Гагарин, Юрий Алексеевич

Босьтӧма Рувикиысь
Тайӧ терминыслӧн эмӧсь мӧд вежӧртасъяс, видзӧд Гагарин Юрий.
Видлалӧм гижӧд
Юрий Алексеевич Гагарин
Юрий Гагаринлӧн параднӧй портрет
Юрий Гагаринлӧн параднӧй портрет
Страна  СССР
Специальность Военнӧй лётчик
Лётчик-космонавт
Экспедицияяс «Восток-1» (12 апреля 1961)
Медводдза морт космосын
Космосын кад 1 час 48 минут
Позывнӧй «Кедр»

Юрий Алексеевич Гагарин (чужис 1934 вося рака тӧлысь 9-ӧд лунӧ Смоленск обласьтса Клушино сиктын — куліс 1960 вося рака тӧлысь 27-ӧд лунӧ Владимирскӧй обласьт Киржачскӧй районса Новосёлово сикт дорын) — медводдза морт, коді лэбзис космосӧ. СССР-са лётчик-космонавт, Сӧветскӧй Союзса Герой, уна канмулӧн медвылыс наградаяс кавалер, Рочмуса да суйӧрса уна карлӧн почёта гражданин.

СССР-са ВВС-лӧн полковник (1963), медводдза класса военнӧй лётчик, СССР спортса нимӧдана мастер (1961), ВЛКСМ ЦК-са член, СССР-са 7-ӧд да 8-ӧд созывъяса Верховнӧй Сӧветса депутат.

1961 вося косму косму тӧлысь 12-ӧд лунӧ Юрий Гагарин лоис мирын медводдза мортӧн, коді лэбзис космосӧ[1][2]. «Восток-1» корабль вылын «Восток» ракета-носитель, кӧні вӧлі Гагарин, вӧлі лэдзӧма Байконур космодромсянь, Казахской ССР-са Кызылординскӧй обласьтын. 108 минут бӧрын[3] Гагарин пуксис Саратовскӧй обласьтын, Энгельс карсянь неылын. 1961 вося косму тӧлысь 12-ӧд лун лоис выль гажлунӧн — Космонавтика лунӧн.

Олантуй

[вежны | Вежны кодировкаын]

Томдыр да велӧдчӧм[вежны | Вежны кодировкаын]

Юрий Алексеевич Гагарин чужис 1934 вося рака тӧлысь 9-ӧд лунӧ документъяс серти Смоленск обласьтса Клушино сиктын[1][4], кӧні олісны бать-мам. Збыль чужаніныс — Гжатск кар[5] (1968 воын сылы сетісны выль ним Гагарин). Ю.Гагарин вӧлі уджалысь семьяысь: батьыс, Алексей Иванович Гагарин (14 (27).03. 1902[6] — 30.08.1973[7]), — плӧтник, мамыс, Анна Тимофеевна Матвеева (20.12. 1903 — 12.06. 1984), йӧв фермаын уджалысь. Гагаринъяслӧн вӧлі куим пи да ӧти ныв. Юрий вӧлі коймӧдӧн.

1945 вося ода-кора тӧлысь 24-ӧд лунӧ Гагаринъяс вуджисны овны Гжатскӧ. 1949 вося ода-кора тӧлысьӧ Юра помаліс квайтӧд класс Гжатск шӧр школаын да пырис велӧдчыны 10 №-а Люберецкӧй ремесленнӧй училищеӧ[8][9], кӧні пырӧдчис художествоа самодеятельносьтӧ — ворсіс трубаӧн духовӧй оркестрын[10][11]. Тайӧ жӧ кадӧ Юрий пырис велӧдчыны уджалысь том войтырлӧн рытъя школаӧ. Сэні велӧдчигӧн, 1949 вося ӧшым тӧлысь 16 лунӧ пырис комсомолӧ[12]. Рытъя школаын сизимӧд класс помаліс 1951 вося ода-кора тӧлысьын, а лӧддза-номъя тӧлысьын помаліс отличиеӧн училищесӧ да босьтіс «формовщик-литейщик» специальносьт[1][13].

1951 воын Гагарин пырис велӧдчыны Саратовса индустриальнӧй техникумӧ литейнӧй юкӧнӧ, кӧні вӧлі тшӧтш бур физкультурникӧн да «Трудовые резервы» ДСОын секретарӧн[12]. 1954 вося йирым тӧлысь 25-ӧд лунӧ медводдзаысь воис Саратовса аэроклубӧ (ДОСААФ СССР). 1955 воын Юрий Гагарин помаліс отличиеӧн велӧдчӧмсӧ да медводдзаысь ачыс лэбис Як-18 самолётӧн Дубки спорт аэродромын. Ставнас тайӧ аэроклубын Юрий Гагарин вӧчис 196 лэбӧм, кад серти — 42 час 23 минут[1].

Авиацияын карьера[вежны | Вежны кодировкаын]

1955 вося йирым тӧлысь 27-ӧд лунӧ Гагаринӧс босьтісны Сӧветскӧй Армияӧ да мӧдӧдісны Оренбург карӧ (сэки — Чкалов кар) К. Е. Ворошилов нима лётчикъяслӧн 1-й военнӧй авиационнӧй училищеӧ. Велӧдчис сэки нималана лётчик-инструктор Я. Ш. Акбулатов ордын[14][13]. 1957 вося йирым тӧлысь 25-ӧд лунӧ Гагарин помаліс училище отличиеӧн[1].

Кык во чӧж служитіс Луостарын (Мурманскӧй обласьт) Войвыв флотса ВВС-лӧн 122-ӧд истребительнӧй авиационнӧй дивизияса 769-ӧд истребительнӧй авиационнӧй полкын[15][1], сэні вӧліны МиГ-15 биc самолётъяс[15]. 1959 вося йирым тӧлысь кежлӧ лэбаліс ставнас 265 час[1][16]. Сылӧн вӧлі «3-ӧд класса военнӧй лётчик» квалификация[17]. Воинскӧй чин — старшӧй лейтенант.

Космическӧй отрядын

[вежны | Вежны кодировкаын]

Космонавтъясӧс отрядӧ босьтӧм да «Восток-1» корабль вылын медводдзаысь лэбзьӧм кежлӧ найӧс дасьтӧм йылысь решение вӧлі примитӧма КПСС ЦК-лӧн да СССР-са Министръяс Сӧветлӧн 1959 во тӧвшӧр тӧлысь 5 лунся 22-10 №-а Постановлениеын да СССР-са Министръяс Сӧветлӧн 1959 во ода-кора тӧлысь 22 лунся 569—264 №-а Постановлениеын.

Аскиа космонавтъясӧс бӧрйӧмӧн да дасьтӧмӧн занимайтчисны СССР-са Военно-воздушнӧй вынъяс. Кӧсйисны вӧлі бӧрйыны 20 кандидатӧс.

1959 вося ӧшым тӧлысь 9-ӧд лунӧ Гагарин гижис рапорт, кӧні корис пыртны сійӧс космонавтпуяслӧн группаӧ. Вежон мысти Гагаринӧс корисны Москваӧ быд боксянь медицинскӧй обследование вылӧ Шӧр научно-исследовательскӧй авиационнӧй госпитальӧ. 1960 во заводитчигӧн вӧлі нӧшта ӧти специальнӧй медкомиссия, кӧні шуисны старшӧй лейтенант Гагаринӧс космосӧ лэбзьыны шогманаӧн.

