Вужвойтырлӧн войтыркостса лун
Вужвойтырлӧн войтыркостса лун ( ООН-лӧн официал кывъяс вылын: англичан International Day of the World’s Indigenous Peoples, араб اليوم الدولي للشعوب الأصلية في العالم, испан Día International de las Poblaciones Indígenas, китай 世界土著人民国际日, француз la Journée internationale des populations autochtones ) — моз тӧлысь 9-ӧд лун.1994 воын ООН-лӧн Генеральнӧй Ассамблея шуис (ӧшым тӧлысь 23-ӧд лунся 49/214 резолюция), мый мирса вужвойтырлӧн войтыркостса дас во чӧжӧн вужвойтырлӧн войтыркостса лунсӧ кутасны пасйыны быд во моз тӧлысь 9-ӧд лунӧ, вужвойтыр кузя уджалан группалӧн медводдза чукӧртчылӧм лунӧ.
2004 вося ӧшым тӧлысь 20-ӧд лунся 59/174 резолюцияын Генеральнӧй Ассамблея вынсьӧдіс мирса вужвойтырлысь мӧд войтыркостса дас во «Вӧчӧмъяслӧн да мортлунлӧн дас во» лозунг улын да шуис водзӧ пасйыны мӧд Дас во чӧжӧн вужвойтырлысь войтыркостса лун. Ассамблея корис ООН-са Генеральнӧй секретарӧс чуксавны правительствоясӧс пасйыны тайӧ лунсӧ национальнӧй тшупӧдын.
2009 вося кӧч тӧлысь 22-ӧд лунӧ ООН-лӧн Секретариат лэдзис тайӧ войтыркостса лунлы сиӧм торъя почта маркаяс [1].
2005 вося посланиеын ООН-са Генеральнӧй секретар корис сетны кӧсйысьӧм
...быдлаын паськӧдны вужвойтыркӧд ӧтсӧгласлун да ӧтув уджавны накӧд сы могысь, медым сетны налы позянлун сӧвмыны мир да безопасность условиеясын мортлысь инӧдъяс пыдди пуктӧмӧн, мыйын зэв уналы на пиысь вывті дыр вӧлі ӧткажитӧма.
Лун тема
• 2021 во - «Некодӧс не кольны: вужвойтыръяс да выль общественнӧй договор дорӧ чуксалӧм»
• 2020 во - «COVID-19 да вужвойтырлӧн зумыдлун»
• 2019 во - «Вужвойтырлӧн кывъяс»
• 2018 во - «Миграция да вужвойтырлӧн мӧдлаӧ овны вуджӧм»
• 2017 во - «Вужвойтырлӧн инӧдъяс йылысь ООН-лӧн Декларациялы 10 во»
• 2016 во - «Вужвойтырлӧн велӧдчӧм вылӧ инӧд»
• 2015 во - «2015 во бӧрся кадколаст вылӧ лунся уджтас: вужвойтырлысь дзоньвидзалун да тыр-бур олӧм могмӧдӧм»
.
• 2014 во - «Торъялӧм венӧм: вужвойтырлысь инӧдъяс олӧмӧ пӧртӧм»
• 2013 во - «Вужвойтыръяслысь альянсъяс котыртӧм: сёрнитчӧмъяслӧн да мукӧд конструктивнӧй договоръяслӧн положениеясӧ кутчысьӧм».
• 2012 во - «Медиа вужвойтырлӧн киын да налы отсӧг вылӧ»
• 2011 во - «Вужвойтырлӧн творчество: преданиеяс да культура бура донъялӧм, ассьыным аскиа лун лӧсьӧдӧм»
• 2010 во - «Вужвойтырлӧн киноын ворсысьяс» [2]
• 2009 во - «Вужвойтыр да ВИЧ/СПИД»
• 2008 во - «Канму да вужвойтыр костын миритчӧм да ёртасьӧм»
• 2007 во - «Вужвойтыръяслысь кывъяссӧ зэв колӧ видзны»
• 2006 во - «Делӧ да мортлун вӧсна альянс»
• 2005 во - «Вужвойтырлӧн делӧ - миян делӧ»
• 2004 во - «Мирса вужвойтырлӧн войтыркостса дас во»
Пасйӧдъяс
- ↑ Выпуск марок в 2009г. Шыӧдчан кадпас: 10 вӧльгым тӧлысь 2015. Архивируйтӧма 14 ода-кора тӧлысь 2015.
- ↑ Из послания Генерального секретаря ООН [[Пан Ги Мун]]а по случаю Дня. Шыӧдчан кадпас: 9 моз тӧлысь 2010. Архивируйтӧма 26 косму тӧлысь 2011.
Видзӧдӧй тшӧтш
• Вужвойтырлӧн войтыркостса во (1993 во)
• Вужвойтыр кывъяслӧн войтыркостса во (2019 во)