Мурашко Михаил Альбертович

Михаил Альбертович Мурашко
Михаил Альбертович Мурашко
Россия Федерацияса йӧзлысь дзоньвидзалун видзан министр
	2020.01.21; (у. в. 2024.05.7-13)
Правительствоӧн веськӧдлысь	Михаил Мишустин; Андрей Белоусов (у. в.); Михаил Мишустин
Президент	Владимир Путин
Водзвывса уджалысь	Вероника Скворцова
Росздравнадзорӧн веськӧдлысь
	2013.03.07 — 2020.01.21
Водзвывса уджалысь	Николай Юргель; Елена Тельнова (мноп)
Удж водзӧ нуӧдысь	Дмитрий Пархоменко (мноп); Алла Самойлова
Коми Республикаса йӧзлысь дзоньвидзалун видзан министр
	2006.03.12 — 2011.02.14
Губернатор	Владимир Торлопов; Вячеслав Гайзер
Удж водзӧ нуӧдысь	Ярослав Бордюг
Чужис	1967 вося тӧвшӧр тӧлысь 9-ӧд лун; Свердловск, РСФСР, СССР
Ютыр	оз пыр некутшӧм партияӧ[d];
Велӧдчӧм	Урал канму медицина институт
Учёнӧй степень	Медицина наукаяс доктор
Уджсикас	бурдӧдысь-гинеколог
Удж	канморт
Уджаланін	Россия Федерацияса веськӧдлан котыр,; И. М. Сеченов нима Медводдза Москваса канму медицина университет,; Н. Э. Бауман нима Москваса канму техника университет
	Медиафайлы на РУВИКИ.Медиа

Мурашко Михаил Альбертович (1967 вося тӧвшӧр тӧлысь 9-ӧд лун, Свердловск, РСФСР, СССР) — россияса канморт, 2020 вося тӧвшӧр тӧлысь 21-ӧд лунсянь Россия Федерацияса йӧзлысь дзоньвидзалун видзан министр^[1]^[2].

Медицина наукаяс доктор. И. М. Сеченов нима Медводдза Москваса канму медицина университетын профессор. Эм медвылыс категория «акушерство да гинекология», «дзоньвидзалун видзӧм котыртӧм» специальносьтъяс серти^[2].

Россия Федерацияса 2-ӧд класса тырвыйӧ канму сӧветник^[2].

Олантуй

Михаил Мурашко чужис Свердловскын 1967 воын. Помаліс 1984 воын карса физика, математика да химия пыдісянь велӧдана школа^[3]. Пырис велӧдчыны Уралса канму медицина институтӧ (УГМИ), но мӧд курс бӧрын босьтісны армияӧ (сэки военнӧй кафедраястӧм вузъясын велӧдчысьяслӧн отсрочкаыс эз вӧв) да 1986 восянь 1988 воӧдз служитіс СССР-са ПДМ-лӧн пытшкӧсса войскаын^[4]^[5]. Запасӧ мунӧм бӧрын бӧр воис аслас институтӧ.

1992 воын Мурашко помаліс Уралса канму медицина институт, сы бӧрын 1996 воӧдз уджаліс Сыктывкарын Коми Республикаса больничаын врач-интернӧн да врач-акушер-гинекологӧн. 1996 воын сійӧс индісны консультативно-диагностическӧй удж кузя медшӧр врачӧс вежысьӧн, а сэсся «Коми республиканскӧй перинатальнӧй шӧрин» учреждениеса медшӧр врачӧн. Дорйис кандидатскӧй диссертация «Особенности течения и исходы родов у женщин с некоторыми видами урогенитальной инфекции» тема серти. 1996 восянь 1999 воӧдз вӧлі Республиканскӧй медицинскӧй объединениеса главнӧй врачӧн. 2000 восянь 2006 воӧдз уджаліс Республиканскӧй перинатальнӧй шӧринын медшӧр врачӧн^[2].

2005 воын Москва обласьтса акушерство да гинекология НИИ-ын дорйис медицина наукаяс доктор ним вылӧ диссертация «Современные аспекты оказания акушерской помощи в регионе с низкой плотностью населения» тема серти^[2].

2006 воын Мурашко вуджис канму служба вылӧ, лоис Коми Республикаса йӧзлысь дзоньвидзалун видзан министрӧн. Такӧд тшӧтш 2011 да 2012 воясын юрнуӧдіс Сыктывкарын Россияса йӧзлысь дзоньвидзалун видзан да налы отсӧг сетан министерстволӧн Кировса канму медицина академиялӧн республиканскӧй филиалын акушерство да гинекология кафедраӧн^[2].

2011 воын Мурашко вӧлі свидетельӧн 2009 воын Комиын бурдӧдан учреждениеяслы ыджыд донысь компьютернӧй томографъяс ньӧбӧмкӧд йитчӧм уголовнӧй делӧ кузя^[6]^[7]^[8].

