Волков Александр Евгеньевич
 Александр Волков | |
|---|---|
 | |
| Ӧтув юӧр | |
| Тырвыйӧ ним | Александр Евгеньевич Волков |
| Прозвище | Драго (англичан Drago) |
| Гражданство | |
| Чужан лун | 1988-ӧд вося йирым тӧлысь 24-ӧд лун (37 арӧс) |
| Чужанін | |
| Олӧ | Москва, Россия |
| Рост | 201 см |
| Сьӧкта категория | ыджыд сьӧкта |
| Ки шенас | 203 см |
| Команда | Strela Team |
| Стиль | Асихара-карате, бокс, кикбоксинг, бразилияса джиу-джитсу |
| Сораса единоборствояс | |
| Тышъяс | 48 |
| Вермӧмъяс | 38 |
| • нокаутӧн | 24 |
| • сетчӧмӧн | 4 |
| • шуӧмӧн | 10 |
| Ворссьӧм | 10 |
| • нокаутӧн | 2 |
| • сетчӧмӧн | 3 |
| • шуӧмӧн | 5 |
| Статистика боёв на сайте Sherdog | |
 Медиафайлы на РУВИКИ.Медиа | |
Волков Александр Евгеньевич (1988-ӧд вося йирым тӧлысь 24-ӧд лун, Москва) — россияса сораса стильын боец. Ыджыд сьӧктаын Bellator вӧвлӧм чемпион. Ыджыд сьӧктаын M-1 Challenge чемпион.
2024 вося вӧльгым тӧлысь кежлӧ сулалӧ ыджыд сьӧктаын UFC-лӧн официальнӧй рейтингын 3 строкаын[1].
Олантуй
Александр Волков чужис 1988 вося йирым тӧлысь 24-ӧд лунӧ Москваын. Единоборствоӧн заводитіс занимайтчыны квайт арӧсӧн. Ичӧтсяньыс ордйысьлӧма кекусин, асихара-каратэ, бокс, рукопашнӧй бой да кикбоксинг кузя. Медводзсӧ спортыс Александрлы вӧлі сӧмын хоббиӧн[2].
2011 воын помаліс Н. Э. Бауман нима Москваса канму техническӧй университет, «Ракетаяслӧн да космическӧй аппаратъяслӧн лэбалӧмлӧн динамика да наӧн веськӧдлӧм» кафедра.
Пырӧ Strela Team клубса боецъяслӧн медшӧр составӧ, тренерыс — Тарас Кияшко.
Спортын карьера
ММА да М-1 лигаын карьера заводитчӧм
Александр заводитіс карьерасӧ сораса тышъясын сы вӧсна, мый сылы лои интереснӧ видлыны асьсӧ ММА правилӧяс серти тышъясын. Мукӧд ӧтувъя вермасьӧм сикасъясысь торъялӧмӧн, кӧні, спортсменлӧн видзӧдлас серти, вывті уна дзескӧдӧм, ММА-ын кыдз позьӧ матӧджык вӧчӧма збыльвывса вермасьӧмлысь условиеяссӧ. Ассьыс медводдза рейтинга вермасьӧмсӧ Волков нуӧдіс Петыркарын, M-1 Selection мӧд тур вылын. Сэки сылӧн прӧтивникӧн вӧлі Николай Плешаков, кодӧс Александр ӧдйӧ вермис нокаутӧн.
Bellator
2012 воын кырымаліс контракт Америкаса Bellator промоушенкӧд, кӧні петкӧдчӧны мир пасьталаысь медбур ММА-са тышкасьысьяс. Bellator-ын нуӧдіс 9 тыш, на пиысь 6-ын вермис.
2012 вося ӧшым тӧлысьын Bellator ыджыд сьӧкта категорияын гран-прилӧн финальнӧй вермасигӧн паныдасис Америкаса боеч Ричард Хейлкӧд. Волков да сылӧн командаыс зэв грамотнӧя стрӧитісны тышлысь тактическӧй план. Александр тыш дырйи пыр видзӧдіс шӧрин борся, дугдывтӧг вӧрис, вежлаліс атакалысь нырвизсьсӧ, тшӧктіс соперниклы дугдывтӧг корсьны аслас атакалы вариантъяс, та дырйи воштіс вынсӧ да кадсӧ. Вит раунд чӧж Драго бура кучкаліс соперникӧс да зэв бура контратакуйтіс. Кыдзи кывкӧртӧд, вермӧмсӧ судьяяс сетісны Волковлы, тайӧн вӧчисны сійӧс Гран-приын вермысьӧн да ыджыд сьӧктаын чемпионӧн.
2015 воын Bellator компаниякӧд контрактсӧ дугӧдісны.
М-1
2015 воын, кор вӧлі свободнӧй агентӧн, Александр выльысь кырымаліс М-1 Global организациякӧд контракт да урасьӧм тӧлысь 19-ӧд лунӧ нин Москваын муніс медводдза тыш, кӧні Волков босьтіс М-1 ыджыд сьӧктаын прӧстмӧм чемпионскӧй титулсӧ Эстонияысь боец Денис Смолдаревкӧд тышын. Тышыс помасис Александрлӧн вермӧмӧн 3 раунд заводитчигӧн пӧдтан приёмӧн (треугольник).
