Вежа Сильвестрлӧн лун
| Вежа Сильвестрлӧн лун | |
|---|---|
 Вежа Сильвестрлы паметник Италияын | |
| Сикас | Йӧзкостса да вичкоса |
| Мӧд ногӧн | Селиверстлӧн лун |
| Вынсьӧдӧма | римса папа I Сильвестр кувсьӧмкӧд йитӧдын |
| Пасйӧны | христианскӧй странаясын |
| Кадпас |
ӧшым тӧлысь 31-ӧд лун католикъяслӧн, |
| Традицияяс | Россияын идралӧны курӧг позъяс, нуӧдӧны лихоманка-висьӧмъяс вӧлана обрядъяс |
 Медиафайлы на РУВИКИ.Медиа | |
Вежа Сильвестрлӧн лун (рочӧн День святого Сильвестра ) — вичкоса гаж. Католикъяс пасйӧны ӧшым тӧлысь 31-ӧд лунӧ, православнӧйяс — тӧвшӧр тӧлысь 2(15) лун. Лоӧ уджалан лунӧн.
История да пасйӧм
Римса папа I Сильвестр чужлӧма III нэмын Римын христианскӧй семьяын. Тайӧ вежа проповедниклӧн олӧм йылысь тӧдса зэв этша, но ӧти легенда воӧма миянӧдз. Тайӧ важся легенда сертиыс миян эраӧдз 314 воын вежа Сильвестр кыйӧма важ заветса чудовищеӧс — Левиафан саридзса кыйӧс. Католикъяс чайтӧмаӧсь, мый 1000 воын тайӧ библейскӧй чудовищеыс петас вӧля вылӧ да сэки воас мирлӧн пом. Но вежа Сильвестрлӧн зільӧмӧн тайӧ эз ло, сійӧ мездіс мирсӧ библейскӧй катастрофаысь[1]. Тайӧ легендаас ӧтувтчӧмаӧсь I Сильвестрлӧн образ, коді виис драконӧс 314 воын, да II Сильвестрлӧн (римса папа 999-1003 воясӧ) образ, кодӧс лыддьӧмаӧсь дявӧллы паныд сувтысь волшебникӧн.
I Сильвестрлӧн кулӧмсянь во тыригӧн католикъяс юрбитӧны сылы да пыдди пуктӧны тайӧ лунсӧ кыдзи «вежа Сильвестрлысь лун». Католикъяс пасьтасьӧны маскарад костюмъясӧ да шуӧны асьнысӧ Сильвестр-Клаусъясӧн (шуткаа каламбур Санта-Клаусысь). Ӧткымын странаын кольӧм вося медбӧръя лунсӧ тадзи и шуӧны — «Сильвестрӧн», и «Кытчӧ мӧдӧдчан Сильвестр кежлӧ?» юалӧмыс збыльвылас лоӧ «Кӧні кӧсъян пасйыны Выль восӧ?».
Традицияяс
- Голландия
Коді бӧръяӧн садьмӧ тайӧ лунӧ, нимтӧны «Сильвестрӧн». Традиция серти сылы ковмас мынтыны штрап. Важӧн нывъяс ёна зілисны шонді лэччытӧдз вӧчны став гортса уджсӧ. Лыддьыссьыліс, мый татшӧм зільӧмыс отсалас корсьны корасьысьӧс да локтан во кежлӧ лабутнӧй ныв быть лоӧ невестаӧн.
Медся ыджыд гажъясыс мунӧны Мадейра ді вылын. 20.00 чассянь асылӧдзыс мунӧ ыджыд гаж. 250 сюрс уна рӧма пӧнар югдӧдӧны Фуншалӧс — Португалияса ділысь административнӧй шӧринсӧ.
Тані Сильвестр лун кежлӧ быть дасьтӧны карп яблӧгӧн, хренӧн да чечевицаӧн. Лыддьыссьӧ, мый татшӧм чӧсмасьӧмыс ваяс локтан воын мойвиӧм да шуд. Оз позь пуктыны пызан вылӧ лэбачӧс, лыддьӧны, мый та вӧсна шудыс вермас «лэбны».
Россияын «Селиверстлысь лун» пасйӧны йӧзкостса обычайяс серти тӧвшӧр тӧлысь 2(15) лунӧ. Тайӧ луныс лыддьыссьӧ курӧг гажӧн: весалӧны да лӧсьӧдӧны курӧг позъяс, тшыналӧны стенъяссӧ вижъюрӧн либӧ ӧгралысь мӧс куйӧдӧн. Курӧг видзанінын ӧткымынлаӧ ӧшӧдӧны «курӧг ен», медым кикимораяс эз джагӧдны курӧгъяссӧ. Водз асывнас старукаяс мыськавлісны шуӧм ваӧн ӧдзӧсдорса пӧтӧлӧкъяссӧ, медым потшны керкаӧ пыранінсӧ кынтан висьӧмлы[2].
Франкфурт-на-Майне карын Сильвестр лун кежлӧ пӧжалӧны штуцвек — юмов еджыд булка, помъясас важ да выль во петкӧдлысь кык юр, а кузялаыс вомӧна дас кык тӧлысь петкӧдлысь вундалӧм.
Видзӧдӧй тшӧтш
Пасйӧдъяс
- ↑ Женщина в Европе. Каждый год — рассказы о ежегодных событиях Архивса копия 4 тӧвшӧр тӧлысь 2010 Wayback Machine ресурсын
- ↑ Коринфский, 1901, с. 114.
Литература
- Коринфский А. А. Январь-месяц // Народная Русь : Круглый год сказаний, поверий, обычаев и пословиц русского народа. — М.: Издание книгопродавца М. В. Клюкина, 1901. — С. 109—119.
- Маркина Л. Г., Муравлёва Е. Н., Муравлёва Н. В. SILVESTER СИЛЬВЕСТР // Культура Германии: лингвострановедческий словарь: свыше 5000 единиц / под общ. ред. проф. Н. В. Муравлёвой. — М.: АСТ, 2006. — С. 924. — 1181 с. — 3000 экз. — ISBN 5-17-038383-5.