Кӧр видзысьлӧн лун
| Кӧр видзысьлӧн лун | |
|---|---|
 Кӧр видзысьлӧн лун, Вӧркута | |
| Пасйӧны | Войвывса вужвойтыр |
| Кутшӧм кадсянь | рака тӧлысь-косму тӧлысь |
| Празднуйтӧм | уна сикас |
| Йитчӧма | тувсов ӧткузя луна-воя, юрйыв вой помасьӧм |
Кӧр видзысьлӧн лун — СССР-ын да Россияын войвывса вужвойтырлӧн гаж[1].
История
Кӧр видзысьлӧн лун вӧлі лӧсьӧдӧма 1950-1960 воясӧ уна мукӧд уджсикас гажкӧд ӧттшӧтш[2].
Сійӧс нуӧдӧны тулысын, рака тӧлысьын[3][2] либӧ косму тӧлысьын[4].
Пасйӧны Мурманск обласьтын да Амур обласьтын, Ханты-Вӧгул асвеськӧдлан кытшын да Ямал-Яран асвеськӧдлан кытшын, Таймырын, Камчаткаын и мукӧд войвывса регионын[2]. Мурманск обласьтын кӧр видзысьлысь лунсӧ нуӧдӧны Войвывса гаж дырйи[5].
СССР-ын кӧр видзысьлысь лунсӧ котыртлісны канму чина йӧз, кодъяслы тайӧ гажыс вӧлі национальнӧй да уджсикас политика юкӧнӧн: быд войтырлӧн должен лоны аслас гаж, и быд уджсикаслӧн должен лоны аслас гаж[6]. 1990-ӧд вояссянь гаж котыртысьясӧн лоӧ оз сӧмын канму, но и мусир да биару перъян коммерческӧй компанияяс[6]. Гажыс ладмӧдӧ йитӧдъяссӧ вужвойтыр костын, ӧтарсяньыс, да канму да коммерческӧй компанияяс костын, мӧдарсяньыс[7].
СССР-ын праздникыс заводитчыліс делӧвӧй совещаниесянь, котыртлісны уна сикас выставкаяс, концертъяс, традиционнӧй спорт ордйысьӧмъяс: кӧр доддьӧн ордйысьӧм, лыйсьӧм, аркан шыблалӧм[8]. Россияын тшӧтш нуӧдӧны выставкаяс да спорт ордйысьӧмъяс[2][4][9]. Кӧр доддьӧн ордйысигӧн медшӧр призӧн лоӧ снегоход (Якутияын, Таймырын, ЯЯАК-ын) [6][4][9].
СССР-ын гажыс вӧлі «религиознӧй колясъяскӧд тышкасьӧм» туйын: канму зілис вежлавны кӧрлысь традиционнӧй культсӧ уджлӧн культӧн[10]. Россияын мунӧ «тайӧ вежсьӧмлӧн инверсия»: шуам, Таймырын 1992 воын вӧлі нуӧдӧма кӧр туша ритуальнӧя кульӧм, а Ямалын 2009 воын - кӧрӧс жертваа виӧм[7].
Кыдзи пасйӧ этнограф М. Момзикова, Кӧр видзысьлӧн лун - «водзӧ сӧвмысь вӧчӧм гаж»[11]. Этнограф О. Степанова тӧдчӧдӧ, мый СССР кадӧ лӧсьӧдӧм гажлӧн идеяыс вӧлӧма бур да та вӧсна вуджӧма мӧд эпохаӧ[12].
Кӧр видзысьлӧн лун - 2010 восянь Камчатка крайса официальнӧй гаж. Вынсьӧдӧма «Камчатка крайлӧн праздникъяс да казьтылан лунъяс йылысь» Камчатка крайса 2009 во ӧшым тӧлысь 16 лунся 361 №-а оланпасӧн[13][14]. Пасйӧны март тӧлысся медводдза вежалунӧ.
Пасйӧдъяс
- ↑ День оленевода
- ↑ 1 2 3 4 Момзикова, 2013, с. 227.
- ↑ Тульцева, 1985, с. 78.
- ↑ 1 2 3 Коренные малочисленные народы…, 2012, с. 540.
- ↑ Сулейманова, 2018, с. 48—49.
- ↑ 1 2 3 Момзикова, 2013, с. 231.
- ↑ 1 2 Момзикова, 2013, с. 233—234.
- ↑ Тульцева, 1985, с. 78—80.
- ↑ 1 2 Степанова, 2018, с. 149.
- ↑ Момзикова, 2013, с. 233.
- ↑ Момзикова, 2013, с. 234.
- ↑ Степанова, 2018, с. 155.
- ↑ Праздники и памятные дни в Камчатском крае. Шыӧдчан кадпас: 28 тӧвшӧр тӧлысь 2024.
- ↑ О внесении изменения в статью 2 Закона Камчатского края «О праздниках и памятных датах Камчатского края» : Закон Камчатского края от 25.07.2017 № 117. Шыӧдчан кадпас: 28 тӧвшӧр тӧлысь 2024.
Литература
- Коренные малочисленные народы Севера и Сибири в условиях глобальных трансформаций (на материале Красноярского края). Ч. 1 Концептуальные и методологические основы исследования. Этнокультурная динамика коренных малочисленных народов Красноярского края / ред. Н. П. Копцева. — Красноярск: Сибирский федеральный университет, 2012. — 640 с. — ISBN 978-5-7638-2403-2.
- Момзикова М. «Северная масленица»: День оленевода в советском и современном российском контекстах // Мифологические модели и ритуальные поведение в советском и постсоветском пространстве: сборник статей / сост. А. Архипова. — М.: РГГУ, 2013. — С. 227—237. — 472 с. — ISBN 978-5-7281-1549-6.
- Степанова О. Б. Связь двух эпох: воплощение в празднике // Вестник археологии, антропологии и этнографии ИПОС СО РАН. — 2018. — № 2 (41). — С. 148—156.
- Сулейманова О. А. «Праздник Севера и традиционный День оленевода»: к проблеме изучения культурно-массовой деятельности как формы актуализации этнокультурных традиций аборигенного населения Мурманской области // Труды Кольского научного центра РАН. — 2018. — № 11—15 (9). — С. 42—52.
- Тульцева Л. А. Современные праздники и обряды народов СССР / отв. ред. Ю. В. Бромлей. — М.: Наука, 1985. — 191 с. — (Страны и народы).
- Dudeck S. Der Tag des Rentierzüchters: Repräsentation indigener Lebensstile zwischen Taigawohnplatz und Erdölstadt in Westsibirien (нем.). — Fürstenberg; Havel: Kulturstiftung Sibirien, 2013. — 351 S. — ISBN 978-3-942883-17-7.