Саладина Татьяна Алексеевна
| Саладина Татьяна Алексеевна | |
|---|---|
 | |
|
| |
| 2025 — 2030 | |
| 2020 — 2025 | |
| 2015 — 2020 | |
| 2011 — 2015 | |
|
|
|
| Чужис |
1964-ӧд вося тӧвшӧр тӧлысь 28-ӧд лун (62 арӧс) |
Саладина Татьяна Алексеевна (1964 вося тӧвшӧр тӧлысь 28-ӧд лун, Коми АССР-са Луздор районлӧн Летка сикт) — Коми Республикаса Каналан Сӧветса депутат[1].
Олантуй
• Саладина Т. А. чужис 1964 вося тӧвшӧр тӧлысь 28-ӧд лунӧ Коми АССР-са Луздор районлӧн Летка сиктын.
• 1986 воын помаліс Сыктывкарса канму университет «Математика» специальносьт серти.
• 2005 воын помаліс Канму службаӧ да веськӧдлыны велӧдан Коми Республикаса академия «Канму да муниципальнӧй веськӧдлӧм» специальносьт серти.
Удж
• 1986 — 1987 вояс — Сӧветскӧй вузасян техникумын комсомольскӧй организацияса секретар (Сыктывкар);
• 1987 — 1990 вояс — ВЛКСМ-лӧн Октябрьскӧй райкомын, ВЛКСМ-лӧн Сыктывкарса горкомын школаяс кузя комсорг;
• 1990 — 1991 вояс — 43 №-а детсадйын воспитатель (Сыктывкар);
• 1991 — 1999 вояс — 26 №-а шӧр школаын математика велӧдысь, воспитательнӧй удж кузя завуч (Сыктывкар);
• 1999 — 2006 вояс — асшӧр уджалысь;
• 2006 — 2011 вояс — «Сыктывкар» кар кытшлӧн Сӧветса Веськӧдлысьӧс вежысь;
• 2011 — 2015 вояс — пырся подув вылын Коми Республикалӧн V созывса Каналан Сӧветса депутат;
• 2015 — 2020 вояс — Коми Республикаса Каналан Сӧветын оланін да коммунальнӧй овмӧс кузя пыр уджалысь комиссияӧн веськӧдлысь;
• Коми Республикаса VІІ созывса Каналан Сӧветын: 2020 вося кӧч тӧлысь 24-ӧд лунсянь 2023 вося моз тӧлысь 28-ӧд лунӧдз — Коми Республикаса Каналан Сӧветын оланін да коммунальнӧй овмӧс юалӧмъяс серти пыр уджалысь комиссияӧн веськӧдлысь. 2023 вося йирым тӧлыссянь пырся подув вылын Коми Республикалӧн Каналан Сӧветса депутат[1] .
• 2025 воын пырӧдчис Коми Республикаса Юралысьӧс бӧрйӧмӧ да лоис мӧдӧн, сы вӧсна кипасалісны 11,01 % морт[2].
• Коми Республикаса VІІІ созывса Каналан Сӧветын депутат да «Справедливая Россия» фракцияӧн юрнуӧдысь[3].
Бӧрйӧм органъяслӧн уджын участвуйтӧм
• 2003 — 2007 вояс — «Сыктывкар» муниципальнӧй юкӧнлӧн ІІ бӧръян Сӧветса депутат, Сӧветса Веськӧдлысьӧс вежысь (2006 восянь);
• 2007 — 2011 вояс — «Сыктывкар» кар кытшса муниципальнӧй юкӧнлӧн Сӧветса депутат, Сӧветса Веськӧдлысьӧс вежысь;
• 2011 — 2025 вояс — Коми Республикалӧн V, VI, VII созывса Каналан Сӧветса депутат.
