М. Н. Лебедев нима Кӧрткерӧсса шӧр библиотека

«Кӧрткерӧсса библиотекаяслӧн шӧр система» МУ-лӧн М. Н. Лебедев нима шӧр библиотека
Страна	Россия
Инпас	Коми Республика, Кӧрткерӧс район, Кӧрткерӧс сикт, Сӧветскӧй улича, 187 к.
Лӧсьӧдӧма	1901 вося ӧшым тӧлысь 11-ӧд лунӧ
Филиалъяс	20
Фонд
Мый пырӧ фондӧ	небӧгъяс, газет-журналъяс, документъяс да мукӧдтор
Фондлӧн ыджда	26000 (2024)
Вӧдитчанног
Условия записи	Гижӧдӧны сэк, кор эм паспорт либӧ сійӧс вежысь документ
Лыддьысьысь лыд	2049 (2022)
Мӧд юӧр
Директор	Челпанова Светлана Аркадьевна
Веб-сайт	kortcbs.ru

М. Н. Лебедев нима Кӧрткерӧсса шӧр библиотека (рочӧн Корткеросская центральная библиотека им. М. Н. Лебедева) — библиотека. 1977 восянь сылы сетӧма гижысь Михаил Лебедевлысь ним, меститчӧ Коми Республикаса Кӧрткерӧс сиктын. Библиотекалӧн фондыс — 26 сюрс экземпляр небӧг да журнал. Библиотека могмӧдӧ кык сюрс лыддьысьысьӧдз. 2019 воын капитальнӧя дзоньталӧма шӧр библиотекалысь жыръяссӧ да сыкӧд орчча мутассӧ.

История

Земскӧй собраниелӧн помшуӧм серти медводдза дон босьттӧг народнӧй библиотекасӧ вӧлі восьтӧма 1901 вося ӧшым тӧлысь 11-ӧд лунӧ Кӧрткерӧсса народнӧй училище бердын. 1901—1903 воясӧ библиотекалӧн фондыс вӧлі сӧмын некымын джадж да меститчис ӧти класс жырйын. Библиотекаса уджалысьсӧ вӧлі индӧны сы серти, кӧні вӧлі библиотекаыс. Школа бердын кӧ — библиотекарӧн вӧлі велӧдысь либӧ салтыр лыддьысь, вӧлӧсьтӧн веськӧдланінын кӧ — писар.

1917 воӧдз небӧг фондын вӧліны кызвыннас религиозно-нравственнӧй сюрӧса небӧгъяс, художествоа да историческӧй литература. Неуна вӧлі цензураӧн лэдзӧм естествознание, география, история серти научно-популярнӧй брошюра. Народнӧй библиотекаяслы газетъяссӧ да журналъяссӧ судзӧдлісны уезднӧй управаяс. 1917 во кежлӧ библиотекаын лыддьысьысьыс содіс, волысьяс кутісны мешайтны велӧдчан процесслы. Вӧлі примитӧма помшуӧм вуджӧдны библиотекасӧ начальнӧй училищеысь вӧлӧсьтӧн веськӧдланінса стрӧйбаӧ.

Комынӧд воясӧ — нелямынӧд вояс заводитчигӧн лыддьысян керкаыс вӧлі меститчӧ Кӧрткерӧс сиктын Сӧветскӧй уличаса 211 номера стрӧйбалӧн мӧд судтаас. Медводдза судтаас оліс семья. Библиотекаӧ поссӧ вӧлі лӧсьӧдӧма уличасянь, небӧг джаджъяссӧ вӧлі вӧчӧма стружиттӧм пӧвъясысь. Лыддьысян керкаын юксисны политика юӧрӧн, сёрнитісны, вӧлі оформитӧма «Мый лыддьыны странаӧс дорйӧм серти» пельӧс.

50-ӧд вояс заводитчигкежлӧ библиотекаӧ воис 51 газет-журнал, 11 морт вӧдитчис Библиотекакостса абонементӧн (МБА).

1953 воын библиотека вуджис Культура керка выль стрӧйбалӧн шуйгаладор юкӧнас. Мӧд судтаас вӧлі библиотека могмӧдан юкӧн, сійӧ меститчис кык ыджыд жырйын, медводдза судтаас — библиотекалӧн челядьлы юкӧн. Стрӧйбаас сідзжӧ меститчылісны кинофикация, музей.

1976 вося косму тӧлысь 12-ӧд лунӧ лоис пӧжар, коді бырӧдіс став фондсӧ, кытчӧ пырис 24 сюрс небӧг, документъяс, каталогъяс, мебель. Чукӧртны выль небӧг фондсӧ отсалісны сиктса олысьяс, республикаса библиотекаяс. Шойнатыса зональнӧй библиотекаысь вӧлі вуджӧдӧма анбур серти каталог. 1978 воын библиотекалы сетісны торъя стрӧйба.

