Крокус Сити Холлын теракт (2024)

Босьтӧма Рувикиысь
«Крокус Сити Холлын» теракт
Сотчӧ «Крокус Сити Холл» концерт зал
Сотчӧ «Крокус Сити Холл» концерт зал
55°49′37″ с. ш. 37°23′21″ в. д.GЯO
Ин Москва обласьт, Красногорск, «Крокус Сити Холл»
Кадпас 2024 вося рака тӧлысь 22-ӧд лун
Ӧружье Автоматъяс, сотчан кизьӧрторъясӧн бутылкаяс, Ас киӧн вӧчӧм грымӧбтан устройство
Кулӧмаяс 145 морт
Доймӧмаяс 551 морт
Террорист лыд 4 збыльмӧдысьӧс кутӧма
Мыжаӧн чайтӧм йӧз

AQMI Flag asymmetric.svg Исламса канму

Ensign of the Ukrainian Armed Forces.svg ВСУ

«Крокус Сити Холлын» теракт (рочӧн Теракт в «Крокус Сити Холле»)  — «Пикник» рок-группалӧн концерт вылӧ воӧм йӧз вылӧ террористъясӧн ӧружьеӧн уськӧдчӧм, коді вӧлі 2024 вося рака тӧлысь 22-ӧд лунӧ «Крокус Сити Холл» концерт комплексын (сулалӧ Мякинино метро дорын, мутас серти пырӧ Красногорск карӧ).

Террористъяс, кӧні этша вылӧ вӧлі нёль морт, 20 час гӧгӧрын, концерт заводитчытӧдз, кутісны лыйлыны ӧружьеысь «Крокус Сити Холл» залӧ пыранінын ӧчередьын сулалысь йӧз кузя, а сэсся фойеын да концерт залын. Бӧрынджык кыліс грымӧбтӧм да заводитчис пӧжар. Стрӧйбалӧн вевтыс ӧзйис сэки, кор пытшкас вӧлі уна сюрс морт [1][2].

Теракт дырйи да сылӧн колясъясысь пӧгибнитіс 145 морт[3], доймаліс 551 морт[4]. Йӧз кувсисны ранитчӧм да кольмӧдан биаруӧн отравитчӧм вӧсна[5].

Рака тӧлысь 23-ӧд лунӧ Брянск обласьтын, Украина мудорсянь 100 километр ылнаын, вӧлі кутӧма нёль террористӧс, кодъяс веськыда вӧчисны мыжсӧ[6].

Россияса Президент Владимир Путин шуис, мый террористическӧй акт вӧчысьяслы мудор вуджӧм вылӧ «ӧшиньсӧ» дасьтӧма Украина, кӧні кӧсйисны дзебсьыны террористъяс. Следствиелӧн мог – индыны теракт закажитысьсӧ[7]. Сы йылысь, мый Украинаса торъя службаяс отсалісны дасьтыны терактсӧ, висьталіс и РФ ФСБ-са директор Александр Бортников[8][9].

Терактысь кывкутӧмсӧ босьтіс «Вилаят Хорасан» — «Исламса канму» — войтыркостса террористическӧй организациялӧн афганса юкӧн[10][11][12][13]. Америкаса Еджыд керка тшӧтш шуис, мый тэрактысь кывкутӧ «Исламса канму»[[14].

Россияса Президент шуис 2024 вося рака тӧлысь 24-сӧ лунсӧ став войтырлӧн ӧтувъя траур лунӧн[15]. Террористическӧй актсӧ дивитіс и ООН, и мирса унджык канму, кодъяс юкисны шогсӧ Россияса олысьяскӧд.

2025 вося рака тӧлысь 22-ӧд лунӧ Россияса следственнӧй комитетӧс официальнӧй петкӧдлысь Светлана Петренко юӧртіс, мый терактсӧ веськыда котыртіс Шӧр Азияысь квайт гражданин[16].

2025 вося ода-кора тӧлысь 20-ӧд лунӧ Александр Бастрыкин юӧртіс, мый теракт дырйи доймалісны 2300-ысь унджык морт[17].

2025 вося лӧддза-номъя тӧлысьын йӧзӧдӧм Россия Федерацияса Следственнӧй комитетлӧн туялӧм серти, теракт дырйи да сылӧн колясъясысь кувсис 149 морт, ӧти вошис юӧртӧг, доймисны 609 морт. Атакаысь став ущербыс лоис 6 миллиард гӧгӧр шайт. Терактсӧ вӧчисны «Вилаят Хорасан» террористическӧй организацияӧ пырысьяс да налӧн отсасьысьяс Украинаса власьтъяслӧн тшӧктӧм серти[18][3]. Теракт жертваяслӧн кувсьӧм помкаӧн лоины лыйӧмысь ранитчӧм, пӧжар да кольмӧдан газӧн отравитчӧм[19].

Теракт йылысь делӧ кузя процессыс заводитчас 2025 вося моз тӧлысь 4-ӧд лунӧ. Сійӧс кутас видлавны 2-ӧд Рытыввыв кытшса военнӧй суд. Заседаниеяссӧ кутасны нуӧдны Мосгорсудын[20].

Трагедиялӧн кад серти сьӧрсьӧн-бӧрсьӧн мунӧм

Росгвардиялӧн торъя юкӧдувъяс пырӧны «Крокус Сити Холлӧ»

• Лыйсисны автоматическӧй ӧружьеысь. Комплекс вылӧ уськӧдчысьяс лыйсисны эз сӧмын залын, но и фойеын да сэтчӧ пыранін водзын[21]. Кыкыслӧн вӧлі мышноп, вермас лоны, мый сэні куйлісны грымӧбтан устройствояс[22]. «Крокус Сити Холлсӧ» видзис «Крокус Профи» асшӧр видзан предприятие. Сэні вӧвлӧм уджалысь висьталіс, мый охранникъяслы позис вӧдитчыны сӧмын дубинкаясӧн да электрошокеръясӧн[23], гижӧма Brief Telegram-канал.
• Бӧрынджык лои юӧртӧма комплексын ӧзйӧм, тшын петӧм да взрыв йылысь.
• Комплекс дорӧ локтісны Москваса СОБР да ОМОН, а сідзжӧ кусӧдчысьяс.
• Москва областьса губернатор Андрей Воробьёв котыртіс оперативнӧй штаб[24].
• «Крокус Сити Холл» дорӧ вӧлі ыстӧма Москваса да обласьтса регыдъя медицина отсӧг сетысь 70-ысь унджык бригада.
• Сьӧкыдлун серти пӧжарлы вӧлі сетӧма ыджыд тшупӧд[25]. Медводз биӧн вӧлі шымыртӧма стрӧйбалысь коймӧд юкӧнсӧ кымын, а сэсся пӧжар паськаліс став стрӧйба кузяыс.
• 21 час 30 минут гӧгӧр керка вевтыс мыйтакӧ киссис[26].
• Пӧжарсӧ кусӧдны корисны авиация[24].
• Вертолётъяс кисьтісны сотчысь «Крокус Сити Холл» вылӧ 160 гӧгӧр тонна ва[27].
• Рака тӧлысь 23-ӧд лунӧ 1 час гӧгӧр «Крокус Сити Холлын пӧжарсӧ вӧлі кусӧдӧма, сотчис 13 сюрс гӧгӧр м2 площадь.
• Рака тӧлысь 23-ӧд лунӧ Подмосковьеса Йӧзлысь дзоньвидзалун видзан министерство йӧзӧдіс доймалӧмаяслысь лыддьӧг, кӧні вӧлі 145 ним. Найӧс вотдӧдісны Москваса, Красногорскса, Одинцовоса, Химкиса да Долгопрудныйса больничаясӧ[28].
• Рака тӧлысь 24-ӧд лунӧ мездысьяс разьӧмаӧсь теракт местаын 400 гӧгӧр кубометр киссьӧм конструкция, а сэсся стрӧйба стенын вӧчӧмаӧсь туй, медым уджӧ босьтчис сьӧкыд техника[29].
• Москва обласьтса губернаторлӧн помшуӧмӧн теракт местаын корсьысян уджъяссӧ вӧлі нюжӧдӧма рака тӧлысь 26-ӧд лунӧдз 17:00 часӧдз. Тадзи и артмис[30].
• Россияса МЧС-ысь мездысьяс теракт бӧрын витӧд лун кежлӧ тырвыйӧ бырӧдісны пӧжарлысь колясъяссӧ да помалісны разьны киссьӧм конструкцияяссӧ. Вӧлі петкӧдӧма 900 кубометрысь унджык киссьӧм конструкция[31].
• Косму тӧлысь 3-ӧд лун кежлӧ терактын пӧгибнитіс 145 морт, на лыдын квайт челядь[3]; доймаліс 550-ысь унджык морт, на лыдын 10 челядь. Тӧдмалӧма терактын кувсьӧм 134 мортсӧ[32].
• 2024 вося лӧддза-номъя тӧлысь 1 лун кежлӧ теракт йылысь делӧ серти потерпевшӧйӧн шуӧма 1,7 сюрсысь унджык мортӧс[33].
• 2024 вося кӧч тӧлысь 20-ӧд лунӧ лои тӧдса, мый Муслим Магомаевлӧн культура да шылад наследие фонд помаліс «Крокус сити холлын» терактӧ веськалӧм йӧзлы сьӧм чукӧртан да юклан уджтас, мынтӧмъяссӧ кӧсйисны сетны кӧч тӧлысь 23-ӧд лунсянь[34].

