Вынва
| Вынва | |
|---|---|
 Юг да Сухона юяс йитчӧм | |
| Характеристика | |
| Кузьта | 744 км |
| Ковтыс | 357 000 км² |
| Ва рӧскод | 3490 м³/с |
| Ва визлас | |
| Ю йыв | юяс ӧтлаасянін: Сухона и Юг |
| • Ин | Югдін |
| • География координатаяс | 60°43′56″ с. ш. 46°19′49″ в. д.GЯO |
| Ю вом | Двина лайкола |
| • Ин | Кардор, Северодвинск |
| • Джуджда | 0 м |
| • География координатаяс | 64°32′00″ с. ш. 40°29′00″ в. д.GЯO |
| Ин | |
| Ва система | Еджыд саридз |
|
|
|
| Страна | |
| Регионъяс | Вӧлӧгда обласьт, Кардор обласьт |
| Канму ва реестрын код | 03020100312103000005014[1] |
| Географическӧй нимъяслӧн канму каталогын номер | 0107006 |
|
|
|
 Медиафайлы на РУВИКИ.Медиа | |
Вынва (рочӧн Северная Двина) — тайӧ ю Войвыв Европаын, суднолы ветлыны позяна, ыджыд ю Россия Войвылын, визувтӧ Вӧлӧгда да ёнджыкасӧ Кардор обласьтъясын. Усьӧ Еджыд саридзлӧн Двина лайколаӧ. Артмӧ Сухона да Юг юяс ӧтлаасьӧмын. Медся катыд юкӧныс 74 км кузьтаа, веськыд вож — Эжва ю — усьӧмӧдз, шусьӧ Ичӧт Войвыв Двинаӧн. Портъяс Кардорын да Котласын[2].
Кузьтаыс — 744 км (Сухонаӧс артыштӧмӧн — 1310 км). Ковтыслӧн ыдждаыс — 357 сюрс км². Устьеын уна вося шӧркодь ва видзӧм — 3420 м³/с, вогӧгӧрся визулыс — 108 км³[2].
Этимология
Роч кывйын ним артмӧмсӧ гӧгӧрвоӧдӧны некымын ногӧн.
Йӧзкостса этимология гӧгӧрвоӧдӧ Двина нимсӧ кыдзи «кыка ю»[3], сы вӧсна мый сійӧ артмӧма Сухона да Эжва ӧтлаасьӧмӧн. Ним артмӧмлысь тайӧ версиясӧ вайӧдӧны ещӧ Сигизмунд Герберштейн «Записках о Московии» гижӧдын[4] (1549) да Александр Гваньини «Описании Московии» гижӧдын[5] (1578).
М. Фасмер лыддьӧ, мый Северная Двина вылӧ нимсӧ вуджӧдісны Рытыввыв Двинаысь локтӧм важ роч йӧз, но оз гӧгӧрвоӧд сылысь артмӧмсӧ[6].
Я. Розвадовскийсянь заводитӧмӧн нимсӧ гӧгӧрвоӧдӧны кыдзи индоевропейскӧйӧс, сы вӧсна мый dv- > v- вуджӧмыс висьталӧ Viena финн формалӧн абу подувлун йылысь[7].
А. К. Матвеев лыддьӧ нимсӧ артмӧм сертиыс балтийскӧйӧн да ӧткодялӧ сійӧс литва dvyniai — «двӧйни», либӧ, финн Viena тӧд вылӧ босьтӧмӧн — «Двина», литва vienas — «ӧти, ӧтка», мӧд кывъясӧн, «кык юысь ӧтувтӧм»[8].
Коми Вынва нимсӧ тшӧтш позьӧ гӧгӧрвоӧдны кык нога: 1. ним артмӧмыс йитчӧма финн Viena — «Двина», литва vienas — «ӧти, ӧтка» кывъяскӧд; 2. нимыс артмӧма кык коми кывйысь — вын да ва: «вына ю».
География
Ичӧт Вынва нима ю артмӧ Сухона да Юг юяс ӧтлаасьӧмӧн Вӧлӧгда обласьтын Югдін дорын. Водзӧ визувтӧ войвылӧ, Кардор обласьтӧ. Котлас дорын усьӧ Эжва медыджыд вож (ӧтлаасигӧн сійӧ нуӧ унджык васӧ Ичӧт Вынва дорысь), та бӧрын юыс бергӧдчӧ рытыв-войвылӧ, а сэсся вочасӧн войвылӧ. Пӧшти медся войвылын ӧтлаасьӧ Пинегакӧд. Пинега ю вожсянь улынджык Вынва юксьӧ уна діа висъяс вылӧ, ковтыслӧн пасьтаыс содӧ 18 километрӧдз. Вынвалӧн ю вомыс (ыдждаыс — 900 км гӧгӧр) заводитчӧ Новодвинсксянь. Кардор да Северодвинск дорын Вынва уна вожъясӧн усьӧ Еджыд саридзлӧн Двина лайколаӧ.