2016 вося лӧддза-номъя тӧлысьын Вей Аттилалы паныд тышын дорйис ыджыд сьӧктаын М-1 чемпионлысь ним.
UFC
2016 вося кӧч тӧлысьын кырымаліс UFC-кӧд контракт да нуӧдіс медводдза тыш 2016 вося вӧльгым тӧлысь 19-ӧд лунӧ Белфастын американеч Тимоти Джонсонкӧд. Тайӧ тышас Александр вермис судьяяслӧн торъя шуӧм серти.
Мӧд тышсӧ нуӧдіс 2017 вося косму тӧлысь 15-ӧд лунӧ UFC on Fox 24 турнирын Johnson vs. Reis, соперникыс лои американеч Рой Нельсон. Волков увереннӧя вермис судьяяслӧн ӧтсӧглас шуӧмӧн[3].
Ассьыс коймӧд тышсӧ нуӧдіс 2017 вося кӧч тӧлысь 2-ӧд лунӧ Роттердамын (Голландия), соперникыс вӧлі голландияса великан Стефан Стрюве. Александр медводдзаысь на вӧлі UFC турнирын медводдза строкаын, кодӧс нимтісны UFC Fight Night 115: Volkov vs. Struve. UFC-са кык медся кузь боецлӧн тайӧ тышын вермис Александр Волков, коді 3-ӧд раундын техническӧй нокаутӧн (ударъясӧн) босьтіс бонус рытъя тышысь[4].
2018 вося рака тӧлысь 17-ӧд лунӧ победитӧма Фабрисиу Вердумӧс UFC Fight Night 127: Werdum vs. Volkov главнӧй тышын. Александр нокаутируйтіс бразилечӧс нёльӧд раундын[5] да босьтіс бонус рытъя выступлениеысь[6]. Тайӧ вермӧмыс Волковлы лои UFC-ын нёльӧдӧн.
2018 вося йирым тӧлысь 6-ӧд лунӧ UFC 229 дырйи паныдасис американеч Деррик Льюискӧд. Волков нуӧдіс очкояс серти матч чӧжыс, но бӧръя раунд помасигӧн сылы сбрис веськыдладорсяньыс сьӧкыд кучкӧм да вӧлі пӧрӧдӧма покрытие вылӧ, и петіс чемпион титул вӧсна ордйысьӧмысь.
2019 вося вӧльгым тӧлысьын Москваын UFC турнирын сылӧн соперникнас должен вӧлі лоны бразилеч Жуниор Дуг Сантус, но бӧрыннас сійӧ ӧткажитчис вермасьӧмысь висьӧм вӧсна да сійӧс вежис американеч Грег Харди. Волков ӧкуратнӧя нуӧдіс тышсӧ, лишнӧйысь рискуйттӧг, дистанция вылын орӧдіс соперниксӧ да вермис судьяяслӧн ӧтсӧглас шуӧмӧн, куимнан судьяыс сетісны победасӧ Александрлы 30-27 тшӧтӧн[7][8]. Кывсис, мый Хардикӧд вермасьӧмысь боецлӧн гонорарыс вӧлӧма 200 сюрс гӧгӧр доллар[9].
2020 вося лӧддза-номъя тӧлысь 20-ӧд лунӧ паныдасис UFC Vegas 3 турнирлӧн медшӧр тышын американеч Кёртис Блейдскӧд. Тышыс кыссис витнан раундсӧ, и кӧть эськӧ кучкалӧмъяс сертиыс Волков вӧлі бурджык соперникысь, россиянин нинӧм эз вермы паныд вӧчны Блейдскӧд партерас, а сылӧн кучкалӧмъясыс эз вӧвны тырмымӧн стӧчӧсь, медым помавны тышсӧ кадысь водз. Медбӧрын Волков сетчис судьяяслӧн ӧтсӧглас шуӧмӧн[10].
2020 вося йирым тӧлысь 24-ӧд лунӧ UFC 254 турнирын, аслас чужан лунӧ, паныдасис Уолт Харрискӧд. Мӧд раундын Волков вӧчис стӧч фронт-кик, коді веськыда веськаліс американечлӧн солнечнӧй сплетениеӧ, мый бӧрын сійӧ бӧрыньтчис клеткалань. И кыдзи кывкӧртӧд, вермис техническӧй нокаутӧн мӧд раундын[11][12]. Турнир водзвылын веситчигӧн Волков петкӧдліс ассьыс медыджыд сьӧкта — 120,2 кг[13].
2021 вося урасьӧм тӧлысь 6-ӧд лунӧ паныдасис Алистар Оверимкӧд UFC Fight Night: Оверим vs. Волков тыш вылын[14]. Волков вермис техническӧй нокаутӧн мӧд раундын да босьтіс бонус рытъя выступлениеысь[15].