Мыжаӧн чайтӧм йӧз

Теракт вӧчӧмысь кутӧм мыжаӧн чайтӧм йӧз (шуйгавывсянь веськыдвылӧ): Далерджон Мирзоев, Шамсидин Фаридуни, Саидакрами Рачабализода (2024)

2024 вося рака тӧлысь 23-ӧд лунӧ Россияса ФСБ-ын уджалысьяс, а сідзжӧ «Ахмат-Россия» полкса боечьяс Брянскӧй областьын кутісны Таджикистанын чужлӧм нёль мортӧс, кодъясӧс чайтӧны теракт вӧчысьясӧн. Найӧс казялӧмаӧсь Украинакӧд мудорсянь сё километр ылнаын, кытчӧ найӧ кӧсйисны вуджны найӧс паныдалысьясӧн торйӧн дасьтӧм коридор кузя. Операция дырйи снимайтӧм видеоын кутӧмаясысь ӧти, Шамсидин Фаридуни (чужлӧма 1998 воын), висьталіс, мый збыльысь вӧчӧма мыжсӧ, мый концерт залӧ волысьясӧс виӧмысь сылы вӧлі кӧсйысьӧма 500 сюрс шайт: 250 сюрс шайтсӧ вуджӧдӧма банкса карта вылӧ мыж вӧчтӧдзыс на, кольӧм сьӧмсӧ кӧсйисны ыстыны сёрӧнджык. Теракт котыртысьяс кутісны накӧд йитӧдсӧ Telegram пыр[35]. Шамсидинлӧн кывъяс серти, кураторъяс петӧмаӧсь сыкӧд да сылӧн подельникъяскӧд йитӧд вылӧ 2024 вося урасьӧм тӧлысьын, сетӧмаӧсь ӧружие да индӧмаӧсь теракт вӧчан места.

Кутӧм Далерджон Мирзоев юасигӧн содтіс, мый теракт вӧчтӧдз тӧлысьӧн водзджык сійӧ мукӧд збыльмӧдыськӧд овмӧдчӧмаӧсь Дмитровскӧй шоссе вылын хостелӧ. Найӧ ньӧбисны еджыд рӧма «Рено» легкӧвӧй автомашина, мыйӧн и локтісны мыж вӧчанінӧ[35].

РФ-са СК-ӧн веськӧдлысь Александр Бастрыкинлӧн доклад серти, нёль мыж вӧчысь локтӧмаӧсь концерт зал дорӧ Renault легкӧвӧй автомашинаӧн 19 час 54 минутын да кутӧмаӧсь виччысьны видзӧдысьясӧс. 19 час 58 минутын террористъяс заводитісны лыйлыны пыранін дорын сулалысь йӧзӧс, сэсся найӧ пырисны концерт залӧ да водзӧ лыйлісны сэні пукалысьясӧс, сы вылӧ видзӧдтӧг, кымын мортыслы арӧс, мужичӧй сійӧ либӧ нывбаба. Пластикӧвӧй бутылкаясысь аскӧдныс вайӧм бензин кисьталӧм бӧрын террористъяс ӧзтісны залсӧ, а 20 час 11 минутын эновтісны стрӧйбасӧ. Татшӧм ногӧн, став террористическӧй атакаыс кыссис 17 минут, а веськыда концерт залын террористъяс вӧліны 13 минут[36].

Ӧружиесӧ шыбитӧм (изолентаӧн крепитӧм кыка магазинъясӧн Калашников автоматъяс) да паськӧмсӧ вежӧм бӧрын мыжаыӧн чайтӧмъяс кӧсйисны пышйыны сійӧ жӧ еджыд «Рено» вылас, кодӧс пӧшти дзик пыр аддзисны «Поток» системалӧн видзӧдан камераяс пыр. Оперативникъяс шуисны не кутны террористъяссӧ карын либӧ уна йӧза туйяс вылын, сы вӧсна мый вермисны доймыны виччысьтӧг сэтчӧ веськалӧм граждана. Кор тыдовтчис, мый машина мунӧ М-3 «Украина» туй кузя Брянскӧй обласьтлань часӧн 140 км, торъя службаясса уджалысьяс сайӧдчисны Украинакӧд мудорсянь 100 гӧгӧр км ылнаын да кутісны виччысьны[37]. Сы вӧсна, мый вӧлі шуӧма босьтны террористъяссӧ ловйӧн, силовикъяс лыйлісны машиналӧн кӧлесаяс кузя. Пансьӧм тыш бӧрын ӧти подельник восьтіс би, та дырйи мӧд кыкыс пышйисны вӧрӧ. Найӧс кутісны, ӧти морт – Саидакрами Рачабализода – кавшасис пу вылӧ, сійӧс вӧлі аддзӧма тепловизор отсӧгӧн[38].

Машина, мый вылын мыжаӧн чайтӧм гражданаӧс кутісны Брянскӧй областьын (2024)

Терактсӧ веськыда нёль вӧчысь кындзи вӧлі кутӧма сизим отсасьысьӧс. Оборона министерствоын юӧртісны, мый Россия Федерацияса канму мудор дорйысь группировкаясса военнослужащӧйяслы, кодъяс бура петкӧдчисны Брянскӧй областьын мыжаӧн чайтӧмъясӧс кутігӧн, сетӧма канму да ведомствоса наградаяс[39][40].

2024 вося рака тӧлысь 24-ӧд лунӧ Москваса Басманнӧй ёрд арестуйтіс теракт вӧчӧмын мыжаӧн чайтӧм став нёльнан мортсӧ 2 тӧлысь кежлӧ: Далерджон Мирзоевӧс, Саидакрами Рачабализодаӧс, Шамсидин Фаридуниӧс, Мухаммадсобир Файзовӧс[41][42]. Файзов снимайтӧма видео, мый найӧ вӧчӧмаӧсь концерт вылӧ волысьяскӧд, а сідзжӧ пукалӧма автомашина руль сайын, мый отсӧгӧн подельникъяс пышйӧмаӧсь мыж вӧчанінсьыс. Та дырйи найӧ нарошнӧ талялісны «Крокус Сити Холл» парковка вылысь кӧкъямыс арӧса детинкаӧс[43].

2024 вося рака тӧлысь 24-ӧд лунӧ Москваса Басманнӧй ёрд арестуйтіс теракт йылысь делӧ серти нӧшта куим фигурантӧс: Диловар Исломовӧс, Исраил Исломовӧс да Аминчон Исломовӧс. Найӧс мыждӧма котыртӧм группаӧ пырӧмӧн мортӧс виӧмӧдз вайӧдан теракт вӧчӧмысь[44][45]. 2024 вося рака тӧлысь 26-ӧд лунӧ ёрд арестуйтіс «Крокус Сити Холлын» теракт йылысь делӧ серти кӧкъямысӧд фигурант Алишер Касимовӧс 2 тӧлысь кежлӧ. Следствиелӧн мыччӧдъяс серти, Касимов – кыргызстанын чужлӧм РФ-са гражданин – сдайтліс патерасӧ нёль террористлы[46].

2024 вося рака тӧлысь 28-ӧд лунӧ Росфинмониторинг пыртӧма уськӧдчысь Мирзоевӧс, Рачабализодаӧс, Фаридуниӧс, Файзовӧс экстремистъяслӧн да террористъяслӧн реестрӧ[47].

Рака тӧлысь 29-ӧд лунӧ Басманнӧй ёрд арестуйтіс теракт йылысь делӧ серти ӧкмысӧд фигурантӧс – Назримад Лутфуллоиӧс. Следствие чайтӧ, мый сійӧ могмӧдіс террористъясӧс сьӧмӧн[48][49][50].

2024 вося косму тӧлысь 1 лунӧ Басманнӧй ёрд арестуйтіс теракт йылысь делӧ серти дасӧд фигурантӧс – Якубджони Юсуфзодаӧс[51]. Следствиелӧн мыччӧдъяс серти, Юсуфзода вуджӧдӧма сьӧмсӧ терактын ӧти участвуйтысьлы «Крокус Сити Холлын» лоӧм трагедияӧдз да сы бӧрын [52]. 2024 вося лӧддза-номъя тӧлысьын лои тӧдса, мый воӧн водзджык Юсуфзодаӧс вӧлі оланпас торкалӧмӧн сувтӧдӧма миграция учёт вылӧ Сочиын[53].

2024 вося косму тӧлысь 4-ӧд лунӧ Россияса ФСБ-ын уджалысьяс Мокваын, Екатеринбургын да Омскын кутісны нӧшта куим мортӧс, кодъясӧс чайтӧны теракт вӧчысьяслы отсасьысьясӧн[54].

2024 вося косму тӧлысь 5-ӧд лунӧ Басманнӧй ёрд арестуйтіс теракт йылысь делӧ серти 11-ӧд фигурантӧс. 2024 вося ода-кора тӧлысь 22-ӧд лунӧдз арестуйтӧма Мухаммад Шарипзодаӧс[55].

2024 вося косму тӧлысь 7-ӧд лунӧ лои тӧдса, мый тӧждысьтӧмлун йылысь делӧ серти фигурантъясӧн лоисны пӧжарысь видзчысьӧм вӧсна кывкутысь да «Крокус Сити Холл» пӧжарнӧй командаса начальник. Налы индӧма некытчӧ мунтӧм йылысь кӧсйысяна гижӧдӧн ӧлӧдан мера[56].

2024 вося косму тӧлысь 26-ӧд лунӧ вӧлі кутӧма уголовнӧй делӧ серти 12-ӧд фигурантӧс – Таджикистанса гражданин Джумохон Курбоновӧс[57], коді чужлӧма 2003 воын Пархар карын[58].