1960 вося тӧвшӧр тӧлысь 11-ӧд лунӧ ВВС-са Главнокомандующӧй К. А. Вершининлӧн приказ серти вӧлі котыртӧма 26266 №-а специальнӧй войскӧвӧй часть, кодлӧн могӧн вӧлі дасьтыны космонавтъясӧс (водзӧ вылӧ, частьсӧ вӧлі пӧртӧма ВВС-са космонавтъясӧс дасьтан шӧринӧ). Гагаринӧс вӧлі пыртӧма космонавтпуяслӧн группаӧ ВВС-са Главнокомандующӧй К. А. Вершининлӧн 1960 вося рака тӧлысь 3-ӧд лунся приказӧн, а рака тӧлысь 11-ӧд лунӧ семьяыскӧд муніс военнӧй служба серти выль инӧ. Рака тӧлысь 25-ӧд лунсянь заводитчисны космонавтъясӧс дасьтан уджтас серти пырся занятиеяс[18][19].

Космонавтӧс бӧрйӧм да дасьтӧм

[вежны | Вежны кодировкаын]

Гагарин кындзи, космосӧ медводдзаысь лэбзьӧм вылӧ вӧлі нӧшта некымын претендент; ставныс найӧ вӧліны кызь морт (СССР-са космонавтъяслӧн медводдза отряд). Кандидатъяссӧ босьталісны военнӧй лётчик-истребительяс пӧвстысь Королёвлӧн шуӧм серти, коді лыддис, мый татшӧм лётчикъясыслӧн эм нин перегрузкаяса, стресса ситуацияяса да давление вежласяна опыт[20]. Космонавтъяслӧн медводдза отрядӧ бӧрйӧмсӧ нуӧдісны медицинскӧй, психологическӧй да мукӧд параметръяс подув вылын: арлыд 25-30 арӧс, тушаыс 170 сантиметрысь абу ыджыдджык, сьӧктаыс 70-72 килограммысь абу унджык[21], вылнаын да стратосфераын адаптируйтчыны вермӧм, ӧдйӧ реагируйтӧм, физическӧй винёвлун, психика да сям ав[22]. Юрий Гагаринлӧн тушаыс, официальнӧй служебнӧй характеристика серти, вӧлі 165 см[23], мукӧд жӧ мыччӧд серти, тшӧтш и «ЕКА»[24] — вӧлі 157 см[25]. Туша да сьӧкта серти корӧмъяс артмисны «Восток» космическӧй корабльлы вылӧ лӧсялана корӧмъяс вӧсна, кутшӧмъясӧс урчитісны «Восток» ракета-носительлӧн вынйӧрыс. Таысь кындзи, кандидатъясӧс бӧрйигӧн тӧд вылӧ босьтлісны бур характеристика, партияӧ пырӧм (Гагарин лои КПСС-ӧ кандидатӧн 1959 воын, а пырис партияӧ 1960 вося лӧддза-номъя тӧлысьын), политикаӧ зіля пырӧдчӧм, да кутшӧм семьяысь петӧма мортыс.[26]

1961 вося косму тӧлысь 8-ӧд лунӧ вӧлі «Восток» космическӧй корабль лэдзӧм кузя Государственнӧй комиссиялӧн пӧдса чукӧртчӧм. Сійӧн веськӧдліс СССР-са Министръяс Сӧветлӧн Обороннӧй техника кузя Государственнӧй комитетса Председатель К. Н. Руднев. Комиссия вынсьӧдіс историяын медводдза мортлы космическӧй лэбзьӧм вылӧ задание, кодӧс кырымалісны С. П. Королёв да Н. П. Каманин:

Вӧчны Му гӧгӧр 180—230 километр вылнаын ӧти винтӧвӧй лэбзьӧм, кузьта сертиыс 1 час 30 минут, индӧм районын пуксьӧмӧн. Лэбзьӧмлӧн могыс — видлавны, позьӧ-ӧ мортлы лоны космосын торйӧн оборудуйтӧм корабль вылын, видлавны лэбигӧн корабльлысь оборудованиесӧ, видлавны корабльлысь Мукӧд йитӧдсӧ, тӧдмавны корабль да космонавтӧс пуксьӧдан средствояслысь туйӧмсӧ.

Чукӧртчӧмлӧн восьса юкӧн бӧрын комиссия кольччис ичӧт составын да вынсьӧдіс Каманинлысь вӧзйӧмсӧ — лэбзьыны Юрий Гагаринлы, а Титовӧс вынсьӧдны кыдзи запаснӧй космонавтӧс[27][28].

Космосӧ лэбӧм

[вежны | Вежны кодировкаын]
Гагарин лэбзьӧм водзын

Лэбзьӧм водзвылын Гагарин «Восток» корабль, кӧні вӧлі пилот-космонавтӧн Юрий Алексеевич Гагарин, стартуйтіс 1961 вося косму тӧлысь 12-ӧд лунӧ Москваса кад серти 09:07 часын (06:07 UTC) Байконур космодромысь.

Полигон кузя дежурнӧйлӧн журналын гижӧд

Ракета-носитель «Восток» уджаліс бура, но бӧръя этап вылын эз уджав радиоуправление система, мый отсӧгӧн колӧ вӧлі выключитны 3-ӧд тшупӧда двигательяссӧ. Двигательсӧ лои дугӧдӧма сӧмын дублируйтан механизм (таймер) уджӧдӧм бӧрын, но корабль кыпӧдчис нин орбита вылӧ, кодлӧн медвылыс точкаыс (апогей) вӧлӧма арталӧмсьыс 100 километрӧн вылынджык: орбиталӧн секретысь восьтӧм параметръясыс вӧліны 327×180 км[29]. «Аэродинамическӧй тормозитӧм» отсӧгӧн татшӧм орбитасянь лэбӧмыс вермис лоны разнӧй лыдпасъяс серти 20 лунсянь 50 лунӧдз.[29][30][31].

Орбита вылын Гагарин юӧртліс аслас кылӧмъяс йылысь, корабльлӧн состояние йылысь да наблюдениеяс йылысь. Сійӧ иллюминатор пыр видзӧдіс Му вылӧ, кымӧръяс, гӧраяс, вӧръяс, юяс, саридзьяс вылӧ, аддзыліс енэжсӧ и Шондісӧ, мукӧд кодзувъяссӧ Му вуджӧрті лэбигӧн.

Му гӧгӧр ӧтчыд кытшовтӧм бӧрын 10 час 53 минутын корабль помаліс лэбзьӧмсӧ. Тормозитчан системаын торксьӧм вӧсна Гагаринӧс лэдзан аппарат пуксис эз планируйтӧм областьӧ, мый вӧлі Сталинградсянь 110 км ылнаын, а Саратов обласьтӧ, Энгельссянь неылын Смеловка да Подгорнӧй сиктъяс дорын. . 10:48 часын матысса зенитно-ракетнӧй дивизионлӧн радарыс[32] казяліс тӧдмавтӧм цель — тайӧ вӧлі лэдзан аппарат (зенитчикъяслы таӧдз суткиӧн водзджык шуӧмаӧсь, медым найӧ видзӧдісны «енэжсянь контейнеръяс» бӧрся).