Вынва — шыльыдінса ю. Эмӧсь уна кось да ді. Вискыс вель веськыд, пасьтаыс 400—600 м. Эжва вомсянь улынджык берегъясыс джуджыдӧсь, крутӧсь, вискыслӧн пасьтаыс содӧ пӧшти кык пӧв; ковтыс пасьтаинъясын вискыс артмӧдӧ гырысь излучинаяс, вожавлӧ. Поймасӧ вундалӧма висъясӧн да станицаясӧн[2].
Шуйга вожлӧн — Вага юлӧн — вомсянь Пинега юлӧн (веськыдвылын) усьӧмӧдз ковтысыс да воргаыс ёна векняммӧны, діясыс этшаджыкӧсь, ойдланіныс оръясяна, пӧкатъясыс да берегъясыс кызвыннас крутӧсь. Пинега ю вомсянь улынджык юыс юксьӧ полойяс вылӧ, кодъяс ӧтлаасьӧны ӧти визулӧ Кардор дорын. Водзӧ заводитчӧ ю ковтысыс[2].
Кардор дорын юыс ещӧ ӧтчыд ӧтлаасьӧ ӧти воргаӧ, а карсянь улынджык артмӧдӧ уна вожа 900 км² гӧгӧр ыдждаа ковтыс. Медшӧр полойясыс — Никольскӧй, Мурманскӧй, Корабельнӧй, Маймакса да Кузнечиха[2].
Вынва ю вомын заводитісны активнӧя овмӧдчыны рочьяс XV нэмсянь. Та дырйи татчӧс топонимикаын эмӧсь финн-йӧгра субстратлӧн колясъяс[9].
Фауна
Юын олӧ 30 сикас чери, на пиын стерлядь, чир, зельдь, пыжьян, ёді да мукӧд[2]
Гидрология
Ва содӧмыс сора, ёнджыкасӧ ваыс содӧ лымйысь (50-60 %). Кынмӧ йирым тӧлысь помын — вӧльгым тӧлысь заводитчигӧн, воссьӧ косму тӧлысь заводитчӧмсянь ода-кора тӧлысь заводитчӧмӧдз. Тувсов ытваыс вермӧ лоны косму тӧлыссянь лӧддза-номъя тӧлысьӧдз. Ю ковтысын эм 62 сюрс гӧгӧр ю да 17,6 сюрс ты (медся ыджыдыс — Кубенскӧй)[2]. Вогӧгӧрся шӧркодь ва видзӧм — Сухона да Юг ӧтлаасянінын 730 м³/с, ю вомын — 3420 м³/с[2].
Вожъяс
Медшӧр вожъяс: Эжва, Пинега, Вага, Юмиж.
- Вожъяс (ю вомсянь ылнаыс)
- Лодьма
- Лая
- Юрас
- 54 км: Уемлянка (Уйма)
- 59 км: Мечка (Полой Мечка)
- 71 км: Лявля (Лавля)
- 79 км: Косковский
- 84 км: Лындога ю (Ракулка)
- 90 км: Чируха ю
- 95 км: Курополка
- 99 км: Вождоромка ю (Воджеромка, Воджом)
- 114 км: Большая Юра ю
- 137 км: Пинега ю
- 147 км: Варга ю
- 180 км: Хепалка ю
- 183 км: Средний шор
- 188 км: Обокша ю
- 194 км: Веклимиха ю
- 199 км: Смердья ю
- 216 км: Сия ю
- 222 км: Челмохта ю
- 228 км: Пяжма ю
- 233 км: Пукшеньга (Покшеньга) ю
- 234 км: Репный
- 240 км: Пингиша (Пингича) ю
- 241 км: Емца ю
- 268 км: Николка шор
- 274 км: Большая Кирокса ю
- 301 км: Моржевка (Моржева) ю
- 311 км: Юмата (Юма) ю
- 316 км: Усолка ю
- 325 км: Большая Шеньга (Шонга) ю
- 329 км: Малая Шеньга ю
- 334 км: Ваеньга ю
- 339 км: Пянда ю
- 353 км: Ольховка ю
- 362 км: Вага ю
- 365 км: Лудега ю
- 376 км: Чамовский
- 402 км: Рубылисский (Рубелевский Полой)
- 406 км: Тулгас ю
- 413 км: Нюма ю
- 421 км: Сельменгский Полой
- 434 км: Тёда ю
- 435 км: Борчаха (Борчанка)
