 2025.
- ↑ Братыненко Дмитрий Федорович (рус.). Единая Россия. Шыӧдчан кадпас: 28 йирым тӧлысь 2025.
- ↑ Ростислав Гольдштейн назначил Дмитрия Братыненко исполняющим обязанности Председателя Правительства Республики Коми (рус.). Официальный портал Республики Коми (10 тӧвшӧр тӧлысь 2025). Шыӧдчан кадпас: 28 йирым тӧлысь 2025.
- ↑ Дмитрий Братыненко стал председателем правительства Коми (рус.). БНКоми (21 урасьӧм тӧлысь 2025). Шыӧдчан кадпас: 28 йирым тӧлысь 2025.
- ↑ Ростислав Гольдштейн подписал распоряжения о кадровых назначениях в Правительстве Коми. Официальный портал Республики Коми (21 урасьӧм тӧлысь 2025). Шыӧдчан кадпас: 28 йирым тӧлысь 2025.
- ↑ Глава государства отметил сахалинцев (рус.). Восток Медиа (6 ӧшым тӧлысь 2013). Шыӧдчан кадпас: 28 йирым тӧлысь 2025.
- ↑ Братыненко Дмитрий Федорович (рус.). Награды России (9 лӧддза-номъя тӧлысь 2023). Шыӧдчан кадпас: 28 йирым тӧлысь 2025.