Ирония судьбы, или С лёгким паром!

Босьтӧма Рувикиысь
Ирония судьбы, или С лёгким паром!
Ирония судьбы, или С лёгким паром!
Постер фильма
Жанр мелодрама
трагикомедия
Режиссёр Эльдар Рязанов
Сценарий гижысь Эмиль Брагинский
Эльдар Рязанов
Шӧр
рольясын		 Андрей Мягков
Барбара Брыльска
Юрий Яковлев
Любовь Добржанская
Рольяссӧ
шыӧдісны		 Сергей Яковлевич Никитин[d], Валентина Илларионовна Талызина[d] и Пугачёва, Алла Борисовна[d]
Оператор Владимир Нахабцев (юралісь)
Вадим Алисов
Сергей Арманд
Борис Кочеров
Монтажёр Валерия Белова
Композитор Микаэл Таривердиев
Художник-постановщик Александр Борисов
Оригинальнӧй телеканал ЦТ Медводдза программа
Компания «Мосфильм» киностудия
Дистрибьютор Гостелерадио
Кузьта 184 мин
Страна  СССР
Кыв Роч кыв
Петан кадпас 1976
Серия лыд 2
Сы бӧрся фильм Ирония судьбы. Продолжение[d]
IMDb ID 0073179

«Ирония судьбы, или С лёгким паром!» — 1975 вося сӧветскӧй телевизионнӧй кык серияа кино (режиссёрыс — Эльдар Рязанов). Сылӧн премьераыс СССР-ын вӧліс 1976 вося тӧвшӧр тӧлысь 1 лунӧ телевидениелӧн медводдза программаті[1].

История

Киноыс — Эмиль Брагинскийлӧн да Эльдар Рязановлӧн экранизируйтӧм «С лёгким паром! или Однажды в новогоднюю ночь…» нима пьеса. Пьесаыс вӧлі гижӧма 1969 воын да кинӧ вӧчӧм водзын муніс мукӧд театрын. Сёронжык сы серти спектакльыс вӧлі пуктӧма СССР-са 110 театрын[2], да сідзжӧ суйӧр сайын.

Рязанов висьтасьліс, мый сюжетыс подуласьӧма збыль лоӧмтор вылӧ. Збыль вӧлӧма морт, коді ӧшым тӧлысь 31-ӧд лунӧ мунӧма пывсьыны, да асывнас садьмӧма мӧд карын. Мыйӧн помасьӧма лоӧмторйыс, Рязанов да Брагинский абу тӧдӧмаӧсь да содтӧмаӧсь ассяньыс.

1975 вося арын, СССР пасьта премьера водзын, фильмсӧ петкӧдлісны Ставсоюзса телефизоннӧй фильмъяс фестиваль вылын Грузинскӧй ССР-ын. Тбилисиын фестиваль вылас киноыс босьтіс медводдза места[3].

Сюжет

Сюжет подулын куйлӧ Брежнев кадся архитектура ӧткодялӧм. Анимация прологас серам сорӧн висьталӧны, кыдз архитекторъяс политикъяс да бюрократия вӧсна ставсӧ вӧчӧны ӧткодьӧн (режиссёр да аниматор Виталий Песков). Сы вӧсна Сӧветскӧй Союзса быд карын, кардорын да посёлокын сулалӧны ӧткодь, уна судтаа керкуяс[4].

Быд вося традиция серти, ёртъяс паныдасьӧны Москваын пывсянын, мед паныдавны Выль во. Женя Лукашинлысь да сылӧн Галя гӧтырпуыслысь кикутӧмсӧ пасйигӧн (зонкаыс кӧсйӧ корасьны Выль вося войнас) найӧ ёна коддзӧны. Пывсьӧм бӧрын налӧн Павлик нима ёртлы колӧ удитны рейс вылӧ Ленинградӧ, кытӧн сійӧ виччысьӧ мамыс. Найӧ ставнаныс мунӧны аэропортӧ колльӧдны сійӧс.

Кор ёртъяс локтӧны аэропортас, Женяыс Павликыскӧд унмовсьӧны. А Сашаыс да Мишаыс, оз вермыны уськӧдны тӧд вылӧ, кодлы колӧ лэбзьыны. Павлик пыдди найӧ пуксьӧдӧны самолётас Женясӧ.

