Вуктыл

Босьтӧма Рувикиысь
Видлалӧм гижӧд
Тайӧ терминыслӧн эмӧсь мӧд вежӧртасъяс, видзӧд Вуктыл (вежӧртасъяс).
Кар
Вуктыл
Вуктыл
Вуктыл. Коммунистическая улица. - panoramio.jpg
Канпас
Канпас
63°52′ с. ш. 57°19′ в. д.GЯO
Страна  Россия
РФ-са субъект Коми Республика
Муниципальнӧй кытш Вуктыл
История да география
Лӧсьӧдӧма 1966 воын
Кар  1984 восянь
Йӧз
Олысь лыд
Агломерацияын олысьяс 16 200
Катойконим вуктылса, вуктылсаяс
Лыдпаса идентификаторъяс
Телефон код +7 82146
Пошта индекс 169570
ОКАТО код 87412
ОКТМО код 87512000001
vuktyl.com
Вуктыл (Россия)
Точка
Вуктыл
Red pog.svg
Москва
Логотип РУВИКИ.Медиа Медиафайлы на РУВИКИ.Медиа

Вуктыл — Российской Федерацияса Коми Республикаын кар (1984 восянь). Вуктыл муниципальнӧй кытшлӧн административнӧй шӧрин[2].

Ним артмӧм

Нимыс артмӧма Вуктыл гидронимсянь, коді артмӧма кык юкӧнысь: охт, ухт — «ю, вис, вӧлӧк» важ финн-йӧгра терминъясысь, сійӧ коми кыв тӧдчӧм улын лоӧма вукт; -ыл помасян элементыс вермис артмыны коми ёль кывйысь[3]. Важ картаяс вылын коми ёль кывсӧ тшӧкыда пасйылісны кыдзи иол, иола. Вуктыл (вариант: Вуктыль) артмӧма гибриднӧй обдорса йӧгра да коми кыв Вухтъёль кывйысь «вӧлӧка шор», «ёль-шор» либӧ Ухтъёль кывйысь «вӧлӧк йыв», «ю-ключ», «визувтысь ключ». Литератураын абуӧсь пасйӧдъяс Вуктыл юӧн вӧдитчӧм йылысь кыдзи вӧлӧка туй юкӧнӧн, но важся йӧгра да коми вӧралысьяс да чери кыйысьяс, тӧдӧмысь, вуджлісны Лӧкчим вожысь Кама вожӧ буретш Вуктыл пыр сылӧн Изъюр шуйга вожӧд, водзӧ сьӧкыд вӧрӧд (1,0-1,5 км) петавлісны Ыджыд Чабис шор вомӧн Весляна ю дорӧ[4].

География

Кар пукалӧ Печӧра юлӧн веськыд берегын. Вуктылсянь Сыктывкарӧдз 575 км[5].

Ывласям

Вуктылын ывласямыс шӧркодь континентальнӧй, тӧлыс кузь да гожӧмыс дженьыд. Вуктыл кар ӧткодялӧма Ылі Войвыв районъяскӧд.

  • Вогӧгӧрся шӧр температура - −1,3 °C;
  • Сынӧдлӧн васӧдлун - 77,2 %;
  • Тӧвлӧн шӧркодь ӧдыс - 3,1 м/с.

История

Карлӧн артмӧмыс топыда йитчӧма биару куйлӧд перйӧмкӧд[5]. Вуктылын медводдза скважинасӧ заводитісны писькӧдны 1962 вося рака тӧлысь 23-ӧд лунӧ. 1964 вося йирым тӧлысьын пӧлучитӧма медводдза биару. 1966 вося вӧльгым тӧлысьын вӧлі вынсьӧдӧма биару куйлӧд перъян ВНИИгазлӧн Коми филиаллысь проект.

1966 вося ӧшым тӧлысь 29-ӧд лунӧ Пӧдчерем сиктсӧветлӧн мутасын вӧлі пасйӧма выльысь артмӧм овмӧдчӧмин — Вуктыл посёлок.

1967 вося ода-кора тӧлысь 10-ӧд лунӧ СССР-са Министръяс Сӧвет шуис стрӧитны Вуктылса куйлӧдсянь страна шӧрӧ да рытыв-войвылӧ магистральнӧй биару провод. 1967 вося моз тӧлысьын заводитісны стрӧитны «Вуктыл-Уква-Торжок» биару провод. 1968 вося урасьӧм тӧлысьын «Сияние Севера» биару провод стрӧитӧм вӧлі шуӧма Ставсоюзса ударнӧй комсомольскӧй стройкаӧн.

1968 вося рака тӧлысь 11-ӧд лунӧ Вуктыл посёлок вӧлі пыртӧма Уква карбердса зоналӧн Дутов сиктсӧветӧ, сійӧ жӧ воас лои рабочӧй посёлокӧн, посёлокса сӧветлӧн шӧринӧн[6].