Медводдза йӧзӧн, кодъяс лэбзьӧм бӧрас паныдалісны космонавтӧс, вӧлӧмаӧсь татчӧс лесниклӧн гӧтырыс Анна (Анихайят) Тахтарова да сылӧн квайт арӧса Рита нучкаыс (Румия)[33].Регыд мысти воисны дивизионысь военнӧйяс да татчӧс колхозникъяс. Военнӧйяслӧн ӧти группа босьтіс охрана улӧ лэдзан аппаратсӧ, а мӧд нуис Гагаринӧс частьӧ. Сэсянь Гагарин телефон пыр рапортуйтіс ПВО дивизияса командирлы: «Кора висьтавны ВВС-са главкомлы: задание пӧрті олӧмӧ, пукси индӧм районын, кыла ачымӧс бура, эг доймы да эг чегъясь. Гагарин»[34].

Статистика[35]
# Старта
корабль		 Старт, UTC Экспедиция Корабль
посадки		 Пуксьӧм, UTC Лэбӧм Восьса космосӧ
петӧм		 Восьса космосын
кад
1 Восток-1 12.04.1961, 06:07 Восток-1 Восток-1 12.04.1961, 07:55 00 лун 01 час 48 минут 0 0

Сӧветскӧй СМИын юӧртӧм[вежны | Вежны кодировкаын]

Космосӧ мортлӧн медводдза лэбӧмлысь гусялунсӧ могмӧдӧм вӧсна Гагаринлӧн лэбзьӧм йылысь водзвыв эз юӧртны. Паськыда тӧдса кадръяссӧ, кӧні позьӧ сійӧс тӧдмавны, вӧлі снимайтӧма абу космосӧ лэбзьӧм лунӧ, а бӧрынджык, специальнӧ кинохроника вылӧ, кӧні Гагарин выльысь вӧчис ставсӧ, мый вӧчліс збыльысь лэбзьӧм дырйи[36].

1961 вося косму тӧлысь 12-ӧд лунӧ диктор Ю. Б. Левитан радио пыр юӧртіс ТАСС нимсянь Юрий Гагаринлӧн «Восток» космическӧй корабль вылын лэбӧм йылысь[37]ː

«1961 вося косму тӧлысь 12-ӧд лунӧ Сӧветскӧй Союзын лэдзӧма Му гӧгӧрса орбита вылӧ мирын медводдза „Восток“ космическӧй корабль-спутник, кӧні вӧліс морт. „Восток“ космическӧй корабль-спутниклӧн пилот-космонавтӧн лоӧ Сӧветскӧй Социалистическӧй Республикаяс Союзса гражданин лётчик майор Гагарин Юрий Алексеевич».

Космосӧ лэбзьӧм бӧрын

[вежны | Вежны кодировкаын]

Москваын паныдалӧм[вежны | Вежны кодировкаын]

Медводз некод эз планируйт Москваын Гагаринкӧд ыджыд аддзысьлӧм. Ставсӧ решитіс медбӧръя здукас Никита Сергеевич Хрущёв. Сылӧн пиыслӧн, Сергей Хрущёвлӧн кывъяс серти[38]:

Сійӧ заводитіс сысянь, мый звӧнитіс оборонаса министр маршал Малиновскийлы да шуис: «Сійӧ тіян старшӧй лейтенант. Колӧ сійӧс срочнӧ кыпӧдны чинын». Малиновский зэв неокотапырысь шуӧма, мый сетас Гагаринлы капитанлысь чин. Та вылӧ Никита Сергеевич скӧрмис: «Кутшӧм капитанӧс? Ті сылы кӧть майорӧс сетӧй». Малиновский дыр эз сетчы, но Хрущёв сулаліс аслас кыв вылын, и тайӧ жӧ луннас Гагарин лои майорӧн.

Сэсся Хрущёв звӧнитӧма Кремльӧ да тшӧктӧма, медым Гагаринӧс паныдалісны достойнӧя.

Мукӧд мыччӧд серти, ӧчереднӧй капитан чин Гагарин должен вӧлі босьтны 1961 вося косму тӧлысьын, но Д. Ф. Устинов вӧзйис пыр жӧ вӧчны сійӧс майорӧн. Тайӧ внеочереднӧй чин сетӧм йылысь приказсӧ вӧлі дасьтӧма стартӧдз, но Юрий Гагарин тӧдмаліс аслас майор чин йылысь сӧмын пуксьӧм бӧрын[39]. Косму тӧлысь 12-ӧд лунӧ ТАСС-лӧн став юӧрас сёрниыс муніс нин «майор Юрий Гагарин» йылысь.

Косму тӧлысь 14-ӧд лунӧ Гагаринла воис Ил-18, а Москва дорӧ матыстчигӧн самолёт дорӧ содтысис почётнӧй авиация эскорт — сизим МиГ-17 истребитель. Эскорта самолётъяс торжественнӧя лэбисны Москва шӧр весьтті, Краснӧй площадь весьтті, сэсся пуксисны Внуково аэропортӧ, сэні Гагаринӧс виччысис ыджыд приём: нимкодясьысь йӧз, журналистъяс да операторъяс, странаӧн веськӧдлысьяс. Самолёт лэбис аэропортлӧн шӧр зданиелань, лэдзисны трап, и медводз сы кузя лэччис Гагарин. Самолётсянь правительственнӧй трибунаясӧдз вӧлі нюжӧдӧма югыдгӧрд ковёр туй, сы кузя и мӧдӧдчис Юрий Гагарин. Мунігмозыс сылӧн разьсис ботинки шнурокыс (мӧд версия серти — разьсис носки кутӧдыс), но сійӧ эз сувт да воис правительственнӧй трибунаяс дорӧдз, кӧть эськӧ вермис конъясьны да усьны[40], оркестр шы улӧ, коді ворсіс "Ми чужим, медым мойдсӧ вӧчны збыльӧн"сӧветскӧй авиамарш. Трибуна дорӧ матыстчӧм бӧрын Юрий Гагарин рапортуйтіс Никита Хрущёвлы[41]:

Сӧветскӧй Союзса Коммунистическӧй партия Центральнӧй Комитетса Медводдза секретар ёрт, СССР-са Министръяс Сӧветса Председатель! Рад доложитны тіянлы, мый Коммунистическӧй партия Центральнӧй Комитетлысь да Сӧветскӧй правительстволысь заданиесӧ пӧртӧма олӧмӧ…

Водзӧ вӧлі восьса «ЗИЛ-111В»-ӧн мунӧм, Гагарин сувтсӧн чолӧмаліс паныдасьысьясӧс. Гӧгӧр чолӧмалісны, унаӧн ӧвтчисны плакатъясӧн. Ӧти морт писькӧдчис оцепление пыр да сетіс Гагаринлы дзоридзьяс. Гӧрд площадь вылын муніс митинг, кӧні Никита Хрущёв юӧртіс Гагаринлы Сӧветскӧй Союзса Герой да «СССР-са лётчик-космонавт» нимъяс сетӧм йылысь.

Митинг пӧри виччысьтӧм 3 часся демонстрацияӧ, кодӧс Юрий Гагарин да сӧветскӧй канмуса веськӧдлысьяс чолӧмалісны Ленин мавзолей трибуна вывсянь. Демонстрация помасьӧм бӧрын Никита Хрущёв колльӧдіс Гагаринӧс мавзолей пытшкӧ, саркофаг дорӧ. Водзӧ вӧлі Кремльын приём, кӧні вӧліны уна конструктор, кодъяслысь нимъяссӧ сэки официальнӧя эз на висьтавлыны. Леонид Брежнев сетіс Гагаринлы Сӧветскӧй Союзса Геройлысь «Золотая Звезда» орден да Ленин орден. Уна выль чужӧм детинкаӧс бать-мамыс сійӧ луннас нимтӧмаӧсь Гагарин ним кузя — Юрийӧн.