Общественнӧй удж
• «Коми Республикаса вужвойтыр аньяс» дінмуса ӧтйӧза ӧтмунӧмлӧн Правлениеӧ пырысь, веськӧдлысь;
• «Справедливая Россия — Патриоты — За правду» ютырлӧн Коми Республикаын фракцияӧн веськӧдлысь[4][5];
• Сыктывкарса Максаковка, Гӧрд Затон да Сьӧдкыркӧтшса велӧдан учреждениеяслӧн (15 №-а шӧр школа, 1 №-а челядь керка, 9 №-а шӧр школа, 20 №-а шӧр школа) да йӧзӧс социальнӧя могмӧдан учреждениеяслӧн (Вермытӧм челядьлы да томуловлы И. П. Морозов нима республиканскӧй реабилитационнӧй шӧринлӧн, вежӧрнас кольччӧм челядьлы Кочпонса челядьлы керка-интернатлӧн, «Максаковка» республиканскӧй социально-оздоровительнӧй шӧринлӧн), «АРТ» республиканскӧй литературно-публицистическӧй, историко-культурологическӧй художественнӧй журналлӧн попечительскӧй сӧветъясӧ пырысь;
• 2019—2023 воясӧ — Россияса Рытыв-Войвыв Парламентскӧй ассоциациялӧн Войвыв да этша лыда войтырлӧн могъяс кузя комитетӧн веськӧдлысьӧс вежысь;
• 2020—2023 — Россияса Рытыв-Войвыв парламентскӧй ассоциациялӧн экономика политика да сьӧмкуд юалӧмъяс кузя комитетӧ пырысь;
• 2021-ӧд восянь — Россия Федерацияса Государственнӧй Думалӧн Национальносьтъяслӧн делӧяс комитет бердын Россия Федерацияса Войвылын, Сибирын да Ылі Асыввылын этша лыда вужвойтырлысь инӧдъяс оланпасӧн дорйӧм кузя уджалан котырӧ пырысь;
• 2024-ӧд восянь — Коми Республикаын войтыркостса да конфессиякостса йитӧдъяс ладмӧдӧм кузя сӧветлӧн Коми Республикаса Веськӧдлан котыр бердын войтыркостса юалӧмъяс серти уджалан котырӧ пырысь.
Наградаяс
• «Уджын отличиеысь» медаль (1986);
• Коми Республикаса йӧзӧс велӧдан министерстволӧн Почёт грамота (1997);
• «Сыктывкар» кар кытшса администрациялӧн Почёт грамота (2006);
• Коми Республикаса Каналан Сӧветлӧн Почёт грамота (2008, 2020);
• «2010 вося Ставроссияса йӧзӧс гижалӧм нуӧдӧмын заслугаясысь» медаль (2012);
• «Луздор» муниципальнӧй районса администрациялӧн Почёт грамота (2013);
• Коми Республикаса Каналан Сӧветлӧн аттьӧалӧм (2014);
• Коми Республикаса национальнӧй политика министерстволӧн Почёт грамота (2014, 2020);
• Россия Федерацияса Федеральнӧй Собраниелӧн Государственнӧй Думаса федеративнӧй тэчасног да меставывса асвеськӧдлан юалӧмъяс кузя комитетлӧн аттьӧалӧм (2015);
• Россия Федерацияса Федеральнӧй Собраниелӧн Государственнӧй Думаса депутат О. Н. Епифановалӧн аттьӧалана гижӧд (2018);
• Россия Федерацияса Федеральнӧй Собраниелӧн Федерация Сӧветлӧн Почёт грамота (2018);
• Коми Республикаса стрӧитчан, оланін да техническӧй дӧзьӧр (контроль) службалӧн Почёт грамота (2019);
• Коми Республикаса Почёт грамота (2019);
• Россия Федерацияса Федеральнӧй Собраниелӧн Государственнӧй Думаса оланін политика да оланін да коммунальнӧй овмӧс комитетлӧн аттьӧалӧм (2019);
• Коми Республикаса стрӧитчан да туй овмӧс министерстволӧн Почёт грамота (2020);
• «Коми Республикаын войтыркостса мир да ӧтсӧгласлун лӧсьӧдӧмӧ пай пуктӧмысь» морӧсвыв пас (2020).
• Коми Республикаса спорт да мортӧс ёнмӧдан министерстволысь аттьӧалана письмӧ (2022);
• «Сыктывкар» кар кытшса муниципальнӧй юкӧнлӧн Сӧветлӧн Почёт грамота (2024);
• «Коми Республикаса нимӧдана уджалысь» Коми Республикаса почёт ним (2025)[6].
Ыстӧгъяс
- ↑ 1 2 Саладина Татьяна Алексеевна
- ↑ Гольдштейн одержал победу на выборах главы Коми (рус.). РИА (15 кӧч тӧлысь 2025). Шыӧдчан кадпас: 30 кӧч тӧлысь 2025.
- ↑ Кто войдет в новый состав Госсовета Коми - полный список (рус.). Комиинформ (26 кӧч тӧлысь 2025). Шыӧдчан кадпас: 30 кӧч тӧлысь 2025.
- ↑ Саладина Татьяна Алексеевна
- ↑ Татьяну Саладину избрали председателем Справедливой России в Коми
- ↑ Татьяне Саладиной присвоено звание Заслуженный работник Республики Коми, СР. Шыӧдчан кадпас: 6 рака тӧлысь 2025.