Кӧр лун
| Кӧр лун | |
|---|---|
 | |
| Сикас | Уджсикас гаж |
| Вынсьӧдӧма | 1932 воын |
| Пасйӧны | Яран асвеськӧдлан кытш, Коми Республика |
| Празднуйтӧм | моз тӧлысь 2-ӧд лун |
Кӧр лун — Яран асвеськӧдлан кытшын да Коми Республикаын кӧр видзысьяслӧн уджсикас гаж. Пасйӧны моз тӧлысь 2-ӧд лунӧ Илля лункӧд тшӧтш. Кӧр лунсӧ пасйӧны кӧръясӧн гожся йирсьӧм помасьӧм да кӧр стадаясӧс тӧвся пӧскӧтинаяс вылӧ вуджӧдны заводитчӧмкӧд йитӧдын.
История
1931 вося Большеземельскӧй тундраса Вангурейын медводдзаысь вӧлі котыртӧма ВКП(б) партиялӧн ячейка да комсомольскӧй ячейка. А сора тӧлысьӧ чукӧртчылӧм дырйи вӧлі примитӧма татшӧм решение: «Бырӧдны "Илля лун» вичкоса гаж, а сы пыдди котыртны выль «Кӧр лун» выль гаж. И 1932 вося сора тӧлысь 6-ӧд лунся "Няръян вындер" газетын вӧлі йӧзӧдӧма ВКП(б) окружкомлӧн бюролысь шуӧм: нуӧдны моз тӧлысь 1 лунӧ вичко гаж пыдди местаяс вылын уна йӧза, хозяйственнӧ-политическӧй гаж - «Кӧр лун». Гажсӧ сиӧма кӧр стадаяслӧн гожся кадсӧ бура помалӧмлы[1].
1932 восянь гажсӧ пасйисны моз тӧлысся медводдза вежалунӧ.
1958 восянь 1994 воӧдз гажсӧ нимтісны Кӧр видзысьлӧн лунӧн, (Ямал-Яран асвеськӧдлан кытшын татшӧм нимыс ӧнӧдз).
Кӧр лун пасъян официальнӧй кадпассӧ моз тӧлысь 2-ӧд лунын вӧлі вынсьӧдӧма 2007 воын [2].
Пасйӧм
Уна вося гаж нуӧдігӧн лоисны гаж нуӧдан традиционнӧй инъяс. Кӧр лунын быть колана юкӧн - кыпыд чукӧртчылӧм медводдза во джынся удж йылысь, кӧръяс теляасьӧм йылысь, верстьӧ кӧръясӧс да том кӧръясӧс видзӧм йылысь кывкӧртӧдъяс вӧчӧмӧн. Кӧр видзысьяскӧд тайӧ лунӧ сідзжӧ удж серти паныдасьӧны канму власьт органъясса ыджыд чина йӧз. Мукӧддырйи Кӧр лункӧд йитӧны мукӧд гаж (кӧлысь, юбилей, пӧрысьясӧс нимӧдӧм да с.в.).
Гаж дырйи кӧр видзысьяслӧн стойбищеясын нуӧдӧны национальнӧй спорт сикасъяс серти ордйысьӧмъяс - войвывса многоборье, кӧр доддьӧн ордйысьӧмъяс, национальнӧй вермасьӧм кузя ордйысьӧмъяс, а сідзжӧ петкӧдчӧны художественнӧй самодеятельностьлӧн йӧзкостса котыръяс да йӧзкостса гуляйтӧмъяс, котыртӧны вузасьӧм да праздничнӧй столӧвӧйяс. Тшӧтш кӧр видзысьясӧс да налысь семьяяссӧ видлалӧны врачьяс да медицина специалистъяс[3].
Видзӧд тшӧтш
Пасйӧдъяс
- ↑ ИСТОРИЯ ПРАЗДНОВАНИЯ ДНЯ ОЛЕНЯ
- ↑ Закон НАО от 14 декабря 2007 года N 170-оз О традиционном празднике — День Оленя. Шыӧдчан кадпас: 20 тӧвшӧр тӧлысь 2015. Архивируйтӧма 20 тӧвшӧр тӧлысь 2015.
- ↑ Жители тундры отмечают День оленя. Шыӧдчан кадпас: 20 тӧвшӧр тӧлысь 2015. Архивируйтӧма 20 тӧвшӧр тӧлысь 2015.
Литература
- Ненецкий автономный округ. Энциклопедический словарь / Л. Ю. Корепанова (гл. ред.). — М.: Аванта+, 2001. — 304 с. — ISBN 5-8483-0040-2.