2021 вося лӧддза-номъя тӧлысь 26-ӧд лунӧ нуӧдіс тыш UFC Fight Night: Gan vs. Wolkov вылын ыджыд сьӧктаа француз Сирил Ганкӧд, ворссис сылы судьяяслӧн ӧтсӧглас шуӧм серти[16].
2021 вося йирым тӧлысь 30-ӧд лунӧ UFC 267 вылын паныдасис Марчин Тыбуракӧд. Волков увереннӧя дорйысис Тыбуралӧн трекдаун вӧчны зільӧмысь, а сідзжӧ орӧдліс соперниксӧ дистанция вылын да вежласьӧмъясын. Бӧрыннас тышыс кыссис дистанция чӧжыс да помасис Александрлӧн вермӧмӧн судьяяслӧн ӧтсӧглас шуӧмӧн[17].
Том Аспиналлкӧд тыш
2022 вося рака тӧлысь 19-ӧд лунӧ Лондонын UFC Fight Night вылын Волков vs. Аспиналл рытъя медшӧр тышын ворссис 7 вермӧм серияын мунысь, рейтингын 11 №-а Том Аспиналлы (11-2) медводдза раундын ки вылас дойдана приём вӧсна. Британеч ёся да агрессивнӧя заводитіс тышсӧ да медводдза минутаас жӧ вуджӧдіс Александрӧс партерӧ, кӧні заводитліс вӧчны кимуру. Заводитлӧмыс эз артмы, и Волков вермис сувтны кок вылас, кӧть и эз веськав сьӧкыд кучкӧмъяс вылӧ. Минутаӧн-джынйӧнӧн водзджык коймӧд раундысь британеч бара вермис вуджӧдны Волковӧс да сэні гырддзаяснас уджалігтыр вӧчис дойдана приём — кимуру[18].
Жаирзиньо Розенстрайккӧд тыш
2022 вося лӧддза-номъя тӧлысь 4-ӧд лунӧ UFC Fight Night: Волков vs. Розенстрайк вылын рытъя медшӧр тышын медводдза раундын техническӧй нокаутӧн вермис Суринамса нокаутер Жаирзиньо Розенстрайкӧс (12-3)[19]. Волков разведкатӧг мӧдӧдчис соперник вылӧ, шыблаліс фронт-кикъяс да хай-кикъяс, кватитіс веськыдвывсяньыс да вӧчис вына двойка, мыйысь соперникыслӧн усис капаыс, мый вӧсна рефери сувтӧдіс тышсӧ. Жаирзиньо Розенстрайк эз вӧв дӧвӧлен сувтлӧмӧн[20].
Александр Романовкӧд тыш
2023 вося рака тӧлысь 11-ӧд лунӧ UFC Fight Night: Ян vs. Двалишвили рытъя медшӧр тышын вермис техническӧй нокаутӧн Александр Романовӧс (16-1) медводдза раундын. Раундлӧн медводдза секундаяссяньыс молдаваса боеч пыр муніс водзӧ да заводитіс топӧдны соперниксӧ сетка бердӧ, но вуджӧдны увлань сылы эз удайтчы. Стойкаын Романовӧс доймытӧдзыс вӧлі кучкалӧма, и сійӧ веськаліс партерас да бергӧдчис Волковлы мышнас. Рефери дугӧдіс тышсӧ ТКО пасйӧм бӧрын[21].
Тай Туивасакӧд тыш
2023 вося кӧч тӧлысь 9-ӧд лунӧ Сиднейын UFC 293 турнирын паныдасис татчӧс тышкасьыськӧд, 6-ӧд рейтинга Тай Туивасакӧд (14-5). Рейтингса сизимӧд номер Волков медводдза раундсӧ вермис стойкаын стӧчджыкӧн лоӧмӧн. Мӧд раундсӧ Туиваса заводитіс бура, но матӧджык раунд помланьыс мӧдысь веськаліс уліӧ кучкӧмъяссӧ пропуститӧмӧн. Помасьтӧдзыс 30 секундаӧн водзджык Волков нуӧдіс иезекиль пӧдтан приём, мый вӧсна соперникыс сетчис[22].
Сергей Павловичкӧд тыш
2024 вося лӧддза-номъя тӧлысь 22-ӧд лунӧ Эр-Риядын (Сауд Аравия) UFC-лы дебютнӧй турнирын паныдасис Россияысь мӧд нималана ыджыд сьӧктаа Сергей Павловичкӧд. Тышыс лоис UFC on ABC: Whittaker vs. Aliskerov турнирлӧн мӧд тӧдчана лоӧмторйӧн[23]. Волков вермис судьяяслӧн ӧтсӧглас шуӧмӧн[24].
