Ловъя сынӧд
| Ловъя сынӧд | |
|---|---|
 | |
| Статус | ставроссияса |
| фестиваль[d] | |
| Тематика | сынӧдті лэбалӧм |
| Организатор | Коми Республикаса культура, туризм да архив удж министерство, Финн-угор этнокультурнӧй парк |
| Кор заводитісны нуӧдны | 2017 |
| Ин | |
| Нуӧданін | Коми Республикаса Сыктывдін районса Ыб сикт |
| Страна | |
 Медиафайлы на РУВИКИ.Медиа | |
«Ловъя сынӧд» (рочӧн «Живой воздух»)— сынӧдті лэбалӧмлы сиӧм ставроссияса фестиваль. Нуӧдӧны Финн-угор этнокультурнӧй паркын (Коми Республикаса Сыктывдін районса Ыб сикт).
Фестивальлӧн шор могыс: ышӧдны йӧзӧс пырӧдчыны активнӧй туризмӧ да сынӧдті лэбалан спортӧ.
Фестивальсӧ шӧр котыртысьясӧн лоӧны Коми Республикаса культура, туризм да архив удж министерство да Финн-угор этнокультурнӧй парк.
История
Медводдзаысь фестивальсӧ нуӧдісны 2017 воын. Фестивальын петкӧдчис 8 команда Екатеринбургысь, Кунгурысь, Москваысь, Переславль-Залесскӧйысь, Сыктывкарысь, Тамбовысь да Набережные Челны карысь[1] да 5 сюрс гӧгӧр видзӧдысь. И пыр жӧ «Ловъя сынӧд» фестивальыс пырис «Национальный календарь событий» федеральнӧй ӧтуввез-ресурс вылын Россияын вося медбур 200 лоӧмтор лыдӧ[2].
Мӧдысь «Ловъя сынӧд» фестивальсӧ нуӧдісны 2018 вося лӧддза-номъя тӧлысь 23-24 лунъясӧ. Фестивальӧ пырӧдчис 10 команда Елабугаысь, Екатеринбургысь, Жуковский карысь, Ижевскысь, Йошкар-Олаысь, Кунгурысь, Тюменьысь, Челябинскысь. Тайӧ вонас фестивальыслы сетісны «ставроссияса фестиваль» статус[3].
2019 воын фестивальсӧ котыртісны лӧддза-номъя тӧлысь 22-23 лунъясӧ. Фестиваль вылӧ воліс 9 сюрс гӧгӧр морт да Москваысь и Москва обласьтысь, Петыркарысь, Калининградысь, Тюменьысь, Екатеринбургысь, Челябинскысь, Кунгурысь, а сідзжӧ Казахстанса Усть-Каменогорскысь командаяс[4][5].
2025 воын фестивальсӧ нуӧдасны нёльӧдысь сора тӧлысь 15-20 лунъясӧ[6][7].
Нуӧданног
Фестивальлӧн уджтасыс артмӧ кык юкӧнысь: «Сынӧд» да «Му».
«Сынӧд» юкӧнын пырджык овлӧны йӧзлы петкӧдлана лэбӧмъяс, аэростатъяслӧн, воздушнӧй шаръяслӧн светӧвӧй шоу, став окотитысьыслӧн воздушнӧй шаръяс вылын лэбалӧмъяс. Мукӧд воясӧ гаж дырйи выступайтлісны авиамоделистъяс, нуӧдлісны радиоӧн веськӧдлан лэбалан аппаратъяс вылын ордйысьӧмъяс. А 2019 воын видзӧдысьяс водзын петкӧдчисны Коми Республикаысь да Петыркарысь экстремальнӧй спортсменъяс.
«Му» юкӧнын овлӧны радиоӧн веськӧдлан модельяс вылын ордйысьӧмъяс, важ ворсӧмъяс, кроссфит, этнодефиле серти петкӧдлана петкӧдчӧмъяс, мусир музейын экскурсияяс, а сідзжӧ быд сикас мастер-класс, спорт площадкаяс, квизъяс, шылада шоуяс да уна мукӧдтор.
Став фестивальыс помасьӧ ыджыд концертӧн.
Пасйӧдъяс
- ↑ Фестиваль «Живой Воздух» посетили 5 тысяч человек. ГазетаКоми (22 моз тӧлысь 2017). Шыӧдчан кадпас: 9 лӧддза-номъя тӧлысь 2025.
- ↑ Что вы знаете о селе Ыб, шаньгах и «людях леса»? В Республике Коми возрождают событийные праздники, ставшие визитной карточкой региона. В 2025 году в Коми проведут три масштабных республиканских фестиваля - «Люди леса», «Шаньгафест» и «Живой воздух». Пора в Арктику!. Шыӧдчан кадпас: 9 лӧддза-номъя тӧлысь 2025.
- ↑ Фестиваль «Живой воздух» прошел в Сыктывдине в статусе всероссийского. Регион (25 лӧддза-номъя тӧлысь 2018). Шыӧдчан кадпас: 9 лӧддза-номъя тӧлысь 2025.
- ↑ Более 9 тысяч человек посетили III всероссийский фестиваль «Живой воздух». Регион. Шыӧдчан кадпас: 9 лӧддза-номъя тӧлысь 2025.
- ↑ За два дня «Живой воздух» собрал больше 8 тысяч гостей. БНКоми (23 лӧддза-номъя тӧлысь 2019). Шыӧдчан кадпас: 9 лӧддза-номъя тӧлысь 2025.
- ↑ В Коми в четвертый раз состоится фестиваль воздухоплавания «Живой воздух». Комсомольская правда. Коми. Шыӧдчан кадпас: 9 лӧддза-номъя тӧлысь 2025.
- ↑ Коми-свадьба, фестивали, ремесленники и оркестры: как встретят летом 245-летие Сыктывкара. ТАСС. Шыӧдчан кадпас: 9 лӧддза-номъя тӧлысь 2025.