В.Т. Чисталёв нима Коми Республикаса культура колледж
| В.Т. Чисталёв нима Коми Республикаса культура колледж | |
|---|---|
 | |
| Лӧсьӧдӧма | 1956/1993 |
| Тип | культура |
| Директор | Анкудинова Марина Алексеевна |
| Меститчӧм |
 Россия,Коми Республика |
| Инпас | Сыктывкар, Ленин ул., 63 |
| Сайт | collcul.ru |
В.Т. Чисталёв нима Коми Республикаса культура колледж — уджсикасӧ велӧдан Коми Республикаса канму учреждение.
Директор — Анкудинова Марина Алексеевна (2015 восянь).
История
В.Т. Чисталёв нима Коми Республикаса культура колледж вӧлі восьтӧма 1993 воын республикаса культпросветшкола подув вылын. Тайӧ школасӧ восьтӧмаӧсь 1956 воын. Первойсӧ кык вося велӧдчан школа дасьтіс сӧмын став клубса удж кузя специалистъясӧс. 1959 восянь велӧдчан планъясын лоисны художественнӧй специальносьт предметъяс, а 1962 восянь вӧлі пыртӧма «Библиотечнӧй делӧ» специальносьт[1].
Культпросветшкола заводитіс велӧдны культураын уджалысьясӧс 1956 вося кӧч тӧлысь 1 лунсянь сійӧ зданиеас, кӧні ӧні меститчӧ Коми Республикаса национальнӧй галерея. Нывбабаяслӧн гимназиялӧн вӧвлӧм стрӧйбаын вӧлі нин Педучилище. Культпросветшколалы сетісны медводдза судтасӧ — омӧля ломтысьысь (пачӧн ломтысьысь) классъяс, кӧні омӧля югдӧдӧм вӧснаыс вӧлі шуштӧм, нюр рӧма маслӧӧн краситӧм век васӧд стенъяса. Тайӧ стрӧйбаас студентъяс да преподавательяс олісны кык во.
1958 воын культпросветшколалы сетісны кык судтаа пу керка (Ленин улича, 19), но сійӧ вӧлі вывті ичӧт. И 1967 воын культпрпосветшколасӧ вуджӧдісны паныд сулалысь стрӧйбаӧ (ӧні сэні меститчӧ Сыктывкарса да Воркутаса епархия). И сӧмын 1975 восянь культпросветшколаыс кутіс уджавны типӧвӧй стрӧйбаын.
1990 воӧ колледжлы сетісны Вениамин Тимофеевич Чисталёвлысь ним.
Велӧдӧм
Велӧдан программаяс[2]:
• Йӧзкостса художествоа творчество
• Социальнӧй да культурнӧй удж
• Библиотековедение
• Декоративно-прикладнӧй искусство да йӧзкостса прӧмыселъяс
да содтӧд тӧдӧмлун босьтан уна сикас уджтас
Нималана велӧдысьяс
Хормейстеръясӧс дасьтісны коми композиторъяс Я. Перепелица да А. Рочев. Самодеятельнӧй театрса коллектив режиссёръясӧс дасьтісны Н. Дьяконов, Б. Семячков, И. Суханов, В. Рассыхаев, Н. Поповцева, А. Трошев, Н. Турубанов, хореографъясӧс – Т. Фотиева да Г. Бурилов; гуманитарнӧй предметъяссӧ велӧдлісны В. Леканов, А. Курешова, А. Клейн.
Ансамбльяс
Колледжын 2 нималана ансамбль:
• «Пелысь мольяс» (1993 восянь)[3];
• «Войвывса лэбач» (2017 восянь)[4].