Америкаӧ мунӧм
2024 вося лӧддза-номъя тӧлысь 19-ӧд лунӧ Волков юӧртіс АӦШ-ӧ мунӧм йылысь да подулаліс тайӧс сійӧн, мый татшӧм воськолыс бур боксянь тӧдчас спорт карьера вылӧ:
Ме матынджык UFC-лӧн тренируйтчан шӧрин дорын, пыр волывлӧны боецъяс, кодъяскӧд позьӧ вежласьны опытӧн, тренируйтчыны. Пыр эм кутшӧмкӧ выльтор, позьӧ босьтны выль тӧдӧмлунъяс[25].
Волков содтіс, мый карьераыс оз кут кыссьыны помтӧг, и сылӧн помасигӧн сійӧ кӧсйӧ босьтны ыджыдджык опыт суйӧрсайса уджъёртъяслысь[26].
Жаилтон Алмейдакӧд тыш
2025 вося йирым тӧлысь 25-ӧд лунӧ Абу-Дабиын (ӦАЭ) лоас ыджыд сьӧктаын Россияса боеч Александр Волков да бразилеч Жаилтон Алмейда костын UFC 321 турнир дырйи тыш. Вермасьӧмыс заводитчас Москваса кад серти 21 часын. Нуӧданін: «Этихад-Арена»[27].
Ас олӧм
Александр гӧтыра, сылӧн эм Мирослав пи[28]. Вита Волкова, Александрлӧн гӧтырыс, — Dental Volk Technologies и VICARE брендъяслы подув пуктысьясысь ӧти.
2025 вося лӧддза-номъя тӧлысьын Волков петкӧдчис «Что было дальше?» шоуын[29].
Титулъяс да вермӧмъяс
• карате кузя Москваса чемпион;
• панкратион кузя Москваса 3-ысь чемпион;
• М-1 версия серти Россияса команднӧй чемпионатын финалист (2009 во);
• ыджыд сьӧктаын кык Grand Prix Bellator Fighting Championships (2012 во, 2014 во) вермысь. Ыджыд сьӧктаын Bellatorса чемпион;
• Grand Prix M1 Selection 2016 финалист. Ыджыд сьӧктаын M-1 Challenge чемпион;
• UFC турнирын рытъя медбур тышысь бонус босьтысь (ӧтчыд);
• UFC турнирын рытъя выступлениеысь бонус босьтысь (кыкысь);
• Микс-файт Цу Син Гэн серти сьӧд вӧнь;
• Кекусинкай серти коричневӧй вӧнь;
• бразилияса джиу-джитс серти сьӧд вӧнь;
• Асихара-карате серти сьӧд вӧнь.
Ultimate Fighting Championship
• «Рытъя медбур тыш» премия босьтысь (ӧтчыд) Стефан Стрювелы паныд.
• «Рытъя выступление» премия босьтысь (кыкысь) Фабрисиу Вердумлы да Алистар Оверимлы паныд.
Тышъяс лыддьӧг
Сораса единоборствояс
| Тышкасьысьлӧн профессиональнӧй карьера (итог) | ||
| Тыш 48 | Вермӧм 38 | Ворссьӧм 10 |
| Нокаутӧн | 24 | 2 |
| Сетчӧмӧн | 4 | 3 |
| Шуӧмӧн | 10 | 5 |
| Результат | Рекорд | Соперник | Ног | Турнир | Лун | Раунд | Кад | Ин | Пасйӧд |
|---|---|---|---|---|---|---|---|---|---|
| Ворссьӧм | 38-11 | .svg){kind=small} Сирил Ган
|
Шуӧм | UFC 310 | 2024.12.07 | 3 | 5:00 |  Парадайс
|
|
| Вермӧм | 38-10 |  Сергей Павлович
|
Ӧтсӧглас шуӧм | UFC on ABC: Уиттакер vs. Алискеров | 2024.06.22 | 3 | 5:00 |  Эр-Рияд
|
|
| Вермӧм | 37-10 |  Тай Туиваса
|
Сетчӧм (иезекииль) | UFC 293 | 2023.09.09 | 2 | 4:37 |  Сидней
|
|
| Вермӧм | 36-10 |  Александр Романов
|
TKO (кучкалӧмъяс) | UFC Fight Night: Ян vs. Двалишвили | 2023.03.11 | 1 | 2:16 | Лас-Вегас
|
|
| Вермӧм | 35-10 |  Жаирзиньо Розенстрайк
|
TKO (кучкалӧмъяс) | UFC Fight Night: Волков vs. Розенстрайк | 2022.06.04 | 1 | 2:12 | Лас-Вегас
|
|
| Ворссьӧм | 34-10 |  Том Аспиналл
|
Сетчӧм (кимура) | UFC Fight Night: Волков vs. Аспиналл | 2022.03.19 | 1 | 3:45 | Лондон
|
|
| Вермӧм | 34-9 |  Марчин Тыбура
