Норкин Игорь Викторович
| Норкин Игорь Викторович | |
|---|---|
|
| |
| 2020 — 2025 | |
| 2011 — 2015 | |
|
|
|
| Чужис | 1968-ӧд вося йирым тӧлысь 12-ӧд лун (55 арӧс) |
| Образование | Сӧветскӧй Союзса Маршал Г. К. Жуков нима Воздушно-десантнӧй военнӧй академия (1999), Москваса выль юридическӧй институт (2000) |
| Наградаяс |
 |
Норкин Игорь Викторович (1968 вося йирым тӧлысь 12-ӧд лун, Красноярск) — Коми Республикаса «Изьва» муниципальнӧй районса юралысь-администрацияӧн юрнуӧдысь (2020 восянь)[1].
Олантуй
Норкин И. В. чужис 1968 вося йирым тӧлысь 12-ӧд лунӧ Красноярскын.
1985 воын помаліс 4 №-а Павлоградса шӧр школа, а 1986 воын отличиеӧн помаліс 3 №-а Павлоградса СПТУ «числӧвӧй программаӧн веськӧдлан станокъяслӧн оператор» специальносьт серти.
1990 воын отличие дипломӧн помаліс Житомирса ПВО радиоэлектроника высшӧй училище, квалификацияыс — радиотехническӧй средствояс уджӧдан инженер.
1999 воын помаліс Сӧветскӧй Союзса Маршал Г. К. Жуков нима Воздушно-десантнӧй военнӧй академия, квалификацияыс — высшӧй военнӧй образованиеа офицер.
2000 воын помаліс Москваса выль юридическӧй институт «Юриспруденция» специальносьт серти, квалификацияыс — юрист.
1999 вося лӧддза-номъя тӧлыссянь 2003 вося вӧльгым тӧлысьӧдз служитіс штабса начальникӧс вежысьӧн.
2003 вося вӧльгым тӧлыссянь2009 вося моз тӧлысьӧдз служитіс штабса начальникӧн. Воинскӧй звание — полковник (2005 во).
2009 вося кӧч тӧлыссянь уджаліс «Сосногорск» муниципальнӧй районса администрацияӧн юрнуӧдысьӧс вежысьӧн.
«Сосногорск» кар овмӧдчӧминса администрацияӧн юрнуӧдысьлысь могъяс олӧмӧ пӧртысь.
2011 вося сора тӧлыссянь 2015 вося йирым тӧлысьӧдз — «Изьва» муниципальнӧй районса администрацияӧн веськӧдлысь.
2015 вося йирым тӧлыссянь 2016 вося моз тӧлысьӧдз уджаліс Печора районса администрацияӧн веськӧдлысьӧс вежысьӧн.
2016 вося моз тӧлыссянь 2020 воӧдз уджаліс Воркутаса да Печораса охрана юкӧнъясын.
2020 во кӧч тӧлысь 29-ӧд лунсянь — «Изьва» муниципальнӧй районса Сӧветлӧн 2020 во кӧч тӧлысь 29 лунся 6-9/1 №-а шуӧмӧн бӧрйӧма муниципальнӧй районса юралысьӧн — администрацияӧн юрнуӧдысьӧн[2][3].
Общественнӧй удж
- 2008—2009 — Печора кар овмӧдчӧминса депутат.
Наградаяс
- «За отличие в военной службе» Россия Федерацияса Оборона Министерстволӧн медаль (тыр кавалер: I, II да III тшупӧда);
- «50 лет космической эры» памятнӧй пас (2007 во);
- «За заслуги» космос войскаса военнослужащӧйяслӧн отличие пас (2007 во);
- «В память 100-летия Республики Коми» Коми Республикаса отличие пас (2021 во);
- «За заслуги перед Республики Коми» Коми Республикаса отличие пас (2023 во).