Женяыс кузь туйсӧ узьӧ орчча мортыс пельпом вылын, локтігас сійӧ отсалӧ петны самолётсьыс. Зонкаыс садьмӧ Ленинградса аэропортын, чайтӧ, мый сійӧ Москваын. Сійӧ босьтӧ такси да шуӧ ассьыс инпассӧ.

Ленинградас эм сэтшӧм жӧ инпаса сэтшӧм жӧ конструкцияа керка, кыдз Женяыслӧн Москваын. Сійӧ кайӧ лифтӧн «аслас» патераӧ, да, вермӧ аслас ключӧн восьтны ӧдзӧссӧ (кыдз шусьӧ прологас: «…стандартнӧй квартираяс стандартнӧй томанъясӧн»). Оланінас мебельыс пӧшти сэтшӧм жӧ, кыдз Женя патераын, но сійӧ код, мед казявны торъялӧмсӧ.

Тайо кадӧ гортас, аслас патераӧ, локтӧ Надя Шевелёва. Сійӧ лӧсьӧдчӧ паныдавны Выль восӧ Ипполит нима кавалерыскӧд. Сійӧ аддзӧ аслас узянінысь тӧдтӧм мортӧс. Сійӧ кӧсйӧ вӧтлыны кортӧм гӧсьтӧс, но мӧдыс пыксьӧ да оз вермы гӧгӧрвоны, мый «сылӧн» патераын вӧчӧ йӧз морт да мыйла сійӧ командуйтӧ. Найӧ мыччӧны ӧта-мӧдлы паспортъяссьыныс пропискасӧ да гӧгӧрвоӧны, мый лоис. Женяыслӧн сьӧлӧмыс потӧ: Москваын сійӧ виччысьӧ Галяыс. А Ипполитыс, Надя дорӧ воӧм бӧрын, оз эскы Женялы да Надлы. Женяыс кӧсйӧ мунны Москваӧ, но казялӧ, мый сылӧн сьӧрас сьӧмыс абу. Сійӧ бергӧдчӧ Надялӧн патераӧ. Ипполитыс заводитӧ вежӧгтыны да мунӧ. Надяыс ыстӧ ӧдйӧджык Евгенийсӧ гортас, но асылӧдзыс Москваӧ рейс абу. Женяыс оз ӧтчыд понды звонитны Москваӧ, медым висьтавны Галыслы, мый лоис. Сэсся вермӧ звонитны нывкаыслы, но сійӧ пуктӧ трубкасӧ Ленинград йылысь кылӧм бӧрын. Надяыс мунӧ Москваса вокзалӧ да ньӧбӧ аслас выль тӧдсалӧ поезд вылӧ билет, мӧдыс косялӧ билетсӧ да кольччӧ.

Женяыс да Надяыс паныдалӧны выльвося войсӧ ӧтлаын. Медводз найӧ зыксисны, но сэсся вежсисны, кутісны кажитчыны ӧта-мӧдлы. Асывнас найӧ ӧтлаын чайтӧны, мый лоӧмторйыс вӧлі ылалӧмӧн, да мӧдӧны янсӧдчыны. Зонкаыс бор мунӧ Москваӧ. Кузь туй бӧрын да узьтӧм понда сійӧ унмовсьӧ. Садьмӧм бӧрын сійӧ чайтӧ, мый Надяыс сылы усис вӧтын, но сійӧ пукалӧ орччӧн. Сійӧ локтіс сы борся Москваӧ да регыд адззис Женяӧс, ӧд нылӧн ӧткодь инпасъясныс и ӧдзӧс восьтанъясыс.

Новеллизация

«Ирония судьбы, или С лёгким паром!» серти эм гижӧм новелла (ыждӧдӧм ремаркаяса драма), сійӧс йӧзӧдӧма Эльдар Рязановлӧн фильмъяс кузя новеллаяса уна сборникын[5]. Сылӧн сюрӧсыс матын фильмыскӧд да пьесаыскӧд.