|
Ӧтсӧглас шуӧм | UFC 267 | 2021.10.30 | 3 | 5:00 |  Абу-Даби
|
|
| Ворссьӧм | 33-9 | Сирил Ган
|
Ӧтсӧглас шуӧм | UFC Fight Night: Ган vs. Волков | 2021.06.26 | 5 | 5:00 | Лас-Вегас
|
|
| Вермӧм | 33-8 |  Алистар Оверим
|
TKO (кучкалӧмъяс) | UFC Fight Night: Оверим vs. Волков | 2021.02.06 | 2 | 2:06 | Лас-Вегас
|
рытъя выступление |
| Вермӧм | 32-8 | Уолт Харрис
|
TKO (корпусӧ кокӧн кучкӧм и киӧн кучкалӧмъяс) | UFC 254 | 2020.10.24 | 2 | 1:15 | Абу-Даби
|
|
| Ворссьӧм | 31-8 | Кёртис Блейдс
|
Ӧтсӧглас шуӧм | UFC on ESPN: Blaydes vs. Volkov | 2020.06.20 | 5 | 5:00 | Лас-Вегас
|
|
| Вермӧм | 31-7 | Грег Харди
|
Ӧтсӧглас шуӧм | UFC Fight Night: Zabit vs. Kattar | 2019.11.11 | 3 | 5:00 | Москва
|
|
| Ворссьӧм | 30-7 | Деррик Льюис
|
KO (кучкалӧмъяс) | UFC 229 | 2018.10.06 | 3 | 4:49 | Лас-Вегас
|
|
| Вермӧм | 30-6 |  Фабрисиу Вердум
|
KO (кучкалӧмъяс) | UFC Fight Night: Werdum vs. Volkov | 2018.03.17 | 4 | 1:38 | Лондон
|
рытъя выступление |
| Вермӧм | 29-6 | Стефан Стрюве
|
TKO (кучкалӧмъяс) | UFC Fight Night: Volkov vs. Struve | 2017.09.02 | 3 | 3:30 | Роттердам
|
рытъя тыш |
| Вермӧм | 28-6 | Рой Нельсон
|
Ӧтсӧглас шуӧм | UFC on Fox: Johnson vs. Reis | 2017.04.15 | 3 | 5:00 | Канзас-Сити
|
|
| Вермӧм | 27-6 | Тимоти Джонсон
|
Торъялана шуӧм | UFC Fight Night: Mousasi vs. Hall 2 | 2016.11.19 | 3 | 5:00 |  Белфаст
|
Дебют UFC-ын |
| Вермӧм | 26-6 |  Аттила Вег
|
KO (кучкалӧмъяс) | M-1 Challenge 68 | 2016.06.16 | 1 | 2:38 | Петыркар
|
Дорйис M-1 Global чемпионлысь титул ыджыд сьӧктаын |
| Вермӧм | 25-6 |  Денис Смолдарев
|
Сетчӧм (треугольник) | M-1 Challenge 64 | 2016.02.19 | 3 | 0:41 | Москва
|
Босьтіс M-1 Global чемпионлысь титул ыджыд сьӧктаын |
| Ворссьӧм | 24-6 | Чейк Конго
|
Ӧтсӧглас шуӧм | Bellator 139 | 2015.06.26 | 3 | 5:00 | Малвейн
|
|
| Ворссьӧм | 24-5 | Тони Джонсон
|
Торъялана шуӧм | Bellator 136 | 2015.04.10 | 3 | 5:00 | Ирвайн
|
|
| Вермӧм | 24-4 |  Алексей Кудин
|
Ӧтсӧглас шуӧм | Union MMA Pro | 2015.02.21 | 3 | 5:00 | Краснодар
|
|
| Вермӧм | 23-4 | Рой Боутон
|
TKO (кучкалӧмъяс) | Tech-Krep FC: Battle of Heroes | 2014.12.12 | 1 | 0:40 | Петыркар
|
|
| Вермӧм | 22-4 |  Благой Иванов
|
Сетчӧм (бӧрсянь пӧдтӧм) | Bellator 120 | 2014.05.17 | 2 | 1:08 | Саутавен
|
Ыджыд сьӧкта гран-при финал |
| Вермӧм | 21-4 |  Майти Мо
|
KO (юрӧ кокӧн кучкӧм) | Bellator 116 | 2014.04.11 | 1 | 2:44 | Темекьюла
|
ыджыд сьӧктаын 1/2 гран-при |
| Вермӧм | 20-4 | Марк Холата
|
ТKO (кучкалӧмъяс) | Bellator 111 | 2014.03.07 | 1 | 1:21 | Такервилл
|
ыджыд сьӧктаын 1/4 гран-при |
| Ворссьӧм | 19-4 | Виталий Минаков
|
TKO (кучкалӧмъяс) | Bellator 108 | 2013.11.15 | 1 | 2:57 | Атлантик-Сити
|
Воштіс ыджыд сьӧктаын Bellator чемпионлысь титул |
| Вермӧм | 19-3 | Ричард Хейл
|
Ӧтсӧглас шуӧм | Bellator 84 | 2012.12.14 | 5 | 5:00 | Хаммонд
|
Босьтіс ыджыд сьӧктаын Bellator чемпионлысь титул |
| Вермӧм | 18-3 | Винисиус Кейрус
|
TKO (кучкалӧмъяс) | Bellator 80 | 2012.11.09 | 2 | 4:59 | Холливуд