Мӧд луннас вӧлі пресс-конференция, кӧні Гагаринлысь да конструкторъяслысь юасисны суйӧрсайса журналистъяс. Конференцияыс заводитчис Гагаринлысь юалӧмӧн, абу-ӧ сійӧ рӧдвуж Гагаринъяс рӧдысь князьяслы, кодъяс ӧні олӧны США-ын. Та вылӧ Гагарин вочавидзис[41]: «Аслам рӧдвуж пӧвстысь некутшӧм князьясӧс да знатнӧй рӧдысь йӧзӧс ог тӧд и некор на йылысь эг кывлы».

Суйӧрсайӧ ветлӧмъяс[вежны | Вежны кодировкаын]

Медводдза суйӧрсайса ветлӧмӧн Юрия Гагаринлы лои Чехословакияӧ ветлӧм. Сійӧ лэбис сэтчӧ обычнӧй рейсӧн Ту-104 самолётӧн Прагаӧ. Гагарин ветліс Болгарияӧ, Финляндияӧ, Великобританияӧ, Польшаӧ, Кубаӧ, Бразилияӧ, Кюрасао ді вылӧ сувтлӧмӧн, Канадаӧ Исландияын сувтлӧмӧн, Венгрияӧ, Индияӧ, Цейлонӧ (ӧні Шри-Ланка), Афганистанӧ. 1962 воын Гагарин вӧліс Египетын

Юрий Гагарин Египетӧ ветлігӧн, 1962 вося урасьӧм тӧлысь 5 лун

1963 вося кӧч тӧлысьын Гагарин ветліс Парижӧ да пырӧдчис XIV астронавтика войтыркоста конгресслӧн уджӧ[42][43]. 1963 вося йирым тӧлысьын В.Терешковакӧд тшӧтш воліс ООН-лӧн Нью-Йоркын штаб-квартираӧ[44].

Ставнас Юрий Гагарин вӧліс 30 гӧгӧр странаын[45].

Водзӧ олӧм да карьера

[вежны | Вежны кодировкаын]
Космонавтъяс: Юрий Гагарин (коймӧд шуйгавывсяньыс снимок вылын), Виктор Горбатко Долгопруднӧйын пикник вылын ёртъясыскӧд, 1963 вося моз тӧлысь 19-ӧд лун

1961 вося кӧч тӧлысь 3-ӧд лунӧ Юрий Гагарин пырис велӧдчыны Жуковский нима Военно-воздушнӧй инженернӧй академияӧ, а 1968 вося урасьӧм тӧлысь17-ӧд лунӧ С. М. Белоцерковский веськӧдлӧм улын дорйис сэні ӧти местаа воздушно-космическӧй лэбалан аппаратӧн вӧдитчан методология да сылӧн дозвукӧвӧй аэродинамика кывзысьяс-космонавтъяслӧн группаӧн лӧсьӧдӧм кузя дипломнӧй проект. Государственнӧй экзаменационнӧй комиссия сетіс полковник Юрий Гагаринлы «лётчик-инженер-космонавт» квалификация да вӧзйис сійӧс академияса адъюнктураӧ[46].

1964 воын Гагарин лоис космонавтъясӧс дасьтан шӧринса начальникӧс вежысьӧн, да сійӧс индісны сӧветскӧй космонавтъяс отрядса командирӧн.

Сӧветскӧй космонавтъяс шуйгавывсянь веськыдвылӧ: Павел Попович, Юрий Гагарин, Валентина Терешкова телевидение студияын, Москва, 1964 вося тӧвшӧр тӧлысь 1 лун

Гагаринӧс бӧрйылісны СССР-са Верховнӧй Сӧветлӧн 6-ӧд (1962 воын Сычёв кытшын Союз Сӧветӧ бӧрйисны) да 7-ӧд (1966 воын Нацияяс Сӧветӧ) созывъясса депутатӧн[47], вӧлі ВЛКСМ ЦК-са членӧн (бӧрйылісны ВЛКСМ XXIV да XXV съездъяс вылын) да веськӧдліс «Красная Звезда» газетлӧн космонавтика кузя внештатнӧй юкӧнӧн (1964 восянь). Таысь кындзи космосӧ лэбӧмлӧн историческӧй тӧдчанлуныс вӧчис сійӧс нималана мортӧн и суйӧрсайын. Гагарин вӧлі сӧветско-кубинскӧй ёртасян обществоса президентӧн[48], «Финляндия — СССР» котырса почётнӧй членӧн да мир и ёртасян миссияӧн волывліс мирса уна странаӧ.

1966 воын Гагаринӧс бӧрйисны Международнӧй астронавтика академияса Почётнӧй членӧн, сійӧ жӧ вося лӧддза-номъя тӧлысьын Гагарин заводитіс нин тренируйтчыны «Союз» уджтас серти. Сійӧс вӧлі индӧма Комаровлы дублёрӧн, коді медводдзаӧн лэбзис выль корабль вылын. Лэбӧмсӧ вӧлі дугӧдӧма кадысь водз шонді батареялӧн жугалӧм вӧсна, а помас космонавтыс пӧгибнитіс парашют системалӧн нелючки вӧсна. Вермис лоны, мый Королёв кӧ вӧлі ловъя, Гагарин эськӧ вӧлі «Союз-1»-лӧн медшӧр пилотӧн, сы вӧсна мый Королёв кӧсйысис сылы, мый Гагарин лэбас выль корабль вылын[49].

Уна уджалӧм вылӧ видзӧдтӧг, Гагарин аддзыліс кад и хобби вылӧ, сійӧ радейтіс ва вывті лызьӧн иславны да кактусъяс чукӧртны[50].

1964 воын, ёнджыкасӧ Ю. А. Гагаринлӧн водзмӧстчӧмӧн, вӧлі котыртӧма СССР-са ва вылын лызьӧн котралан спорт федерация, а 1965 воын нуӧдісны ва вылын лызьӧн котралӧм кузя СССР-са первенство[51].

Кувсьӧм

[вежны | Вежны кодировкаын]
Кремль стенын гу вылын плита

1968 вося рака тӧлысь 27-ӧд лунӧ Гагарин пӧгибнитіс авиационнӧй катастрофаын, кор вӧчис тренировочнӧй лэбӧм МиГ-15УТИ самолёт вылын опытнӧй инструктор В. С. Серегин веськӧдлӧм улын, Владимир обласьтса Киржач районса Новосёлово грезд дорын. Гагаринлысь да Серёгинлысь шойяссӧ вӧлі кремируйтӧма. Гагаринкӧд да Серёгинкӧд прӧщайтчисны 1968 вося рака тӧлысь 30-ӧд лунӧ, Сӧветскӧй Армиялӧн Шӧр Керкаын сувтӧдісны налӧн пӧим тыра урнаяс, Гӧрд площадь вылын нуӧдісны траурнӧй митинг, странаын вӧлі йӧзӧдӧма чӧв олӧмлысь минута, Гагаринлысь да Серёгинлысь пӧим тыра урнаяссӧ дзебисны Кремлёвскӧй стена дорӧ воинскӧй почётӧн[52].

Почёта нимъяс да наградаяс

[вежны | Вежны кодировкаын]
Бразилияса Президент Жаниу Куадруш сетӧ Ю. А. Гагаринлы Бразилияса орден (1961).
ОАР-са монетнӧй дворӧн вӧчӧм ворота ключ

СССР-са Правительство сетіс медводдза космонавтлы:

  • 15 000 шайт,
  • «Волга» автомобиль (номер 78-78 МОД),
  • нёль жыръя патера,
  • уна козин[53][54].

