Коми Республикаса почёт нимъяс
Коми Республикаса почёт нимъяс (рочӧн Почётные звания Республики Коми) — Коми Республикаын лӧсьӧдӧм канму наградаяс, мый сетӧ Коми Республикаса Юралысь аслас индӧдӧн торъя бура уджалӧмысь да Коми Республикаын олысьяс водзын торъя заслугаясысь[1].
История
Коми Республикаса почёт нимъясӧдз вӧліны Коми АССР-са почёт нимъяс.
«Коми Республикаса канму наградаяс йылысь» Коми Республикаса оланпас серти, мый вӧлі кырымалӧма 1994 вося йирым тӧлысь 13-ӧд лунӧ[2], лӧсьӧдӧма со кутшӧм почёт нимъяс:
• Коми Республикаса нимйӧза артист;
• Коми Республикаса нимйӧза гижысь;
• Коми Республикаса нимйӧза кывбуралысь;
• Коми Республикаса нимйӧза серпасалысь;
• Коми Республикаса нимйӧза мастер;
• Коми Республикаса нимӧдана уджалысь.
2011 воын оланпассӧ вӧлі вежӧма[3] и содтӧма почёт ним лыдсӧ:
• «Почёта гражданин» Коми Республикаса медвылыс почёт ним;
• «Коми Республикаса уджвывса герой» Коми Республикаса медвылыс почёт ним;
• Коми Республикаса нимйӧза артист;
• Коми Республикаса нимйӧза гижысь;
• Коми Республикаса нимйӧза кывбуралысь;
• Коми Республикаса нимйӧза серпасалысь;
• Коми Республикаса нимӧдана уджалысь.
Таысь кындзи, вӧліны пыртӧмаӧсь татшӧм нимъяс:
• «Коми Республикаса почёта архитектор»;
• «Коми Республикаса почёта врач»;
• «Коми Республикаса почёта геолог»;
• «Коми Республикаса искусствоын почёта уджалысь»;
• «Коми Республикаса наукаын почёта уджалысь»;
• «Коми Республикаса почёта вӧр лэдзысь»;
• «Коми Республикаса почёта кӧр видзысь»;
• «Коми Республикаса горноруднӧй промышленносьтын почёта уджалысь»;
• «Коми Республикаса туй юкӧнын почёта уджалысь»;
• «Коми Республикаса оланін да коммунальнӧй овмӧсын почёта уджалысь»;
• «Коми Республикаса йӧзлысь дзоньвидзалун видзан юкӧнын почёта уджалысь»;
• «Коми Республикаса культураын почёта уджалысь»;
• «Коми Республикаса вӧр промышленносьтын почёта уджалысь»;
• «Коми Республикаса мусир да биару промышленносьтын почёта уджалысь»;
• «Коми Республикаса йӧзӧс велӧдан юкӧнын почёта уджалысь»;
• «Коми Республикаса связьын почёта уджалысь»;
• «Коми Республикаса видз-му овмӧсын почёта уджалысь»;
• «Коми Республикаса олысьясӧс социальнӧя доръян юкӧнын почёта уджалысь»;
• «Коми Республикаса вузасьӧмын почёта уджалысь»;
• «Коми Республикаса транспортын почёта уджалысь»;
• «Коми Республикаса мортӧс ёнмӧдан юкӧнын почёта уджалысь»;
• «Коми Республикаса почёта стрӧитчысь»;
• «Коми Республикаса почёта тренер»;
• «Коми Республикаса почёта велӧдысь»;
• «Коми Республикаса почёта финансист»;
• «Коми Республикаса почёта шахтёр»;
• «Коми Республикаса почёта эколог»;
• «Коми Республикаса почёта экономист»;
• «Коми Республикаса почёта энергетик»;
• «Коми Республикаса почёта юрист».
Почёт наградаяссӧ сетӧ Коми Республикаса Юралысь. Та могысь сійӧ кырымалӧ индӧд, мый колӧ быть йӧзӧдны.
Пасйӧдъяс
- ↑ Коновалова М. Почётные звания Республики Коми // Республика Коми. Энциклопедия. Том II. — Сыктывкар: Коми книжное издательство, 1999. — С. 495.
- ↑ Закон Республики Коми от 24 октября 1994 года N 1-РЗ «О государственных наградах Республики Коми» (рус.). Шыӧдчан кадпас: 27 йирым тӧлысь 2025.
- ↑ Закон Республики Коми от 17 февраля 2011 года «О наградах и поощрениях в Республике Коми» (В редакции Закона Республики Коми от 27.06.2011 г. № 58-РЗ; от 02.04.2012 г. № 25-РЗ; от 27.06.2013 г. № 64-РЗ; от 28.10.2014 г. № 124-РЗ; от 27.04.2015 г. № 33-РЗ; от 02.11.2015 г. № 86-РЗ; от 04.04.2016 г. № 26-РЗ; от 20.06.2016 г. № 63-РЗ) (рус.). Шыӧдчан кадпас: 27 йирым тӧлысь 2025.