Рольяс

Актёр Роль
Андрей Мягков Евгений (Женя) Михайлович Лукашин (вокал — Сергей Никитин)[6] хирург Евгений (Женя) Михайлович Лукашин (вокал — Сергей Никитин)[6]
Барбара Брыльска Надежда (Надя) Васильевна Шевелёва (шыӧдӧм — Валентина Талызина, вокал — Алла Пугачёва) роч кыв да литература велӧдысь Надежда (Надя) Васильевна Шевелёва (шыӧдӧм — Валентина Талызина, вокал — Алла Пугачёва)
Юрий Яковлев Ипполит Георгиевич Надялӧн зонъёрт Ипполит Георгиевич
Любовь Добржанская Марина Дмитриевна Женялӧн мам Марина Дмитриевна
Ольга Науменко Галя Женялӧн гӧтырпу Галя
Лия Ахеджакова Таня Надялӧн нывъёрт да уджъёрт Таня
Валентина Талызина Валя Надялӧн нывъёрт да уджъёрт Валя
Александр Ширвиндт Павел / Женялӧн ёрт Павел / фильмыс водзын шыӧдӧм
Георгий Бурков Миша Женялӧн ёрт Миша
Александр Белявский Саша Женялӧн ёрт Саша
Любовь Соколова Надялӧн мам[7] Надялӧн мам[7]
Готлиб Ронинсон Красноярскысь пассажир самолётӧ пуксьысь Красноярскысь пассажир
Эльдар Рязанов самолётын пассажир (абу гижӧма титръясын) самолётын пассажир (абу гижӧма титръясын)
Борис Руднев таксист (абу титръясын) таксист (абу титръясын)
Николай Погодин гӧсьт баянӧн (абу титръясын) гӧсьт баянӧн (абу титръясын)
Александр Постников мунысь (абу титръясын) мунысь (абу титръясын)
Елена Наумкина аэропортысь буфетчица(абу титръясын) аэропортысь буфетчица(абу титръясын)
Николай Кузнецов сусед (абу титръясын) сусед (абу титръясын)
Михаил Бочаров понма сусед (абу титръясын) понма сусед (абу титръясын)

Кино кадръяс

  • Андрей Мягков Женя рольын да Ольга Науменко Галя рольын

    Андрей Мягков Женя рольын да Ольга Науменко Галя рольын

  • Александр Ширвиндт Павел рольын

    Александр Ширвиндт Павел рольын

  • Барбара Брыльска Надя рольын

    Барбара Брыльска Надя рольын

  • Юрий Яковлев Ипполит рольын

    Юрий Яковлев Ипполит рольын

  • Любовь Добржанская Женялӧн мам рольын

    Любовь Добржанская Женялӧн мам рольын

  • Андрей Мягков (Женя) да Барбара Брыльска (Надя)

    Андрей Мягков (Женя) да Барбара Брыльска (Надя)

Съёмочнӧй группа

• Сценарий гижысьяс: Эмиль Брагинский, Эльдар Рязанов
• Режиссёр-постановщик: Эльдар Рязанов
• Медшӧр оператор: Владимир Нахабцев
• Медшӧр серпасалысь: Александр Борисов
• Мӧд режиссёр: Игорь Петров
• Шыоператор: Юрий Рабинович
• Шылад гижысь: Микаэл Таривердиев
• Дирижёр: Георгий Гаранян
• Паськӧм серпасалысь: Ольга Кручинина
• Грим серпасалысь: Ольга Струнцова
• Кинооператоръяс: Вадим Алисов, Сергей Арманд, Борис Кочеров
• Комбинированнӧй съёмкаяс: Борис Травкин (оператор), Валентин Гласс (серпасалысь)
• Монтаж: Валерия Белова
• Режиссёрлӧн ассистентъяс: Нина Коренева, Григорий Торчинский
• Операторлӧн ассистентъяс: Владимир Горшков, Владимир Батузов, Александр Михалычев, Сергей Кочебуров, Николай Коробейник
• Монтажёрлӧн ассистент: Элеонора Праксина
• Серпасалысь-декоратор: И. Фёдоров
• Югдӧдӧм кузя мастер: Марк Вайсман
• Редактор: И. Наумова
• Шылад редакторъяс: Раиса Лукина, В. Лаписов
• Мультипликация: Виталий Песков
• Фильм директор: Ефим Голынский

Кино снимайтӧм

Кинолӧн медшӧр оператор, Владимир Нахабцев, шуис вӧдитчыны сійӧ кад кежлӧ выльӧн вӧчӧм куим камераа системаӧн. Ӧттшӧтш уджалісны куим камера, найӧ снимайтісны сценаяссӧ куимладорсянь. Тайӧ ёна кокньӧдіс уджсӧ, но сэк жӧ нюжӧдіс кадсӧ[2].