Став районса библиотекасӧ Ӧтувтӧм библиотекаяслӧн системаӧ (БШС) пыртӧм бӧрын (1978 вося ода-кора тӧлысь 15-ӧд лун) Кӧрткерӧсса библиотека лоӧ методическӧй шӧринӧн — Районса шӧр библиотекаӧн. Заводитӧны уджавны выль юкӧнъяс: методико-библиографическӧй; комплектуйтан да обработайтан; небӧгӧн система пытшкын вежласьӧм.

80-ӧд воясӧ библиотекалысь уджсӧ вӧлі веськӧдӧма юӧмлы паныд, партиялысь да веськӧдлан котырлысь документъяс йӧз пӧвстын паськӧдӧм вылӧ. Вӧлі нуӧдӧма ыджыд удж бӧрйысьӧм водзвывса компанияяс дырйи: оформитӧма агитаторлысь да бӧрйысьысьлысь пельӧсъяс, юӧрӧн пызанъяс, бӧрйысьӧмъяс йылысь юӧртан плакатъяс.

1987 воын соцордйысьӧм бӧрын Кӧрткерӧсса БШС-лы сетӧны вуджан Гӧрд знамя.

1991 воын Кӧрткерӧс районса исполкомлӧн тшӧктӧм серти партия райкомлӧн керкаын медводдза судтаысь юкӧныс вуджӧ Шӧр да Челядьлы библиотекаяслы. 1997 вося йирым тӧлысьын Коми Республикаса Юралысьлӧн Индӧдӧн Кӧрткерӧсса шӧр библиотекалы сетӧма Михаил Николаевич Лебедевлысь ним.

2000 вося вӧльгым тӧлысь 29-ӧд лунӧ Шӧр библиотека бердын воссис Предпринимательстволӧн юӧртан да маркетинг шӧрин. 2010 вося рака тӧлысь 4-ӧд лунӧ официальнӧя восьтісны Шӧр библиотека могмӧдан юкӧнлысь тэчас юкӧдув — Канму юӧрӧн йӧзлы вӧдитчнын позянлун сетан шӧрин (ЦОД) .

2019 вося ӧшым тӧлысь 24-ӧд лунӧ «Культура» национальнӧй проект серти М. Н. Лебедев нима Кӧрткерӧсса шӧр библиотека подув вылын воссис модельнӧй библиотека.

Фойе	Библиотека пытшкын

Фонд

Библиотекаын чукӧртӧма М. Н. Лебедевлӧн гижӧдъяслысь фонд. Лэдзӧма электроннӧй изданиеяс, йӧзӧдӧма гижысьлӧн творчество серти буклет, литературнӧй закладкаяс. Библиотекалӧн фондыс — 26 сюрс экземпляр небӧг да журнал, 2 сюрсысь унджык лыддьысьысь, 85 газет да журнал.

«Кӧрткерӧсса БШС» муниципальнӧй юкӧнлӧн фондыс ыджыд (190000 экз.). Йӧзӧданторъяс йылысь юӧрсӧ позьӧ босьтны Кӧрткерӧсса БШС-лӧн электроннӧй каталог пыр, кытчӧ пыртӧма небӧгъяс, брошюраяс, справочнӧй да электроннӧй изданиеяс вылӧ библиография пасйӧдъяссӧ.

Корсьӧны OPAC-Global автоматизируйтӧм система пыр, кытчӧ 2013 вося кӧч тӧлысьсянь вуджисны Коми Республикаса став библиотекаыс.

Тэчас

Кӧрткерӧсса шӧр библиотекалӧн юкӧнъяс:

• Могмӧдан юкӧн — библиотекалӧн услугаясӧн да юӧрӧн вӧдитчысьясӧс оперативнӧя могмӧдӧм, Б. Ельцин нима Президентскӧй библиотекалӧн ресурсъясӧн, Кӧрткерӧсса БШС-лӧн, Коми Республикаса национальнӧй библиотекалӧн электроннӧй ресурсъясӧн вӧдитчыны позянлун сетӧм.
• Юӧртан — библиография юкӧн — став колана юалӧм серти ас кадӧ юӧр сетӧм.
• Комплектуйтан да обработайтан юкӧн /ОКиО/ — ӧтувъя небӧг фонд лӧсьӧдӧм.
• Методическӧй юкӧн — «Кӧрткерӧсса шӧр библиотека» МУ библиотекаръясӧс дугдывтӧг велӧдан система котыртӧм.
• Предпринимательстволӧн юӧртан — маркетинг шӧрин /ИМЦП/ — асшӧр уджалысьяслы, юридическӧй кывкутысьяслы да торъя йӧзлы юӧртан — инӧда услугаяс, «Консультант Плюс», «Гарант» системаясӧ пырӧдчӧм.
• Маркетинг сектор — йӧзкӧд йитӧдъяс, интеллектуальнӧй прӧдукция да библиотека услугаяс паськӧдӧм.