1968 воын вӧлі бӧрйӧма Вуктылса медводдза сӧвет, сэтчӧ пырис 42 депутат[6].

1969 вося рака тӧлысьын Вуктылса биару кутіс мунны «Сияние Севера» биару проводті Череповецкса металлургическӧй заводӧ.

1970 вося тӧвшӧр тӧлысь 15-ӧд лунӧ Вуктылын вӧлі 7200 олысь, а 1972 вося йирым тӧлысь 1 лунӧ — 13000 гӧгӧр морт нин[7].

1971 воын вӧліны восьтӧмаӧсь больнича, 2 ясли-сад, нянь пӧжаланін, «Прометей» клуб[6].

1975 вося урасьӧм тӧлысь 21-ӧд лунсянь Вуктыл лои выль Вуктыл районлӧн шӧринӧн[6].

1977 воын восьтӧма клуб-спорт комплекс, кӧні вӧліс 420 местаа видзӧдан зал, бассейн да спортзал; 50 местаа гостиница, 110 мортлы пывсян[8].

1978 воын воссис «Вуктыл» аэропорт[8].

1979 воын стрӧитӧма 100 местаа санаторий-профилакторий да медводдза ӧкмыс судтаа керка-ӧтув оланін[8].

1980 воын Вуктылын вӧлі нин 33 уна судтаа керка да 2 №-а шӧр школа[8].

1981 воын восьтісны челядьлы шылад школа да некымын садик[9].

1984 вося моз тӧлысь 21-ӧд лунӧ Вуктыл лои районса, 1989 вося сора тӧлысь 17-ӧд лунӧ — республикаса тӧдчанлуна карӧн. 1992 воын карын вӧлі 19 сюрс олысь[5].

2006 восянь 2015 воӧдз карыс вӧлі ӧти нима «Вуктыл» кар овмӧдчӧминлӧн административнӧй шӧринӧн да дзик ӧти олан пунктӧн (тырвыйӧ официальнӧй нимыс «Вуктыл» кар овмӧдчӧминса муниципальнӧй юкӧн)[10], сійӧс вӧлі бырӧдӧма 2015 воын Вуктыл кар кытш артмӧдӧмкӧд йитӧдын вӧвлӧм Вуктыл муниципальнӧй район мутасын.

2023 во рака тӧлысь 29-ӧд лунся оланпасӧн Вуктыл кар кытш вӧлі пӧртӧма Вуктыл муниципальнӧй кытшӧ[11].

Олысь лыд

Олысь лыд
19591970[12]1979[13]1989[14]19961998
100↗7814↗16 767↗19 330↘18 800↗18 900
200020012002[15]200520062007
↘18 600↘18 500↘14 472↘14 000↘13 700↘13 400
2008[16]2010[17]20112012[18]2013[19]2014[20]
↘13 300↘12 356↗12 400↘11 917↘11 599↘11 198
2015[21]2016[22]2017[23]2018[24]2019[25]2020[26]
↘10 729↘10 430↘10 205↘10 017↘9780↘9716
2021[27]
↘9322
5000
10 000
15 000
20 000
1996
2005
2011
2016
2021

2020 вося Россияын став олысьясӧс гижалӧм мыччӧдъяс серти, 2021 вося йирым тӧлысь 1 лун кежлӧ олысь лыд серти карыс вӧлі 937-ӧд местын Россия Федерацияса 1118[28] карысь[29].

Культура

Вуктылын эм Культура керка, небӧгаинъяс, челядьлы художественнӧй да шылад школа.

«Вой тӧв ен» арт-объект

Велӧдӧм

Вуктылын эм кык шӧр школа, челядьлы садъяс да «Томуловлӧн ӧтувъя спорт школа» челядьлы содтӧд тӧдӧмлун сетан муниципальнӧй велӧдан учреждение[30].

Нималана йӧз

Воронин Руслан Германович — капитан, миномётнӧй батареяса командир, Коми Республикаса Герой (2024).

Тӧдчана эмторъяс

Вуктыл дорсянь неылын меститчӧ «Югыд ва» национальнӧй парк.

Кар дорын аддзӧмаӧсь важъя йӧзлысь Атаманнюр оланін, сійӧ вӧлӧма миян эраӧдз II сюрсвоын[31].

2020 воын Вуктылын лоис Войпельлы сиӧм «Вой тӧвъяслӧн ен» выль арт-объект, кодлысь эскизсӧ вӧчис география велӧдысь Александр Пинежанинов[32].