Званиеяс[вежны | Вежны кодировкаын]

  • Советскӧй Союзса Герой (14.04.1961, «Золотая Звезда» медаль № 11175)
  • СССР-са лётчик-космонавт (27.06. 1961)
  • Герой Социалистического Труда ЧССР (29.04. 1961)
  • Герой Социалистического Труда (НРБ) (24.05. 1961)
  • Герой Труда Вьетнама (28.04. 1962)

Советскӧй правительство сетіс Ю. А. Гагаринлы майор чин (космосӧ лэбзис старшӧй лейтенант чинын).

«Подполковник» чин вӧлі сетӧма Юрий Гагаринлы 12.06. 1962, а «полковник» чин — 6.11. 1963.

  • Советско-кубинскӧй ёртасьӧм котырлӧн президент
  • «Финляндия — Советский Союз» котырын почётнӧй член

1966 восянь Юрий Гагарин вӧлі Астронавтика войтыркоста академияын почётнӧй членӧн.

  • СССР-са спортса нимӧдана мастер (1961, званиесӧ сетӧма космосӧ лэбзьӧмысь да космосын медводдза рекордъяс пуктӧмысь[17][комм. 1])
  • 1 класса военнӧй лётчик (1961, квалификацияыс сетӧма космосӧ лэбзьӧмысь)[17]

Орденъяс[вежны | Вежны кодировкаын]

Ӧшмӧс[50][54][55].

  • Ленин орден (СССР, 14.04.1961)
  • «Георгий Димитров» Орден (Болгария, 24.05.1961)
  • II класса Звезды Индонезии Орден (Индонезия, 10.06.1961)
  • I тшупӧда «Крест Грюнвальда» Орден (Польша, 20.06.1961)
  • «Плайя-Хирон» орденлӧн Медводдза кавалер (Куба, 18.07.1961)
  • «За заслуги в воздухоплавании» Орден (Бразилия, 2.07.1961)
  • I тшупӧда Орден Знамени ВНР бриллиантъясӧн (Венгрия, 21.08.1961)
  • «Ожерелье Нила» Орден (Египет, 31.01.1962)
  • Большая лента ордена Звезды Африки (Либерия, 6.02.1962)
  • Карл Маркс Орден (ГДР, 22.10.1963)

Медальяс да дипломъяс[вежны | Вежны кодировкаын]

Ӧшмӧс[54].

  • «40 лет Вооружённых Сил СССР» Медаль (СССР, 1958)
  • «За освоение целинных земель» Медаль (СССР, 1961)
  • «Золотая Звезда» Медаль (СССР, 1961)
  • Австрия правительстволӧн зарни медаль (1962)
  • «Двадцать лет Победы в Великой Отечественной войне 1941—1945 гг.» Юбилейнӧй медаль (СССР, 1965)
  • «3а выдающиеся работы в области межпланетных сообщений» Константин Циолковскӧй нима зарни медаль (АН СССР)
  • Зарни авиационнӧй медаль ФАИ
  • Колумб Медаль (Италия) и мукӧд.

Воинскӧй чинъяс

[вежны | Вежны кодировкаын]
  • Сержант (22.02.1956).
  • Лейтенант (5.11.1957).
  • Старшӧй лейтенант (6.11.1959).
  • Майор (12.04.1961, капитан чинтӧг).
  • Подполковник (12.06.1962).
  • Полковник (6.11.1963).

Котыр

[вежны | Вежны кодировкаын]
Путиловскӧй уджалысь Тимофей Матвеевич Матвеев аслас гӧтыр Анна Егоровнакӧд да челядькӧд. Мӧд радас (шуйгавывсянь): Николай, Сергей, Анна (Гагаринлӧн мамыс, сулалӧ пемыд дзоридзӧн), Мария; воддза радас — Ольга.
Юрий Гагарин Валентина гӧтырыскӧд аплодируйтӧны «Ла Скала» театрса труппалы, «Турандот» операысь Москваын Ыджыд театрын, 1964
  • Пӧль — Иван Фёдорович Гагарин (1858—1914), кресьтянин, плӧтник, пуа кӧлуй вӧчысь.
  • Ыджыд бать — Тимофей Матвеевич Матвеев (1871—1918), Путиловскӧй заводын уджалысь, революционер. Медводдза мирса вӧйна дырйи лоис инвалидӧн.
  • Ыджыд мам — Анна Егоровна Матвеева (1875—1922), песласьысь. Кувсис биа висьӧмысь.
  • Пӧч — Анастасия Степановна Гагарина (1864—1928).
  • Бать — Алексей Иванович Гагарин (1902—1973), уджаліс пастукӧн, плӧтникӧн, ФЗУ школаын комендантӧн, «Динамик» завод вылын пуа кӧлуй вӧчысьӧн. Айму вӧсна Ыджыд тышса участник.
  • Мам — Анна Тимофеевна Матвеева (1903—1984), уджаліс видз вылын да тепличаын, а сэсся дояркаӧн да порсь видзан фермаса веськӧдлысьӧн.
  • Чой — Зоя Алексеевна Гагарина (верӧс сайын Бруевич, 1927—2004), уджаліс медсестраӧн Гжатскса больничаын[56].
  • Вокъяс:
    • Валентин Алексеевич Гагарин (1924—2006),
    • Борис Алексеевич Гагарин (1936—1977),
  • Гӧтыр — Валентина Ивановна Гагарина, нывдырйи Горячева (1935—2020). Гӧтрасисны 1957 воын Оренбургын[57][58].
  • Нывъяс:
    • Елена Юрьевна Гагарина (чужис 17.04.1959) — «Московский Кремль» музей-заповедникса генеральнӧй директор, искусствоведение наукаяс кандидат;
    • Галина Юрьевна Гагарина (чужис 7.03.1961) — Г. В. Плеханов нима Российскӧй экономическӧй университетын профессор, национальнӧй да региональнӧй экономика кафедраӧн веськӧдлысь[56][59].

Йӧзӧдӧмторъяс

[вежны | Вежны кодировкаын]


Пасйӧдъяс

[вежны | Вежны кодировкаын]

Комментарийяс

  1. ↑ Звание присвоено Центральным советом Союза спортивных обществ и организаций СССР. Ю. А. Гагарин — заслуженный мастер спорта СССР // «Известия» : Газета. — 1961. — 14 косму тӧлысь (№ 90 (13636)). — С. 3.