Снимайтны заводитісны рака тӧлысьын, а помалісны гожӧм шӧрын. Та вӧсна картинаын вӧдитчӧмаӧсь искусственнӧй лымйӧн. Но сы вӧсна мый сэки лым пушкаяс да мукӧд агрегатъяс эз на вӧвны, лымсӧ вӧчлісны ки помысь ватаысь, бумагаысь да быг пластысь. А медым петкӧдлыны тӧла поводдясӧ, вӧдитчисны фенӧн[8].

Пӧшти став сценасӧ снимайтісны Москваын и сӧмын некымын сцена Ленинградын. Киноын петкӧдлӧм кыкнан патераыслӧн збыль инпасыс: Вернадскӧй шӧртуй, 125 керка (Лукашинлӧн патера) и 113 керка (Надялӧн патера). Пывсянын сцена снимайтӧм могысь «Мосфильмын» вӧлі стрӧитӧма торъя павильон.

А збылься Стрӧитчысьяслӧн коймӧд улича вӧлі Москваын сійӧ жӧ районын, кыдзи и Вернадскӧй шӧртуй. 1963 воын нин сылы вӧлі сетӧма Мария Ульяновалысь ним[9].

2003 воын керка стенмӧ, кӧні пӧ олӧма Женя Лукашин, ӧшӧдӧмаӧсь казьтылан пӧв. Сійӧс восьтігӧн вӧлі Эльдар Рязанов[10]. Но медводдза войнас жӧ алюминий пластинкасӧ гусялісны. 2007 воын табличкаяссӧ вӧлі сувтӧдӧма ӧтпырйӧ Вернадский шӧртуйса кыкнан керка вылас — и 125-ӧд вылын, и 113-ӧд вылын, — но и найӧ эз дыр ӧшавны асланыс местаясын[11][12][13].

Кинопробаяс

Медшӧр мужичӧй рольын — Женя Лукашин — кӧсйис лоны нималана актёр Андрей Миронов. Но Рязанов вештіс сылысь кандидатурасӧ. Тайӧ роль вылас сійӧ корсис эз нывбаба гӧгӧр гартчысь мужичӧйӧс, а мужичӧйӧс, кодлӧн ортсыыс да асьсӧ кутӧмыс эськӧ эз кыскыны нывъяслысь вниманиесӧ. Мироновлы вӧзйисны ворсны Ипполитӧс, но тайӧ рольсьыс сійӧ ӧткажитчис. Женя Лукашин роль вылӧ сідзжӧ видлісны асьнысӧ Олег Даль, Пётр Вельяминов, Станислав Любшин да Иннокентий Смоктуновский[8]. Андрей Мягков лои Лукашинӧн дзик виччысьтӧг. Режиссёр видзӧдіс сы вылӧ критическӧя, но сійӧ репетицияяс вылын вӧлӧма медся эскӧданаӧн.

Сьӧкыдлунъяс лоисны и актрисаӧс медшӧр нывбаба роль вылӧ бӧрйӧмкӧд. Рязанов серти, Надя роль вылӧ эз туйны ни Людмила Гурченко, ни Валентина Талызина, ни Светлана Немоляева, ни Антонина Шуранова да ни ӧти сӧветскӧй кодзув. Медводз сійӧ кӧсйис, медым героиняӧс ворсіс Алиса Фрейндлих: сійӧ зэв бура справитчис комедийнӧй рольясӧн да, мый вӧлі тӧдчана тайӧ картинаыслы, бура сьылӧ. Но худсӧвет сійӧс эз вынсьӧд[2]. Польшаса актриса Барбара Брыльски йылысь, кыдзи медшӧр нывбаба роль вылӧ кандидат йылысь, Рязанов думыштіс мӧд режиссёркӧд сёрнитӧм бӧрын. Рязанов корис фильмӧ суйӧрсайса актрисаӧс, но ыджыд акцент вӧсна, сійӧс шыӧдіс Валентина Талызина. Сідзжӧ Талызина ворсіс фильмын Валяӧс, Надялысь нывъёртсӧ.

Ипполит роль вылӧ медводзсӧ вӧлі индӧма Олег Басилашвилиӧс. Сійӧ весиг удитіс ворсны некымын эпизодын. Но съёмкаяс дырйи пӧшти ӧттшӧтш кувсисны сылӧн батьыс да Ефим Копелян, и сійӧ эз вермы водзӧ уджавны. Сэки сы пыдди пуктісны Юрий Яковлевӧс.

А Галя роль вылӧ медводзсянь вӧлі вынсьӧдӧма Наталья Гвоздиковаӧс [14].

