Менам страна — менам Россия

Босьтӧма Рувикиысь
«Менам страна — менам Россия» конкурс
Эмблема всероссийского конкурса Моя страна — моя Россия.png
Заводитчан кад 2004 во
Бӧртас 1 млн гӧгӧр пырӧдчысь 20 воӧн
Сайт moyastrana.ru

«Менам страна — менам Россия» (рочӧн Моя страна — моя Россия) — сиктъяс, ичӧт да гырысь каръяс социально-экономическӧя сӧвмӧдан авторскӧй проектъяслӧн конкурс[1]. Медводдзаысь нуӧдісны 2004 воын[2]. 2019 восянь котыртсьӧ «Россия — позянлунъяса страна» АНО-лӧн юрнуӧдӧм улын Россия Федерацияса наука да вылыс тшупӧда велӧдан министерство, Россия Федерацияса велӧдан министерство, Россия Федерацияса Федеральнӧй Собраниелӧн Федерация Сӧветса Наука, велӧдӧм да культура комитет, Интеллектуальнӧй эмбур серти федеральнӧй служба, «Россияса велӧдан академия» ФКБУ да Том йӧзлӧн делӧяс кузя федеральнӧй агентство отсӧгӧн[3][4].

Конкурс вылӧ босьтӧны татшӧм арлыда авторъяслысь уджъяссӧ: 13 арӧсӧдз, 14-17 арӧса, 18-35 арӧса, 35 арӧсысь унджык[5]. 2025 воын сиӧма 1941—1945 воясся Айму вӧсна Ыджыд тышын Вермӧмсянь 80 во тырӧмлы[6].

История

Конкурс йылысь медшӧр мӧвпсӧ вӧлі вӧзйӧма 2003 воын Рязаньын мунысь том парламентаризм сӧвмӧдӧм кузя ставроссияса семинар вылын[4].

Медводдзаысь конкурссӧ нуӧдісны 2004 воын, экспертъяслӧн сӧвет донъяліс «XXI нэмся тэнад кар» тема вылӧ студентъяслысь уджъяс. Уджъяссӧ вӧлі сиӧма каръясӧн веськӧдлан система бурмӧдӧмлы, экономикалысь збыль юкӧнъяс сӧвмӧдӧмлы, а сідзжӧ социальнӧй да научно-педагогическӧй юкӧн бурмӧдӧмлы[1].

2006 воын сійӧ босьтіс ставроссияса статус, конкурслӧн шӧр могъяс лыдӧ пырис том йӧзӧс социальнӧй проектъяс лӧсьӧдны велӧдӧм, а сідзжӧ страналысь кадръяс потенциал лӧсьӧдӧм[3].

2019 восянь «Менам страна — менам Россия» конкурссӧ нуӧдӧны «Россия — позянлунъяса страна» АНО-лӧн юрнуӧдӧм улын, такӧд йитӧдын Россияса президент Владимир Путин пасйис сійӧс кыдзи «Россияса регионъясӧс социальнӧй да экономика боксянь сӧвмӧдӧмын зэв колана могъяс олӧмӧ пӧртӧмӧ том йӧзӧс кыскӧм вылӧ авторитета, колана площадка»[4].

Пырӧдчысьяслӧн лыдыс содіс воысь-во: 2018 воын кӧ вӧлі примитӧма 7 сюрс удж, то 2019 воын — 35 сюрс нин, а 2023 воын — 100 сюрсысь унджык[7].

«Менам страна — менам Россия» конкурсын вермысьяс, 2023 во

Пырӧдчысьяс

Конкурсӧ вермӧны пырӧдчыны авторъяс арлыд серти нёль категорияын:

  • 13 арӧсӧдз;
  • 14-17 арӧса;
  • 18-35 арӧса;
  • 35 арӧсысь унджык.
Конкурсын вермысьяслы медальяс (2025)

Конкурслӧн положение серти экспертъяслӧн сӧвет видлалӧ став воӧм уджсӧ, бӧрйӧ на пиысь 300 медбур удж да корӧ авторъясӧс дорйысьны (дистанционнӧя)[3]. Быд арлыда категорияын сетӧны медводдза, мӧд да коймӧд места[3]. Донъялігӧн тӧд вылӧ босьтӧны уджлысь социальнӧй тӧдчанлунсӧ да «2030 воӧдз кадколаст вылӧ да 2036 воӧдз водзӧ вылӧ Россия Федерация сӧвмӧдӧмын национальнӧй медшӧр могъяс йылысь» Россияса президентлӧн индӧдлы лӧсялӧмсӧ, ас туялӧмъяслысь бӧртасъяссӧ, збыльмӧдны позянлунсӧ[3].