|
ыджыд сьӧктаын 1/2 гран-при |
| Вермӧм | 17-3 | Бретт Роджерс
|
Ӧтсӧглас шуӧм | Bellator 75 | 2012.10.05 | 3 | 5:00 | Хаммонд
|
ыджыд сьӧктаын 1/4 гран-при |
| Вермӧм | 16-3 |  Стефан Станкович
|
TKO (кучкалӧмъяс) | FEFoMP: Mayor Cup 2012 | 2012.05.26 | 1 | 4:27 | Хабаровск
|
|
| Вермӧм | 15-3 | Рикко Родригес
|
Ӧтсӧглас шуӧм | BF: Baltic Challenge 3 | 2012.02.23 | 3 | 5:00 | Калининград
|
|
| Вермӧм | 14-3 | Арсен Абдулкиримов
|
TKO (кучкалӧмъяс) | M-1 Global: Fedor vs. Monson | 2011.11.20 | 1 | 0:26 | Москва
|
|
| Вермӧм | 13-3 |  Баходир Ибрагимов
|
TKO (кучкалӧмъяс) | MMA Corona Cup 1 | 2011.10.07 | 2 | 2:22 | Москва
|
|
| Вермӧм | 12-3 | Недьялко Караджов
|
TKO (кучкалӧмъяс) | League-70: Russia vs. Brazil | 2011.08.05 | 1 | 2:41 | Сочи
|
|
| Вермӧм | 11-3 | Денис Гольцов
|
TKO (кучкалӧмъяс) | M-1 Challenge 25: Zavurov vs. Enomoto | 2011.04.28 | 2 | 3:05 | Петыркар
|
|
| Вермӧм | 10-3 | Руслан Чапко
|
TKO (кучкалӧмъяс) | Mix Fight Tournament | 2011.01.15 | 1 | Воронеж
|
||
| Ворссьӧм | 9-3 | Патрик Беннет
|
Ӧтсӧглас шуӧм | M-1 Challenge 22: Narkun vs. Vasilevsky | 2010.12.10 | 4 | 5:00 | Москва
|
|
| Вермӧм | 9-2 | Евгений Бабич
|
TKO (кучкалӧмъяс) | LM: Tournament 3 | 2010.09.18 | 1 | 2:10 | Липецк
|
|
| Вермӧм | 8-2 | Эльдар Ягудин
|
TKO (кучкалӧмъяс) | Ratnoe Pole | 2010.08.07 | 1 | 4:34 | Рязань
|
|
| Ворссьӧм | 7-2 | Максим Гришин
|
Сетчӧм (бӧрсянь пӧдтӧм) | M-1 Selection 2010: Eastern Europe Finals | 2010.07.22 | 1 | 1:39 | Москва
|
Асыввыв Европаса чемпионатлӧн финал |
| Вермӧм | 7-1 |  Александр Ромащенко
|
Сетчӧм (бӧрсянь пӧдтӧм) | M-1 Selection 2010: Eastern Europe Round 3 | 2010.05.28 | 1 | 2:59 | Киев
|
Асыввыв Европаса чемпионатлӧн 1/2 |
| Вермӧм | 6-1 | Виталий Яловенко
|
TKO (бурдӧдысь сувтӧдіс) | M-1 Selection 2010: Eastern Europe Round 2 | 2010.04.10 | 2 | 1:05 | Киев
|
Асыввыв Европаса чемпионатлӧн 1/4 |
| Вермӧм | 5-1 | Ибрагим Магомедов
|
Ӧтсӧглас шуӧм | M-1 Challenge 20: 2009 Finals | 2009.12.03 | 3 | 5:00 | Петыркар
|
Россияса команднӧй чемпионатын финал |
| Вермӧм | 4-1 |  Смбат Закарян
|
TKO (кучкалӧмъяс) | ProFC: Union Nation Cup 3 | 2009.10.30 | 1 | 4:20 | Ростов-на-Дону
|
Асыввыв Европаса чемпионатын 3-ӧд этап |
| Вермӧм | 3-1 | Абдулхалик Магомедов
|
TKO (кучкалӧмъяс) | M-1 Challenge: 2009 Selections 8 | 2009.10.04 | 1 | 4:43 | Москва
|
Россияса команднӧй чемпионатын 8-ӧд этап |
| Ворссьӧм | 2-1 | Ахмед Султанов
|
Сетчӧм | M-1 Challenge: 2009 Selections 4 | 2009.06.24 | 1 | 2:50 | Петыркар
|
Россияса команднӧй чемпионатын 4-ӧд этап |
| Вермӧм | 2-0 | Адам Алиханов
|
TKO (кучкалӧмъяс) | M-1 Challenge: 2009 Selections 3 | 2009.05.28 | 1 | 0:20 | Петыркар
|
Россияса команднӧй чемпионатын 3-ӧд этап |
| Вермӧм | 1-0 | Николай Плешаков
|
TKO (кучкалӧмъяс) | M-1 Challenge: 2009 Selections 2 | 2009.04.19 | 1 | 1:20 | Петыркар
|
Россияса команднӧй чемпионатын 2-ӧд этап |
Пасйӧдъяс
- ↑ UFC Rankings. ufc.ru. Шыӧдчан кадпас: 1 моз тӧлысь 2025.