2024 вося косму тӧлысь 27-ӧд лунӧ Москваса Басманнӧй ёрд арестуйтіс Джумохон Курбоновӧс[59].

2024 вося ода-кора тӧлысь 16-ӧд лунӧ Москваса Басманнӧй ёрд нюжӧдіс арестсӧ Далерджон Мирзоевлы, [60], Мухаммадсобир Файзовлы[61], Саидакрам Рачабализодалы да Шамсидин Фаридунилы моз тӧлысь 22-ӧд лунӧдз[62].

2024 вося ода-кора тӧлысь 16-ӧд лунӧ Москваса Басманнӧй ёрд сідзжӧ нюжӧдіс арестсӧ моз тӧлысь 22-ӧд лунӧдз терактӧ чайтана нёль пырӧдчысьлы: Назримад Лутфуллоилы, Якубджон Юсуфзодалы, Мухаммад Шарипзодалы да Джумахон Курбоновлы[63].

2024 вося ода-кора тӧлысь 17-ӧд лунӧ Москваса Басманнӧй ёрд нюжӧдіс арестсӧ моз тӧлысь 22-ӧд лунӧдз: Аминчон, Диловар да Исроил Исломовъяслы, а сідзжӧ Алишер Касимовлы. Следствие серти, найӧ отсасьӧмаӧсь террористъяслы уськӧдчӧмсӧ дасьтігӧн[64].

Москваса Басманнӧй ёрдлӧн 2024 во лӧддза-номъя тӧлысь 1 лунся картотека документ серти теракт йылысь делӧ серти мунӧ 20 мыждана морт, на пиысь 18-ӧс арестуйтӧма, нӧшта кыкӧн вӧліны некытчӧ мунтӧм йылысь кырымпас улын[65].

2024 вося моз тӧлысьын Москваса Басманнӧй ёрд нюжӧдіс арестсӧ теракт йылысь делӧ серти 12 фигурантлы: Далерджон Мирзоевлы, Мухаммадсобир Файзовлы, Саидакрам Рачабализодалы, Шамсидин Фаридунилы[66], Назримад Лутфуллоилы, Якубджон Юсуфзодалы, Мухаммад Шарипзодалы, Джумахон Курбоновлы[67], Алишер Касимовлы да Аминчон, Диловар да Исраил Исломовъяслы[68].

2024 вося моз тӧлысь 23-ӧд лунӧ лои тӧдса, мый Мухаммад Зоир Шарипзода мыйтакӧ признайтіс теракт вӧчны отсалӧм серти мыжсӧ[69].

2025 вося тӧвшӧр тӧлысьын Александр Бастрыкин юӧртіс, мый СК пыртіс теракт йылысь делӧ серти мыждана йӧз лыдӧ 27 фигурантӧс[70].

2025 вося урасьӧм тӧлысь 19-ӧд лунӧ лои тӧдса, мый Москваын Басманнӧй районса ёрд нюжӧдіс 2025 вося рака тӧлысь 24-ӧд лунӧдз арестсӧ «Крокус сити холл» концерт залын теракт вӧчысь нёль мортлы – Мухаммадсобир Файзовлы, Далерджон Мирзоевлы, Муродали Рачабализодалы да Шамсидин Фаридунилы[71].

2025 вося рака тӧлысь 7-ӧд лунӧ США-ын вӧлі арестуйтӧма террорист Мохаммад Шарифуллаӧс, кодӧс тшӧтш тӧдӧны кыдзи Джафарӧс, коді пырӧ «Исламса канму» террористическӧй организацияӧ. США-са юстиция министерство юӧртіс, мый сійӧ сетіс боевикъяслыиндӧдъяс, кодъяс уськӧдчисны «Крокус Сити Холл» вылӧ[72].

Следствиеӧн нуӧдан удж

Трагедия лоанінын Россияса следственнӧй комитетын уджалысьяс босьтісны боевӧй амунициялысь нёль комплект, 500-ысь унджык патрон да 28 магазин, а сідзжӧ уськӧдчысьясӧн вӧдитчӧм Калашниковлысь кык автомат[73].

Теракт кежлӧ мыж вӧчысьяс дасьтысисны некымын тӧлысь чӧж. Рака тӧлысь 7-ӧд лунӧ Фаридуни рекогносцировка могысь ветлӧма концерт залӧ, кӧні веськалӧма «Крокусын» уджалысь фотографлӧн объективӧ. Таысь кындзи некымын морт висьталісны, мый казялӧмаӧсь аслыспӧлӧс мужичӧйясӧс, кодъяс ветлӧдлӧмаӧсь концер комплекс кузя да мыйкӧ корсьӧмаӧсь. Шӧринса уджалысь казьтыштіс, мый Фаридуни вӧлі фойеын вылыс паськӧма да сылы тшӧктісны сетны курткасӧ гардеробӧ, буретш сійӧ кыдъя рочӧн юасис, кӧні мый меститчӧ[38].

Таджикистанса Президент Эмомали Рахмон босьтіс аслас контроль улӧ мыжаӧн чайтӧмъяслӧн рӧдвужкӧд следствиеӧн нуӧдан уджъяссӧ, найӧс юасисны республикаса силовӧй структураясын уджалысьяс[74]. Шамсидин Фаридунилысь керкасӧ, мый сулалӧ Душанбесянь 50 километр сайын, вӧлі опечатайтӧма.

2024 вося рака тӧлысь 26-ӧд лунӧ ФСБ-са юралысь Александр Бортников юӧртіс, мый Украинаса торъя службаяс отсалӧмаӧсь вӧчны терактсӧ – дасьтӧмаӧсь боевикъяссӧ Матысса Асыввылын[75].

РИА Новости юӧр серти, «Крокус Сити Холлын» теракт вӧчысь йӧзӧс вӧлі вербуйтӧма «Вилаят Хорасан» террористическӧй организация - ИГИЛ-лӧн афганса юкӧнӧн лӧсьӧдӧм телеграм-канал пыр. Тайӧ телеграм-каналсӧ вӧлі бырӧдӧма[76].

Рака тӧлысь 28-ӧд лунӧ ТАСС юӧртіс, мый теракт вӧчысьяс вӧлӧмаӧсь наркотическӧй либӧ психотропнӧй веществояс улын[77]. Мыжаӧн чайтӧм йӧзлӧн вирын вӧлі аддзӧма сідз шусяна «боевӧй кислоталысь» колясъяс - психоактивнӧй веществолысь, коді вежӧ вежӧр, сы бӧрын мортыс дугдӧ повны да видзны асьсӧ[78].

Следственнӧй комитет юӧртіс Украинаысь теракт вӧчысьяслы валютаын да криптовалютаын тӧдчана сьӧм вуджӧдӧм йылысь[79].

2024 вося рака тӧлысь 29-ӧд лунӧ Таджикистанса следственнӧй органъяс юӧртісны, мый вӧлі кутӧма ӧкмыс мортӧс, кодъясӧс чайтӧны теракт вӧчысьяскӧд йитӧдын[80].

Терактын мыжданаяс допросъяс вылын висьталісны, мый мӧдӧдчисны Киевӧ сьӧм босьтӧм могысь[81].

Косму тӧлысь 1 лунӧ ФСБ-лӧн йӧзкӧд йитӧдъяс кутан шӧрин юӧртіс Дагестанын нёль суйӧрсайса гражданинӧс кутӧм йылысь, кодъяс лӧсьӧдісны Каспийскын йӧзаинын теракт. Найӧ туялісны местасӧ, дасьтісны грымӧбтан устройствояс да ньӧбисны автоматическӧй ӧружие[82]. Ведомстволӧн юӧр серти, кутӧм йӧз могмӧдісны сьӧмӧн «Крокус Сити Холлын» терактсӧ[83]. Сідзжӧ Турцияын инӧд видзысь органъяс кутӧмаӧсь Таджикистанын да Кыргызстанын чужлӧм йӧзӧс, кодъяс, чайтӧм серти, дасьтісны терактсӧ[84].

Косму тӧлысь 2-ӧд лунӧ терактӧ веськалӧм йӧз ыстӧмаӧсь РФ-са СК-ӧ «Крокус Сити Холл» киын кутысьяс серти уголовнӧй делӧ панӧм йылысь шыӧдчӧм. Найӧс петкӧдлысь, адвокат Игорь Трунов, тшӧктіс следствиелы прӧверитны, колана ногӧн-ӧ уджалӧны пӧжар кусӧдан да тшын кыскан системаяс, колана ногӧн-ӧ котыртӧма эвакуациясӧ, а сідзжӧ тӧдмавны, кутшӧм помка вӧсна вӧлі тупкӧма ӧткымын эвакуация петанін[85].

2024 вося косму тӧлысь 9-ӧд лунӧ Росфинмониторинг пыртӧма экстремистъяслӧн да террористъяслӧн реестрӧ Диловаровӧс, Исраил да Аминчон Исломовъясӧс, Алишер Касимовӧс, Назримад Лутфуллоиӧс, Якубджони Юсуфзодаӧс да Мухаммад Шарипзодаӧс[86].

Косму тӧлысь 24-ӧд лунӧ безопасносьт серти юалӧмъяс курируйтысь тӧдчана йӧзкӧд аддзысьлігӧн Россияса Президент Владимир Путин юӧртіс, мый следствие водзӧ уджалӧ теракт серти, корсьӧ «сыын учствуйтысьясӧс, сійӧс закажитысьясӧс, сьӧмӧн могмӧдысьясӧс, котыртысьясӧс»[[87].

Косму тӧлысь 25-ӧд лунӧ Росфинмониторингӧн веськӧдлысь Юрий Чиханчин юӧртіс, мый теракт котыртӧмын участвуйтісны уна странаса граждана, а сьӧмнас могмӧдісны криптовалюта отсӧгӧн[88].

