Коми Республикаса Почёта гражданин
| Коми Республикаса Почёта гражданин | |
|---|---|
 |
|
| Канму | |
| Сикас | почёт ним[d] |
| Статистика | |
| Лӧсьӧдан кадпас | 2011-ӧд вося рака тӧлысь 1-ӧд лун |
Коми Республикаса Почёта гражданин (рочӧн Почётный гражданин Республики Коми) — Коми Республикаса медвылыс почёт ним, Коми Республикаса канму награда (2011 восянь).
История
«Почёта гражданин» Коми Республикаса медвылыс почёт ним сетӧны Коми Республикаӧс социальнӧй да экономика боксянь сӧвмӧдӧмын, мортлысь инӧдъяс дорйӧмын, йӧзлысь олӧм да дзоньвидзалун видзӧмын, йӧзкотырын мир да ӧтсӧгласлун ёнмӧдӧмын торъя тӧдчана заслугаясысь; Коми Республикаӧс сӧвмӧдны да нимӧдны, Россия Федерацияын да суйӧрсайын сылысь тӧдчанлунсӧ кыпӧдны отсалӧмысь.
Тайӧ почёт нимсӧ вӧлі вынсьӧдӧма «Коми Республикаын наградаяс да ошкӧмъяс йылысь» 2011 во рака тӧлысь 1 лунся 17-РЗ №-а Коми Республикаса оланпасӧн[1].
Сетанног
«Почёта гражданин» Коми Республикаса медвылыс почёт ним сетӧ Коми Республикаса Юралысь. «Почёта гражданин» медвылыс почёт ним сетан пӧрадоксӧ да условиеяссӧ урчитӧ Коми Республикаса Юралысь.
Коми Республикаса Юралысь ыстӧ Коми Республикаса Каналан Сӧветӧ «Почёта гражданин» Коми Республикаса медвылыс почёт ним сетӧм вылӧ кандидатъяс вылӧ документъяссӧ йӧзкотырлысь видзӧдлассӧ тӧд вылӧ босьтӧмӧн. «Почёта гражданин» Коми Республикаса медвылыс почёт ним сетӧм вылӧ кандидатураяс индӧм кузя ӧтйӧза видзӧдлас тӧдмалан да видлалан пӧрадоксӧ урчитӧ Коми Республикаса Юралысь.
Коми Республикаса Каналан Сӧвет видлалӧ «Почёта гражданин» Коми Республикаса медвылыс почёт ним сетӧм вылӧ кандидатураяссӧ Коми Республикаса Каналан Сӧветӧн урчитӧм пӧрадок серти да мӧдӧдӧ вӧзйӧмъяссӧ Коми Республикаса Юралысьлы.
«Коми Республикаса Почёта гражданин» почёт нима мортлысь овсӧ, нимсӧ, вичсӧ пасйӧны Коми Республикаса Почёт небӧгӧ[2]. Коми Республикаса Почёт небӧглысь образецсӧ да сійӧс нуӧдан пӧрадоксӧ вынсьӧдӧ Коми Республикаса Юралысь.
Йӧзлы, кодъяслы сетӧма «Коми Республикаса Почёта гражданин» почёт ним, сетӧны «Коми Республикаса Почёта гражданин» морӧсвыв пас да почёт ним сетӧм йылысь эскӧданпас. «Коми Республикаса Почёта гражданин» морӧсвыв паслысь образецсӧ да гӧгӧрвоӧдӧмсӧ, а сідзжӧ «Коми Республикаса Почёта гражданин» почёт ним сетӧм йылысь эскӧданпаслысь образецсӧ вынсьӧдӧ Коми Республикаса Юралысь.
«Коми Республикаса Почёта гражданин» почёт ним позьӧ сетны кувсьӧм бӧрын. Та дырйи «Коми Республикаса Почёта гражданин» морӧсвыв пас да наградитӧм йылысь документъяс сетӧны кувсьӧм мортлӧн наследникъяслы.
Видзӧдӧй тшӧтш
Коми Республикаса Почёта гражданинъяс
Литература
• Методические рекомендации по оформлению представлений к награждению государственными и иными наградами Республики Коми
• Коми Республикаса Почёт небӧг