Женя Лукашинлысь ёртъяссӧ ворсісны Эльдар Рязановлӧн ёртъясыс — Георгий Бурков да Александр Ширвиндт. Режиссёр таӧдз уджавлӧма нин накӧд мукӧд киноын. Александр Белявскийӧс корисны сёрӧнджык. А Надялысь да Женялысь мамъяссӧ ворсны вӧлі вынсьӧдӧма Любовь Соколоваӧс да Любовь Добржанскаяӧс, найӧ сідзжӧ водзті уджавлӧмаӧсь Рязановкӧд —снимайтчылӧмаӧсь «Берегись автомобиль» картинаын.

Фильм массовкаын снимайтчис Александр Беляев, НТВ-ын поводдя йылысь уджас нималана нуӧдысь[8].

Сьыланкывъяс да кывбуръяс

Кинолӧн сценарийӧ вӧлі пыртӧма 9 кывбур. 8 на пиысь колӧ вӧли лоны сьыланкывйӧн. Эльдар Рязанов чайтіс, мый ни ӧти автор оз вермы гижны ичӧт кадӧн 8 сьыланкыв. Сійӧ шыӧдчис 4 автор дорӧ: Ян Френкель, Исаак Шварц, Андрей Петров и Микаэл Таривердиев дорӧ. Медводз ставныс сӧгласитчисны, но бӧрынджык куим разнӧй помка вӧсна эз удитны. Колис сӧмын Микаэл Таривердиев[2].

Мужичӧй вокалсӧ сьылӧ Сергей Никитин («Со мною вот что происходит», «Я спросил у ясеня», «Никого не будет в доме» и «Если у вас нету тёти»), нывбаба вокалсӧ — Алла Пугачёва («По улице моей», «На Тихорецкую», «Мне нравится», «У зеркала»). «Баллада о прокуренном вагоне» Александр Кочетковлӧн кывъяс вылӧ кино помас лыддьӧны Андрей Мягков и Валентина Талызина. Медводз сьывны кӧсйис Анна Герман, но тайӧс эз артмы вӧчны — суйӧрсайса сьылысь вылӧ сьӧмыс сметаын эз вӧв[15].

Кино дорас дженьыд саундтрексӧ лэдзис «Мелодия» фирма Таривердиевлӧн пластинка вылын 1976 воын[16]. Тырвыйӧ саундтрексӧ CD вылын лэдзис «Бомба-Мьюзик» фирма 2009 воын[17]. 2016 воын саундтрек вӧлі йӧзӧдӧма винил Ыджыд Британияын «Earth» лейблын[18], 2019 воын — «Бомбой-Мьюзик» рӧма винил вылын[19].

2009 вося «Бомба-Мьюзик»
№ НимКывъясысВокал Кузьта
1. «Увертюра» (инструментал)   2:43
2. «Со мною вот что происходит» Евгений ЕвтушенкоС. Никитин 2:28
3. «Надежда» (инструментал)   4:24
4. «В ожидании Нового года» (инструментал)   1:14
5. «Никого не будет в доме» Борис ПастернакАлла Пугачёва 2:17
6. «Снег над Ленинградом» (инструментал)   2:45
7. «По улице моей который год» Белла Ахмадулина  2:48
8. «На Третьей улице Строителей» (инструментал)   1:15
9. «На Тихорецкую состав отправится» Михаил ЛьвовскийА. Пугачёва 1:29
10. «С Новым годом!» (инструментал)   2:46
11. «Мне нравится, что Вы больны не мной…[20]» Марина ЦветаеваА. Пугачёва 1:35
12. «Если у вас нету тёти (Ария московского гостя)» Александр АроновС. Никитин 1:53
13. «Последний вальс» (инструментал)   1:45
14. «Хочу у зеркала спросить» М. Цветаева  1:36
15. «Я спросил у ясеня» Владимир КиршонС. Никитин 3:08
16. «Баллада о прокуренном вагоне» Александр КочетковА. Мягков и В. Талызина 4:26
17. «Мелодия» (инструментал)   4:33
41:03

2014 воын «Серебряный дождь» радиостанция пыртіс киносьыс сьыланкывъяса пластинкасӧ аслас «50 культовых пластинок фирмы „Мелодия“» лыддьӧгӧ [21].