Филиалъяс

1. М. Н. Лебедев нима шӧр библиотека: 168020, Кӧрткерӧс с., Сӧветскӧй ул., 187 к. (уджалан юкӧнъясӧн) да «Кӧрткерӧс» муниципальнӧй районса сикт овмӧдчӧминъясын меститчысь филиалъяс:
2. Челядьлы библиотека: 168020, Кӧрткерӧс сикт овмӧдчӧмин, Кӧрткерӧс сикт, Сӧветскӧй улича, 187 керка;
3. Шойнатыса филиал: 168050, Шойнаты сикт овмӧдчӧмин, Шойнаты сикт, Первомай улича, 1 керка;
4. Адзорӧмса филиал: 168041, Пезмӧг сикт овмӧдчӧмин, Адзорӧм посёлок, ПМК улича, 5а керка;
5. Висерса филиал: 168057, Висер сикт овмӧдчӧмин, Висер сикт, Школадор улича, 59б керка;
6. Ыджыдвидзса филиал: 168056, Ыджыдвидз сикт овмӧдчӧмин, Ыджыдвидз сикт, Макарсикт улича, 90 керка;
7. Важкуаса филиал: 168042, Каляты сикт овмӧдчӧмин, Важкуа грезд, Катыд места улича, 146⁄1 керка;
8. Вомынса филиал (А. А. Суханова нима библиотека): 168051, Вомын сикт овмӧдчӧмин, Вомын сикт, 150 керка;
9. Додзса филиал: 168027, Додз сикт овмӧдчӧмин, Додз сикт, Шӧр улича, 90 керка;
10. Керӧсса филиал: 168054, Керӧс сикт овмӧдчӧмин, Керӧс сикт, Шӧр улича, 69 керка;
11. Намса филиал: 168035, Нам сикт овмӧдчӧмин, Нам посёлок, Ичӧт улича, 2а керка;
12. Маджаса филиал (Ф. Ф. Павленков нима библиотека): 168027, Маджа сикт овмӧдчӧмин, Маджа сикт, Шӧр улича, 3 керка;
13. Мордінса филиал (Ф. Ф. Павленков нима библиотека): 168030, Мордін сикт овмӧдчӧмин, Мордін сикт, Пушкин улича, 7 керка;
14. Нёбдінса филиал: 168044, Нёбдін сикт овмӧдчӧмин, Нёбдін сикт, Шӧр улича, 90 керка;
15. Одыбса филиал (Ф. Ф. Павленков нима библиотека): 168059, Одыб сикт овмӧдчӧмин, Одыб сикт, 728 керка;
16. Пезмӧгса филиал: 168041, Пезмӧг сикт овмӧдчӧмин, Пезмӧг сикт, Покровский вокъяс улича, 40 керка;
17. Пӧдтыбокса филиал: 168053, Пӧдтыбок сикт овмӧдчӧмин, Пӧдтыбок посёлок, Медшӧр улича, 4б керка;
18. Пӧддельнӧй филиал: 168052, Пӧддельнӧй сикт овмӧдчӧмин, Пӧддельнӧй сикт, Асыввыв улича, 11 керка;
19. Позтыкерӧсса филиал (библиотека-клуб): 168027, Позтыкерӧс сикт овмӧдчӧмин, Позтыкерӧс сикт, Югыд улича, 20 керка;
20. Калятыса филиал: 168042, Каляты сикт овмӧдчӧмин, Каляты посёлок, Трактовскӧй улича, 1 керка;
21. Лӧкчимдінса филиал: 168024, Лӧкчимдін сикт овмӧдчӧмин, Лӧкчимдін посёлок, Сӧветскӧй улича, 1 «а» керка;
22. Визябӧжса филиал: 168022, Додз сикт овмӧдчӧмин, Визябӧж посёлок, Вӧр улича, 17 керка.

Проектъяс

2012 во

• «БиблиоСАД» проект (библиотекаын челядьӧс социальнӧя адаптируйтӧм)
• «Библиотека — за безопасный РУНЕТ» проект
• «Коми — Удмуртия: книжное содружество» проект

2017 во

• «Слёт именных библиотек» проект

2018 во

• «Миян Савин» проект
• «Большая история малой родины» сторителлинг фестиваль» проект
• «Бордъя шыяс» этно-фестиваль» проект.