Наградасӧ сетӧны Петыркарса войтыркостса экономическӧй форумлӧн  (рус.) (коми Том йӧзлӧн лун дырйи[5].

Конкурсын вермысьяслы вичмӧны сьӧма премияяс, вузъясӧ пыригӧн содтӧд баллъяс, проектъяслы юӧртӧмӧн отсалӧм[8].

Нимпасъяс

2025 вося нимпасъяс
Ӧшмӧс:[3]
Нимпасъяс Медшӧр аспектъяс
«Менам страна. Менам история. Менам Вермӧм»
  • Россияын да суйӧр сайын Айму вӧсна Ыджыд тыш йылысь историческӧй паметь видзӧм, бӧр лӧсьӧдӧм да сыӧн паськыда тӧдмӧдӧм;
  • войнаса да уджвывса ветеранъяслы отсӧг сетӧм кузя дыр кадся мероприятиеяс котыртӧм;
  • Айму вӧсна Ыджыд тышын усьысьяслы паметникъяс да мемориалъяс, а сідзжӧ тылса уджалысьяслы памятникъяс да мемориалъяс дӧзьӧритӧм;
  • Сӧветскӧй Армиялӧн тыш местаяскӧд да военнослужащӧйяслӧн гуяскӧд йитчысь корсьысян мероприятиеяслы отсалӧм;
  • том йӧзлысь чужан му радейтӧм да фашизм венӧмӧ сӧветскӧй войтырлысь донъявны позьтӧм пай пуктӧмысь гордитчӧм кыпӧдӧм вылӧ веськӧдӧм мероприятиеяс нуӧдӧм;
  • Айму вӧсна Ыджыд тыш йылысь тӧдтӧмторъяс туялӧм.
«Менам семья: кӧленаысь кӧленаӧ вуджӧдӧм, донаторъяс да вежӧртас»
  • историческӧй память видзӧм, семьякостса йитӧдъяс ёнмӧдӧм, история видзӧм серти проектъяс да вӧзйӧмъяс лӧсьӧдӧм;
  • том йӧзӧс семья лӧсьӧдӧм да кывкутысь ай-мамӧн олӧм кежлӧ дасьтӧм;
  • социально-экономическӧй процессъяс сӧвмӧдӧм (шуам, семейнӧй бизнес либӧ инфраструктура сӧвмӧдӧм);
  • россияса каръясын да сиктъясын семья институтлы бур инфраструктура лӧсьӧдӧм да сӧвмӧдӧм;
  • семьяяслы, кӧні эмӧсь дзоньвидзалунын дзескӧдӧм позянлунъяса либӧ абу тыр дзоньвидзалуна челядь, отсалӧм.
«Менам уна войтыра Россия» (татчӧ пырӧны «Менам чужан кыв», «Миян странаяслӧн ӧткотыр», «Менам ремеслӧ» нырвизьяс)
  • Россиякӧд ёртасьысь канмуяскӧд уна сикас йитӧд сӧвмӧдӧм: войтырсикасъяс костын, культураяс да конфессияяс костын, тшӧтш экономикаын, научно-техническӧй да гуманитарнӧй ӧтув удж нуӧдӧм;
  • Россияса войтыръяс йылысь история материалъяс чукӧртӧм, ӧтувтӧм, систематизируйтӧм, видзӧм да наукаӧ пыртӧм;
  • челядьлӧн да том йӧзлӧн археология уджлы отсалӧм;
  • история да культура йылысь мыччӧдъяс туристско-рекреационнӧй уджӧ пыртӧм;
  • том йӧз пӧвстын россияса каръяслысь да сиктъяслысь история, культура, сэні олысь войтырлысь традицияяс тӧдмалӧм вылӧ веськӧдан велӧдан удж сӧвмӧдӧм;
  • челядьӧс да том йӧзӧс духовнӧя да нравственнӧя воспитайтӧмын, найӧс бура социализируйтӧмын, патриотизм да гражданскӧй кывкутӧм кыпӧдӧмын пытшкӧсса туризмлысь тӧдчанлунсӧ лэптӧм.
«Менам гордосьт. Менам чужанін (менам кар, менам сикт)» (татчӧ пырӧны «Менам чужанін (менам кар, менам сикт)», «Менам Ылі Асыввыв. Менам Арктика»)
