Истомина Анна Юрьевна
| Истомина Анна Юрьевна | |
|---|---|
 | |
| Чужан лун | 1964-ӧд вося урасьӧм тӧлысь 17-ӧд лун (62 арӧс) |
| Чужанін | |
| Страна | |
| Мыйся уджыс | гижысь, редактор, поэт |
Истомина Анна Юрьевна (1964-ӧд вося урасьӧм тӧлысь 17-ӧд лун, Кудымкар, Перым обласьт[d]) — перым коми гижысь.
Олантуй
Анна Истомина чужӧма 1964 вося урасьӧм тӧлысь 17-ӧд лунӧ Кудымкарын. Кудымкарса 8 №-а шӧр школа помалӧм бӧрын уджалӧма заводын. Уджысь орӧдчытӧг 1984 воын помалӧма Перым-Коми видз-му овмӧс техникум да 1991 воын А.М. Горький нима литература институт.
1993—2005 воясын вӧлӧма челядьлы «Силькан» журналса шӧр редакторӧн. 2004—2007 воясын веськӧдлӧма Перым-Коми кытшса гижысь котырӧн[1].
2020 восянь олӧ Перым карын.
Гижан удж
Медводдза гижӧдсӧ йӧзӧдлӧма 1981 воын «Парма» газетын. Гижӧдъясыс петавлӧмаӧсь «Литературная Россия» газетын, Перым обласьтса да мукӧд регионса газет-журналъясын, ӧтувъя сборникъясын.
Йӧзӧдӧма 7 асшӧр небӧг. Анна Истомина, ас гижӧм кындзи, уна вуджӧдчӧ перым коми кыв вылӧ[2].
1994 восянь пырӧ Россияса гижысь котырӧ.
Небӧгъяс
• Нимлун Кудымкар, 1986.
• Вуджжез и борддэз Кудымкар, 1991.
• Чочком кайез Кудымкар, 1994
• Страна Абу Кудымкар, 1997
• Нія локтасӧ Кудымкар, 2003.
• Загадка чуди, или О чём рассказывают коми-пермяцкие предания и лексика, географические названия и фамилии Урала Кудымкар, 2005
• Мальчик из зеркала Кудымкар, 2008
Наградаяс
М. А. Кастрен котырлӧн (Финляндия) литературнӧй премия — «Чочком кайез» («Белые птицы») кык кывъя сборникысь (1997 во).
Семья
Верӧсыс — поэт Истомин Аркадий Степанович, нывныс — сьылысь Полина Истомина.
Пасйӧдъяс
- ↑ Истомина Анна Юрьевна (рус.). Коми-пермяцкая национальная библиотека им. М.П. Лихачёва. Шыӧдчан кадпас: 28 йирым тӧлысь 2025.
- ↑ «…Коми-пермяцкий язык очень богат энергетически…» (рус.). Парма-Новости (29 ӧшым тӧлысь 2024). Шыӧдчан кадпас: 28 йирым тӧлысь 2025.
Литература
Гордость Пармы: Биографический справочник. – Кудымкар: Коми-Пермяцкое книжное издательство, 2008. – С. 70.
Коми-пермяцкие писатели: Биографический справочник для образовательных учреждений. В 2 ч. Часть I. / Авт.-сост.: Н. А. Мальцева. – Кудымкар, 2006. – С. 15–16.