Ва сетан башня
| Ва сетан башня Интаын | |||
|---|---|---|---|
 Ва сетан башня — медшӧр нималантор Интаын
| |||
| Вӧдитчӧм | ва сетан башня | ||
| Ин | Россия, Инта | ||
| Конструкция | |||
| Материал | кирпич | ||
| Джуджда | 54,4 | ||
 Медиафайлы на РУВИКИ.Медиа | |||
Ва сетан башня Интаын (рочӧн Водонапорная башня в Инте, 1954 во) — Интаын медшӧр архитектура нималантор (архитектор — И. П. Райский, инженер — Б. Н. Аленцев). Башняыс регулируйтіс карӧ да матысса посёлокъясӧ ва сетӧмсӧ.
Проектлысь эскизсӧ лӧсьӧдіс дзескыдінын пукалысь эстонияса швед Артур Тамвелиус. Башнясӧ стрӧитісны минеральнӧй лагерысь заключённӧйяс, 11 сюрс гӧгӧр морт. Башнялысь инсӧ урчитӧма артезианскӧй скважинаӧн, мый отсӧгӧн колӧ вӧлі могмӧдны ваӧн посёлок-карлысь кварталъяссӧ[1].
Ва сетан башняыс — Инта карса олысьяслӧн гордость, петкӧдлӧ кадлысь йитӧд: политическӧй репрессияяс дырйи трагическӧй судьба да карлӧн слава. Интасаяс 1982 воын вӧчисны ва сетан башнясӧ эмблема символӧн, а 2000 восянь сійӧ ставӧн пыдди пуктана карлӧн символ[2].
Шӧр мог серти башняӧн вӧдитчисны 1990-ӧд воясӧдз, та бӧрын сійӧс эз эксплуатируйтлыны[3].
Гӧгӧрвоӧдӧм
_(1982).svg)
Ва сетан башнясӧ вӧчӧма готика стильын, сылӧн выліас вит пельӧса гӧрд кодзула кӧрт шпиль, кодӧс вӧчӧма И. А. Хоменко чертёжъяс серти. Кодзувсӧ вӧлі сувтӧдӧма сӧмын 1957 воын, сыӧдз вӧлі тюльпан[4]. Башняыслӧн джудждаыс кодзулыскӧд тшӧтш лоӧ 54,5 метр. Сійӧ тыдалӧ карлӧн любӧй инсянь. Башнясӧ тэчӧма гӧрд да виж кирпичысь уна рӧма декоративнӧй кладкаӧн, сылӧн джуджыд ӧшиньяс да пиня доръяс; дыр кад чӧж сійӧ вӧлі странаын медся джуджыд зданиеӧн нэмӧвӧйся кынмӧм инын.
Ӧнія кадӧ
2000 восянь башнясӧ вӧлі официальнӧя шуӧма история памятникӧн да сійӧс видзӧ канму.
2011 воын сійӧс выльмӧдісны, сы вӧсна мый вӧлі аварийнӧй[4].
2012 восянь башняыс лоӧ краеведческӧй музейлӧн юкӧнӧн. Медводдза кык судтаас башняас меститчӧма «Политическӧй репрессияяс музей»[4].
Официальнӧя музейсӧ восьтісны 2014 вося йирым тӧлысь 4-ӧд лунӧ[4].
Пасйӧдъяс
- ↑ Водонапорная башня в Инте (рус.). НБРК. Шыӧдчан кадпас: 18 сора тӧлысь 2025.
- ↑ Водонапорная башня «Музей истории политических репрессий» (рус.). Туризм_Коми. Шыӧдчан кадпас: 18 сора тӧлысь 2025.
- ↑ Глава Республики Коми находится с визитом в Инте (рус.). rkomi.ru. Шыӧдчан кадпас: 22 рака тӧлысь 2017. Архивируйтӧма 22 рака тӧлысь 2017.
- ↑ 1 2 3 4 Тайны старой башни: творение Артура Тамвелиуса стало символом Инты (рус.). Комсомольская правда. Коми (31 рака тӧлысь 2018). Шыӧдчан кадпас: 18 сора тӧлысь 2025.
Литература
• Малофеевская, Любовь Никитична. Город на Большой Инте / Л. Н. Малофеевская. - Сыктывкар : [б. и.], 2004 (ОАО «Коми республиканская типография») . – С. 299 – 302.
• Инта - золотое сердце Республики Коми : Суровое притяжение Севера. - Инта : Искра, 2012. – С. 9-10.
• Город Инта : 100 интересных фактов и удивительных историй / [авт.-сост. Д. В. Куропаткин]. - Инта : Медиа-компания «Алло, Инта!», 2017. - 75 с. : ил.