Буредан
| Буредан | |
|---|---|
 Буредан вывсянь. Фотоыс Е.Рожкинлӧн | |
| Ин | |
| 68°43′31″ с. ш. 65°21′59″ в. д.GЯO | |
| Ю | Кара |
| Страна | |
 | |
 Медиафайлы на РУВИКИ.Медиа | |
Буредан — Россияса европейскӧй юкӧнын медыджыд борганъясысь ӧти, меститчӧма Коми Республикаса Вӧркута муниципальнӧй кытшын, Полярнӧй Урал мутасын.
Этимология
Борганлӧн нимыс артмӧма изьваса буредан «борган (шор вылын)» кывйысь[1].
География
Борганыс меститчӧма Кара ю вылын, Вӧркута карсянь 100 км ылнаын, 1996 воын бырӧдӧм Вӧркутаса Хальмеръю посёлоксянь 25 км ылнаын, Пембой гӧрасянь 5 км ылнаын. Кара ю — тайӧ ӧдйӧ визувтысь 257 километр кузьта горавывса ю, коді усьӧ Кара саридзӧ. Сійӧ визувтӧ рытыв-войвылӧ Пай-Хой гӧра хребет пӧлӧн. Туй вылас венӧ джуджыд каньонъяс, та дырйи артмӧны мича косьяс да борганъяс[2].
Гӧгӧрвоӧдӧм
Борганлӧн каскадъяслӧн ӧтувъя кузьтаыс 10 км гӧгӧр да ӧтувъя джудждаыс 10 метра[3].
Крут стенъяса каньонӧ пыранінын ва визулыс лэччӧ дас метр судтасянь куим зэв ыджыд тшупӧдӧн. Визулыслӧн выныс сэтшӧм, мый бурджык кутчысьны сысянь ылынджык. Весиг профессиональнӧй кылӧдчысьяс тшӧкыда оз лысьтны тышкасьны ва стихиякӧд да кытшовтӧны боргансӧ. Берегас эмӧсь еджыд мраморысь вӧчӧм гырысь кратер-ваннаяс. Найӧ артмӧмаӧсь ёна визувтысь ва вӧсна[4].
Буредан дорын: коптерсянь видеосюжет
Туризм
Борган кыскӧ активнӧй туризм радейтысьясӧс. Медым аддзывны борганлысь вынсӧ, позьӧ кылӧдчыны Кара ю кузя. Татшӧм маршрутъяссӧ котыртӧны Вӧркутаса некымын турагентство. Шуам, 10 лунся маршрут катамаранъясӧн, чери кыйӧмӧн да керӧсъяс вылӧ видзӧдӧмӧн да палаткаясын узьлӧмӧн. Буреданӧдз позьӧ воӧдчыны вертолётъясӧн, вездеходъясӧн либӧ ю кузя кывтігтыр[5][6].
Пасйӧдъяс
- ↑ Безносикова Л. М., Забоева Н. К., Айбабина Е. А., Коснырева Р. И. Коми сёрнисикас кывчукöр. Словарь диалектов коми языка: в 2-х томах. Сыктывкар: ООО «Издательство «Кола», 2012. FU-Lab. Шыӧдчан кадпас: 23 лӧддза-номъя тӧлысь 2025.
- ↑ В Центре коми культуры открывается фотовыставка Евгения Рожкина «Буредан – место силы». Регион. Шыӧдчан кадпас: 23 лӧддза-номъя тӧлысь 2025.
- ↑ Республика Коми: интересные места, которые стоит посетить туристу. Большая страна (30 вӧльгым тӧлысь 2023). Шыӧдчан кадпас: 23 лӧддза-номъя тӧлысь 2025.
- ↑ Коми: седьмое чудо России посреди древней тайги. Инвестиционный портал Арктической зоны России (21 кӧч тӧлысь 2020). Шыӧдчан кадпас: 23 лӧддза-номъя тӧлысь 2025.
- ↑ Ржевская Л. Достопримечательности Коми: где находятся самые красивые места республики? (5 кӧч тӧлысь 2024). Шыӧдчан кадпас: 23 лӧддза-номъя тӧлысь 2025.
- ↑ Вервильская И. Где уснули древние боги. 6 достопримечательностей Коми, которые надо увидеть. Аргументы и факты. Коми (28 йирым тӧлысь 2023). Шыӧдчан кадпас: 23 лӧддза-номъя тӧлысь 2025.