Пасйӧдъяс

  1. ↑ https://rosstat.gov.ru/storage/mediabank/tab-5_VPN-2020.xlsx
  2. ↑ Закон Республики Коми от 29.03.2023 № 14-РЗ "О наделении муниципального образования городского округа "Вуктыл" статусом муниципального округа и внесении в связи с этим изменений в Закон Республики Коми "О территориальной организации местного самоуправления в Республике Коми"
  3. ↑ Поспелов, 2008, с. 149.
  4. ↑ Афанасьев А.П. Топонимия Республики Коми. Словарь-справочник. Сыктывкар: Коми книжное издательство, 1996. Коми кывтӧдӧм. Шыӧдчан кадпас: 4 косму тӧлысь 2025.
  5. ↑ 1 2 3 Жеребцов И. Л. Вуктыл // Населенные пункты Республики Коми: историко-демографический справочник. — М.: Наука, 2001. — С. 95. — 579 с. — ISBN 5-02-008421-2.
  6. ↑ 1 2 3 4 Жогова, Векшина, Шаманаева, 2006, с. 572.
  7. ↑ Жогова, Векшина, Шаманаева, 2006, с. 576.
  8. ↑ 1 2 3 4 Жогова, Векшина, Шаманаева, 2006, с. 573.
  9. ↑ Жогова, Векшина, Шаманаева, 2006, с. 575.
  10. ↑ Устав городского поселения «Вуктыл» Архивса копия 10 йирым тӧлысь 2016 Wayback Machine ресурсын
  11. ↑ Закон Республики Коми от 29.03.2023 № 14-РЗ «О наделении муниципального образования городского округа „Вуктыл“ статусом муниципального округа и внесении в связи с этим изменений в Закон Республики Коми „О территориальной организации местного самоуправления в Республике Коми“»
  12. ↑ Всесоюзная перепись населения 1970 года Численность городского населения РСФСР, ее территориальных единиц, городских поселений и городских районов по полу.
  13. ↑ Всесоюзная перепись населения 1979 года Численность городского населения РСФСР, ее территориальных единиц, городских поселений и городских районов по полу.
  14. ↑ Всесоюзная перепись населения 1989 г. Численность городского населения РСФСР, ее территориальных единиц, городских поселений и городских районов по полу.
  15. ↑ Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более.
  16. ↑ Города Республики Коми. Оценка численности населения на 1 января 2008 года (тысяч человек).
  17. ↑ Всероссийская перепись населения 2010 года. Численность населения городских округов, муниципальных районов, поселений и населённых пунктов.
  18. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года.
  19. ↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов).
  20. ↑ Оценка численности населения по городским округам, муниципальным районам, поселениям и городским населённым пунктам Республики Коми на 1 января 2014 года.
  21. ↑ Численность населения Российской Федерации по муниципальным образованиям на 1 января 2015 года.
  22. ↑ Численность населения Российской Федерации по муниципальным образованиям на 1 января 2016 года.
  23. ↑ Численность населения Российской Федерации по муниципальным образованиям на 1 января 2017 года.
  24. ↑ Численность населения Российской Федерации по муниципальным образованиям на 1 января 2018 года.
  25. ↑ Численность населения Российской Федерации по муниципальным образованиям на 1 января 2019 года.
  26. ↑ Численность населения Российской Федерации по муниципальным образованиям на 1 января 2020 года.
  27. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более.
  28. ↑ с учётом городов Крыма
  29. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более (XLSX).
  30. ↑ Сеть образовательных организаций. Управление образования г. Вуктыл. Шыӧдчан кадпас: 4 косму тӧлысь 2025.
  31. ↑ Обедков А. Вуктыл // Республика Коми. Энциклопедия. Том I. — Сыктывкар: Коми книжное издательство, 1997. — С. 337.
  32. ↑ Журавлёва С. Войпель. Дух зимы

Литература

  • Атлас Республики Коми. — Москва, 2000.
  • Жеребцов И. Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
  • История Коми с древнейших времен до конца XX века: В 2-х томах. — Сыктывкар, 2004.
  • Республика Коми: Энциклопедия: в 3 томах. — Сыктывкар, 1997—2000.
  • Поспелов Е. М. Географические названия России. Топонимический словарь. — М.: Астрель, АСТ, 2008. — 523 с. — 1500 экз. — ISBN 978-5-17-054966-5.
  • Жогова Л.В., Векшина Т.А., Шаманаева И.В. Вуктыл. Дороги, которые мы выбираем. — Сыктывкар: Коми республиканская типография, 2006. — 704 с. — 5000 экз. — ISBN 5-7934-0125-3.

Ыстӧгъяс


Коми Республикаса каръяс Coat of arms of the Komi Republic Flag of the Komi Republic
Вӧркута | Вуктыл | Емва | Инта | Микунь | Печӧра | Сосногорск | Сыктывкар | Уква | Ускар
Босьтӧма "https://kv.ruwiki.ru/w/index.php?title=Вуктыл&oldid=423904"-ысь