Ӧшмӧсъяс

  1. ↑ 1 2 3 4 5 6 7 Гага́рин Юрий Алексеевич / Александров А. П. // Восьмеричный путь — Германцы [Электронный ресурс]. — 2006. — С. 237. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 6). — ISBN 5-85270-335-4.
  2. ↑ Wilson, Jim. Yuri Gagarin: First Man in Space (англ.). NASA (13 косму тӧлысь 2011). Архивируйтӧма 3 косму тӧлысь 2013.
  3. ↑ Давыдов В. А. Первый Пилотируемый Полёт, том 2. — Родина Медиа, 2011. — С. 42. — 1096 с. — ISBN 978-5-905350-01-6 / 9785905350016.
  4. ↑ Пресс-бюллетень № 1 17. Оргкомитет по подготовке и проведению празднования в 2011 году 50-летия полёта в космос Ю. А. Гагарина (22 моз тӧлысь 2010). Шыӧдчан кадпас: 15 косму тӧлысь 2011. Архивируйтӧма 21 моз тӧлысь 2011.
  5. ↑ Николаев Николай. Тайна рождения Юрия Гагарина, // «Рабочий путь» — Смоленск (2 рака тӧлысь 2011). Архивируйтӧма 23 йирым тӧлысь 2013 вося. Шыӧдчан кадпас: 14 косму тӧлысь 2011.
  6. ↑ Юрий Гагарин: Один полёт и вся жизнь. Полная биография первого космонавта … Шыӧдчан кадпас: 26 рака тӧлысь 2022. Архивируйтӧма 16 моз тӧлысь 2021.
  7. ↑ Гагарин Алексей Иванович. Шыӧдчан кадпас: 21 сора тӧлысь 2019. Архивируйтӧма 4 моз тӧлысь 2016.
  8. ↑ Михайлова, Екатерина. Люберецкое ремесленное училище. Ю. А. Гагарин — сын Земли и звёзд. Шыӧдчан кадпас: 9 рака тӧлысь 2019. Архивируйтӧма 26 ӧшым тӧлысь 2018.
  9. ↑ Гагаринский техникум в подмосковных Люберцах — уже не Гагаринский. ИА REGNUM (3 кӧч тӧлысь 2015). Шыӧдчан кадпас: 9 рака тӧлысь 2019. Архивируйтӧма 26 ӧшым тӧлысь 2018.
  10. ↑ Алина Василенко. Играл на трубе, танцевал вальс. Необычные факты из биографии Юрия Гагарина. газета Аргументы и факты (11 косму тӧлысь 2019). Шыӧдчан кадпас: 17 косму тӧлысь 2021. Архивируйтӧма 17 косму тӧлысь 2021.
  11. ↑ Владислав Шурыгин (старший). Трубач космической зари. Об истории одной фотографии Юрия Гагарина. Ваши новости (12 косму тӧлысь 2021). Шыӧдчан кадпас: 17 косму тӧлысь 2021. Архивируйтӧма 17 косму тӧлысь 2021.
  12. ↑ 1 2 Алексеев М. Когда ему было шестнадцать // Огонёк. — 1961. — 30 косму тӧлысь (№ 18). — С. 30—31.
  13. ↑ 1 2 Лесков, Сергей. Главный полёт человека // Газета «Известия». — 2011. — 5 косму тӧлысь. Архивировано 23 йирым тӧлысь 2013 года.
  14. ↑ Копылов И. С., Лазукин А. Н., Райкин Г. Л. Первый космонавт // Оренбургское лётное: Очерк истории Оренбургского высш. воен. авиационного Краснознамённого училища лётчиков им. И. С. Полбина. — М.: Воениздат, 1976. — 268 с.
  15. ↑ 1 2 Ольга Воробьёва Север в судьбе первопроходца Архивса копия 17 моз тӧлысь 2018 Wayback Machine ресурсын // Красная звезда. — 2011. — 12 апреля.
  16. ↑ Юрий Алексеевич Гагарин. astronaut.ru (3 ода-кора тӧлысь 2018). Архивируйтӧма 3 косму тӧлысь 2013.
  17. ↑ 1 2 3 «Космонавт узнал, что отныне он не только носитель воинского звания майора, но и заслуженный мастер спорта, и военный лётчик уже не третьего, а первого класса», — Галлай, 1985, [1]
  18. ↑ Хронология событий Центра. ФГБУ «НИИ ЦПК имени Ю. А. Гагарина». Шыӧдчан кадпас: 16 косму тӧлысь 2013. Архивируйтӧма 17 косму тӧлысь 2013.
  19. ↑ 50 лет назад в СССР создан Центр подготовки космонавтов (недоступная ссылка — история). Ветераны отчизны. Шыӧдчан кадпас: 16 косму тӧлысь 2013. Архивируйтӧма 17 косму тӧлысь 2013.
  20. ↑ Космонавт Леонид Каденюк: «Мне запрещали вступать в контакт с НЛО», «Комсомольская правда в Украине» (11 косму тӧлысь 2009). Архивируйтӧма 12 косму тӧлысь 2009 вося. Шыӧдчан кадпас: 15 рака тӧлысь 2011.
  21. ↑ Лантратов Константин. Резюме для космонавта, Журнал «Коммерсантъ-Власть», № 19 (773) (19 ода-кора тӧлысь 2008). Архивируйтӧма 27 кӧч тӧлысь 2011 вося. Шыӧдчан кадпас: 15 рака тӧлысь 2011.
  22. ↑ Жихарев Виталий. Герои нашего времени (7 косму тӧлысь 2010). Архивируйтӧма 10 лӧддза-номъя тӧлысь 2020 вося. Шыӧдчан кадпас: 15 рака тӧлысь 2011.
  23. ↑ Минобороны России. рассекреченные архивные документы из фондов ЦА МО, рассказывающие об офицерской службе первого космонавта планеты Земля. Юрий Гагарин. На пути к звездам. Шыӧдчан кадпас: 2 лӧддза-номъя тӧлысь 2022. Архивируйтӧма 2 косму тӧлысь 2022.
  24. ↑ Yuri Gagarin (англ.). esa.int. Европейское космическое агентство. Шыӧдчан кадпас: 4 сора тӧлысь 2022. Архивируйтӧма 5 сора тӧлысь 2022.
  25. ↑ *Деннис Тито. Yuri Gagarin. Despite a humble upbringing, he became the first man in space and sparked a new era of exploration (англ.). time.com. — «Gagarin's eventual success in beating off 19 others to man the first flight owed as much to his physical characteristics as to his performance. Standing only 1.57m tall was an advantage in a small cockpit. Gagarin's humble upbringing and outgoing personality helped win him friends too—and fans.» Шыӧдчан кадпас: 15 косму тӧлысь 2019. Архивируйтӧма оригинала 26 рака тӧлысь 2008 года.
  26. ↑ Лебедев В. В. Астронавты и космонавты. Размышления о прочитанном., «Советская Россия» (20 косму тӧлысь 2010). Архивируйтӧма 29 йирым тӧлысь 2012 вося. Шыӧдчан кадпас: 15 рака тӧлысь 2011.
  27. ↑ Каманин Н. П. Скрытый космос (в 4-х кн.). — М.: Инфортекст-ИФ, 1995—1997.