Библиотекаӧн йӧзӧдöмторъяс

• Сто имён Корткероса. Победители: сборник / Центральная библиотека им. М. Н. Лебедева МУ „Корткеросская ЦБС“; сост. Р. А. Мингелайте. — Сыктывкар: Центр оперативной полиграфии, 2020. — 204 с.: фото.
• Кузнечное искусство в арт-объектах села Корткерос: (путешествие по Корткеросскому району): путеводитель / МУ „Корткеросская ЦБС “, Центр. б-ка им. М. Н. Лебедева; [сост. Г. Р. Изъюрова; дизайн-макет А. В. Киселёва; ред. Е. С. Казакова, Т. Г. Попова]. — Корткерос: [б.н.], 2018. — 30 с.: фот.
• Сто имён Корткероса: дайджест / сост. Р. А. Мингелайте, Г. Р. Изъюрова; Центральная библимотека им. М. Н. Лебедева. — Корткерос, 2018. — 254 с.: ил.
• Смилингис… фамилия как пароль: дайджест / Центральная библиотека им. М. Н. Лебедева „МУ Корткеросская ЦБС“; сост. Р. А. Мингелайте, Г. Р. Изъюрова; худож. К. М. Кирушев. — Корткерос, 2017. — 248 с.; фото. — (Люди земли Корткеросской»).
• Символика района: путеводитель / Центральная библиотека им. М. Н. Лебедева МУ «Корткеросская ЦБС»; сост. Г. Р. Изъюрова; дизайн-макет А. В. Киселёва; ред. Е. С. Казакова. — Корткерос, 2017. — 21 с. — (Путешествие по Корткеросскому району).
• Именные библиотеки Республики Коми: буклет / Центральная библиотека им. М. Н. Лебедева МУ «Корткеросская ЦБС»; сост. А. И. Потапова. — Корткерос, 2017. — 11 с.
• Путешествие по Корткеросскому району (Литературные памятные места): путеводитель / Центральная библиотека им. М. Н. Лебедева МУ «Корткеросская ЦБС»; сост. Г. Р. Изъюрова; дизайн-макет И. А. Коюшева. — Корткерос, 2016. — 24 с.
• Комбат из Корткероса. Документальная повесть о подвигах и любви гвардии майора Николая Нестерова / Центр. б-ка им. М. Н. Лебедева; сост. Р. А. Мингелайте, С. А. Кутькина; худож. К. М. Кирушев. — Корткерос, 2015. — 88 с.: фото. — («Люди земли Корткеросской»).
• Материалы Республиканской конференции, посвящённой 130-летию со дня рождения Агнии Андреевны Сухановой (III Сухановские чтения) 2 апреля 2014 года / Центр. б-ка им. М. н. Лебедева; сост. В. В. Шестакова; худож. А. Моторина. — Корткерос, 2014. 68 с.
• Композиторы земли Корткеросской: Дайджест / Центр. б-ка им. М. Н. Лебедева; сост.: Г. Р. Изъюрова, Н. Г. Кирушева. — Корткерос, 2013. — 172 с. — Библиогр.: с. 166—171 (101 назв.). — 30 экз.
• Судьба или призвание: биобиблиографическое пособие / Центр. б-ка им. М. Н. Лебедева МУ «Корткеросская ЦБС»; сост. Г. Р. Изъюрова; ред. А. И. Потапова, Г. А. Кравчук. — Корткерос, 2012. — 64 с. — библиогр.: с. 48-59 (139 назв.).
• Корткерос — моя родина малая: путеводитель по историческим и памятным местам села Корткерос / Администрация муниципального района «Корткеросский», Администрация сельского поселения «Корткерос», Центр. б-ка им. М. Н. Лебедева МУ «Корткеросская ЦБС»; [сост. Г. Р. Изъюрова]. — Корткерос: [б. и.], 2008 (Сыктывкар: Коми республиканская типография). — 103, [5] с.: фото; 17х22 см. — Текст на рус. и коми яз. — 500 экз.
• На земле Кöрт Айки: каталог выставки работ художников с. Корткерос, октябрь 2007 — июнь 2008 / Центр. б-ка им. М. Н. Лебедева; сост. Р. А. Мингелайте. — Корткерос, 2008.
• Сьöлöм кудйысь: Кывбуръяс / Корткеросский районный отдел культуры, районная газета «Звезда»; сост. Корткеросская районная библиотека. — Корткерос, 1996. — 19 с. — Пер. загл.: Сердечный кузовок.

Пасйӧдъяс

Литература

Рочева Ирина Владимировна. Бытовые условия деятельности культурно-просветительных учреждений системы Наркомпроса в Коми АССР в годы Великой Отечественной войны // Манускрипт. — 2019. — № 4.

Ыстӧгъяс

• Корткеросская Централизованная библиотечная система (рус.). kortcbs.ru.
• МУ «Корткеросская ЦБС» | ВКонтакте (рус.). vk.com. Шыӧдчан кадпас: 22 тӧвшӧр тӧлысь 2026.