Кино премьера

1976 вося тӧвшӧр тӧлысь 1 лунӧ 18 часын «Медводдза канал» серти вӧлі премьера. Фёдор Раззаковлӧн кывъяс серти, премьерасӧ видзӧдісны 100 миллион морт[22]. 1976 вося урасьӧм тӧлысь 7-ӧд лунӧ выльысь петкӧдлісны. Фильмлысь дженьдӧдӧм вариантсӧ петкӧдлісны и кинотеатръясын, кӧні картинаыс сідзжӧ ёна воис сьӧлӧм вылас видзӧдысьяслы. Сэні сійӧс видзӧдіс 7 миллион гӧгӧр морт[23][24].

Наградаяс

• 1976 — «Советский экран» журнал лыддьысысьяс шуисны «Ирония судьбы…» киносӧ вося медбур киноӧн.
• 1976 — «Советский экран» журнал шуис Андрей Мягковӧс СССР-са медбур актёрӧн [25]
• 1977 — СССР-са Канму премия сетісны режиссёр Эльдар Рязановла, Андрей Мягковлы и Барбара Брыльскалы, композитор Микаэл Таривердиевлы, оператор Владимир Нахабцевлы, сценарий гижысь Эмиль Брагинскийлы.

DVD вылын релиз

DVD вылын релизсӧ вӧчис «Флагман-Трейд» компания 2009 вося ӧшым тӧлысь 10-ӧд лунӧ[26].

Водзӧ нуӧдӧм

Киносӧ водзӧ нуӧдісны, и сылӧн «Ирония судьбы. Продолжение» петіс 2007 вося ӧшым тӧлысьын, да пыр жӧ лои кассаса хитӧн да чукӧртіс 55 миллионысь унджык доллар ( кино снимайтан бюджетыс вӧлі сӧмын 5 миллион доллар). Женя Лукашинлӧн да Надя Шевелевалӧн верстьӧ челядьыс (Константин Хабенский да Елизавета Боярская) сюрисны бать-мамыскӧд ӧткодь ситуацияӧ[27].

Андрей Мягков кӧть и снимайтчис, но бӧръяпомыс висьталіс, мый каитчӧ да абу дӧвӧлен кинонас[28].