  28. ↑ Сидоров, Анатолий. Инопланетяне страны Советов. Газета «Вечерняя Москва» (12 косму тӧлысь 2013). Архивируйтӧма 19 косму тӧлысь 2013.
  29. ↑ 1 2 Михаил Руденко. Юрий Гагарин погибал трижды. Русская Германия, № 17 (2 ода-кора тӧлысь 2005). Шыӧдчан кадпас: 12 косму тӧлысь 2011. Архивируйтӧма оригинала 30 косму тӧлысь 2005 года.
  30. ↑ Пономарёва Валентина. Неоткрытый космос, // Журнал «Дружба народов» (5 вӧльгым тӧлысь 2000). Архивируйтӧма 12 йирым тӧлысь 2012 вося. Шыӧдчан кадпас: 31 рака тӧлысь 2011.
  31. ↑ Жовнир Наталия. «Тройник» Гагарина, // «Зеркало недели» (№ 45, 21 ноября 2009). Архивируйтӧма 19 косму тӧлысь 2013 вося. Шыӧдчан кадпас: 31 рака тӧлысь 2011.
  32. ↑ Столярова Татьяна. Гагарин приземлился в секретном ракетном дивизионе, («Саратовский Арбат» - специально для «КП»), Комсомольская правда (12 косму тӧлысь 2002). Архивируйтӧма 14 косму тӧлысь 2011 вося. Шыӧдчан кадпас: 31 рака тӧлысь 2011.
  33. ↑ Малинина, Екатерина. Девочка, которая первой встретила Гагарина на земле, сейчас работает официанткой под Астраханью. Комсомольская правда (6 косму тӧлысь 2011). Архивируйтӧма 3 косму тӧлысь 2013.
  34. ↑ Маринин И. Апрельский день:44 года назад. «Новости космонавтики» (косму тӧлысь 2005). Шыӧдчан кадпас: 6 косму тӧлысь 2010. Архивируйтӧма 4 рака тӧлысь 2012.
  35. ↑ Statistics - Gagarin Yuri Alekseyevich (англ.). spacefacts.de. Шыӧдчан кадпас: 12 тӧвшӧр тӧлысь 2018. Архивируйтӧма 29 косму тӧлысь 2018.
  36. ↑ По сведениям Елены Гагариной. Фильм «Звёздный отряд», серия «Самые первые» (Александр Габнис, 2003, документальный сериал)
  37. ↑ День радио. Голос советского радио Ю.Б. Левитан. Шыӧдчан кадпас: 8 ода-кора тӧлысь 2022. Архивируйтӧма 8 ода-кора тӧлысь 2022.
  38. ↑ Интервью с Сергеем Хрущёвым. Би-би-си (27 кӧч тӧлысь 2007). Шыӧдчан кадпас: 21 ӧшым тӧлысь 2007. Архивируйтӧма 14 косму тӧлысь 2013.
  39. ↑ Россошанский В. И. Феномен Гагарина. — Летопись, 2001. Архивса копия 23 сора тӧлысь 2021 Wayback Machine ресурсын
  40. ↑ Встреча Юрия Гагарина, RetroMap (18 лӧддза-номъя тӧлысь 2012). Архивируйтӧма 9 рака тӧлысь 2014 вося. Шыӧдчан кадпас: 31 рака тӧлысь 2013.
  41. ↑ 1 2 Гагарин, 1961.
  42. ↑ Голованов, Василий. Праздник по имени Гагарин. «Известия» (12 косму тӧлысь 2010). Архивируйтӧма 14 косму тӧлысь 2013.
  43. ↑ First Man In Space Yuri Gagarin Visits France 1963 (англ.). British Pathé Ltd. Архивируйтӧма 14 косму тӧлысь 2013.
  44. ↑ Пресс-конференция советских космонавтов Ю. А. Гагарина и В. Валентиной Терешковой в штаб-квартире ООН (16 октября 1963). ООН. Шыӧдчан кадпас: 21 урасьӧм тӧлысь 2022. Архивируйтӧма 21 урасьӧм тӧлысь 2022.
  45. ↑ По материалам стенда на ВДНХ // Отчёт о СССР: космос = USSR Report: Space. — Foreign Broadcast Information Service, Joint Publications Research Service, 1986. — С. 25. — 92 с. — (JPRS (Series)). См. также полный текст отчёта Архивса копия 2 ода-кора тӧлысь 2013 Wayback Machine ресурсын.
  46. ↑ Белоцерковский С. М. Диплом Гагарина. — «Молодая гвардия», 1986. — 173 с.
  47. ↑ Гафутулин, Наиль. Космонавт и депутат. Красная звезда (12 косму тӧлысь 2011). Шыӧдчан кадпас: 9 рака тӧлысь 2019. Архивируйтӧма 4 рака тӧлысь 2016.
  48. ↑ Гагарин Юрий Алексеевич — первый космонавт планеты // Космонавтика: Энциклопедия / Редколлегия: В. П. Бармин, К. Д. Бушуев, В.С. Верещетин и др. — М.: Советская энциклопедия, 1985. — 528 с.
  49. ↑ Шубин, Павел. Почему, зачем и как погиб космонавт Комаров: аудиокнига / читает Алексей Халецкий. — Компьюлента, 2011.
  50. ↑ 1 2 Гагарин Юрий Алексеевич. Роскосмос. Шыӧдчан кадпас: 9 рака тӧлысь 2019. Архивируйтӧма 3 косму тӧлысь 2019.
  51. ↑ Борис Столярж. Юрий Гагарин и водные лыжи. waterskiworld.ru (15 лӧддза-номъя тӧлысь 2008). Шыӧдчан кадпас: 3 рака тӧлысь 2018. Архивируйтӧма 3 рака тӧлысь 2018.
  52. ↑ Скорбные дни прощания // Огонёк. — 1968. — № 15 (6 апреля). — С. 1—4.
  53. ↑ Светлана Самоделова. Секретная премия Юрия Гагарина. За свой полёт первый космонавт получил 15 тысяч рублей и кучу подарков. Московский комсомолец № 25325 (12 косму тӧлысь 2010). Шыӧдчан кадпас: 9 урасьӧм тӧлысь 2018. Архивируйтӧма 14 косму тӧлысь 2013.
  54. ↑ 1 2 3 Роскосмос. Биография Ю.А. Гагарина, Центр управления полётами (ЦУП). Архивируйтӧма 1 вӧльгым тӧлысь 2013 вося. Шыӧдчан кадпас: 28 косму тӧлысь 2013.
  55. ↑ Юрий Алексеевич ГАГАРИН, РКК Энергия. Архивируйтӧма 16 лӧддза-номъя тӧлысь 2012 вося. Шыӧдчан кадпас: 13 косму тӧлысь 2013.
  56. ↑ 1 2 Юрий Гагарин — первый космонавт планеты Земля (недоступная ссылка — история). Шыӧдчан кадпас: 6 лӧддза-номъя тӧлысь 2011. Архивируйтӧма 14 косму тӧлысь 2013.
  57. ↑ Жена Юрия Гагарина до сих пор тоскует по мужу. Архивируйтӧма 14 косму тӧлысь 2013.
  58. ↑ История любви Гагарина. Комсомольская правда (10 косму тӧлысь 2006). Архивируйтӧма 14 косму тӧлысь 2013.
  59. ↑ Гагарина Галина Юрьевна. Российский экономический университет имени Г. В. Плеханова. Шыӧдчан кадпас: 16 сора тӧлысь 2011. Архивируйтӧма 21 моз тӧлысь 2011.