- ↑ Анастасия Рацкевич. Биография Александра Волкова: жизнь и спортивная карьера российского бойца UFC. Спорт-Экспресс (7 косму тӧлысь 2024). Шыӧдчан кадпас: 1 моз тӧлысь 2025.
- ↑ Александр Волков победил Роя Нельсона единогласным решением судей на турнире UFC, Eurosport (16 косму тӧлысь 2017). Архивируйтӧма 3 кӧч тӧлысь 2017 вося. Шыӧдчан кадпас: 1 моз тӧлысь 2025.
- ↑ Волков и Штруве получили бонус по $ 50 тыс. на турнире UFC Fight Night 115. Архивируйтӧма 3 кӧч тӧлысь 2017 вося. Шыӧдчан кадпас: 1 моз тӧлысь 2025.
- ↑ UFC Fight Night 128. Волков нокаутировал Вердума, Манува проиграл Блаховичу и другие результаты турнира (рус.), Sports.ru. Архивируйтӧма 13 сора тӧлысь 2018 вося. Шыӧдчан кадпас: 1 моз тӧлысь 2025.
- ↑ Результаты UFC Fight Night 127: Вердум - Волков - Cageside.ru (рус.), Cageside.ru - Смешанные единоборства MMA, UFC, миксфайт, бои без правил (18 марта 2018). Архивируйтӧма 18 рака тӧлысь 2018 вося. Шыӧдчан кадпас: 1 моз тӧлысь 2025.
- ↑ Волков победил Харди на турнире UFC в Москве. Шыӧдчан кадпас: 1 моз тӧлысь 2025. Архивируйтӧма 10 вӧльгым тӧлысь 2019.
- ↑ Александр Волков победил Грега Харди решением судей (рус.). AllBoxing.ru - Все новости бокса, MMA, бои на видео (10 вӧльгым тӧлысь 2019). Шыӧдчан кадпас: 1 моз тӧлысь 2025. Архивируйтӧма 10 вӧльгым тӧлысь 2019.
- ↑ MMA/Единоборства. СМИ узнали гонорар Волкова за победу на турнире UFC в Москве (рус.). news.sportbox.ru (11 вӧльгым тӧлысь 2019). Шыӧдчан кадпас: 1 моз тӧлысь 2025. Архивируйтӧма 12 ӧшым тӧлысь 2019.
- ↑ Вячеслав Моренко. Волков уступил Блейдсу единогласным решением судей в главном бою турнира UFC Вегас 3 (рус.). www.championat.com. Шыӧдчан кадпас: 1 моз тӧлысь 2025. Архивируйтӧма 21 лӧддза-номъя тӧлысь 2020.
- ↑ FightTime. Александр Волков нокаутировал Уолта Харриса на UFC 254 в Абу-Даби (рус.). fighttime.ru. Шыӧдчан кадпас: 1 моз тӧлысь 2025. Архивируйтӧма 25 йирым тӧлысь 2020.
- ↑ Волков нокаутировал Харриса на UFC 254. lenta.ru. Шыӧдчан кадпас: 1 моз тӧлысь 2025. Архивируйтӧма 30 йирым тӧлысь 2020.
- ↑ Вадим Тихомиров. MMA/Единоборства. Волков показал самый большой вес в карьере перед UFC 254 (рус.). news.sportbox.ru (23 йирым тӧлысь 2020). Шыӧдчан кадпас: 1 моз тӧлысь 2025. Архивируйтӧма 28 йирым тӧлысь 2020.
- ↑ TUDOR LEONTE. ALISTAIR OVEREEM HEADLINES FEB. 6 UFC FIGHT NIGHT EVENT AGAINST ALEXANDER VOLKOV (англ.). sherdog (12 вӧльгым тӧлысь 2020). Шыӧдчан кадпас: 1 моз тӧлысь 2025. Архивируйтӧма 18 вӧльгым тӧлысь 2020.
- ↑ Александр Кожевников. Волков получил бонус «Выступление вечера» за победу над Оверимом (рус.). www.championat.com. Шыӧдчан кадпас: 1 моз тӧлысь 2025.
- ↑ Волков проиграл Гану в главном поединке турнира UFC в Лас-Вегасе (рус.). Российская газета (27 лӧддза-номъя тӧлысь 2021). Шыӧдчан кадпас: 1 моз тӧлысь 2025.
- ↑ Александр Кожевников. Александр Волков единогласным решением судей победил Марчина Тыбуру на турнире UFC 267 (рус.). www.championat.com. Шыӧдчан кадпас: 1 моз тӧлысь 2025. Архивируйтӧма 31 йирым тӧлысь 2021.