- 442 км: Кодима (Кодьма, Кодеша) ю
- 445 км: Курья
- 454 км: Курья
- 462 км: Нижняя Тойма ю
- 466 км: Нюхмиж ю
- 478 км: Нозица ю
- 484 км: Ноза ю
- 488 км: Сефтра (Севтра) ю
- 492 км: Чащевка ю
- 493 км: Унжица ю
- 502 км: Кокса ю
- 502 км: Сойга ю
- 505 км: Кынтыш ю
- 509 км: Верхняя Тойма ю
- 512 км: Паленьга ю
- 517 км: Малая Свага ю
- 519 км: Большая Свага ю
- 526 км: Ёрга ю
- 543 км: Авнюга (Авнега) ю
- 547 км: Песчаный Полой (Паячный)
- 563 км: Ракулка ю
- 582 км: Сямовский Полой
- 594 км: Тихий Полой
- 596 км: Шокша ю
- 611 км: Ездринга ю
- 616 км: Лябла (Лябля) ю
- 617 км: Песчанский Полой
- 619 км: Нечмеж шор
- 624 км: Евда ю
- 638 км: Бродовая ю
- 643 км: Канза ю
- 652 км: Вонгода (Вонгодица) ю
- 656 км: Новинский Полой
- 665 км: Ергус (Иоргус) ю
- 670 км: Шеберниха
- 673 км: Эжва ю
- 673 км: Вондокурский Полой
- 674 км: Котлашанка ю
- 702 км: Ухтомка ю
- 717 км: Лапинка ю
- 719 км: Савватиевка ю
- 727 км: Шомокса (Шемокса, Шемокс) ю
- 735 км: Стрига ю
- 738 км: Чёрная ю
- 744 км: Юг ю
- 744 км: Сухона ю
Суднояс ветлӧм
.JPG)
Вынва кузяла ветлӧны суднояс. XIX нэм шӧрын вӧлі дасьтӧма Вынва кузя судноясӧн ветлӧм бурмӧдӧм кузя план Кардор районын, сы вылын уджаліс америкаса инженер Джордж Уистлер[10].
1917 во кежлӧ Вынва ковтысын уджаліс 131 пароходство да пароход общество, на пиысь пассажиръясӧс новлӧдліс 20. Ӧтувъя флотыс вӧлі 408 судно. Медся ыджыдӧн вӧлі «Котлас — Архангельск — Мурман» Войвыв пароход общество, кодлӧн вӧлі 50 пароход. Володин вокъяслӧн вӧлі 20 судно, мукӧдъяслӧн вӧлі 1-7 судно[11].
1918 вося моз тӧлысь 2-ӧд лунӧ, медым потшны английскӧй интервентъяслӧн корабльяслы туй, водзджык вӧйӧм «Святогор» да «Микула Селянинович» ледоколъяс костын, Кардор да Мудьюгса ді костса судоходнӧй каналын вӧлі вӧйтӧма «Уссури» миннӧй заградитель, коді ӧнӧдз на сулалӧ ю фарватер вылын да тшӧктӧ кытшовтны сы дорті мунысь корабльяслы[12].
Гырысь саридзвывса суднояс вермӧны пырны сӧмын Экономия саридзса портӧ, ю вомас. Кадысь кадӧ Кардорса порт дорын нуӧдӧны пыдӧссӧ джудждӧдан уджъяс. Быд во ытва дырйи ваыс вайӧ ёна ёг, лыа да нюйт, мый омӧльтӧ судноясӧн ветлӧмсӧ[13].
Вынва вылын ветлӧдлӧ «Н. В. Гоголь» — Россияын медся важ кольӧм кӧлесаа пароход, коді пыр на уджалӧ кыдзи круиз судно (вӧчӧма 1911 воын).
Туризм
Вынва — туризмын зэв тӧдчана юкӧн да маршрут. Вынваті Кардорсянь Югдінӧдз путешествуйтӧмыс — Россияса Войвылын медся интереснӧй маршрутъясысь ӧти. Архитектура да культура паметникъяслӧн лыд серти сійӧ оз кольччы Россияса Зарни Кытшысь[14].
