Войтыркостса ёртасян лун
| Войтыркостса ёртасян лун | |
|---|---|
 | |
| Кадпас | 30 сора |
 Медиафайлы на РУВИКИ.Медиа | |
Войтыркостса ёртасян лун ( ООН-лӧн официал кывъяс вылын: англичан International Friendship Day, араб اليوم الدولي للصداقة, испан Día Internacional de la Amistad, китай 国际友谊日, франсуз Journée internationale de l’amitié ) — тайӧ некымын странаын гаж, сійӧ сиӧма ёртасьӧмлы и пасйӧны сора тӧлысь 30-ӧд лунӧ. Гажсӧ вынсьӧдіс ООН-лӧн Генеральнӧй Ассамблеяыс 2011 вося косму тӧлысь 27-ӧд лунӧ 65-ӧд сессия вылын (A/RES/65/275 №-а Резолюция ) [1].
Медводз сійӧс вӧзйис чолӧмалана открыткаяс вӧчан индустрия. Лунвыв Азияын шуӧны, мый ёртъяслы сиӧм тайӧ традицияыс чужис США-ын 1935 воын.
История
2014 вося йирым тӧлысь 27-ӧд лунся аслас посланиеын ООН-са Генеральнӧй секретар Пан Ги Мун корис:
Таво Войтыркостса ёртасян лунсӧ пасъям кадӧ, кор мирлӧн уна пельӧсын мунӧны ыджыд вӧйнаяс, паськалӧны йӧз костын лёк вӧчӧмъяс да эскытӧмлун. Йӧз, кодъяс войдӧр олісны ӧтсӧгласӧн, паныд сувтӧны асланыс суседъяскӧд; йӧз, кодъяслы быть колӧ овны ӧтлаын, торйӧдчӧны ӧта-мӧдсьыс.
Кутшӧм кӧть эз вӧв лёкалӧмлӧн да ӧружиеа мырдӧналӧмлӧн помкаыс, кутшӧм кӧть вынйӧра вынъяс эз сулавны на сайын, мортлӧн ловруыс вермас лоны ёна вынаджыкӧн. Миян медся ыджыд мог - отсавны сылы.
Тайӧ сьӧкыд да водзвыв тӧдмавны позьтӧм кадӧ зэв тӧдчана сетны ӧта-мӧдлы ки сы могысь, медым абу лэдзны пансьыны вӧйнаяс да пуктыны зумыд мирлы дыр кежлӧ подув.
Ёртасян войтыркостса лунӧ казьтыштам, мый миянӧс йитӧ, раса, эскӧм, рӧд, сексуальнӧй ориентация либӧ границаяс кындзи. Вайӧй сӧвмӧдам ӧтсӧгласлун, ӧд ми - ӧти морт котыр миян ӧти планета вылын. Вайӧй жӧ збыль кутам зумыда ёртасьны.
Пасйӧм
Гажсӧ пасйӧны мирса уна странаын, и сыкӧд йитчӧм традицияясыс быд канмуын артмӧмаӧсь аслыспӧлӧсӧсь, тані олысь войтырлӧн культура обычайяс серти.
Россияын Ёртасян лунӧ нуӧдӧны войтыръяс костын йитӧдъяс ёнмӧдӧмлы сиӧм мероприятиеяс[2][3]. Карса изэрдъяс вылын, импровизируйтӧм сценаяс вылын том артистъяс петкӧдлӧны национальнӧй театрализованнӧй петкӧдчӧмъяс, нуӧдӧны конкурсъяс да викторинаяс [4].
Видзӧд тшӧтш
- Ёртлӧн лун
Пасйӧдъяс
- ↑ Резолюция, принятая Генеральной Ассамблеей 4 мая 2011 года. Дата обращения: 14 сора тӧлысь 2022. Архивировано 3 косму тӧлысь 2019 года.
- ↑ Акция «Международный день дружбы». «Цифровая культура» (30 сора тӧлысь 2024). Дата обращения: 3 сора тӧлысь 2024.
- ↑ Международный день дружбы. «Культура.РФ» (30 сора тӧлысь 2024). Дата обращения: 3 сора тӧлысь 2024.
- ↑ Полина Русак. Международный день дружбы в 2024 году: история и традиции праздника. Комсомольская правда. Дата обращения: 3 сора тӧлысь 2024.