2012 воын Мурашкоӧс индісны йӧзлысь дзоньвидзалун видзӧм бӧрся видзӧдысь федеральнӧй службаӧн веськӧдлысьӧс вежысьӧн. 2013 восянь вӧлі ведомствоса юрнуӧдысьлысь могъяс недыр олӧмӧ пӧртысьӧн, а 2015 вося сора тӧлысь 14-ӧд лунсянь официальнӧя юрнуӧдіс Росздравнадзорӧн.

2020 вося тӧвшӧр тӧлысь 21-ӧд лунӧ Россияса президент Владимир Путинлӧн индӧд серти Мурашкоӧс индісны Михаил Мишустинлӧн веськӧдлан котырын Россия Федерацияса йӧзлысь дзоньвидзалун видзан министрӧн.

2024 вося ода-кора тӧлысь 14-ӧд лунӧ Госдума выль пӧв вынсьӧдіс Мурашкоӧс Михаил Мишустинлӧн веськӧдлан котырын Россия Федерацияса йӧзлысь дзоньвидзалун видзан министрӧн^[9], тайӧ жӧ лунӧ Россия Федерацияса президент кырымаліс индӧдсӧ^[10].

Медицина наукаяс доктор. И. М. Сеченов нима Медводдза Москваса канму медицина университетын профессор^[2].

«Национальное здравоохранение» выль рецензируйтӧм медицинскӧй журналлӧн медшӧр редактор^[11].

Семья

Михаил Мурашко гӧтыра, эм кык челядь^[12].

Наградаяс

II степеня «Айму водзын заслугаясысь» орденса медаль (2018);
Заслугаяс орденлӧн Кодзула командор (2021, Венгрия)^[13];
Россия Федерацияса Веськӧдлан котырлӧн Аттьӧалӧм (2018);
«Йӧзлысь дзоньвидзалун видзӧмын отличник» морӧсвыв пас (2014);
Россия Федерацияса йӧзлысь дзоньвидзалун видзан министерстволӧн кык Почёт грамотаяс (2001, 2006);
«Наркотикъяс бӧрся видзӧдан органъяслы отсӧгысь» медаль (2016);
«Боевӧй содружествоысь» медаль (2016);
«Аймуын йӧзлысь дзоньвидзалун видзӧм водзын заслугаясысь» медаль;
«Чечня Республика водзын заслугаясысь» медаль (2017);
«Россияса ФБС СЭБ „П“ веськӧдланінлӧн 3 юкӧнлы 45 во» юбилей медаль (2018);
«2014 вося Сочи карын XXII тӧвся Олимпийскӧй ворсӧмъяс да XI тӧвся Паралимпийскӧй ворсӧмъяс» казьтылан медаль (2014);
Россияса ПДМ-лӧн «100 во войтыркостса полицейскӧй ёртасьӧмлы» казьтылан юбиле медаль (2015);
«Уголовнӧй мыж вештан системаса медицина служба» казьтылан пас (2019);
Россияса машиностроительяслӧн котырлӧн грамота (2019);
Россия Федерацияса йӧзлысь дзоньвидзалун видзан министерстволӧн Аттьӧалӧм;
Россияса ФБС-лӧн аттьӧалӧм (2019);
Ингушетия Республикалӧн Почёт грамота (2016);
Коми Республикалӧн Почёт грамота (2004).

Пасйӧдъяс

↑ Путин назначил Михаила Мурашко министром здравоохранения // РИА Новости
↑ ¹ ² ³ ⁴ ⁵ ⁶ ⁷ Энциклопедия ТАСС, 2024. Мурашко, Михаил Альбертович. Министр здравоохранения РФ
↑ Биография Михаила Мурашко: что известно о новом министре здравоохранения России (неопр.). Комсомольская правда. Шыӧдчан кадпас: 22 тӧвшӧр тӧлысь 2020.
↑ Биография Михаила Мурашко (рус.). РИА Новости. Шыӧдчан кадпас: 22 тӧвшӧр тӧлысь 2020.
↑ А. Ванденко. Михаил Мурашко: хватит испытывать систему на прочность! (неопр.) ТАСС (15 вӧльгым тӧлысь 2021). — «практически всех моих сокурсников призвали… попал в войска МВД… забирали после второго курса… рядовым…» Шыӧдчан кадпас: 7 косму тӧлысь 2023.
↑ Свидетели по делу о томографах бывшие министр здравоохранения Коми Михаил Мурашко и замминистра Сергей Колесников будут доставлены в суд в принудительном порядке
↑ Новый министр здравоохранения России был свидетелем по уголовному «делу о томографах» в Коми
↑ Свидетель по делу о закупке томографов в Коми стал министром здравоохранения России
↑ Госдума утвердила Мурашко министром здравоохранения (неопр.). РИА "Новости" (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
↑ Президент подписал указы о назначении членов Правительства Российской Федерации и директоров служб (неопр.). kremlin.ru (14 ода-кора тӧлысь 2024). Шыӧдчан кадпас: 14 ода-кора тӧлысь 2024.
↑ Журнал «Национальное здравоохранение»
↑ Михаил Мурашко стал новым министром здравоохранения России вместо Вероники Скворцовой.
↑ A Magyar Érdemrend középkeresztje a csillaggal