  • Россияса каръяс да сиктъяс сӧвмӧдӧмӧ гражданалӧн пырӧдчӧмлысь бур примеръяс паськӧдӧм, миян кадся геройясӧн тӧдмӧдӧм;
  • мутасъяс сӧвмӧдӧмӧ меставывса олысьясӧс да ӧткотыръясӧс кыскӧм, сы лыдын обсуждениеясын да гӧлӧсуйтӧмын участвуйтан выль форматъяс пыр, керка, улича, микрорайон тшупӧдын помшуӧмъяс примитӧм;
  • каръяслысь, сы лыдын ичӧт каръяслысь да историческӧй овмӧдчӧминъяслысь, культура да история озырлун видзӧм;
  • чужан мулысь история туялӧм да сыӧн паськыда тӧдмӧдӧм;
  • мутасъяс сӧвмӧдан юкӧнын добровольчество (волонтёрство), водзмӧстчӧмъяс да проектъяс сӧвмӧдӧм, кытчӧ пырӧны бур карса гӧгӧртас лӧсьӧдӧмын волонтёръяслӧн збыльмӧдӧм практикаяс;
  • бур суседъяслысь традицияяс да суседъяскостса (орчча патераясын, подъездъясын, керкаясын) йитӧдъяслысь культура сӧвмӧдӧм.
«Менам велӧдан водзмӧстчӧм»
  • школаӧдзса да ӧтувъя велӧдан система сӧвмӧдӧм;
  • дистанционнӧя велӧдӧм, электроннӧй велӧдан материалъяс, IT да мультимедийнӧй технологияяс, мобильнӧй приложениеяс, велӧдан онлайн-курсъяс, электроннӧй небӧгаинъяс да энциклопедияяс лӧсьӧдӧм да пыртӧм;
  • велӧдан да асьтӧ велӧдан интеллектуальнӧй системаяс лӧсьӧдӧм;
  • челядьӧс да том йӧзӧс проектнӧй уджлӧн подувъясӧ велӧдан окталуна методикаяс да практика сӧвмӧдӧм да паськӧдӧм, сы лыдын социальнӧй проектируйтӧмын;
  • регион да муниципальнӧй тшупӧдъясын челядькӧд да том йӧзкӧд проектнӧй уджлысь модельяс лӧсьӧдӧм да сӧвмӧдӧм
«Менам дзоньвидзалун»
  • риск факторъяс (куритчӧм, кода юанторъяс, неправильнӧя сёйӧм да ичӧт физическӧй удж) да мортлӧн дзоньвидзалун вылӧ налӧн тӧдчӧмсӧ туялӧм;
  • уджаланінъясын дзоньвидзалун ёнмӧдӧм кузя корпоративнӧй уджтасъяс сӧвмӧдӧм да пыртӧм;
  • Россияса войтырлӧн национальнӧй сёян-юанлысь дзоньвидзалун да кузь нэм вылӧ тӧдчӧмсӧ туялӧм;
  • инвалидъяслысь, социальнӧя дорйытӧм гражданалысь, бать-мамтӧм челядьлысь да бать-мам дӧзьӧртӧг кольӧм челядьлысь творческӧй, профессиональнӧй да мукӧд кужанлун сӧвмӧдӧм, налысь асшӧр удж да ас вылӧ уджалӧм пыртӧмӧн;
  • инвалидъясӧн да дзоньвидзалунын дзескӧдӧм позянлуна йӧзӧн социальнӧй нырвизя абу коммерческӧй организацияяс лӧсьӧдӧм;
  • вермытӧм йӧзӧс, социальнӧя дорйытӧм гражданаӧс, бать-мамтӧм челядьӧс да бать-мам дӧзьӧртӧг кольӧм челядьӧс уджсикасӧ туйдӧм да уджӧн могмӧдӧмын отсалӧм.
«Менам страналӧн экология»
  • экологическӧй туризм сӧвмӧдӧм;
  • лӧп-ёг торйӧн чукӧртан да мӧдысь переработайтан технологияяс пыртӧм да сӧвмӧдӧм, сы лыдын шыбласъясӧн веськӧдлан россияса юкӧн лӧсьӧдӧм;
  • водороднӧй (сы лыдын метано-водороднӧй) технологияяс сӧвмӧдӧм;
  • Россияын газомоторнӧй ломтас да газомоторнӧй станцияяс сӧвмӧдӧм;