- ↑ Катастрофа Волкова. Аспиналл не оставил ему ни шанса (рус.). sport-express.ru (20 рака тӧлысь 2022). Шыӧдчан кадпас: 1 моз тӧлысь 2025.
- ↑ Александр Волков нокаутировал Жаирзиньо Розенстрайка в первом раунде. Sports.ru. Шыӧдчан кадпас: 1 моз тӧлысь 2025. Архивируйтӧма 4 лӧддза-номъя тӧлысь 2022.
- ↑ Жаирзиньо Розенструйк: Я разочарован остановкой боя (рус.). AllBoxing.ru - все новости бокса и ММА (MMA) (6 лӧддза-номъя тӧлысь 2022). Шыӧдчан кадпас: 1 моз тӧлысь 2025.
- ↑ Сергей Сорокин. Как вам борьба Саши? Волков завалил и разбил огромного Кинг-Конга. Видео (рус.). www.championat.com. Шыӧдчан кадпас: 1 моз тӧлысь 2025. Архивируйтӧма 14 рака тӧлысь 2023.
- ↑ Александр Волков победил Тая Туивасу удушающим приемом (рус.). AllBoxing.ru - все новости бокса и ММА (MMA) (10 кӧч тӧлысь 2023). Шыӧдчан кадпас: 1 моз тӧлысь 2025.
- ↑ Чимаев и Уиттакер определят претендента. Павлович и Волков в со-главном событии. vringe.com. Шыӧдчан кадпас: 1 моз тӧлысь 2025.
- ↑ Волков побил Павловича в Саудовской Аравии. vringe.com. Шыӧдчан кадпас: 1 моз тӧлысь 2025.
- ↑ Российский боец UFC Александр Волков объявил о переезде в США. РБК (19 лӧддза-номъя тӧлысь 2024). Шыӧдчан кадпас: 1 моз тӧлысь 2025.
- ↑ Российский боец UFC Волков рассказал о переезде в США. ТАСС (19 лӧддза-номъя тӧлысь 2024). Шыӧдчан кадпас: 1 моз тӧлысь 2025.
- ↑ Александр Волков: дата следующего боя в UFC и кто соперник, sport-express.ru (31 сора тӧлысь 2025). Шыӧдчан кадпас: 13 йирым тӧлысь 2025.
- ↑ Никита Горшенин. «Пару раз я выкидывала кольцо». Александр Волков не сразу понравился будущей жене — был младше и не носил костюмы. Спорт-Экспресс (12 моз тӧлысь 2021). Шыӧдчан кадпас: 1 моз тӧлысь 2025.
- ↑ Боец UFC Волков стал гостем шоу «Что было дальше?» - Sport24. Шыӧдчан кадпас: 26 лӧддза-номъя тӧлысь 2025.
Ыстӧгъяс
- Александр Волковлӧн UFC профиль (англ.), ufc.ru. Шыӧдчан кадпас: 2025.08.01.
- Александр Волковлӧн UFCrus профиль (рус.), ufc.ru. Шыӧдчан кадпас: 2025.08.01.
- Александр Волковлӧн М-1 профиль (рус.), m-1global.com. Шыӧдчан кадпас: 2025.08.01.
- Александр Волковлӧн FightTime профиль (рус.), fighttime.ru. Шыӧдчан кадпас: 2025.08.01.
- Александр Волковлӧн профессиональнӧй тышъясын статистика (рус.), gidstats.ru. Шыӧдчан кадпас: 2025.08.01.
- Александр Волковлӧн профессиональнӧй тышъясын статистика (англ.), tapology.com. Шыӧдчан кадпас: 2025.08.01.
- Александр Волковлӧн M-1 Challenge 68 вылын вермӧм йылысь юӧр да Вей Аттилкӧд тышлӧн гижӧд (рус.), sportobzor.ru. Шыӧдчан кадпас: 2025.08.01.
- Волков: если и уходить из М-1, то в UFC (рус.), спортивный портал «Чемпионат». Шыӧдчан кадпас: 2025.08.01.
- Александр Волков: Всё в моей жизни так или иначе завязано либо вертится вокруг спорта (рус.), allboxing.ru. Шыӧдчан кадпас: 2025.08.01.
 | |
|---|---|
| Тематика сайтъяс |
| Ыджыд сьӧктаын Bellator чемпионъяс | |||||||
|---|---|---|---|---|---|---|---|
| |||||||
| |||||||
ВX — Недыр кадся чемпионство | |||||||
| Ыджыд сьӧктаын UFC рейтинг | ||||||
|---|---|---|---|---|---|---|
UFC чемпион:  Том Аспиналл | ||||||
| ||||||
2025 вося сора тӧлысь 7-ӧд лун кежлӧ | ||||||
| Ыджыд сьӧктаын M-1 Global чемпионъяс | ||||||||
|---|---|---|---|---|---|---|---|---|
| ||||||||
| ||||||||
ВX — Недыр кадся чемпионство | ||||||||