Тані вӧзйӧны туристъяслы уна маршрут — подӧн, верзьӧмӧн да ва вылын. Найӧ вермӧны лоны прӧстӧйӧсь либӧ сложнӧйӧсь, во гӧгӧр чӧжсяӧсь либӧ сезоннӧйӧсь. Сӧмын Кардор обласьтса Приморскӧй районын татшӧмыс 30-ысь унджык. Подӧн ветлан маршрутъяссӧ условнӧя юкӧны материкса, берегдорса да дівывса туйяс вылӧ. Вавывсаяс вермӧны лоны активнӧйӧн (байдаркаясӧн, катамаранъясӧн либӧ моторнӧй пыжъясӧн) да удобнӧйджыкӧн — «Н. В. Гоголь» пароход вылын[15].
Ю кузя активнӧй кылӧдчӧм вермас лоны асшӧрӧн, но удобнӧджык, кор котыртысь босьтӧ ас вылас маршрут заводитчигкежлӧ группа да оборудование вайӧм, узьмӧдчӧм да мукӧдтор. Туйыс вермас лоны кыдзи дзик дженьыдӧн, сідзи и кузьӧн — 10-20 лунӧдз, кор позьӧ вуджны 200—400 км. Помасьӧны татшӧм маршрутъясыс векджык Кардорсянь неылын. Узьмӧдчӧм вылӧ позьӧ бӧрйыны палаткаа лагер либӧ сиктса неыджыд отель. Медводдзаас позьӧ матысяньджык тӧдмасьны Вынваса вӧр-ваӧн, мӧдас — войвылын традиционнӧй оласногӧн[15].
Позьӧ ветлыны лӧнь ювывса круизӧ «Н. В. Гоголь» кык палубаа кӧлесаа пароход вылын. Сэні 27 каюта, на лыдын ӧти морт вылӧ лӧсьӧдӧм люкъяс, эм бар, ресторан да сауна. Кӧть тайӧ пароходыслы 110 сайӧ во нин, сійӧ зэв бур на. Ювывса круиз — тайӧ позянлун гуляйтны палуба вывті да нимкодясьны мича серпасъясӧн, снимайтны Вынвасӧ, ветлыны экскурсияяс вылӧ, чӧсмасьны чӧскыд сёянӧн да ёртасьны выль тӧдсаяскӧд. Кардорын позьӧ кӧртымавны мукӧд, ичӧтджык пароход кӧть кутшӧм кадӧ[15]. Эмӧсь и мукӧд сикас круизъяс [16].
Лоӧмторъяс
1912 вося кӧч тӧлысь 8-ӧд (21-ӧд) лунӧ Вынва вылын лоис ыджыд катастрофа: Корабельнӧй (Бревенник) ді дорын «Прогресс» буксирнӧй пароходкӧд зурасьӧм бӧрын вӧйис Соломбала пристаньсянь локтысь «Обновка» пароход. Катастрофаын пӧгибнитіс 115 морт[17][18]. Кык ыджыдджык катастрофа лои ю вылас Медводдза мирӧвӧй война дырйи: 1916 вося йирым тӧлысь 17-ӧд лунӧ Кардорса Бакарица портын диверсия вӧсна взорвитчис «Барон Дризен» пароход (взорвитчис 1600 тонна гӧгӧр взрывчатка, пӧгибнитіс 600-ысь унджык морт)[19][20], а 1917 вося тӧвшӧр тӧлысь 13-од лунӧ Кардорса Экономия аванпортын взорвитчисны «Семён Челюскин» да «Байропия» пароходъяс (пӧгибнитіс 300 гӧгӧр морт)[19][21].
Серпасъяс
Пасйӧдъяс
- ↑ Ресурсы поверхностных вод СССР: Гидрологическая изученность. Т. 3. Северный край / под ред. Н. М. Жила. — Л.: Гидрометеоиздат, 1965. — 612 с.
- ↑ 1 2 3 4 5 6 7 8 Магрицкий, 2015.
- ↑ Вынва // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- ↑ СИГИЗМУНД ГЕРБЕРШТЕЙН->ЗАПИСКИ О МОСКОВИИ->ИЗДАНИЕ 1998 Г.->ЧАСТЬ 5. www.vostlit.info. Шыӧдчан кадпас: 13 рака тӧлысь 2019. Архивируйтӧма 19 кӧч тӧлысь 2010.
- ↑ АЛЕКСАНДР ГВАНЬИНИ. ОПИСАНИЕ МОСКОВИИ. ИЗДАНИЕ 1997 года. ЧАСТЬ I. www.vostlit.info. Шыӧдчан кадпас: 13 рака тӧлысь 2019. Архивируйтӧма 5 урасьӧм тӧлысь 2012.