Литература

[вежны | Вежны кодировкаын]
Роч кыв вылын
  • Гагарин Юрий Алексеевич / А. П. Александров // Восьмеричный путь — Германцы. — М. : Большая российская энциклопедия, 2006. — С. 237. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 6). — ISBN 5-85270-335-4.
  • Артёмов В. В. Юрий Гагарин. Человек-легенда. — М.: Олма Медиа Групп, 2011. — 272 с. — 6000 экз. — ISBN 978-5-373-03953-6.
  • Берег Вселенной / под ред. Болтенко А. С.. — Киев: «Феникс», 2014. — ISBN 978-966-136-169-9.
  • Гагарин, Валентин Алексеевич. Мой брат Юрий: Повесть: Об Ю. А. Гагарине / Лит. запись В. Сафонова. — 2-е изд., доп. — М.: Московский рабочий, 1979. — 384 с.
  • Гагарин Ю. А. Дорога в космос. — М.: Воениздат, 1978. — 370 с. — 100 000 экз.
  • Гагарина А. Т. Слово о сыне / Запись Т. Копыловой. — М.: Молодая гвардия, 1983. — 160 с.
  • Гагарина А. Т., Копылова Т. А. Юрий Гагарин. Глазами матери. — Культурная Революция, 2011. — 368 с. — 2000 экз. — ISBN 978-5-250-06090-5.
  • Галлай М. Л. С человеком на борту. — М.: Советский писатель, 1985.
  • Губарев Владимир. Тайны Гагарина. — Эксмо, 2011. — 320 с. — (Первые в космосе). — 4000 экз. — ISBN 978-5-699-48162-0.
  • Губарев Владимир. Величайшая тайна Гагарина. Мифы и правда о Первом космонавте СССР. — М.: Эксмо, Яуза, 2014. — 320 с. — (Юбилейные биографии). — 1500 экз. — ISBN 978-5-699-70593-1.
  • Данилкин Л. А. Юрий Гагарин. — М.: Молодая гвардия, 2011. — (Жизнь замечательных людей). — 20 000 экз. — ISBN 978-5-235-03440-2.
  • Докучаев Ю. Юрий Гагарин. — М.: Детская литература, 1981. — 144 с.
  • Ковешников Юрий. Уроки Юрия Гагарина. — Л.: Лениздат, 1984. — 190 с. — (Библиотека молодого рабочего).
  • Маринин И. А. МО СССР. Личное дело. Гагарин Юрий Алексеевич // Русский космос. — 2022. — № 46 (ӧшым тӧлысь). — С. 6–15. — ISSN 1561-1078.
  • Маринин И. А., Шамсутдинов С. Х., Глушко А. В. (составители). Советские и российские космонавты. 1960—2000 / Под редакцией Ю. М. Батурина. — М.: ООО Информационно-издательский дом «Новости космонавтики», 2001. — ISBN 5-93345-003-0.
  • Надеждин Николай. Юрий Гагарин. — М.: Астрель, 2011. — 224 с. — (Секрет успеха). — 3000 экз. — ISBN 978-5-98986-523-9.
  • Надеждин Николай. Юрий Гагарин. — М.: Мир энциклопедий Аванта +, 2011. — 224 с. — (Секрет успеха). — 3000 экз. — ISBN 978-5-271-37687-0.
  • Он был первым. — М.: Воениздат, 1984. — 432 с.
  • Осташев А. И. Испытание ракетно-космической техники — дело моей жизни: события и факты. — Изд. 2-е, испр. и доп. — Королёв, 2005. — 284 с.
  • Осташев А. И. Сергей Павлович Королёв — гений XX века: прижизненные личные воспоминания об академике С. П. Королёве. — М.: Изд-во Московского гос. ун-та леса, 2010. — 128 с. — ISBN 978-5-8135-0510-2.
  • Первушин А. И.Юрий Гагарин: Один полёт и вся жизнь. Полная биография первого космонавта планеты Земля. Архивса копия 22 кӧч тӧлысь 2020 Wayback Machine ресурсын (Главы из книги на личной стр. автора). М.: Пальмира, 2017. 671 с. ISBN 978-5-521-00287-0.
  • Порохня Виктор. Дорога на Байконур. Рассказ о Юрии Гагарине. — Казахстан, 1977. — 104 с.
  • Ребров М. Ф. Воспоминания ветерана ракетно-космической корпорации «Энергия», соратника С. П. Королёва, нженера-испытателя ракетно-космических комплексов, лауреата Ленинской и Государственной премий СССР Аркадия Ильича Осташева // Сергей Павлович Королёв : Жизнь и необыкновенная судьба. — М.: ОЛМА-ПРЕСС, 2002. — С. 255—258. — 380 с. — (Архив). — ISBN 5-224-03679-8.
  • Ребров М. Ф. Советские космонавты. — 2-е изд., доп. и перераб. — М.: Воениздат, 1983. — 308 с.
  • Степанов Виктор. Юрий Гагарин. — «Молодая гвардия», 1987. — 336 с. — (Жизнь замечательных людей).
  • С. П. Королёв. Энциклопедия жизни и творчества / Под ред. В. А. Лопота. — РКК «Энергия» им. С. П. Королёва, 2014. — ISBN 978-5-906674-04-3.
  • Хайрюзов Валерий. Юрий Гагарин. Колумб Вселенной. — Вече, 2011. — 368 с. — 3000 экз. — ISBN 978-5-9533-4994-9.
  • Черток Б. Е. Ракеты и люди. — М.: Машиностроение, 1999. — ISBN 5-217-02942-0.
  • Швецова, Людмила. Жизнь замечательных людей. Юрий Гагарин // «Кругозор» : Журнал. — 1984. — № 3. — С. обл.2—1.
  • Человек в космосе! Капитан первого звездолёта — наш, советский! // Комсомольская правда. — 1961. — Косму тӧлысь (№ 88 (11028)). — С. 1—4.
  • Абрамов, Анатолий Петрович. «Оглядываюсь и не сожалею». — Барнаул, 2022. — 256 с. — ISBN 978-5-00202-034-8.
Мӧд кывъяс вылын
  • Michael D. Cole. Vostok 1: First Human in Space. — Springfield: Enslow, 1995. — 48 с. — ISBN 0-89490-541-4.
  • Robert Kluge. Der Sowjetische Traum Vom Fliegen: Analyseversuch Eines Gesellschaftlichen Phanomens. — München: Verlag Otto Sagner, 1997. — 345 с. — (Slavistische Beiträge). — ISBN 3-87690-665-2.
  • Gerhard Kowalski. Die Gagarin-Story. Die Wahrheit über den Flug des ersten Kosmonauten der Welt. — Berlin: Schwarzkopf & Schwarzkopf, 1999. — ISBN 3-89602-184-2.
  • Jamie Doran, Piers Bizony. Starman: The Truth Behind The Legend Of Yuri Gagarin. — London: Bloomsbury, 2011. — 256 с. — ISBN 0-7475-3688-0.
  • Walter Famler. Im Zeichen des Roten Sterns: Zur ikonografischen Kodierung des Kosmospiloten Juri Gagarin. — Berlin: Kulturmaschinen, 2011. — 51 с. — (Kulturmaschinen Prosaedition). — ISBN 978-3-940274-35-9.
  • Susanne Göhlich. Juri fliegt zu den Sternen. — Frankfurt: Moritz Verlag-GmbH, 2011. — 40 с. — ISBN 978-3-89565-230-1.
  • Gerhard Kowalski. Heute 6:07 UT: vor 50 Jahren: Juri Gagarin als erster Mensch im Weltraum. — Halle: Projekte-Verlag Cornelius, 2011. — 319 с. — ISBN 978-3-86237-507-3.
  • Ludmila Pavlova-Marinsky. Juri Gagarin Das Leben. — Berlin: Neues Leben, 2011. — ISBN 978-3-355-01784-8.
  • Позамантир Р. Д. «Ракетно-космический наукоград Королёв». — М.: ИП Струченевская О.В., 2018. — 260 с. — ISBN 978-5-905234-12-5.
  • Andrew L. Jenks. The Cosmonaut Who couldn't Stop Smiling: The Life and Legend of Yuri Gagarin. — Northern Illinois University Press, 2012. — ISBN 978-0-87580-447-7.

Ыстӧгъяс

[вежны | Вежны кодировкаын]
Ортсыса видеофайлъяс
Доклад Гагарина Н. С. Хрущёву об успешном завершении первого в мире космического полёта человека на YouTube
Босьтӧма "https://kv.ruwiki.ru/w/index.php?title=Гагарин,_Юрий_Алексеевич&oldid=203737"-ысь