Войтыркостса мир лун

Войтыркостса мир лун
Кадпас	кӧч тӧлысь 21-ӧд лун
Медиафайлы на РУВИКИ.Медиа

Войтыркостса мир лун' ( ООН-лӧн официал кывъяс вылын: англичан International Day of Peace, араб اليوم العالمي للسلام, испан Día Internacional de la Paz, китай 国际和平日, рочӧн Международный день мира, француз Journée internationale de la paix ) — пасйӧны 2002-ӧд восянь кӧч тӧлысь 21-ӧд лунӧ. Вӧлі вынсьӧдӧма ООН-лӧн Генеральнӧй Ассамблеялӧн 36-ӧд сессия вылын (1981-ӧд во вӧльгым тӧлысь 30-ӧд лунся A/RES/36/67 №-а Резолюция).

Медводз гажсӧ пасйылісны кӧч тӧлысьлӧн коймӧд воторникӧ — ООН-са Генеральнӧй Ассамблеялӧн быдвося сессия восьтан лунӧ. Мирлысь войтыркостса лунсӧ кӧч тӧлысь 21-ӧд лунӧ пасйӧм йылысь решение вӧлі примитӧма ООН-лӧн Генеральнӧй Ассамблеялӧн 55-ӧд сессия вылын (2001-ӧд во кӧч тӧлысь 28-ӧд лунся A/RES/55/282 №-а торъя резолюция).

Генеральнӧй Ассамблея тайӧ лунсӧ вӧзйӧ ӧткажитчыны став мир пасьтала вынӧн вӧдитчӧмысь да дугдыны лыйсьыны. Став страналы вӧлі вӧзйӧма кутчысьны тайӧ лунӧ военнӧй действиеяс нуӧдӧмысь.

Быд во кӧч тӧлысь 21-ӧд лунӧ ООН-ын нуӧдӧны уна сикас мероприятие. Найӧ традиционнӧя заводитчӧны Мир жыннян дорын церемониясянь. Церемонияыс заводитчӧ ООН-са Генеральнӧй секретарлӧн шыӧдчӧмсянь, мый бӧрын сійӧ кучкӧ жыннянӧ. Сэсся, минута чӧв олӧм бӧрын, шыӧдчӧ ООН-лӧн безопасносьт Сӧветса председатель. Тайӧ лунӧ сдайтӧны регистрируйттӧм ӧружие, садитӧны пуяс, нуӧдӧны дзоньвидзалун видзан мероприятиеяс, спорт мероприятиеяс.

Паськыда тӧдсаӧн да тӧдчанаӧн лоис Peace One Day абу коммерческӧй организация, коді зільӧ пӧртны олӧмӧ быд вося вынӧн вӧдитчӧмысь дугӧдчан да лыйсьыны дугдан лун.

Темаяс

•2022 во — «Помавны расизм. Лӧсьӧдны мир».
•2021 во — «"Бурджык воддза серти" принцип серти лӧсьӧдӧм».
•2020 во — «Ӧтвылысь мирӧ».
•2019 во — «Мир вӧсна климатическӧй действиеяс».
•2018 во — «Мир вылӧ инӧд: мортлӧн инӧдъяс йылысь ставмирса декларациялы 70 во».
•2017 во — «Ӧтлаын мир вӧсна: ставӧс пыдди пуктӧм, безопасносьт да мортлун».
•2016 во — «Зумыд сӧвмӧм серти могъяс: мирлӧн быть колана юкӧн».
•2015 во — «Мир вӧсна ёртасьӧм — быдӧнлы колана удж».
•2014 во — «Йӧзлӧн мир вылӧ инӧд».
•2013 во — «Мир серти велӧдӧм».
•2012 во — «Зумыд мир — зумыд аскиа лун».
•2011 во — «Мир да демократия: висьтав ассьыд видзӧдластӧ».
•2010 во — «Томъяс мир да сӧвмӧм вӧсна».
•2009 во — «Оружиеысь мынтӧдчӧм да сійӧс паськӧдны дугӧдӧм».
•2008 во — «Мортлӧн инӧдъяс да мир кутӧм».
•2007 во — «Мир — тайӧ ООН-лӧн медыджыд мог».

Ыстӧгъяс

•Официальная страница дня на сайте ООН
•Сайт ООН
•Резолюция № A/RES/36/67
•Резолюция № A/RES/55/282
•Международный день мира и его официальный статус