Дипломатическӧй уджалысьлӧн лун
| Дипломатическӧй уджалысьлӧн лун | |
|---|---|
 РФ-са МИД | |
| Сикас | Уджсикас гаж |
| Мӧд ногӧн | «Дипломатлӧн лун», «Россияса дипломатия лун» |
| Вынсьӧдӧма | Россия Федерацияса Президент В.В. Путинлӧн 2002 во йирым тӧлысь 31-ӧд лунся Индӧдӧн |
| Пасйӧны | Россияын |
| Кадпас | урасьӧм тӧлысь 10-ӧд лун |
 Медиафайлы на РУВИКИ.Медиа | |
Дипломатическӧй уджалысьлӧн лун (рочӧн День дипломатического работника) — Россия Федерацияса став дипломатическӧй уджалысьлӧн уджсикас гаж. Сійӧс вынсьӧдӧма Россияса Президент В. В. Путинлӧн 2002 во йирым тӧлысь 31-ӧд лунся Индӧдӧн. Пасйӧны Россияын быд во урасьӧм тӧлысь 10-ӧд лунӧ.
История
Дипломатическӧй уджалысьлысь лун вӧлі лӧсьӧдӧма 2002 вося йирым тӧлысь 31-ӧд лунӧ Россия Федерацияса Президент В. В. Путинлӧн 1279 №-а Индӧд серти, кӧні вӧлі гижӧма: «Индыны Дипломатическӧй уджалысьлысь лун да пасйыны сійӧс урасьӧм тӧлысь 10-ӧд лунӧ»[1].
Тайӧ кадпассӧ бӧрйӧма абу прӧста. Сійӧ йитчӧма Россиялӧн ортсыса политикаын медводдза ведомстволӧн — Посольскӧй приказлӧн — историякӧд. Сійӧ медводдзаысь казьтывсьӧ 1549 воын буретш тайӧ лунӧ. Сыӧн медводдзаӧн веськӧдліс подьячӧй Иван Михайлович Висковатов (Висковатый), кодлы Россияса сар Иван Грозный вӧлі «индӧма посол делӧсӧ»[2].
Пасйӧм
Тайӧ лунӧ быд сикас канму органӧс петкӧдлысьяс, на лыдын Президентлӧн Администрация, Веськӧдлан котырлӧн Аппарат, Федерация Сӧвет да Каналан Дума, а сідзжӧ торъя йӧз ыстӧны Россия Федерациялӧн суйӧрсайса делӧяс министерствоӧ чолӧмалана телеграммаяс[3].
2009 воын «Дипломатическӧй уджалысьлӧн лун» водзвылын Россия Федерацияса премьер-министр Владимир Путин чолӧмаліс Россия Федерациялӧн суйӧрсайса делӧяс министерствоын уджалысьясӧс да ветеранъясӧс, кӧні, торйӧн кӧ, донъяліс дипломатъяслысь Россиялӧн ӧнія олӧмын пайсӧ:
Россияса дипломатия пырджык пуктӧ тӧдчана пай миян страналысь ортсыса политикасӧ олӧмӧ пӧртӧмын, зумыда дорйӧ Россиялысь национальнӧй интересъяссӧ, пуктӧ ыджыд пай мирын зумыд олӧм да безопасносьт могмӧдӧмӧ. Миян дипломатъяслӧн Айму радейтӧм да пыдди пуктӧм, уджсӧ бура тӧдӧм да писькӧслун отсалӧны ёнмӧдны войтыр костын Россияӧс пыдди пуктӧмсӧ да сылысь тӧдчанлунсӧ, лӧсьӧдны социальнӧй да экономика боксянь водзӧ сӧвмӧм вылӧ бур условиеяс.
Татшӧм сёрни В. В. Путин кыпӧдӧ быд во[4][5][6].
Дипломатлӧн лунӧн быд во чолӧмалӧ и Россия Федерациялӧн суйӧрсайса делӧяс министр С. В. Лавров[3][7].
Мероприятиеяс
МГИМО-ын быд во мунӧны Дипломатическӧй уджалысьлӧн лунлы сиӧм кыпыд концертъяс[8].
2022 воын Данияын Дипломатическӧй уджалысьлӧн лун кежлӧ Россияса наука да культура шӧринын воссис Данияын дипломатическӧй миссиялы сиӧм выставка[9].
Пасйӧдъяс
- ↑ Указ Президента Российской Федерации от 31.10.2002 г. № 1279, Президент России. Шыӧдчан кадпас: 28 тӧвшӧр тӧлысь 2025.
- ↑ Страница 6. Шыӧдчан кадпас: 9 урасьӧм тӧлысь 2010. Архивируйтӧма 20 косму тӧлысь 2013.
- ↑ 1 2 Выступление Министра иностранных дел Российской Федерации С.В.Лаврова на торжественном собрании по случаю Дня дипломатического работника, Москва, 9 февраля 2024 года. www.mid.ru (9 урасьӧм тӧлысь 2024).
- ↑ Путин поздравил сотрудников МИД РФ с Днем дипломатического работника, TACC. Шыӧдчан кадпас: 28 тӧвшӧр тӧлысь 2025.
- ↑ Путин поздравил сотрудников МИД с Днем дипломата, РИА Новости (20230210T0911). Шыӧдчан кадпас: 28 тӧвшӧр тӧлысь 2025.
- ↑ Поздравление сотрудникам и ветеранам МИД России с Днём дипломатического работника, Президент России. Шыӧдчан кадпас: 28 тӧвшӧр тӧлысь 2025.
- ↑ Лавров поздравил коллег с Днем дипломатического работника, TACC. Шыӧдчан кадпас: 28 тӧвшӧр тӧлысь 2025.
- ↑ https://mgimo.ru/about/news/main/dipday-concert-2024/?utm_source=google.com&utm_medium=organic&utm_campaign=google.com&utm_referrer=google.com. mgimo.ru. Шыӧдчан кадпас: 29 тӧвшӧр тӧлысь 2025.
- ↑ Об открытии выставки ко дню дипломата - Министерство иностранных дел Российской Федерации. www.mid.ru. Шыӧдчан кадпас: 29 тӧвшӧр тӧлысь 2025.