Коми Республикаса вужвойтыр аньяс
| Коми Республикаса вужвойтыр аньяс | |
|---|---|
 | |
| Лӧсьӧдӧма | 2003 воын |
| Сайт | РОД "КОРЕННЫЕ ЖЕНЩИНЫ РЕСПУБЛИКИ КОМИ" |
| Юридическӧй инпас | 167000, Коми Республика, Сыктывкар, Бабушкин ул., 31. |
«Коми Республикаса вужвойтыр аньяс» (рочӧн Коренные женщины Республики Коми) — Коми Республикаын ӧтйӧза ӧтмунӧм. Уджалӧ 2003 вося урасьӧм тӧлысь 18-ӧд лунсянь.
Могъяс да уджалан нырвизьяс
Ӧтмунӧмлӧн медшӧр могъясӧн лоӧны:
• водзмӧстчыны Коми Республикаса вужвойтыр аньяслӧн уджын, кыпӧдны республикаса политическӧй, социально-экономическӧй олӧмын налысь тӧдчанлунсӧ, тӧдчанлунсӧ;
• сӧвмӧдны регионъяскостса да войтыркостса йитӧдъяс, кодъяс отсалӧны бурмӧдны республикаын нывбабаяслысь олӧмсӧ;
• дорйыны сиктса аньяслысь водзмӧстчӧмъяс;
• дасьтыны нывбабаяс пӧвстысь том лидеръясӧс;
• отсавны збыльмӧдны Коми Республикаса канму национальнӧй политика;
• сетны гражданалы, неправительственнӧй организацияяслы правовӧй, экономическӧй юалӧмъяс кузя консультацияяс.
Уджын шӧр нырвизьяс:
• сиктса нывбабаясӧс водзмӧстчӧдӧм, социальнӧй да экономика олӧмын налысь тӧдчанлунсӧ, тӧдчанлунсӧ кыпӧдӧм («Ань - сиктын кӧзяйка» республикаса конкурс, Сиктса аньяслӧн чукӧртчылӧм, асшӧр уджын участвуйтӧм, ӧтмунӧмса петкӧдланінъяслысь удж котыртӧм);
• меставывса асвеськӧдлӧм лӧсьӧдӧмлы да сӧвмӧдӧмлы отсалӧм (сиктса овмӧдчӧминъясын олысьяслы меставывса асвеськӧдлӧм сӧвмӧдӧм серти семинаръяс нуӧдӧм, гражданскӧй слушаниеяс нуӧдӧм, «Сиктса мутасъяс сӧвмӧдӧм» проект[1] да с.в. );
• республикаын сиктса нывбабаяслысь, семьялысь да челядьдырлысь олан качество тӧдмалӧм серти торъя туялӧмъяс нуӧдӧм;
• велӧдӧм да культура, челядьдыр, ичӧт бизнес сӧвмӧдан юкӧнын инновация проектъяс лӧсьӧдӧм да збыльмӧдӧм[2].
• сиктса йӧзлы правовӧй да психологическӧй отсӧг сетӧм (консультационнӧй правовӧй пунктъяслӧн удж, юӧмлы паныд удж нуӧдӧм[3], сиктса районъясӧ "социальнӧй десантӧн" ветлӧм);
• том йӧзкӧд удж (ыджыд классын велӧдчысьяслы да том йӧзлы мероприятиеяс котыртӧм);
• коми кывлысь функциональнӧй тӧдчанлунсӧ кыпӧдӧм (коми да роч кывъяс вылын чолӧмалана открыткаяс республикаса конкурс, открыткаяс йӧзӧдӧм);
• йӧзкостса прӧмыселъяс сӧвмӧдны отсалӧм[4];
• мукӧд общественнӧй организациякӧд ӧтувъя удж да ӧтувъя проектъяс збыльмӧдӧм сӧвмӧдӧм [5].
История
Нывбабаяс Коми муын пыр пырӧдчисны общественнӧй олӧмӧ, кӧть и разнӧй ногӧн. Сідз, Совет кадӧ тайӧ вӧліны сідз шусяна женсоветъяс. 1990-ӧд воясын Коми Республикаын нывбабаяс зэв зіля заводитісны пырӧдчыны общественнӧй юкӧнӧ. Тайӧ кадӧ вӧлі котыртӧма некымын организация: «Нывбабаяслӧн котыр» (1994 во), «Нывбабаяслӧн Палата» (1994 во) (найӧ 2007 воын ӧтувтчисны), «Россияса салдат мамъяслӧн комитет»-са Коми юкӧн да с.в.[6].
2003 вося урасьӧм тӧлысьын вӧлі котыртӧма асшӧр «Коми Республикаса вужвойтыр аньяс» ӧтмунӧм, коді ӧтувтіс 11 сиктса муниципалитетса аньясӧс. Юрнуӧдіс сійӧн Галина Алексеевна Князева.
Ӧтмунӧмлӧн медшӧр площадкаӧн лоӧ Коми Республикаса сиктса аньяслӧн чукӧртчылӧм (сход), кӧні видлавсьӧны сиктса районъяслӧн да республикалӧн олӧмын медся тӧдчана мытшӧдъяс. Сійӧс нуӧдӧны ӧтчыдысь 2 вонас.
Веськӧдлысьяс
• Князева Галина Алексеевна (2003 вося урасьӧм тӧлысь - 2024 вося косму тӧлысь);
• Саладина Татьяна Алексеевна (2024 вося косму тӧлысь - ӧнія кадӧдз)[7].
Инпас
167000, Коми Республика, Сыктывкар, Бабушкин ул., 31.
Контактын официал группа: РОД "КОРЕННЫЕ ЖЕНЩИНЫ РЕСПУБЛИКИ КОМИ".
Ыстӧгъяс
- ↑ Коренные женщины Коми вовлекают сельчан в развитие территорий
- ↑ Коренные женщины Республики Коми
- ↑ Галина Князева: «Мы не стремимся к матриархату, а следуем от «точки невозврата» к здоровому гражданскому обществу»
- ↑ Проект «Местные сообщества как ресурс устойчивого развития сельских территорий Республики Коми» стартовал в Прилузском районе
- ↑ РЕГИОНАЛЬНОЕ ОБЩЕСТВЕННОЕ ДВИЖЕНИЕ «КОРЕННЫЕ ЖЕНЩИНЫ РЕСПУБЛИКИ КОМИ»
- ↑ Спичак Г. Женское движение в Коми крае за 100 лет
- ↑ Татьяна Саладина, председатель Регсовета Партии СПРАВЕДЛИВАЯ РОССИЯ – ЗА ПРАВДУ в РК, возглавила общественное движение "Коренные женщины Республики Коми"