- ↑ Двина // Этимологический словарь русского языка = Russisches etymologisches Wörterbuch : в 4 т. / авт.-сост. М.Фасмер ; пер. с нем. и доп. чл.‑кор. АН СССР О.Н.Трубачёва, под ред. и с предисл. проф. Б. А.Ларина [т. I]. — Изд. 2-е, стер. — М. : Прогресс, 1986—1987.
- ↑ Матвеев А. К. Субстратная топонимия Русского Севера. Часть I. Екатеринбург: Изд-во Урал. ун-та, 2001. С. 43. www.booksite.ru. Шыӧдчан кадпас: 13 рака тӧлысь 2019. Архивируйтӧма 22 моз тӧлысь 2018.
- ↑ Матвеев А. К. О происхождении севернорусской топонимики на -ас и -ус // Вопросы топономастики. 1962. Вып. 1. С. 17. onomastics.ru. Шыӧдчан кадпас: 13 рака тӧлысь 2019. Архивируйтӧма 11 сора тӧлысь 2021.
- ↑ Кабинина Н. В. Топонимия дельты Северной Двины по историческим источникам XV—XIX вв. elar.urfu.ru. Шыӧдчан кадпас: 13 рака тӧлысь 2019. Архивируйтӧма 2 ода-кора тӧлысь 2018.
- ↑ Анисим Берман (Бостон) «Американский инженер-строитель Николаевской железной дороги». Архивируйтӧма оригинала 29 тӧвшӧр тӧлысь 2008 года.
- ↑ Брызгалов В. В. Пассажирский флот на реке Северной Двине (до 1917 г.) // Проблемы развития транспортной инфраструктуры Европейского севера России. Материалы межрегиональной научно-практической конференции. 2010 год
- ↑ Виктор Брызгалов. // Архангельск : газета. — Архангельск, 2003. — 5 июля (№ 122).
- ↑ На Северной Двине приступили к дноуглубительным работам. pomorie.ru. Шыӧдчан кадпас: 13 рака тӧлысь 2019. Архивируйтӧма 14 рака тӧлысь 2020.
- ↑ По Северной Двине, Gruzinova.ru/travel. Шыӧдчан кадпас: 3 рака тӧлысь 2025.
- ↑ 1 2 3 Северная Двина, Большая страна. Сообщество туроператоров. Шыӧдчан кадпас: 3 рака тӧлысь 2025.
- ↑ Круизы по Северной Двине, Северодвинский вояжl. Шыӧдчан кадпас: 3 рака тӧлысь 2025.
- ↑ Михаил Лощилов. Жертвы «Прогресса» // Правда Севера. 26 сентября 2002 (180)
- ↑ Курушин М., Непомнящий Н. Великая книга катастроф — М.: ОЛМА Медиа Групп, 2006. — С. 347. books.google.ru. Шыӧдчан кадпас: 13 рака тӧлысь 2019. Архивируйтӧма 7 урасьӧм тӧлысь 2016.
- ↑ 1 2 Слушается дело «Барона Дризена». www.vdvsn.ru. Шыӧдчан кадпас: 13 рака тӧлысь 2019. Архивируйтӧма 19 ода-кора тӧлысь 2005.
- ↑ George Bolotenko. Wartime Explosions in Archangel, 1916-1917: “Bakaritsa is Burning”; “Ekonomiia is Now a Wasteland” (англ.). www.cnrs-scrn.org. Шыӧдчан кадпас: 13 рака тӧлысь 2019. Архивируйтӧма 2 моз тӧлысь 2019.
- ↑ Скрягин Л. Н. Взрывы на Северной Двине. fb2.booksgid.com. Шыӧдчан кадпас: 4 урасьӧм тӧлысь 2016. Архивируйтӧма оригинала 4 урасьӧм тӧлысь 2016 года.
Литература
- Северная Двина / Магрицкий Д. В. // Румыния — Сен-Жан-де-Люз. — М. : Большая российская энциклопедия, 2015. — С. 620. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 29). — ISBN 978-5-85270-366-8.
- Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- Северная Двина // Словарь современных географических названий / Рус. геогр. о-во. Моск. центр; Под общ. ред. акад. В. М. Котлякова. Институт географии РАН. — Екатеринбург: У-Фактория, 2006.
- Вынва // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
- Northern Dvina River (англ.). — статьяыс Encyclopædia Britannica Online ресурсысь.
Ыстӧгъяс
- Каталог гидрологических постов. Северный край. Архивируйтӧма оригинала 20 ода-кора тӧлысь 2011 года.
 | |
|---|---|
| В библиографических каталогах |
