Воронин Руслан Германович
| Воронин Руслан Германович | ||
|---|---|---|
 | ||
| Чужанін | Подосиновец посёлок, Киров обласьт | |
| Канму |
 Россия |
|
| Звание | капитан | |
| Тышъяс/вӧйнаяс | Украинаын тыш (2022 восянь) | |
| Наградаяс да премияяс |
|
|
Воронин Руслан Германович (Подосиновец посёлок, Киров обласьт) — капитан, миномётнӧй батареяса командир, Коми Республикаса Герой (2024).
Олантуй
Чужлӧма Киров обласьтса Подосиновец посёлокын. Олӧ Коми Республикаса Вуктыл карын.
2001 воын помаліс Казаньса Суворовскӧй военнӧй училище, 2006 воын — Коломенскса высшӧй артиллерийскӧй команднӧй училище. Сы бӧрын служитіс Приморскӧй крайса Пограничнӧй районын, 44980 воинскӧй часьтын[1].
Босьтӧмаӧсь Россия Федерацияса Оружьеа Вынъясӧ 2022 вося кӧч тӧлысь 24-ӧд лунӧ мобилизация серти. Противниклӧн би улӧ веськалӧм бӧрын миномётнӧй батареяса командир капитан Р. Г. Воронин петкӧдліс повтӧмлун да тактика тӧдӧм. Водзвыв бӧрйӧм позиция вылӧ подразделениеяслысь гусьӧн воӧмсӧ могмӧдӧм бӧрын котыртіс батареялысь уджсӧ. Сылӧн грамотнӧя командуйтӧм отсӧгӧн миномётнӧй батареялӧн биыс ёна жугӧдіс прӧтивниклысь ловъя вынсӧ да техникасӧ, мый отсаліс пӧртны олӧмӧ стратегическӧй тӧдчанлуна могсӧ да видзны салдатъяслысь олӧмсӧ[2].
Донецк Йӧзкостса Республикаын Берховса водохранилищеын да Клещеевка дорын тыш дырйи повтӧмлунысь, героизмысь да йӧз вӧсна тӧждысьӧмысь наградитӧма Повтӧмлун орденӧн[1].
2024 вося ода-кора тӧлысь 2-ӧд лунӧ Руслан Германович Воронинлы сетӧма Коми Республикаса Герой медвылыс почёт ним «воинскӧй мог олӧмӧ пӧртігӧн петкӧдлӧм повтӧмлунысь да йӧз вӧсна тӧждысьӧмысь». Геройлы наградасӧ сетіс ачыс Коми Республикаса Юралысь Владимир Уйба, кор аддзысьліс военнослужащӧйяскӧд передӧвӧй вылын[3][4].
2024 вося тӧвшӧр тӧлысьын капитанӧс сідзжӧ пасйисны Коми Республикаса канму наградаӧн — «За верность долгу» медальӧн[1].
Воронин Р. участвуйтӧ «Геройяслӧн кад» президентскӧй уджтасын[1].
Наградаяс
• Коми Республикаса Герой медвылыс почёт ним (2024);
• Повтӧмлун орден;
• «За верность долгу» медаль
Пасйӧдъяс
- ↑ 1 2 3 4 Герои Республики Коми. Воронин Руслан Германович, Молодёжная библиотека Республики Коми. Шыӧдчан кадпас: 28 урасьӧм тӧлысь 2025.
- ↑ Герои Республики Коми. Руслан Германович Воронин, Своя история. Свои Герои. Шыӧдчан кадпас: 28 урасьӧм тӧлысь 2025.
- ↑ Вуктылец стал Героем Коми, Komionline. Шыӧдчан кадпас: 28 урасьӧм тӧлысь 2025.
- ↑ Капитана Руслана Воронина удостили высшего почетного звания Героя Коми, ТАСС. Шыӧдчан кадпас: 28 урасьӧм тӧлысь 2025.