Ода-кора тӧлысь 31-ӧд лунӧ Следственнӧй комитет паніс безопасносьт корӧмъяслы лӧсявтӧм услугаяс сетӧм йылысь уголовнӧй делӧ да ӧтувтіс сійӧс теракт йылысь уголовнӧй делӧкӧд[89].

2024 вося моз тӧлысьын «Крокус Сити Холлын» теракт йылысь делӧын лоис вит выль фигурант. Москваса Басманнӧй ёрд нюжӧдіс ӧшым тӧлысь 1 лунӧдз арестсӧ Шахромджон Насимович Гадоевлы, Зубайдулло Авайдуллович Исмаиловлы, Мустаким Абдуманович Солиевлы, Умеджон Абдуманович Солиевлы да Хусейн Абдурасулович Хамидовлы[90]. Выль фигурантъяс пиысь ӧтиӧс – Умеджон Солиевӧс – вӧлі нин корсьӧны Россияын[91]. Делӧса выль фигурантъяс могмӧдісны кумплекс вылӧ уськӧдчысьясӧс ӧружиеӧн[92].

2024 вося йирым тӧлысьын следствие тӧдмалӧма, мый делӧса нёль фигурант – «Вилаят Хорасан» террористическӧй группировкаысь боевикъяс. Шахромджон Гадоев, Зубайдулло Исмоилов, Мустакима Солиев да Умеджон Солиев вылӧ панӧмаӧсь террористическӧй группировкаын участвуйтӧм, лыйсян ӧружиеӧн да боеприпасъясӧн оланпас торкалӧмӧн вӧдитчӧм, а сідзжӧ грымӧб вӧчан устройство оланпас торкалӧмӧн вӧчӧм серти уголовнӧй делӧяс, кутшӧмъясӧс вӧчӧма котыртӧм группаӧн[93].

2024 вося йирым тӧлысьын теракт йылысь делӧын лоис нёль выль фигурант, тайӧ Ингушетияын олысьяс: Хусейн Медов, Джабраил Аушев, Хаваж-Багаудин Алиев да Батыр Кулаев. Кыкӧс на пиысь арестуйтӧма, кыксӧ корсьӧны. Следствие серти, найӧ посредникъяс пыр сетӧмаӧсь теракт вӧчысьяслы автоматъяс да на дорӧ боеприпасъяс, мыйысь босьтӧмаӧсь 1 миллионысь унджык шайт. Следственнӧй ведомстволӧн шӧр аппаратын на серти уголовнӧй делӧсӧ йитісны теракт йылысь делӧкӧд (УК-лӧн 205 ст. 3 юкӧн), но найӧс мыждӧны УК-лӧн 222 ст. 5 юкӧн серти (ӧружиеӧн да боеприпасъясӧн водзвыв сёрнитчӧм серти группаӧн оланпас торкалӧмӧн вӧдитчӧм) да 222.1 ст. 3 юкӧн серти (группаӧн вӧчӧм грымӧб вӧчан устройствоясӧн да взрывчаткаӧн оланпас торкалӧмӧн вӧдитчӧм)[94].

2024 вося вӧльгым тӧлысь 2-ӧд лунӧ лои тӧдса, мый террористъясӧс ӧружиеӧн могмӧдӧмӧн ноксис 7 морт. Хусейна Медов, Джабраил Аушев, Хаваж-Багаудин Алиев да Батыр Кулаев кындзи группаӧ пырисны Амерхан Матиев, а сідзжӧ Турцияын дзебсясьысь Адам Белхароев да Украинаын дзебсясьысь Ильяс Белхароев (пыртӧма РФ-ын террористъяслӧн да экстремистъяслӧн реестрӧ)[95].

2024 вося вӧльгым тӧлысь 20-ӧд лунӧ, ТАСС юӧртӧм серти, Аминчон да Диловар Исломовъяслы, налӧн бать Исроил Исломовлы да Алишер Касимовлы мыждӧмсӧ вежисны террористическӧй уджын отсасьӧм йылысь статья вылӧ, мый вӧсна вӧлі вӧчӧма теракт[96].

2024 вося ӧшым тӧлысь 4-ӧд лунӧ Ингушетияын вӧлі кутӧма террористъяслы нёль чайтана отсасьысьӧс. «Батал-Хаджи» религиознӧй котырӧ пырысьяс серти панӧма уголовнӧй делӧяс. Следствиелӧн версия серти, найӧ сетісны «Крокус» вылӧ уськӧдчысьяслы «ыджыд отсӧг»[97].

2025 вося тӧвшӧр тӧлысь 2-ӧд лунӧ Стамбулса уголовнӧй ёрд примитіс теракт вӧчысьяскӧд йитӧдын мыждана йӧз серти мыждана кывкӧртӧд, найӧс вермасны пуксьӧдны 7,5 восянь 15 воӧдз. Мыждана граждана лыдын вӧліны Стамбулын олысь некымын морт, кодъяс водзтіджык кутісны йитӧд Саидакрам Рачабализодакӧд да Шамсидин Фаридуникӧд, кодъяс веськыда йитчӧмаӧсь теракткӧд[98].

2025 вося урасьӧм тӧлысь 5-ӧд лунӧ «Крокус Сити Холлын» теракт йылысь делӧ серти водзвыв нуӧдан следствие помасис. Медым чукӧртны став материалсӧ, арестуйтны 20 фигурантӧс да юасьны свидетельясӧс, ковмис 11 тӧлысь[99].

2025 вося урасьӧм тӧлысь 11-ӧд лунӧ «Крокус Сити Холл» концерт зал кутысь «Крокус интернэшнл» компанияӧс шуисны теракт йылысь делӧ серти потерпевшӧйӧн[100].

2025 вося рака тӧлысь 22-ӧд лунӧ РФ-са СК-ӧс официальнӧй петкӧдлысь Светлана Петренко юӧртіс, мый следствие помалӧма расследованиесӧ[101]:

Талун кежлӧ помалӧма следственнӧй уджъяссӧ террористическӧй сяма мыж вӧчӧмын мыжалӧм 19 морткӧд, кодъясӧс босьтӧма стража улӧ да кодъяс водзӧ тӧдмасьӧны делӧ материалъясӧн. Нӧшта ӧткымын фигурантӧс корсьӧны[101].

2025 вося косму тӧлысь 14-ӧд лунӧ лои тӧдса, мый экспертиза лыддьӧма теракт вӧчысьясӧс тыр вежӧраӧн. Адвокат Олег Власовлӧн кывъяс серти, мыжданаяслӧн психическӧй да физическӧй дзоньвидзалуныс лючки-бур. Терактсӧ, кӧні пӧгибнитіс 145 морт да 500-ысь унджык морт доймалісны, вӧлі вӧчӧма 2024 вося рака тӧлысь 22-ӧд лунӧ. Кутӧм йӧз лыдын нёль вермана збыльмӧдысь – Таджикистанса граждана: Мухаммадсобир Файзов, Далерджон Мирзоев, Саидакрами Рачабализода да Шамсидин Фаридуни. Crocus Groupлы терактсьыс став ущербсӧ донъялӧны 150-200 млн долларӧн[102].

Россияса власьтлӧн реакция

Москваын Мир шӧртуй вылын траурнӧй гижӧдӧн реклама щит

Москваса мэр Сергей Собянин юӧртіс, мый «Крокус Сити Холлын» «лоис ыджыд трагедия»:

«Юка шогсӧ пӧгибнитӧмъяслӧн матыссаясыскӧд. Тшӧкты сетны став колана отсӧгсӧ быдӧнлы, коді доймаліс лоӧмтор дырйи».

«Крокус Сити Холлын» лыйсьӧм да грымӧбтӧмъяс – «вир кисьтан теракт», - висьталіс РФ-са МИД-ӧс официальнӧй петкӧдлысь Мария Захарова. Сійӧ чуксаліс мирса котырӧс дивитны «тайӧ зэв ыджыд мыжсӧ»[103].

Патриарх Кирилл заводитіс юрбитны пӧгибнитӧм да доймалӧм йӧз вӧсна, а сідзжӧ «Крокус Сити Холл» стрӧйбаын пӧжар дырйи доймалӧмаяслӧн бурдӧм вӧсна[104].

Москваса аэропортъясын да вокзалъясын вӧлі вынсьӧдӧма видзчысян мераяс[24].

Мэр Собянин юӧртіс, мый «Крокус Сити Холлын» лоӧмтор вӧсна Москваын 2024 вося рака тӧлысь 23-24 лунъясӧ дугӧдісны спортивнӧй, культурнӧй да уна йӧза став мероприятиесӧ[105].

Йӧзлысь дзоньвидзалун видзан министерствоӧн веськӧдлысьМихаил Мурашко босьтіс аслас контроль улӧ доймалӧмаяслы отсӧг сетӧмсӧ[24].

«Крокус Сити Холл» концерт залын лоӧмтор серти Россияса СК-лӧн Медшӧр следственнӧй веськӧдланін паніс РФ УК-лӧн 205 статьяӧн урчитӧм мыж серти (террористическӧй акт) уголовнӧй делӧ[106].

«Некутшӧм ёрд да расследуйтӧм оз отсав, вынлы кӧ не сувтӧдны воча мӧд вын, а кулӧмаяслы паныд не сувтӧдны террористъяслысь ловсӧ босьтӧм да налӧн семьяяслы паныд репрессияяс нуӧдӧм. Мирса опыт», - шуис РФ-са Безопасносьт сӧветын юралысьӧс вежысь Дмитрий Медведев[107].

