Олӧма йӧзлӧн войтыркостса лун
| Олӧма йӧзлӧн войтыркостса лун | |
|---|---|
.jpg) | |
| Кадпас | йирым тӧлысь 1 лун |
 Медиафайлы на РУВИКИ.Медиа | |
Олӧма йӧзлӧн войтыркостса лун ( ООН-лӧн официал кывъяс вылын: англичан International Day of Older Persons, араб اليوم الدولي للمسنين, испан Día Internacional de las Personas de Edad, китай 国际老年人日, француз Journée internationale pour les personnes âgées ) — пасйӧны 1991 восянь йирым тӧлысь 1 лунӧ. Вӧлі йӧзӧдӧма ООН-лӧн Генеральнӧй Ассамблеялӧн 45-ӧд сессия вылын (ӧшым тӧлысь 14-ӧд лунся №-а Резолюция) пӧрысь йӧзлӧн войтыркостса лун ним улын. Водзӧ вылӧ ООН-лӧн роч кывъя документъясын вӧлі примитӧма Олӧма йӧзлӧн войтыркостса лун ним.
Резолюцияын пасйӧма ООН-лӧн пӧрысьмӧм мытшӧдъяс кузя целевӧй фондӧ взносъяс чинӧм, шуӧма мирса олысьяслӧн зэв ӧдйӧ пӧрысьмӧм йылысь, да пасйӧма, мый олӧма йӧз вермӧны пуктыны тӧдчана пай сӧвмӧмӧ.
Генеральнӧй Ассамблея корис правительствоясӧс да абу правительственнӧй организацияясӧс вӧчны взносъяс пӧрысьмӧм мытшӧдъяс кузя торъя фондӧ.
Йирым тӧлысь 1 лунӧ мунӧны олӧма йӧзлысь инӧдъяс дорйысь котыръясӧн котыртӧм уна сикас фестиваль, конференция да конгресс, мый сиӧма налӧн инӧдъяслы да обществоын налӧн тӧдчанлунлы. Ӧтйӧза котыръяс да фондъяс тайӧ лунӧ нуӧдӧны уна сикас благотворительнӧй акция.
Быдвося темаяс
- 2021 — «Цифра ӧткодьлун став арлыдалы»
- 2020 — «Вежӧны-ӧ пандемияяс миянлысь пӧрысьмӧм да пӧрысьмӧм дорӧ видзӧдласнымӧс?»
- 2019 — «Арлыда ӧткодьлунӧ путешествие»
- 2018 — «Мортлысь инӧдъяс медся ёна дорйысьясӧс казьтылӧм»
- 2017 — «Аскиа лун: олӧма йӧзлӧн енби, пай да пырӧдчӧм»
- 2016 — «Олӧма йӧзӧс дискриминируйтӧм йылысь тӧдӧмлун кыпӧдӧм»
- 2015 — «Каръяслӧн зумыдлун да олӧма йӧзлы восьсалун»
- 2014 — «Некодӧс оз позь кольны бӧрын»
- 2013 — «Аскиа лун, мый ми кӧсъям: мый йылысь сёрнитӧны олӧма йӧз»
- 2012 — «Кузь нэм: аскиа лун артмӧдӧм»
- 2011 — «Мадрид +10: глобальнӧй тшупӧдын пӧрысьмӧмкӧд йитчӧм мытшӧдъяс да позянлунъяс паськӧдӧм»
- 2010 — «Олӧма йӧз да сюрс вося сӧвман могъяс шедӧдӧм»
- 2009 — «Йӧзкотыр став арлыда йӧзлы»
- 2008 — «Олӧма йӧзлӧн инӧдъяс»
- 2007 — «Пӧрысьмӧмкӧд йитчӧм мытшӧдъяс разьӧм да позянлунъяс паськӧдӧм»
- 2006 — «Олӧма йӧзлысь олӧмсӧ бурмӧдӧм: Ӧтувтчӧм Нацияяслӧн глобальнӧй стратегияяс олӧмӧ пӧртӧмын отсалӧм»
- 2005 — «Выль сюрс воын пӧрысьмӧм мытшӧдъяс: гӧльлун, олӧма аньяс да сӧвмӧм»
- 2004 — «Кӧленаяскостса йитӧдъяса йӧзкотыр олӧма йӧз»
- 2003 — «Пӧрысьмӧм мытшӧд йылысь паськыда тӧдмӧдӧм: пӧрысьмӧмлы паныд Мадридса войтыркостса удж нуӧдан план да Сюрсвося Декларацияын урчитӧм сӧвмӧм могъяс костын йитӧдъяс ёнмӧдӧм»
- 2002 — «Пӧрысьмӧм мытшӧдъяс разьӧм: мый позьӧ вӧчны талун?»
Россия
Россияын 1992 воын вӧлі примитӧма «Олӧма йӧзлӧн мытшӧдъяс йылысь» Верховнӧй Сӧвет президиумлысь торъя постановление, кӧні ООН-лӧн рекомендацияяс подув вылын йирым тӧлысь 1 лунсӧ йӧзӧдӧма Олӧма йӧзлӧн лунӧн. Тайӧ шуӧмас правительстволы вӧзйӧма нуӧдны олӧма йӧзлӧн войтыркостса лун кежлӧ сиӧм торъя мероприятиеяс, найӧс координируйтӧм вылӧ шуӧма котыртны торъя комиссия.
Содтӧд вежӧртасъяс
Эм вӧзйӧм пасйыны йирым тӧлысь 1 лунсӧ кыдз Войтыркостса кузь нэм лун, медым гӧгӧрвоӧдны пӧрысьмӧмсӧ кыдз медицина мытшӧд, мый позяс бурдӧдны терапия отсӧгӧн[1][2][3][4][5].
Пасйӧдъяс
- ↑ October 1st is International Longevity Day. Fight Aging! (1 йирым тӧлысь 2013). Шыӧдчан кадпас: 16 ода-кора тӧлысь 2021. Архивируйтӧма 16 ода-кора тӧлысь 2021.
- ↑ Ilia Stambler. Celebrations of the International Longevity Day around the World. IEET (29 йирым тӧлысь 2013). Шыӧдчан кадпас: 16 ода-кора тӧлысь 2021. Архивируйтӧма 12 ода-кора тӧлысь 2021.
- ↑ International Longevity Day. Huntington University (17 кӧч тӧлысь 2015). Шыӧдчан кадпас: 16 ода-кора тӧлысь 2021. Архивируйтӧма 16 ода-кора тӧлысь 2021.
- ↑ ILA announces the call for the Longevity Activism Prize. LongeCity (3 моз тӧлысь 2020). Шыӧдчан кадпас: 16 ода-кора тӧлысь 2021. Архивируйтӧма 12 ода-кора тӧлысь 2021.
- ↑ [José Luis Cordeiro. Día Internacional de la Longevidad (исп.). El Universal (3 йирым тӧлысь 2020). — [Международный день долголетия]. Шыӧдчан кадпас: 16 ода-кора тӧлысь 2021. Архивируйтӧма 12 ода-кора тӧлысь 2021.