Витязев
Витязев — Комиын тшӧкыда паныдасьлысь ов. Роч ов.
Этимология
Овыс, вермас лоны, артмӧма Витязь ас нимысь либӧ прӧзвищеысь, роч витязь кывйысь — «храбрый, удачливый воин» (Даль)[1]. Овыс индӧ сы вылӧ, мый Витязевыс — татшӧм мортыслӧн пи либӧ слуга[2].
История
Москваса великӧй князь Иван III аслас 1496 вося грамотаын тшоктӧма, мед Емдінса епископ Филофей бӧр сетас Эжваса кресьтяналы сыӧн мырддьӧм муяссӧ. И индӧма кодлы: Онанко Кононовлы, Онанко Витязевлы да Онашко Прокышевлӧн гӧтырлы. Сідзкӧ, XV нэмӧ на кутшӧмкӧ Витязев олӧма Емдін бердса грездъясын.
Витязевъяс олӧны ёнджыкасӧ Печӧра пӧлӧнса сиктъясын. Учёнӧйяс пиысь ӧткымын (Л.Н. Жеребцов) шуӧны, мый буретш Эжва-Емдінса Витязевъясыс Глотово Слӧбӧда пыр веськалӧмаось Изьваӧ. Но эм и мӧд нога шуӧм: XVII нэмлӧн 70-ӧд воясся таможеннӧй книгаясын медводдза Витязевсӧ казьтыштӧма Изьваса вузасьысьяс лыдын, но ов сертиыс (кыдз и Хозяинов) сійӧ вӧлӧма Устюгысь (Л.П. Лашук). Бӧръя чайтӧмыс эскӧданаджык, сы вӧсна мый Глотово Слӧбӧдаысь Витязевъяс олӧм йылысь некутшӧм юӧр абу кольӧма[2].
Нималана йӧз
Витязева Валентина Александровна (1919-ӧд вося косму тӧлысь 7-ӧд лун, Войвыв Двина губерняса Яренск уездса Сибирь грезд—2010-ӧд вося ода-кора тӧлысь 22-ӧд лун, Сыктывкар) — Сӧвет кадся экономист-географ, география наукаясса доктор (1967), профессор (1972). Сыктывкарса канму университетысь медводдза ректор (1972—1987), СССР кадся медводдза нывбаба-ректоръяс пиысь ӧти.
Ыстӧгъяс
- ↑ Словарь русских фамилий. Витязев
- ↑ 1 2 Плесовский Ф. В. Комиын овъяс. — Сыктывкар: РИПКРО МО РК, 1997. — 139 с.
|
Кывлӧн либӧ кывтэчаслӧн вежӧртасъяс лыддьӧг лӧсялана статьяяс вылӧ ыстӧгӧн. Ті кӧ сюринныд татчӧ Рувики проектын мӧд статьяысь, корам бергӧдчыны и стӧчмӧдны ыстӧгсӧ, медым сійӧ вайӧдіс колана статьяӧ. Тайӧ лист бокын вайӧдӧма: |
 |
Ӧткодь ова йӧз йылысь статьяяс лыддьӧг. |
 |
Мӧд вежӧртасъяс. Видзӧд тшӧтш: статьяяслысь тырвыйӧ лыддьӧг, кодъяслӧн нимыс заводитчӧ «Витязевсянь». |
|
Видзӧд тшӧтш: статьяяслысь тырвыйӧ лыддьӧг, кодъяслӧн нимыс заводитчӧ «Витязевсянь». |