Аслас шыӧдчӧмын РФ-са Президент Владимир Путин 2024 вося рака тӧлысь 24-ӧд лунсӧ шуис йӧзкостса траур лунӧн, а сідзжӧ юӧртіс террористъясӧс кутӧм йылысь, кодъяс пышйисны Украиналань, медым вуджны канму мудорсӧ Украинаӧн водзвыв дасьтӧм «ӧшинь» пыр. Президент Россияса став гражданакӧд ӧтув юкӧ шогсӧ доймалӧмаясӧд да налӧн рӧдвужкӧд. Сійӧ юӧртіс сьӧмӧн отсӧг сетӧм йылысь да аттьӧаліс прӧстӧй гражданаӧс доймалӧмаяслы да торъя службаясса уджалысьяслы лоӧмтор местаын сюся отсасьӧмысь[108].

«Дасьтысьӧмӧн вийисны миянлысь йӧзӧс. Ми тӧдмалам да кыскам кывкутӧмӧ быдӧнӧс, коді сулаліс тайӧ мыж саяс. Террористъясӧс быть накажитасны, водзӧ вылӧ налӧн олӧмыс абу. Ӧні миян мог – лоны ӧтлаын. Некодлы оз артмы паськӧдны миян йӧз пӧвстын шӧйӧвошӧм да зык. Москваын да мукӧд регионын пыртӧма терроризмлы паныд содтӧд мераяс», - шуис Владимир Путин Россияса йӧз дорӧ аслас шыӧдчӧмын[109].

2024 вося рака тӧлысь 25-ӧд лунӧ Россияса Президент бердын челядьлысь инӧдъяс торъя дорйысь Мария Львова-Белова сетіс аттьӧалана письмӧяс кык зонкалы, кодъяс отсалісны теракт дырйи эвакуируйтны «Крокус Сити Холлӧ» волысьясӧс. «Йӧз вӧсна тӧждысьӧмысь, повтӧмлунысь, смеллунысь» аттьӧалӧмъяссӧ сетӧма 15 арӧса Ислам Халиловлы да 14 арӧса Артём Донсковлы. Кыкнанныс уджалісны «Крокус Сити Холлын» гардеробщикъясӧн [110].

2024 вося рака тӧлысь 26-ӧд лунӧ «Крокус Сити Холлса» школьник-гардеробщик Артём Донсковӧс, администратор Софья Мейерӧс, кодъяс отсалісны йӧзлы эвакуируйтчыны теракт дырйи, наградитісны Россия Федерацияса ӧтйӧза палаталӧн медальясӧн. Медальсӧ вӧлі дасьтӧма и Ислам Халиловлы, но сійӧ эз вермы волыны церемония вылӧ[111].

Рака тӧлысь 27-ӧд лунӧ Москваса да став Роч муса Патриарх Кирилл корис вӧчны ставсӧ, медым Россияын теракт вӧсна эз ло эскысьяс костын зык [112].

Ода-кора тӧлысь 2-ӧд лунӧ РФ-са Президент Владимир Путин наградитіс Артём Донсковӧс, Никита Ивановӧс да Ислам Халиловӧс «Пӧгибнитӧмъясӧс мездӧмысь» медальӧн. Том войтыр отсалісны йӧзлы эвакуируйтчыны теракт дырйи[113][114].

2024 вося сора тӧлысь 8-ӧд лунӧ РФ-са Президент Владимир Путин наградитіс Повтӧмлун орденӧн «Внуково» аэропортса уджалысь Валентина Николаенковаӧс (кувсьӧм бӧрын), коді пӧгибнитіс «Крокус Сити Холлын» теракт дырйи террористӧс лёк вӧчӧмысь дугӧдінӧн[115].

2024 вося сора тӧлысьын РФ-са генпрокурор Игорь Краснов воис кывкӧртӧдӧ, мый «Крокус Сити Холлын» теракт лоис тшӧтш и регионса власьт органъяслӧн уджын тырмытӧмторъяс вӧсна, а терроризмлы водзсасьнысӧ колӧ дзик мӧд ногӧн, колӧ чорыдджыка видзӧдны объектъяс бӧрся, кытчӧ волӧ уна йӧз[116].

Войтыркостса реакция

«Бурдж-Халиф» башня югзьӧдісны Россияса дӧрапас рӧмъясӧн терактын кувсьӧмаясӧс казьтылӧм могысь

Вашингтон юкӧ шогсӧ трагедиякӧд йитӧдын[24]. Еджыд керкаын пасйисны, мый США-лӧн виччысьтӧмтор йылысь водзвыв юӧрыс эз вӧв. Вашингтонын юӧртісны, мый лоӧмторйыс абу йитчӧма Киевлӧн вӧчӧмторъяскӧд.

2024 вося косму тӧлысь 3-ӧд лунӧ Америкаса журналист Сеймур Херш ӧшмӧсъяс вылӧ ыстысьӧмӧн юӧртіс, мый США-са Разведка нуӧдан шӧр веськӧдланін ӧлӧдӧма Россияӧс «Крокусын» теракт дасьтӧм йылысь. Хершлӧн кывъяс серти, «кӧть нин ӧти юӧр вылын вӧлі пасйӧма «лыддьыны пырысь-пыр» да сетлӧма концерт водзвылын ЦРУ-сянь Россияса разведкалы». Та дырйи Америкаса журналист пасйис, мый ЦРУ эз тӧд, мый терактсӧ кӧсйӧны вӧчны буретш «Крокусын», да сёрниыс муніс прӧстӧ «места йылысь, кытчӧ волӧ уна йӧз»[117].

ООН-са медыджыд секретар «стрӧга» дивитіс «Крокусын» терактсӧ да юкис шогсӧ Россияса Веськӧдлан котыркӧд да войтыркӧд.[24]

Россиякӧд юкисны шогсӧ уна страна, на лыдын Египет, Казахстан, Азербайджан, Кыргызстан, Чехия, Италия, Сербия, Германия, Люксембург, Катар, Куба, Палестина, Боливия, Иран, Венесуэла, Узбекистан, Сербскӧй Республика, Турция, Армения, Мальта, Абхазия, Иордания, Саудовскӧй Аравия, Пакистан, Ирак, Австрия, Франция, Таджикистан, Мексика, Колумбия, Австрия, ОАЭ, Сирия, Бахрейн, Канада, Белоруссия да мукӧд.

Террористъяслысь уськӧдчӧмсӧ дивитісны ХАМАС, Талибан да Хезболла исламса гырысь ӧтмунӧмъяс[118][119][120].

Рака тӧлысь 25-ӧд лунӧ ООН-са Безопасносьт Сӧветын Японияӧс пыр петкӧдлысь вӧзйис чӧв олыштны терактын кувсьӧмаясӧс казьтылӧм могысь[121].

Garbage Америкаса рок-группа, коді аслас кадӧ петкӧдчывліс «Крокус Сити Холлын», тшӧтш юкис шогсӧ теракткӧд йитӧдын[122].

2024 вося косму тӧлысь 6-ӧд лунӧ Турция дугӧдіс Таджикистанса гражданалы визатӧм режимсӧ. Турцияса ЙЮС серти, тайӧ вермас лоны сы вӧсна, мый 2024 вося тӧвшӧр - рака тӧлысьясын теракт вӧчӧмын мыждана кык таджик волісны Стамбулӧ[123].

Теракт улӧ веськалӧм йӧзлы мемориал

2025 вося урасьӧм тӧлысьын «Крокус Сити Холл» дорын заводитісны лэптыны теракт улӧ веськалӧм йӧзлы мемориал[124]. Сійӧс вӧлі восьтӧма трагедиялы во тыран лунӧ – рака тӧлысь 22-ӧд лунӧ. Москва обласьтса губернатор Андрей Воробьёв юӧртіс, мый мемориалсӧ вӧчис концерт зал кутысь.

«Крокус Сити Холлын» теракт улӧ веськалӧма йӧзлы мемориал восьтӧм (2025 вося рака тӧлысь 22-ӧд лун)

Сьӧд гранитысь лэбысь туриясӧн кык стеласӧ сувтӧдӧма концерт заллы да «Крокус Экспо» мӧд павильонлы воча. Памятник вылын гижӧма «В память жертвам бесчеловечного террористического акта 22 марта 2024 года»[125].

Содтӧд юӧр

2024 вося рака тӧлысь 25-ӧд лунӧ Шӧр банк вӧзйис банкъяслы да микрофинансӧвӧй организацияяслы киритны «Крокус Сити Холлын» теракт дырйи пӧгибнитӧмаяслысь уджйӧзсӧ[126]. Сбербанк да ВТБ юӧртӧмаӧсь, мый дасьӧсь вӧчны тайӧс 2024 вося рака тӧлысь 23-ӧд лунӧ нин. Сідзжӧ киритны уджйӧзсӧ кӧсйысис 23 банк: «Тинькофф», Альфа-банк, Совкомбанк, Газпромбанк, Почта Банк, Промсвязьбанк, Москваса кредит банк да мукӧд[127].

«Пикник» котырлӧн 2024 вося рака тӧлысь 27-ӧд лунӧ Санкт-Петербургын индӧм концертыс вӧлі. Сійӧс сиисны «Крокус Сити Холлын» теракт улӧ веськалӧм йӧзлӧн паметьлы[128].

Терактын пӧгибнитӧмаясӧс казьтылӧм могысь Россияса сьылысьяс гижисны «Голос мой услышь» альбом. Сэтчӧ пырисны Муслим Магомаевлӧн репертуарысь 12 сьыланкыв. Буретш сылӧн нимӧн вӧлі шуӧма концерт залсӧ, кытчӧ уськӧдчисны террористъяс. Кывзӧмысь став сьӧмсӧ веськӧдӧмаӧсь теракт улӧ веськалӧм йӧзлы[129].