Ыстӧгъяс

Энциклопедия ТАСС, 2024. Мурашко, Михаил Альбертович. Министр здравоохранения РФ
Персональная страница на сайте Минздрава
Персональная страница на сайте Росздравнадзора Архивса копия 18 ӧшым тӧлысь 2019 Wayback Machine ресурсын

[1] Путин назначил Михаила Мурашко министром здравоохранения // РИА Новости

[ЭнцТАСС-2] ¹ ² ³ ⁴ ⁵ ⁶ ⁷ Энциклопедия ТАСС, 2024. Мурашко, Михаил Альбертович. Министр здравоохранения РФ

[3] Биография Михаила Мурашко: что известно о новом министре здравоохранения России (неопр.). Комсомольская правда. Шыӧдчан кадпас: 22 тӧвшӧр тӧлысь 2020.

[4] Биография Михаила Мурашко (рус.). РИА Новости. Шыӧдчан кадпас: 22 тӧвшӧр тӧлысь 2020.

[sluzhba-5] А. Ванденко. Михаил Мурашко: хватит испытывать систему на прочность! (неопр.) ТАСС (15 вӧльгым тӧлысь 2021). — «практически всех моих сокурсников призвали… попал в войска МВД… забирали после второго курса… рядовым…» Шыӧдчан кадпас: 7 косму тӧлысь 2023.

[6] Свидетели по делу о томографах бывшие министр здравоохранения Коми Михаил Мурашко и замминистра Сергей Колесников будут доставлены в суд в принудительном порядке

[7] Новый министр здравоохранения России был свидетелем по уголовному «делу о томографах» в Коми

[8] Свидетель по делу о закупке томографов в Коми стал министром здравоохранения России

[9] Госдума утвердила Мурашко министром здравоохранения (неопр.). РИА "Новости" (14 ода-кора тӧлысь 2024). Шыӧдчан кадпас: 14 ода-кора тӧлысь 2024.

[10] Президент подписал указы о назначении членов Правительства Российской Федерации и директоров служб (неопр.). kremlin.ru (14 ода-кора тӧлысь 2024). Шыӧдчан кадпас: 14 ода-кора тӧлысь 2024.

[11] Журнал «Национальное здравоохранение»

[12] Михаил Мурашко стал новым министром здравоохранения России вместо Вероники Скворцовой.

[13] A Magyar Érdemrend középkeresztje a csillaggal

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

Россия Федерацияса ӧнія Веськӧдлан котыр
Председатель	Михаил Мишустин
Медводдза вежысь	Денис Мантуров
Вежысьяс	Татьяна Голикова Дмитрий Григоренко (Аппаратӧн веськӧдлысь) Александр Новак Алексей Оверчук Дмитрий Патрушев Виталий Савельев Юрий Трутнев (Ылі Асыввыв федеральнӧй кытшын президентӧс тырвыйӧ петкӧдлысь) Марат Хуснуллин Дмитрий Чернышенко
Министръяс	Владимир Колокольцев — пытшкӧсса делӧяс Александр Куренков — гражданскӧй оборона, виччысьтӧм лоӧмторъяс Михаил Мурашко — дзоньвидзалун видзӧм Сергей Лавров — суйӧрсайса делӧяс Ольга Любимова — культура Валерий Фальков — наука да вылыс тӧдӧмлун Андрей Белоусов — оборона Александр Козлов — вӧр-ва ресурсъяс да экология Антон Алиханов — промышленносьт да вузасьӧм Сергей Кравцов — просвещение Алексей Чекунков — Ылі Асыввыв сӧвмӧдӧм Оксана Лут — видз-му овмӧс Михаил Дегтярёв — спорт Ирек Файзуллин — строитчӧм да жилищно-коммунальнӧй овмӧс Роман Старовойт — транспорт Антон Котяков — удж да йӧзӧс дорйӧм Антон Силуанов — финансъяс Максут Шадаев — цифра отсӧгӧн сӧвмӧдӧм, йитӧд да юӧр сетӧм Максим Решетников — экономика сӧвмӧдӧм Сергей Цивилёв — энергетика Константин Чуйченко — юстиция