Коми Республикаса Почёт грамота
| Коми Республикаса Почёт грамота | |
|---|---|
 |
|
| Канму | |
| Сикас | награда[d] |
| Статистика | |
| Лӧсьӧдан кадпас | 1994-ӧд вося йирым тӧлысь 24-ӧд лун |
Коми Республикаса Почёт грамота (рочӧн Почётная грамота Республики Коми) — Коми Республикаса канму награда.
История
Тайӧ наградасӧ медводз вӧлі вынсьӧдӧма «Коми Республикаса канму наградаяс йылысь» 1994 во йирым тӧлысь 24-ӧд лунся 1-РЗ №-а Коми Республикаса оланпасӧн[1]. Тшӧтш вынсьӧдӧма «Коми Республикаын наградаяс да ошкӧмъяс йылысь» 2011 во урасьӧм тӧлысь 17-ӧд лунся Коми Республикаса оланпасӧн[2].
Коми Республикаса Почёт грамота сетӧны Коми Республикалы бур вылӧ уджалӧмысь, сылӧн олысьяслысь олӧм бурмӧдӧмысь, оланпас да общественнӧй пӧрадок ёнмӧдӧмысь. Почёт грамотасӧ сетӧны гражданалы, кодъяслӧн эм нин Коми Республикаса нимъяс, либӧ кодъяслы сетӧма Коми Республикаса отличие пасъяс, либӧ федеральнӧй канму власьт органъяслӧн ведомствоса наградаяс, либӧ Коми Республикаса канму власьт органъяслӧн, Коми Республикаса канму органъяслӧн ведомствоса наградаяс, либӧ меставывса асвеськӧдлан органъяслӧн наградаяс.
Коми Республикаса Почёт грамотаӧн вермӧны наградитны уджалан котыръясӧс, кодъяс 5 во чӧжӧн зумыда шедӧдісны производственнӧй либӧ мукӧд уджын ыджыд вермӧмъяс.
Сетанног
Коми Республикаса Почёт грамота сетанногсӧ да условиеяссӧ урчитӧ Коми Республикаса Юралысь.
Наградитӧмаяслы сетӧны урчитӧм образеца Коми Республикаса Почёт грамота. Коми Республикаса Почёт грамоталысь образецсӧ вынсьӧдӧ Коми Республикаса Юралысь.
Видзӧдӧй тшӧтш
• Коми Республикаса почёт нимъяс
Литература
Коновалова М. Почётные звания Республики Коми // Республика Коми: энциклопедия: в 3-х т. — Сыктывкар: Коми кн. изд-во, 1999. — Т. 2. — С. 495.