  • природнӧй биаруысь биопротеин босьтан технологияяс сӧвмӧдӧм;
  • природнӧй биару видзӧм да нуӧм вылӧ технологияяс сӧвмӧдӧм да инновация материалъяс лӧсьӧдӧм.
«Менам нянь-сола Россия»
  • страналысь имиджсӧ выльмӧдӧм;
  • турист объекта мутаслысь инвестиция боксянь кыскӧмсӧ лӧсьӧдӧм, турист мутаслысь бренд сӧвмӧдӧм;
  • туризм сикасъяс сӧвмӧдӧм (космическӧй, промышленнӧй, научнӧй, велӧдан, спорт, культураӧн тӧдмӧдан, гастрономия, этнография, событиеяс, челядьлы, сиктса, приключенческӧй, агротуризм);
  • шойччан лунся маршрутъяс да историческӧй местаясті маршрутъяс лӧсьӧдӧм да паськӧдӧм;
  • «коймӧд арлыда йӧзлы» да омӧля ветлысь-мунысь туристъяслы туристскӧй продукт лӧсьӧдӧм да паськӧдӧм;
  • Россияса войтырлысь сёян-юансӧ туялӧм да наӧн паськыда тӧдмӧдӧм.
«Менам страналӧн интеллектуальнӧй эмбур» (татчӧ пырӧны «Регионъяс сӧвмӧдан цифрӧвӧй гӧгӧртас», «Россияса регионъясын интеллектуальнӧй эмбур юкӧнын велӧдан система лӧсьӧдӧм да сӧвмӧдӧм», «Выль цифрӧвӧй технологияяс да платформаа решениеяс дырйи интеллектуальнӧй эмбурлысь дінму система лӧсьӧдан да сӧвмӧдан механизмъяс лӧсьӧдӧм», «Интеллектуальнӧй эмбур видзӧм — отраслевӧй аслыспӧлӧслун» нырвизьяс)
  • ыджыд мыччӧдъясӧн да искусственнӧй интеллектӧн вӧдитчӧмӧн интеллектуальнӧй патентнӧй анализ подув вылын «Тӧлка мутас» регионса да муниципальнӧй уджтасъяслы бур технологическӧй решениеяс бӧрйӧм;
  • велӧдан, ладмӧдан да инвестиция механизмъясӧн вӧдитчӧмӧн выль цифрӧвӧй технологияяс да платформеннӧй решениеяс контекстын интеллектуальнӧй эмбурлысь ӧтувъя дінму система лӧсьӧдӧм;
  • регионъяс научно-технологическӧя сӧвмӧдӧм прогнозируйтан инструментъяс лӧсьӧдӧм да пыртӧм;
  • россияса регионъясын интеллектуальнӧй эмбур коммерциализируйтӧм да инновационнӧй предпринимательство сӧвмӧдӧм;
  • регионса брендъяс сӧвмӧдан бур механизмъяс да найӧс доръян стратегия лӧсьӧдӧм.
«Регионъясын гражданалӧн олӧм бурмӧдӧм вылӧ цифрӧвӧй гӧгӧртас»
  • дзоньвидзалунын дзескӧдӧм позянлуна йӧзлы, челядя семьяяслы, олӧма йӧзлы бур гӧгӧртас лӧсьӧдӧмын цифрӧвӧй технологияяс сӧвмӧдӧм;
  • Россияса регионъясын гражданалысь цифрӧвӧй тӧдӧмлун кыпӧдӧм;
  • цифрӧвӧй ресурсъясӧн вӧдитчысь гражданалы отсалӧм;
  • регионын олысь гражданалӧн позянлунъяс паськӧдӧм вылӧ торъя цифрӧвӧй ресурсъяс лӧсьӧдӧм, сы лыдын социальнӧй могъяс збыльмӧдӧм да выль уджаланінъяс лӧсьӧдӧм.
«Менам страналӧн ыджыд технологическӧй разведка» (тшӧтш пырӧны «Космическӧй да авиационнӧй инновацияяс», «Водзын мунысь производственнӧй технологияяс», «IT да робототехника», «Промышленносьт да энергетика», «Химическӧй технологияяс да экология», «„Тӧлка карлы“ технологияяс да творческӧй технологияяс», «Медицина, био- да видз-му овмӧс технологияяс» нырвизьяс)