2024 вося лӧддза-номъя тӧлысь 29-ӧд лунӧ Москва обласьтса губернатор Андрей Воробьёв юӧртіс, мый Подмосковьеса власьтъяс ӧткажитчӧмаӧсь бӧр лэптыны «Крокуссӧ»:

«Концерт залыс сэні сэсся оз ло»[130].

2025 вося рака тӧлысьын теракт вӧчӧмын мыждана ӧти мортлӧн адвокат висьталӧма, мый «Крокус» вылӧ уськӧдчытӧдз террористъяс дасьтысьӧмаӧсь мукӧд уськӧдчӧм кежлӧ да фотографируйтӧмаӧсь Кремль дорын, «Чистые пруды» метроын да «МЕГА Белая Дача» пытшкын серпассӧ. Террористъяс кӧсйисны дзебсьыны Украинаын[131].

«Крокус Сити Холлын» трагедиялы во тыран лунӧ «Октябрь» кинотеатрын медводдзаысь петкӧдлісны «Крокус. Несломленные» документальнӧй фильм. Фильмсӧ снимайтӧма «Интеграция» продюсерскӧй шӧрин Россияса Гӧрд Крест отсӧгӧн. Кино подулын – волонтёръяс, врачьяс, концерт залса уджалысьяс да уна мукӧд войтыр йылысь историяяс, кодъяс отсалісны дорйыны йӧзсӧ[132].