Пасйӧдъяс

  1. ↑ Фильм Ирония судьбы, или С лёгким паром!: смотреть онлайн в хорошем качестве, фото, видео - Вокруг ТВ. (англ.). Вокруг ТВ. Шыӧдчан кадпас: 26 вӧльгым тӧлысь 2019.
  2. ↑ 1 2 3 4 Ирония судьбы - главный новогодний фильм СССР и России. Рассказываем историю его создания // Правила жизни : журнал. — 2021. — 31 ӧшым тӧлысь.
  3. ↑ 1 января исполняется 40 лет со дня премьеры комедии «Ирония судьбы, или С легким паром!» (рус.). ТАСС.
  4. ↑ Frederick Edwin Ian Hamilton, Kaliopa Dimitrovska Andrews, Nataša Pichler-Milanović. Transformation Of Cities In Central And Eastern Europe. — New York: UN University Press, 2005. — С. 159. — ISBN 9280811053 (pbk.).
  5. ↑ Рязанов Э. А. Старики-разбойники. — АСТ, Зебра Е, 2008. — С. 151—232. — 688 с. — ISBN 978-5-17-048780-6. — ISBN 978-5-94663-535-6.
  6. ↑ Александр Мельман. Преображения Жени Лукашина: оказался на обочине, но в глазах надежда. Маленький человек. Московский комсомолец (14 рака тӧлысь 2023).
  7. ↑ В пьесе, по которой снят фильм, указано имя и отчество мамы Нади — Ольга Николаевна, — а в самом фильме — нет.
  8. ↑ 1 2 3 Галина Глазко. Необычные факты создания фильма «Ирония судьбы, или С легким паром!» // Спорт-экспресс : сайт. — 2021. — 31 ӧшым тӧлысь.
  9. ↑ 10 интересных фактов о фильме «Ирония судьбы, или С лёгким паром!» // Дом кино : журнал. — 2017. — 25 ӧшым тӧлысь.
  10. ↑ Самый новогодний фильм увековечен мемориальной доской, РБК. Шыӧдчан кадпас: 18 вӧльгым тӧлысь 2024.
  11. ↑ "Ирония судьбы" обзавелась памятными досками на местах съемок, РИА Новости (20071229T1430). Шыӧдчан кадпас: 18 вӧльгым тӧлысь 2024.
  12. ↑ Вандалы украли памятную табличку, посвященную фильму "Ирония судьбы" – Москва 24, 24.07.2013 (рус.). www.m24.ru. Шыӧдчан кадпас: 18 вӧльгым тӧлысь 2024.
  13. ↑ Со стены дома, где снимали «Иронию судьбы», украли памятную табличку (рус.). Шыӧдчан кадпас: 18 вӧльгым тӧлысь 2024.
  14. ↑ Женский портал: 10 актёров, которые могли бы сыграть в «Иронии судьбы, или С лёгким паром!»
  15. ↑ Павел Соседов. Анна Герман: Почему она любила высоких мужчин? // 7дней.ру : сайт. — 2023. — 2 сора тӧлысь.
  16. ↑ Музыка из кинофильмов «Ольга Сергеевна», «Ирония судьбы» на сайте Discogs
  17. ↑ Ирония судьбы или С лёгким паром! на сайте Discogs
  18. ↑ Tariverdiev – The Irony Of Fate (Original Score) на сайте Discogs
  19. ↑ Ирония судьбы или С лёгким паром! BoMB033-907 LP на сайте Discogs, аннотация
  20. ↑ «Мне нравится, что вы больны не мной» Цветаевой — любовный треугольник. pishi-stihi.ru. Шыӧдчан кадпас: 26 вӧльгым тӧлысь 2019. Архивируйтӧма 8 лӧддза-номъя тӧлысь 2021.
  21. ↑ 50 культовых пластинок фирмы «Мелодия» | Серебряный Дождь (рус.). web.archive.org. Шыӧдчан кадпас: 18 вӧльгым тӧлысь 2024.
  22. ↑ Почти рождественская История Архивса копия 25 рака тӧлысь 2013 Wayback Machine ресурсын. market.umh.ua.
  23. ↑ 40 лет с «Иронией» - Газета.RU. Газета.RU.
  24. ↑ Киностальгия «Ирония судьбы, или с лёгким паром», часть 3 - Пятый канал. Пятый канал. Шыӧдчан кадпас: 2 тӧвшӧр тӧлысь 2020.
  25. ↑ История, рассказанная в "Иронии судьбы, или С легким паром!", реальна. в 60-х годах 31 декабря композитор Никита Богословский решил пошутить: пьяного товарища отвезли на вокзал и с 15 копейками в кармане отправили в Киев. Факты и комментарии (10 тӧвшӧр тӧлысь 2007). Шыӧдчан кадпас: 26 вӧльгым тӧлысь 2019. Архивируйтӧма оригинала 21 моз тӧлысь 2009 года.
  26. ↑ Ирония судьбы, или С легким паром! (ТВ, 1975) (рус.). www.kinopoisk.ru. Шыӧдчан кадпас: 18 вӧльгым тӧлысь 2024.
  27. ↑ Анна ВЕЛИГЖАНИНА. «Ирония судьбы»: Брыльска не хотела целоваться с Яковлевым, а Боярская - с Хабенским // Комсомольская правда : сайт. — 2007. — 27 ӧшым тӧлысь.
  28. ↑ Алина Минеева. «Не одобряю»: Андрей Мягков против «Иронии судьбы» // газета.ru : сайт. — 2018. — 25 ӧшым тӧлысь.

Литература

• Александра Маянцева; Николай Калашников.: История культового фильма «Ирония судьбы»: Рязанов снимал Москву и Санкт-Петербург в соседних столичных дворах. Комсомольская правда (26 ӧшым тӧлысь 2008).
• Лесскис Н. Фильм «Ирония судьбы…»: От ритуалов солидарности к поэтике изменённого сознания // Новое литературное обозрение. — 2005. — № 76.
• Рязанов, Э. А. Старики-разбойники. — АСТ; Зебра Е, 2008. — С. 151—232. — 688 с. — ISBN 978-5-17-048780-6. — ISBN 978-5-94663-535-6.
• Наталья Радулова: «Выключить Женю Лукашина».

Ыстӧгъяс

• «Ирония судьбы, или С лёгким паром!» на сайте «Мосфильма»
• 1 января исполняется 40 лет со дня премьеры комедии «Ирония судьбы, или С лёгким паром!» archive.is (31 ӧшым тӧлысь 2015).

Босьтӧма "https://kv.ruwiki.ru/w/index.php?title=Ирония_судьбы,_или_С_лёгким_паром!&oldid=482218"-ысь