  • промышленнӧй ӧтуввезйӧн вӧдитчан, промышленнӧй предприятиеясын ыджыд мыччӧдъяс анализируйтан, предиктивнӧй анализ юкӧнын инструментъяс да решениеяс лӧсьӧдӧм да пыртӧм;
  • выль материалъяс лӧсьӧдӧм да наӧн промышленносьтын вӧдитчӧм;
  • промышленнӧй робототехника да сенсорика юкӧнын научно-исследовательскӧй да опытно-конструкторскӧй разработкаяс туялӧм, лӧсьӧдӧм да пыртӧм;
  • металл переработайтан юкӧнын проектъяс лӧсьӧдӧм да пыртӧм;
  • мупытшса озырлун перъян да переработайтан технологияяс юкӧнын решениеяс лӧсьӧдӧм да пыртӧм;
  • энергия вӧчан юкӧнын решениеяс лӧсьӧдӧм да пыртӧм, персональнӧй накопительяс сӧвмӧдӧм;
  • выль химическӧй материалъяс, неорганическӧй да органическӧй веществояс лӧсьӧдӧм, выль ӧнія химическӧй материалъяс подув вылын прӧдуктъяс лӧсьӧдӧм;
  • мулы дистанционнӧй мониторинг нуӧдан технологияяс да решениеяс лӧсьӧдӧм да пыртӧм;
  • сырьёлысь выль ӧшмӧсъяс корсьӧм-лӧсьӧдӧм, «выль сёян-юан», ӧнія селекция лӧсьӧдӧм;
  • выль лекарство препаратъяс лӧсьӧдӧм;
  • висьӧмъясысь видзчысьӧм да на бӧрся видзӧдӧм вылӧ приложениеяс да стӧч диагностика системаяс юкӧнын туялан да опытно-конструкторскӧй проектъяс туялӧм, лӧсьӧдӧм да збыльмӧдӧм.
«Менам предпринимательскӧй водзмӧстчӧм. Регионъяс сӧвмӧдысь творческӧй индустрияяс»
  • социальнӧй предпринимательство сӧвмӧдӧм;
  • томъяслысь бизнес-инициативаяс сӧвмӧдӧм;
  • ремеслӧ традицияяс да технологияяс ловзьӧдӧм, традиционнӧй йӧзкостса прӧмыселъяс сӧвмӧдӧм;
  • шоча паныдасьлысь да мыйтакӧ вошӧм прӧмысел сикасъяс да технологияяс выльысь лӧсьӧдӧм, кутшӧмъяс лоӧны тӧдчанаӧн кыдзи Россияса войтырлысь историко-культурнӧй озырлун видзӧм боксянь, сідзи и сувенирнӧй прӧдукция да потребительскӧй тӧвар вӧчӧм вылӧ.
«Транспорт. Менам странаын туйяс»
  • автомашина туйяс стрӧитан технологияяс сӧвмӧдӧм да туй да инженернӧй инфраструктураӧ выль разработкаяс пыртӧм;
  • рентабельносьт да экономическӧй выгӧда подулалӧмӧн регион да меставывса тӧдчанлуна туйяс проектируйтӧм да стрӧитӧм;
  • гражданалӧн асшӧр вот тшӧт весьтӧ посёлокса туйяс стрӧитӧм;
  • транспорт системаувъяс лӧсьӧдӧм, кӧні вӧдитчӧны выль техническӧй да технологическӧй вӧчӧмторъясӧн, сы лыдын кутӧны тӧд вылын Сибырса, Ылі Асыввывса, Россия Федерацияса Арктика зонаса этша освоитӧм мутасъяслысь география да вӧр-ва-ывласям аслыспӧлӧслунъяссӧ;
  • транспорт инфраструктура ӧткодя сӧвмӧдӧм подув вылын Россияса ӧтувъя транспорт инас лӧсьӧдӧм.
«Менам вужъяс» торъя нимпас челядьлы, сиӧма Айму вӧсна Ыджыд тышын Вермӧмлы 80 во тырӧм пасйӧмлы