Пасйӧдъяс

  1. ↑ В «Крокус Сити Холл» произошла стрельба, РБК (22 рака тӧлысь 2024). Шыӧдчан кадпас: 22 рака тӧлысь 2024.
  2. ↑ Онлайн: в подмосковном «Крокус Сити Холле» стрельба и пожар, есть раненые, Коммерсантъ (22 рака тӧлысь 2024). Шыӧдчан кадпас: 22 рака тӧлысь 2024.
  3. ↑ 1 2 3 Число погибших детей при теракте в «Крокусе» выросло до шести, РБК (3 косму тӧлысь 2024). Шыӧдчан кадпас: 3 косму тӧлысь 2024.
  4. ↑ Число пострадавших в результате теракта в "Крокус сити холле" выросло до 551, TACC. Шыӧдчан кадпас: 30 рака тӧлысь 2024.
  5. ↑ Инженер-строитель пробил стену для спасения людей в «Крокусе», РБК (30 рака тӧлысь 2024). Шыӧдчан кадпас: 30 рака тӧлысь 2024.
  6. ↑ Участников теракта в "Крокусе" задержали недалеко от границы с Украиной, РИА Новости (23.03.2024). Шыӧдчан кадпас: 23 рака тӧлысь 2024.
  7. ↑ РБК, 23 марта 2024. Путин заявил, что с украинской стороны готовили «окно» для террористов
  8. ↑ РБК, 26 марта 2024. Бортников обвинил спецслужбы Украины в содействии теракту в «Крокусе»
  9. ↑ РБК, 27 марта 2024. Песков заявил, что официальных версий теракта в «Крокусе» еще не называли
  10. ↑ Eric Schmitt. What We Know About ISIS-K, the Group That Claimed Responsibility for the Moscow Attack, The New York Times (22 рака тӧлысь 2024). Шыӧдчан кадпас: 23 рака тӧлысь 2024.
  11. ↑ ISIS claims responsibility for attack in busy Moscow-area concert venue that left at least 40 dead, CNN (22 рака тӧлысь 2024). Шыӧдчан кадпас: 22 рака тӧлысь 2024.
  12. ↑ Moscow concert hall attack latest: ISIS claims responsibility for shooting that killed more than 60 people (англ.). The Independent. Шыӧдчан кадпас: 23 рака тӧлысь 2024. Архивируйтӧма 23 рака тӧлысь 2024.
  13. ↑ Ведомости, 25 марта 2024. Что такое запрещенный в России «Вилаят Хорасан»
  14. ↑ Интерфакс, 24 марта 2024. Вице-президент США возложила ответственность за теракт в Crocus City Hall на ИГ
  15. ↑ Путин назвал кровавым и варварским теракт в «Крокус Сити Холле», РБК (23.03.2024). Шыӧдчан кадпас: 23 рака тӧлысь 2024.
  16. ↑ Организаторами теракта в "Крокусе" были шестеро граждан Средней Азии, РИА Новости (22 рака тӧлысь 2025). Шыӧдчан кадпас: 22 рака тӧлысь 2025.
  17. ↑ Свыше двух тысяч человек проходят потерпевшими по делу о "Крокусе", РИА Новости (20 ода-кора тӧлысь 2025). Шыӧдчан кадпас: 20 ода-кора тӧлысь 2025.
  18. ↑ СК завершил расследование теракта в «Крокусе» и назвал Украину заказчиком, РБК (23 лӧддза-номъя тӧлысь 2025). Шыӧдчан кадпас: 24 лӧддза-номъя тӧлысь 2025.
  19. ↑ Инженер-строитель пробил стену для спасения людей в «Крокусе», РБК (30 рака тӧлысь 2024). Шыӧдчан кадпас: 30 рака тӧлысь 2024.
  20. ↑ Процесс по делу о теракте в «Крокусе» в Мосгорсуде начнется 4 августа, РБК (21 сора тӧлысь 2025). Шыӧдчан кадпас: 21 сора тӧлысь 2025.
  21. ↑ Крокус. Mash (22 рака тӧлысь 2024).
  22. ↑ Теракт с десятками погибших в «Крокус Сити Холле». Главное, РБК. Шыӧдчан кадпас: 22 рака тӧлысь 2024.
  23. ↑ Один из зрителей «Крокус Сити Холла» обезвредил террориста, Lenta.RU (23.03.2024). Шыӧдчан кадпас: 23 рака тӧлысь 2024.
  24. ↑ 1 2 3 4 5 6 Что известно о происшествии в "Крокус сити холле". Главное, TACC. Шыӧдчан кадпас: 22 рака тӧлысь 2024.
  25. ↑ Пожару в "Крокус сити холле" присвоен повышенный ранг сложности, TACC. Шыӧдчан кадпас: 22 рака тӧлысь 2024.
  26. ↑ В оперслужбах сообщили о втором взрыве в Crocus City Hall, Interfax.ru (22 рака тӧлысь 2024). Шыӧдчан кадпас: 22 рака тӧлысь 2024.
  27. ↑ Вертолеты сбросили около 160 тонн воды на горящий "Крокус сити холл", РИА Новости (23.03.2024). Шыӧдчан кадпас: 23 рака тӧлысь 2024.
  28. ↑ Минздрав Подмосковья опубликовал список из 145 госпитализированных после теракта, TACC (23.03.2024). Шыӧдчан кадпас: 23 рака тӧлысь 2024.
  29. ↑ Интерфакс, 24 марта 2024. Спасатели сделали проем в стене Crocus для прохода тяжелой техники
  30. ↑ Поисковую операцию на месте теракта в «Крокусе» продлили на день, РБК (25 рака тӧлысь 2024). Шыӧдчан кадпас: 25 рака тӧлысь 2024.
  31. ↑ Спасатели завершили разбор завалов в "Крокус сити холле", TACC (26 рака тӧлысь 2024). Шыӧдчан кадпас: 26 рака тӧлысь 2024.
  32. ↑ Бастрыкин потребовал поименно установить заказчиков теракта в «Крокусе», РБК (31 рака тӧлысь 2024). Шыӧдчан кадпас: 31 рака тӧлысь 2024.
  33. ↑ Суд признал более 1,7 тыс. человек потерпевшими по делу о теракте в «Крокусе». Известия (1 лӧддза-номъя тӧлысь 2024). Шыӧдчан кадпас: 2 лӧддза-номъя тӧлысь 2024.
  34. ↑ Выплаты пострадавшим в "Крокусе" начнутся с 23 сентября, TACC (20 кӧч тӧлысь 2024). Шыӧдчан кадпас: 20 кӧч тӧлысь 2024.
  35. ↑ 1 2 Опубликовано видео допроса террориста из "Крокуса", РИА Новости (23.03.2024). Шыӧдчан кадпас: 23 рака тӧлысь 2024.
  36. ↑ ТАСС, 25 марта 2014. Бастрыкин заявил о восстановлении хронологии теракта в «Крокус сити холле»
  37. ↑ РИА Новости: Террористы из "Крокуса" ехали по трассе со скоростью более 140 км/ч - Российская газета, Российская газета (26 рака тӧлысь 2024). Шыӧдчан кадпас: 27 рака тӧлысь 2024.
  38. ↑ 1 2 Арестованным Басманным судом террористам грозит пожизненное лишение свободы - Российская газета, Российская газета (25 рака тӧлысь 2024). Шыӧдчан кадпас: 27 рака тӧлысь 2024.
  39. ↑ Участникам задержания устроивших теракт в "Крокусе" вручили награды, РИА Новости (25.03.2024). Шыӧдчан кадпас: 25 рака тӧлысь 2024.
  40. ↑ В МВД рассказали, как выследили машину террористов, напавших на «Крокус», Росбалт. Шыӧдчан кадпас: 28 рака тӧлысь 2024.
  41. ↑ Суд арестовал четырех фигурантов дела о теракте в «Крокус Сити Холле», РБК (24.03.2024). Шыӧдчан кадпас: 25 рака тӧлысь 2024.
  42. ↑ Суд назвал имена фигурантов дела о теракте в «Крокус Сити Холле», РБК. Шыӧдчан кадпас: 25 рака тӧлысь 2024.
  43. ↑ Жирнов, Степан. «Не едем на турнир?» Мальчик, сбитый террористами, пришёл в сознание, AiF. Шыӧдчан кадпас: 25 рака тӧлысь 2024.
  44. ↑ Суд арестовал пятого обвиняемого по делу о теракте в "Крокус сити холле", TACC (25 рака тӧлысь 2024). Шыӧдчан кадпас: 25 рака тӧлысь 2024.
  45. ↑ Суд арестовал седьмого фигуранта дела о теракте в "Крокусе", РИА Новости (25 рака тӧлысь 2024). Шыӧдчан кадпас: 25 рака тӧлысь 2024.
  46. ↑ Екатерина КОСОБОКОВА |. Суд арестовал восьмого фигуранта по делу о теракте в «Крокусе» Алишера Касимова (рус.). kp.ru -. Шыӧдчан кадпас: 26 рака тӧлысь 2024.
  47. ↑ Росфинмониторинг внес напавших на «Крокус» в реестр террористов. rbc.ru (28 рака тӧлысь 2024). Шыӧдчан кадпас: 28 рака тӧлысь 2024.
  48. ↑ В суде раскрыли имя девятого фигуранта дела о теракте в "Крокусе" - Российская газета, Российская газета (29 рака тӧлысь 2024). Шыӧдчан кадпас: 29 рака тӧлысь 2024.
  49. ↑ В Москве арестовали девятого фигуранта дела о теракте в «Крокусе», РБК (29 рака тӧлысь 2024). Шыӧдчан кадпас: 29 рака тӧлысь 2024.
  50. ↑ Суд арестовал девятого фигуранта дела о теракте в "Крокусе", РИА Новости (29.03.2024). Шыӧдчан кадпас: 29 рака тӧлысь 2024.
  51. ↑ Суд арестовал десятого фигуранта дела о теракте в "Крокусе", РИА Новости (01.04.2024). Шыӧдчан кадпас: 1 косму тӧлысь 2024.
  52. ↑ СК раскрыл имя и роль еще одного фигуранта дела о теракте в «Крокусе», РБК (1 косму тӧлысь 2024). Шыӧдчан кадпас: 1 косму тӧлысь 2024.
  53. ↑ Mash: фигуранта дела о теракте в «Крокусе» поставили на учет незаконно. News.ru (11 лӧддза-номъя тӧлысь 2024). Шыӧдчан кадпас: 11 лӧддза-номъя тӧлысь 2024.
  54. ↑ ФСБ сообщила о задержании еще троих фигурантов дела о теракте в «Крокусе», Ведомости (4 косму тӧлысь 2024). Шыӧдчан кадпас: 4 косму тӧлысь 2024.
  55. ↑ Басманный суд арестовал еще одного фигуранта дела о теракте в «Крокусе», Известия (5 косму тӧлысь 2024). Шыӧдчан кадпас: 5 косму тӧлысь 2024.
  56. ↑ ТАСС узнал о фигурантах дела о халатности после теракта в «Крокусе», РБК. Шыӧдчан кадпас: 8 косму тӧлысь 2024.
  57. ↑ Силовики задержали еще одного фигуранта дела о теракте в «Крокусе», РБК (26 косму тӧлысь 2024). Шыӧдчан кадпас: 26 косму тӧлысь 2024.
  58. ↑ В РФ задержали еще одного фигуранта дела о теракте в «Крокус Сити Холле», AiF (26 косму тӧлысь 2024). Шыӧдчан кадпас: 26 косму тӧлысь 2024.
  59. ↑ Басманный суд арестовал 12-го фигуранта дела о теракте в «Крокусе», Известия (27 косму тӧлысь 2024). Шыӧдчан кадпас: 27 косму тӧлысь 2024.
  60. ↑ Суд продлил арест предполагаемому исполнителю теракта в "Крокусе" Мирзоеву. ria.ru (16 ода-кора тӧлысь 2024). Шыӧдчан кадпас: 16 ода-кора тӧлысь 2024.
  61. ↑ Суд продлил арест одному из исполнителей теракта в «Крокусе». РБК (16 ода-кора тӧлысь 2024). Шыӧдчан кадпас: 16 ода-кора тӧлысь 2025.
  62. ↑ Суд продлил арест всем исполнителям теракта в «Крокус Сити Холле». RT (16 ода-кора тӧлысь 2024). Шыӧдчан кадпас: 16 ода-кора тӧлысь 2024.
  63. ↑ Суд продлил арест четверым пособникам напавших на "Крокус" террористов. ТАСС (16 ода-кора тӧлысь 2024). Шыӧдчан кадпас: 16 ода-кора тӧлысь 2024.
  64. ↑ https://www.rbc.ru/rbcfreenews/664733029a79479f7e2e0666. РБК (17 ода-кора тӧлысь 2024). Шыӧдчан кадпас: 17 ода-кора тӧлысь 2024.
  65. ↑ По делу о теракте в «Крокусе» арестовано 18 человек. Известия (1 лӧддза-номъя тӧлысь 2024). Шыӧдчан кадпас: 2 лӧддза-номъя тӧлысь 2024.
  66. ↑ Суд продлил арест четырем обвиняемым в теракте в «Крокусе», РБК (16 моз тӧлысь 2024). Шыӧдчан кадпас: 20 моз тӧлысь 2024.
  67. ↑ Суд продлил арест еще четырем обвиняемым в теракте в «Крокусе», РБК (19 моз тӧлысь 2024). Шыӧдчан кадпас: 20 моз тӧлысь 2024.
