Нестерова Нина Александровна
| Нестерова Нина Александровна | |
|---|---|
| Чужан лун | 1965 вося урасьӧм тӧлысь 18 лун |
| Чужанін | Кӧрткерӧс сикт, Коми Республика |
| Кулан лун | 2017 вося ӧшым тӧлысь 21 лун |
| Куланін | |
| Страна | |
| Мыйся уджыс | историк |
Нестерова Нина Александровна (1965 вося урасьӧм тӧлысь 18-ӧд лун, Кӧрткерӧс—2017 вося ӧшым тӧлысь 21-ӧд лун, Петыркар) — коми историк, общественнӧй да каналан удж вӧчысь.
Олантуй
Нина Нестерова чужӧма 1965 вося урасьӧм тӧлысь 18-ӧд лунӧ Кӧрткерӧс сиктын.
1987 воын помалӧма Коми канмуса педагогика институт, босьтӧма «Физика и математика» специальносьт серти диплом.
1987—1980 воясӧ велӧдӧма математика Кӧрткерӧс районса Каляты шӧр школаын.
1988—1991 воясӧ секретаралӧма ВЛКСМ-лӧм Кӧрткерӧс райкомын. 1991—1992 воясын вӧлӧма Кӧрткерӧс райисполкомын том йӧз делӧяс серти отделса веськӧдлысьӧн. 1992—1993 воясын Том йӧзлӧн Коми котырса рескомын организационнӧ-общӧй юкӧнын веськӧдлысь (Сыктывкар). 1993 воын — Коми Республикаса том йӧзлӧн канму комитетын медшӧр специалист.
1995 воын помалӧма Рытыв-Войвыв канму службаӧ велӧдан академия («Канму да муниципальнӧй веськӧдлӧм»).
1993—1997 воясын — Коми Республикаса национальносьтъяслӧн делӧяс серти министерствоын ведушӧй да медшӧр специалист.
1997—2000 воясын — Коми Республикаын Россия Федерацияса Президентлӧн полномочнӧй представитель аппаратын специалист-эксперт (Сыктывкар).
2001-ӧд восянь 2010 воӧдз уджалӧ Сыктывкарса канму университетын: фин-йӧгра пакультетса регионоведение кафедраын старшӧй преподаватель да кафедраса веськӧдлысьлысь уджвӧчысь, деканлысь уджвӧчысь; содтӧд профессиональнӧй велӧдчӧм институтын социально-культурнӧй сервис да туризм шӧринын веськӧдлысь; экономика да сервислӧн менеджмент кафедраын доцент, веськӧдлан пакультетса деканӧс вежысь; университетса международнӧй юкӧнын начальник.
2010—2011 воясын вӧлӧма Коми Республикаса велӧдӧм министрӧс вежысьӧн.
2011 восянь 2015 воӧдз веськӧдліс Канму службаӧ да веськӧдлыны велӧдан Коми Республикаса академияӧн: медводз ректорлысь уджвӧчысь, а сэсся ректор.
2015 вося кӧч тӧлысьӧ пырӧдчӧма республикаса парламентӧ бӧрйысьӧмъясӧ да лоӧма VI созывса депутатӧн. 2015 вося йирым тӧлысь 15-ӧд лунӧ сійӧс бӧрйӧмаӧсь Коми Республикаса Каналан Сӧветын оланпас да асвеськӧдлан комитетса веськӧдлысьӧн[2].
Кулӧма 2017 вося ӧшым тӧлысь 21-ӧд лунӧ Петыркарын [3][4]. Сыктывкарын колльӧдчӧм бӧрын гуалӧма Кӧрткерӧс шойнаын ӧшым тӧлысь 25-ӧд лунӧ[5].
Общественнӧй удж
Уна во чӧж пырис «Коми войтыр» ӧтмунӧмса Исполкомӧ, Коми Республикаса вужвойтыр аньяслӧн котырӧ.
Наградаяс
• Коми Республикаса велӧдӧм министерстволӧн Почёт грамота (2011),
• Коми Республикаса Почёт грамота (2013),
• Туризмысь федеральнӧй агентствоса Почёт грамота (2013),
• «Коми Республикалы бур уджысь» торъялана пас (2015),
• Коми Республикаса каналан сӧветлысь Аттьӧалӧм (2017).