Веськӧдлысьяс

  • Дмитрий Турлаков — «Менам страна — менам Россия» конкурслӧн олӧмӧ пӧртысь дирекцияӧн веськӧдлысь[9]
  • Лариса Пастухова — «Менам страна — менам Россия» конкурслӧн концепция автор, наука веськӧдлысь[10]
  • Галина Сорокина — «Менам страна — менам Россия» конкурслӧн экспертъяс котырса координатор[10]
  • Владимир Берестецкий — «Менам страна — менам Россия» конкурс помалысьяс Ассоциацияса координатор[10]

Пасйӧдъяс

  1. ↑ 1 2 «Моя страна - моя Россия» - Всероссийский конкурс (рус.). moyastrana.ru. Шыӧдчан кадпас: 16 лӧддза-номъя тӧлысь 2025.
  2. ↑ Проект Всероссийский конкурс "Моя страна - Моя Россия". (рус.). dobro.ru. Шыӧдчан кадпас: 16 лӧддза-номъя тӧлысь 2025.
  3. ↑ 1 2 3 4 5 6 Положение о конкурсе "Моя страна - моя Россия". Моя страна. Шыӧдчан кадпас: 16 лӧддза-номъя тӧлысь 2025.
  4. ↑ 1 2 3 Путин: проекты на конкурсе "Моя страна - моя Россия" показали большой потенциал молодежи, TACC (08.06.2019). Шыӧдчан кадпас: 16 лӧддза-номъя тӧлысь 2025.
  5. ↑ 1 2 Всероссийский конкурс «Моя страна — моя Россия» открыл прием заявок на новый сезон, Lenta.RU (04.03.2025). Шыӧдчан кадпас: 16 лӧддза-номъя тӧлысь 2025.
  6. ↑ Российское историческое общество. Конкурс проектов по развитию городов и сёл «Моя страна — моя Россия» открыл приём заявок - Российское историческое общество. historyrussia.org (28 рака тӧлысь 2025). Шыӧдчан кадпас: 16 лӧддза-номъя тӧлысь 2025.
  7. ↑ Победителей конкурса «Моя страна — моя Россия» объявили на ПМЭФ, Взгляд (17.06.2023). Шыӧдчан кадпас: 16 лӧддза-номъя тӧлысь 2025.
  8. ↑ Моя страна – моя Россия. Telegram (17 лӧддза-номъя тӧлысь 2025). Шыӧдчан кадпас: 17 лӧддза-номъя тӧлысь 2025.
  9. ↑ Моя страна – моя Россия. Telegram (29 ода-кора тӧлысь 2025). Шыӧдчан кадпас: 17 лӧддза-номъя тӧлысь 2025.
  10. ↑ 1 2 3 «Моя страна - моя Россия» - Команда проекта (рус.). moyastrana.ru. Шыӧдчан кадпас: 17 лӧддза-номъя тӧлысь 2025.
Босьтӧма "https://kv.ruwiki.ru/w/index.php?title=Менам_страна_—_менам_Россия&oldid=482398"-ысь