  68. ↑ До 22 ноября продлили арест 4 фигурантов по делу о теракте в «Крокусе», AiF (20 моз тӧлысь 2024). Шыӧдчан кадпас: 20 моз тӧлысь 2024.
  69. ↑ Еще один фигурант дела о теракте в «Крокусе» частично признал вину, РБК (23 моз тӧлысь 2024). Шыӧдчан кадпас: 23 моз тӧлысь 2024.
  70. ↑ Виктория Шварц. Бастрыкин заявил, что по делу о теракте в "Крокус Сити Холле" обвиняются 27 фигурантов, Профиль (14 тӧвшӧр тӧлысь 2025). Шыӧдчан кадпас: 15 тӧвшӧр тӧлысь 2025.
  71. ↑ Исполнителям теракта в «Крокусе» продлили арест до 24 марта, AiF (19.02.2025). Шыӧдчан кадпас: 19 урасьӧм тӧлысь 2025.
  72. ↑ В США арестовали террориста, инструктировавшего напавших на «Крокус», РБК. Шыӧдчан кадпас: 7 рака тӧлысь 2025.
  73. ↑ В СК рассказали об изъятом оружии с места теракта в "Крокус сити холле", TACC. Шыӧдчан кадпас: 24 рака тӧлысь 2024.
  74. ↑ Мария МАМАЕВА |. В Душанбе ведут следственные мероприятия с родными террористов из «Крокуса» (рус.). kp.ru -. Шыӧдчан кадпас: 26 рака тӧлысь 2024.
  75. ↑ Сергей Чиков |. Бортников: Украина готовила боевиков на Ближнем Востоке (рус.). kp.ru - (26 рака тӧлысь 2024). Шыӧдчан кадпас: 26 рака тӧлысь 2024.
  76. ↑ РБК, 27 марта 2024. Участника телеграм-группы с террористами из «Крокуса» вышлют из России
  77. ↑ ТАСС сообщил, что атаковавшие «Крокус» террористы были под наркотиками, РБК (28 рака тӧлысь 2024). Шыӧдчан кадпас: 28 рака тӧлысь 2024.
  78. ↑ В крови террористов из "Крокуса" обнаружили психотропные наркотические вещества - Российская газета, Российская газета (28 рака тӧлысь 2024). Шыӧдчан кадпас: 2 косму тӧлысь 2024.
  79. ↑ СК получил доказательства связи террористов из "Крокуса" с Украиной, РИА Новости (28 рака тӧлысь 2024). Шыӧдчан кадпас: 28 рака тӧлысь 2024.
  80. ↑ Источник: под Душанбе задержали девять человек по делу об атаке на "Крокус", РИА Новости (20240329T1257). Шыӧдчан кадпас: 29 рака тӧлысь 2024.
  81. ↑ Обвиняемые в теракте в "Крокусе" заявили, что ехали в Киев за наградой, РИА Новости (29.03.2024). Шыӧдчан кадпас: 29 рака тӧлысь 2024.
  82. ↑ Задержанные в Дагестане террористы снабжали деньгами и оружием атаковавших "Крокус", TACC (1 косму тӧлысь 2024). Шыӧдчан кадпас: 1 косму тӧлысь 2024.
  83. ↑ ФСБ заявила о причастности задержанных в Дагестане боевиков к теракту в «Крокусе», Известия (1 косму тӧлысь 2024). Шыӧдчан кадпас: 1 косму тӧлысь 2024.
  84. ↑ В Турции задержали жителей Таджикистана по подозрению в подготовке теракта, РИА Новости (01.04.2024). Шыӧдчан кадпас: 1 косму тӧлысь 2024.
  85. ↑ Пострадавшие в "Крокусе" просят СК возбудить дело в отношении владельцев комплекса, TACC (2 косму тӧлысь 2024). Шыӧдчан кадпас: 2 косму тӧлысь 2024.
  86. ↑ Семерых фигурантов дела о теракте в «Крокусе» внесли в реестр террористов, РБК. Шыӧдчан кадпас: 9 косму тӧлысь 2024.
  87. ↑ Путин: Спецслужбы продолжают выявлять заказчиков и спонсоров теракта в "Крокусе" - Российская газета, Российская газета (24 косму тӧлысь 2024). Шыӧдчан кадпас: 24 косму тӧлысь 2024.
  88. ↑ Росфинмониторинг раскрыл, как финансировался теракт в "Крокусе" - Российская газета, Российская газета (25 косму тӧлысь 2024). Шыӧдчан кадпас: 25 косму тӧлысь 2024.
  89. ↑ СК возбудил дело об оказании небезопасных услуг в связи с нападением на "Крокус". ТАСС (31 ода-кора тӧлысь 2024). Шыӧдчан кадпас: 31 ода-кора тӧлысь 2024.
  90. ↑ Стало известно о пяти новых фигурантах дела о теракте в "Крокусе", РИА Новости (29 моз тӧлысь 2024). Шыӧдчан кадпас: 29 моз тӧлысь 2024.
  91. ↑ Стали известны подробности о новом фигуранте по делу о теракте в "Крокусе", РИА Новости (29 моз тӧлысь 2024). Шыӧдчан кадпас: 29 моз тӧлысь 2024.
  92. ↑ Пятеро фигурантов дела о теракте в "Крокусе" обеспечивали нападавших оружием, TACC (29 моз тӧлысь 2024). Шыӧдчан кадпас: 29 моз тӧлысь 2024.
  93. ↑ Четыре фигуранта дела о теракте в «Крокусе» состояли в «Вилаят Хорасан», РБК. Шыӧдчан кадпас: 3 йирым тӧлысь 2024.
  94. ↑ В деле «Крокуса» взят новый след. kommersant.ru (1 вӧльгым тӧлысь 2024). Шыӧдчан кадпас: 1 вӧльгым тӧлысь 2024.
  95. ↑ Стали известны личности передавших оружие напавшим на «Крокус» террористам, Известия (2 вӧльгым тӧлысь 2024). Шыӧдчан кадпас: 2 вӧльгым тӧлысь 2024.
  96. ↑ Четырем фигурантам дела о теракте в «Крокусе» переквалифицировали обвинение, AiF (20 вӧльгым тӧлысь 2024). Шыӧдчан кадпас: 20 вӧльгым тӧлысь 2024.
  97. ↑ В Ингушетии задержали предполагаемых пособников напавших на "Крокус" террористов, TACC (4 ӧшым тӧлысь 2024). Шыӧдчан кадпас: 5 ӧшым тӧлысь 2024.
  98. ↑ Anadolu: подельникам террористов из "Крокуса" грозит 15 лет тюрьмы в Турции, TACC (2 тӧвшӧр тӧлысь 2025). Шыӧдчан кадпас: 2 тӧвшӧр тӧлысь 2025.
  99. ↑ Предварительное следствие по делу о теракте в «Крокус Сити Холле» завершилось. vm.ru (5 урасьӧм тӧлысь 2025). Шыӧдчан кадпас: 5 урасьӧм тӧлысь 2025.
  100. ↑ Владелец «Крокус Сити Холла» признан потерпевшим по делу о теракте. aif.ru (11 урасьӧм тӧлысь 2025). Шыӧдчан кадпас: 11 урасьӧм тӧлысь 2025.
  101. ↑ 1 2 СК завершил расследования в отношении 19 фигурантов дела о "Крокусе", РИА Новости (22 рака тӧлысь 2025). Шыӧдчан кадпас: 22 рака тӧлысь 2025.
  102. ↑ Экспертиза признала вменяемыми исполнителей теракта в «Крокус Сити Холле», РБК. Шыӧдчан кадпас: 14 косму тӧлысь 2025.
  103. ↑ МИД назвал «кровавым терактом» произошедшее в «Крокус Сити Холле», РБК (22 рака тӧлысь 2024). Шыӧдчан кадпас: 22 рака тӧлысь 2024.
  104. ↑ Патриарх Кирилл молится об упокоении душ погибших при ЧП в "Крокус сити холле", TACC. Шыӧдчан кадпас: 22 рака тӧлысь 2024.
  105. ↑ В Москве отменили все массовые мероприятия после атаки на «Крокус-Сити», РБК. Шыӧдчан кадпас: 22 рака тӧлысь 2024.
  106. ↑ ГСУ СК России возбудило уголовное дело о теракте в Московской области, TACC. Шыӧдчан кадпас: 22 рака тӧлысь 2024.
  107. ↑ Медведев призвал к «тотальной казни террористов» после нападения в Москве, РБК. Шыӧдчан кадпас: 22 рака тӧлысь 2024.
  108. ↑ Обращение Владимира Путина к россиянам, РИА Новости. Шыӧдчан кадпас: 23 рака тӧлысь 2024.
  109. ↑ Заявление Путина в связи с терактом в «Крокус Сити Холле». Трансляция, Известия. Шыӧдчан кадпас: 23 рака тӧлысь 2024.
  110. ↑ Спасшим людей при теракте в «Крокусе» школьникам вручили награды. Известия. Известия (25 рака тӧлысь 2024). Шыӧдчан кадпас: 25 рака тӧлысь 2024.
  111. ↑ Спасавших людей в «Крокусе» Донскова и Мейер наградили в Общественной палате. iz.ru (26 рака тӧлысь 2024). Шыӧдчан кадпас: 26 рака тӧлысь 2024.
  112. ↑ Глава РПЦ высказался о русском национализме, Росбалт. Шыӧдчан кадпас: 27 рака тӧлысь 2024.
  113. ↑ Путин наградил подростков, спасавших людей во время теракта в «Крокусе», Известия (2 ода-кора тӧлысь 2024). Шыӧдчан кадпас: 2 ода-кора тӧлысь 2024.
  114. ↑ Указ Президента Российской Федерации от 02.05.2024 № 300 "О награждении государственными наградами Российской Федерации". Официальное опубликование правовых актов (2 ода-кора тӧлысь 2024). Шыӧдчан кадпас: 2 ода-кора тӧлысь 2024.
  115. ↑ Путин посмертно наградил пытавшегося обезвредить террориста в «Крокусе» мужчину, Известия (8 сора тӧлысь 2024). Шыӧдчан кадпас: 8 сора тӧлысь 2024.
  116. ↑ РБК, 31 июля 2024. Краснов увидел просчеты органов власти в терактах в «Крокусе» и Дагестане
  117. ↑ ЦРУ в срочном порядке уведомляло Россию о подготовке теракта, заявил Херш. РИА-Новости (3 косму тӧлысь 2024).
  118. ↑ РИА Новости, 23 марта 2024. ХАМАС осудило теракт в «Крокусе»
  119. ↑ РБК, 23 марта 2024. МИД Афганистана осудил теракт в подмосковном «Крокусе»
  120. ↑ ТАСС, 23 марта 2024. «Хезболлах» осудила теракт в Москве. Шиитская организация назвала произошедшее в «Крокус сити холле» кровавым терактом
  121. ↑ Совбез ООН почтил минутой молчания память погибших в "Крокусе". Московский комсомолец (25 рака тӧлысь 2024). Шыӧдчан кадпас: 25 рака тӧлысь 2024.
  122. ↑ Игравшая в «Крокусе» группа Garbage выразила соболезнования после теракта, РБК. Шыӧдчан кадпас: 27 рака тӧлысь 2024.
  123. ↑ Граждане Таджикистана больше не смогут въехать в Турцию без визы, РИА Новости (6 косму тӧлысь 2024). Шыӧдчан кадпас: 6 косму тӧлысь 2024.
  124. ↑ Возле «Крокуса» начали возводить мемориал жертвам теракта, Коммерсантъ (21 урасьӧм тӧлысь 2025). Шыӧдчан кадпас: 21 урасьӧм тӧлысь 2025.
  125. ↑ Открытие мемориала жертвам теракта в «Крокус Сити Холле». Фоторепортаж, РБК (22 рака тӧлысь 2025). Шыӧдчан кадпас: 24 рака тӧлысь 2025.
  126. ↑ Центробанк рекомендовал списать долги погибших при теракте в "Крокусе", РИА Новости (25.03.2024). Шыӧдчан кадпас: 25 рака тӧлысь 2024.
  127. ↑ Центробанк предложил банкам простить долги погибших в «Крокусе», РБК. Шыӧдчан кадпас: 25 рака тӧлысь 2024.
  128. ↑ Группа «Пикник» проведет концерт памяти в Петербурге, РБК (26 рака тӧлысь 2024). Шыӧдчан кадпас: 26 рака тӧлысь 2024.
  129. ↑ news.ru. news.ru (28 рака тӧлысь 2024). Шыӧдчан кадпас: 28 рака тӧлысь 2024.
  130. ↑ Воробьев заявил, что на месте «Крокуса» не будет концертного зала, РБК (29 лӧддза-номъя тӧлысь 2024). Шыӧдчан кадпас: 29 лӧддза-номъя тӧлысь 2024.
  131. ↑ Напавшие на «Крокус» террористы планировали атаковать центр Москвы - Газета.Ru | Новости, Газета.Ru (20 рака тӧлысь 2025). Шыӧдчан кадпас: 20 рака тӧлысь 2025.
  132. ↑ Курнакова, Ирина. Несломленные. В Москве состоялась премьера фильма о трагедии в «Крокусе», AiF. Шыӧдчан кадпас: 24 рака тӧлысь 2025.

Ыстӧгъяс

Босьтӧма "https://kv.ruwiki.ru/w/index.php?title=Крокус_Сити_Холлын_теракт_(2024)&oldid=482389"-ысь