Канму службаӧ да веськӧдлыны велӧдан Коми Республикаса академия

Босьтӧма Рувикиысь
Видлалӧм гижӧд
Коми республиканская академия государственной службы и управления
(КРАГСиУ)
Канму службаӧ да веськӧдлыны велӧдан Коми Республикаса академия
Канму службаӧ да веськӧдлыны велӧдан Коми Республикаса академия
Войтыркостса ним The Komi Republican Academy Of State Service And Administration
Важ ним Коми кадрӧвӧй шӧрин
Лӧсьӧдан во 1992 во
Вежӧма сетӧма академия статус
Вежан во 1996 во
Сикас канму
Ректор Квашнёва Алёна Егоровна
Докторъяс 2
Велӧдысьяс 28
Юридическӧй инпас 167000, Коми Республика, Сыктывкар, Коммунистическӧй ул., 11 к.
Сайт krags.ru

Канму службаӧ да веськӧдлыны велӧдан Коми Республикаса академия (рочӧн Коми республиканская академия государственной службы и управления) — Коми Республикаын ӧти региональнӧй вылыс тшупӧда велӧдчанін [1].

История[вежны | Вежны кодировкаын]

«Коми АССР-ын канмуса служащӧйясӧс, юрнуӧдысь уджалысьясӧс да рыночнӧй экономикаса специалистъясӧс дасьтӧм котыртӧм йылысь» Коми ССР-са министръяс Сӧветлӧн 1992.03.09 лунся 112 №-а шуӧмӧн вӧлі вынсьӧдӧма Коми республиканскӧй отрасльяскостса кадрӧвӧй шӧринлысь подув да сійӧс уджӧданног.

Нинӧмсянь заводитӧмӧн вит во чӧжӧн Шӧринса уджалысьяс вӧчисны вывті уна. Тайӧ уджыс сетіс позянлун республиканскӧй да муниципальнӧй власьт органъясын экономика да инӧд юкӧнын быдтыны выль сикас веськӧдлысьясӧс, кодъясӧс бура дасьтӧма делӧвӧй общение психология юкӧнын, кодъяс кужӧны сувтӧдны ас водзас могсӧ да аддзыны сійӧс олӧмӧ пӧртӧмын петан туй. Республикалысь кадръяс быдтан водзӧ воськолӧн лоис кадрӧвӧй шӧрин выль ног вӧчӧм. Сійӧ лоис ӧніяыслы лӧсялана материально-техническӧй подула велӧдан тэчасӧн, кӧні кутісны дасьтыны уна сикас уджсикас да удж серти специалистъясӧс. Тайӧ сетіс позянлун Коми Республикаса Юралысьлӧн 1996.04.18 лунся 107 №-а Индӧд серти вӧчны сійӧс Коми Республикаса Юралысь бердын Канму службаӧ да веськӧдлыны велӧдан Коми Республикаса академияӧн.

Академиялӧн медводдза ректорӧн лоис философия наукаяс кандидат Валентина Николаевна Котельникова, коді водзті юрнуӧдліс Коми кадрӧвӧй шӧринӧн. Академия водзӧ вӧлі сувтӧдӧма мог - дасьтыны, выльысь велӧдны канму службаса уджалысьясӧс да содтыны налысь квалификациясӧ, а сідзжӧ могмӧдны Коми Республикаын канму службаӧс учебно-методическӧй, научнӧй да информационно-аналитическӧй материалӧн. Татшӧм специализацияяс, кыдзи «Канму служба системаын персоналӧн веськӧдлӧм», «Административнӧй веськӧдлӧм», «Экономикаӧн канмусянь веськӧдлӧм», «Канму служба», «Муниципальнӧй веськӧдлӧм», мыйясӧс вӧзйис академия, эз вӧвны Коми Республикаса некутшӧм вузын. Академияын нуӧдісны и веськӧдлысь кадръясӧс дасьтан юкӧнын научнӧй удж. Вӧлі видлалӧма «Кадрӧвӧй политика да канмусянь веськӧдлӧмлӧн бурлун (федерация субъектлӧн пример вылын)» научнӧй тема [2].

Ӧні тані велӧдӧны бакалавриат татшӧм нырвизьяс серти: канму да муниципальнӧй веськӧдлӧм, менеджмент, экономика, документоведение да архивоведение, персоналӧн веськӧдлӧм, юриспруденция, суйӧрсайса регион туялӧм; магистратура татшӧм нырвизьяс серти: канму да муниципальнӧй веськӧдлӧм да юриспруденция. 2024 воын выльысь заводитісны босьтны велӧдчысьясӧс "Регион да отраслевӧй экономика", "Менеджмент" да "Канму да муниципальнӧй веськӧдлӧм" аспирантура уджтасъяс вылӧ[3].

Академия талун — дзик ӧти региональнӧй вылыс тшупӧда велӧдчанін. Бур тӧдӧмлунъяс тані босьтӧны лицензионнӧй корӧмъяс серти лӧсьӧдӧм библиотека да компьютернӧй классъясын, кытчӧ сувтӧдӧма ӧнія техника да став колана уджтас продуктсӧ, кӧні позьӧ пырӧдчыны электроннӧй библиотечнӧй системаясӧ да юӧр базаясӧ.

Ректоръяс[вежны | Вежны кодировкаын]

Литература[вежны | Вежны кодировкаын]

  • Минаева Н. В. Подготовка управленческих кадров в Республике Коми (середина 1980-х – 1990-е гг.): исторический опыт: дисс. … канд. ист. наук. - Чебоксары, 2009. - 337 с.
  • Котельникова В.Н. Стратегический вуз Республики. Основано на воспоминаниях первого ректора Академии госслужбы. - Сыктывкар: ГОУ ВО КРАГСиУ, 2021. - 291 с.

Ӧшмӧсъяс[вежны | Вежны кодировкаын]